LEXO PA REKLAMA!

SHKARKO APP

E fundit!

x

Tahiri reagon pas akuzave / Të zbardhet deri në fund e vërteta

17 Tetor 2017, 14:40, Aktualitet CNA

Ish-ministri i Brendshëm Saimir Tahiri, doli në një konferencë për shtyp pas akuzave ndaj tij për përfshirje në trafikun ndërkombëtar të drogës.

Tashiri është shprehur se nuk ka asnjë lidhje me trafikantët e arrestuar, përfshirë këtu edhe Moisi Habilajn, për të cilin Tahiri tha se e ka kushëri të 10-të.

Ai ka kërkuar nga prokuroria dhe organet ligjzbatuese që të nxjerrin të vërtetën deri në fund.

Ndër të tjera Tahiri tha: 

Sot më shumë se kurrë secilido që më njeë përfshi familjen time, miqt dhe këdo që më ka takuar është i shtangur nga lajmet, sidomos përfshirja e emrit tim. Të gjithë presin përgjigje prej meje.

I falënderoj të gjithë kush më ka kontaktuar, ata që kanë punuar dhe punojnë ende me mua.

I kuptoj edhe kundërshtarët e mi në opozitë dhe jo vetëm. Ata nuk i akuzoj e as nuk i fajësoj, por shfrytëzojnë pallavrat e dy kriminelëve.

Kam punuar dhe besuar gjithmonë tek e vërteta.

Edhe sikur gënjeshtrën dhe abuzimin ta besojnë me mijëra e miliona vetë, sërish e vërteta vlen më shumë. qëndrova si ministër dhe nuk u dorëzova përballë kundërshtarëve që i kisha para apo në krah.

Nga sot pres me padurim që të dalë e vërteta.

Jam përpjekur me policinë duke punuar me ta dhe duke besuar te forca e pashtershme të djemve dhe vajzave të cilët ishin tradhtuar nga politika dhe jo vetëm..

Përballë të gjithëve, politikanë, media dhe të fortëve kam mbrojtur policin.

Kam punuar për modernizimin e policisë, për t’i kthyer asaj dinjitetin e merituar.

Kam besuar se puna jonë e madhe pashmangshmërisht do të na përplaste, sepse mund të bëheshin edhe gabime siç kam bërë edhe unë.

Të mbrosh qytetarin e thjeshtë dhe jo oligarkët, humbet miqtë, humbet politikën, humb shumë më shumë se kaq, humbet median dhe pronarët e tyre, që të mund t’i kontaktosh për të rregulluar lajmet e publikuara. dhe e kam bërë me vetëdije.

Kam humbur njerëz të pushtetshëm që kam dashur ti kem përballë e jo ti kisha përkrah edhe pse kishin fuqi të mëdha e përkrahje politike.

Duke humbur shumëçka me vetëdija bashkë me policinë arritëm shumë e jo pak.

Kjo luftë e gjithçka që arritëm kishte jo pak kosto për mua dhe shumë të tjerë.

Sot është një ditë jo e lehtë për mua në raport me veten, me moralin tim, me familjen time dhe me tim birë, me njerëzit që më njohin.

Dy kriminelë, janë kushërinjtë e shkallës së 10-të. Kanë përdorur emrin tim për tu mburrur, siç bëjnë jo rrallë herë ata që kanë lidhje me politikanët.

Kërkoj nga prokuroria të hetohet dhe verifikohet gjithçka, me mua dhe gjithçka, me punën time dhe jo vetëm, me familjen time e jo vetëm.

Jetojmë në një vend ku shumëkush ndan gratë për të fshehur pasurinë e tyre, por unë këtë nuk e bëj.

Gabimi im është se para disa vitesh kam shitur makinën time personale. Duhet të kisha verifkikuar se kujt po ia shitja makinën, nuk e kam vërtetuar edhe pse nuk bëhet këtu në vendin tonë, por unë duhet ta kisha bërë.

Pas kësaj nuk kam pasur asnjë marrëdhënie tjetër me ta.

Nuk kërkoj nga askush as të më besoj e as të më mbrojë, në politikë ose jo, siç nuk besoj nga askush që më njeh ose jo, që të jetë i fortë.

Publiku ka parë plot politikanë që edhe kur janë kapur me presh ne dorë duke vjedhur, e vrarë por fshiheshin pas politikës.

Do pres në vund çdo verifikim dhe hetim. Nuk do të rri duarkryq, por do luftojë vetë që drejtësia dhe hetimi të nxjerrë gjithçka.

Kam borxhin ndaj secilit për besimin që më kanë dhënë që ta çoj këtë deri në fund.

Lajmet e fundit nga