LEXO PA REKLAMA!

SHKARKO APP

Akuzohen për disa vjedhje/ Prangosen dy kushërinjtë shqiptarë në Itali

18 Tetor 2017, 08:03, Aktualitet CNA

Mediat italiane bëjnë të ditur se dy  të rinj shqiptarë kanë rënë në pranga, pasi akuzohen të jenë autorë të disa vjedhjeve.

Gjithashtu mediat informojnë se dy kushërinjtë shqiptarë, 22 dhe 25 vjeç, dyshohet se që nga viti 2015 kanë vjedhur në apartamente në zonat e Pesaro-s, Riçione-s dhe në Rimini.

Mësohet se me anë të një mekanizmi me një shufër hekuri dhe kaçavida, shqiptarët ndërhynin në dritaret e banesave dhe më pas hynin brenda, duke vjedhur bizhuteri, para dhe rroba.

Gjithashtu bëhet e ditur se vetëm  në zonën e Pesaro-s në Villa Fastiggi, nga qershori deri para pak ditësh, dy kushërinjtë kanë hyrë në 30 apartamente, duke siguruar kështu sende me vlerë nga 1,500-2000 euro dërgoheshin çdo javë në Shqipëri. Sakaq, policia italiane po heton lidhur me dokumentimin e plot të ngjarjes./ CityNews

http://www.ansa.it/marche/notizie/2017/10/17/furti-seriali-marche-romagna-2-arresti_4e8422d2-1638-4746-9c94-f6bb38397f77.html

Lajmet e fundit nga