Connect with Us

STOP/Gjinekologia që “bën edhe priftin me barrë”

Aktualitet

STOP/Gjinekologia që “bën edhe priftin me barrë”

Publikuar

-

Në redaksinë e emisionit “STOP” kanë mbërritur disa denoncime për gjinekologen Nina Balili, e cila u thotë grave e vajzave që janë shtatzënë, pa qenë realisht. Emisioni “STOP” vendosi të testojë dhe investigojë fenomenin.

Një qytetare u paraqit në klinikën private të zonjës Balili në Kombinat dhe mjekja në fjalë, pasi i bëri ekon, e nxorri shtatzënë prej 6 javësh e dy ditë. Mjekja e këshillon të marrë kokërr aborti, pasi është në kohë. Pas këtij kontrolli, qytetarja në fjalë i drejtohet një tjetër klinike dhe një analize gjaku të specializuar, por nuk kishte gjurmë shtatzënie … Gjinekologia Rubena Moisiu shpjegon efektet anësore të kokrrës, që shkakton abort.

Kamera e fshehtë e emisionit “STOP” i drejtohet klinikës së gjinekologes Nina Balili, pasi sipas shumë denoncimeve, ajo i thotë të gjithë femrave që janë shtatzënë dhe u sugjeron kokrra aborti, që kanë shumë efekte anësore.

Qytetarja – Si jeni?
Gjinekologia – Mirë.

Qytetarja – Si dukeni?

Gjinekologia – Ti më bëre telefon?

Qytetarja – Po, unë të bëra.

Gjinekologia – Çfarë problemi ke?

Qytetarja – Unë kam ardhur kështu, si me besim tek ty se kam një problem. Tani unë dyshoj se kam ngelur shtatzënë. U bë gati dy muaj që cikli nuk më vjen.

Gjinekologia – Po test ke bërë?

Qytetarja – Kam bërë test.

Gjinekologia – Do të konfirmosh shtatzëninë?

Qytetarja – E.

Gjinekologia – Tani, është shtatzëni që e pret?

Qytetarja – Jo, ky është problem.

Gjinekologia – Ta konfirmojmë dhe pastaj do flasim bashkë. Këtu është vetëm një klinikë e licensuar për aborte.

Qytetarja – S’dua të ma marrin dhe vesh.

 

Gjinekologia – Asnjeri nuk ta merr vesh. Unë do të jap një numër, ti do komunikosh me ato dhe zëre se jam unë në këmbë. Tani, unë ndihmoj me këtë lloj klinike njerëzit që i dua shumë. Se unë po të dua i bëj vetë abortet, po s’kam qejf t’i bëj vetë. Kështu që kam dhe unë një as nën mëngë që ndihmoj njerëzit.

Gjinekologia Balili i bën ekon qytetares, ku zbulon se është “shtatzënë” prej 6 javë e dy ditë.

Gjinekologia – Unë do të ndihmoj, ta dhashë fjalën. Ti do shikosh se sa lehtë do mbarosh (punë).

Moj fati jot i keq! Je tamam për me kokrra. Dy muaj jo, je më pak. Je gjashtë javë e dy ditë. Mos shiko në ekran, më lër! Je për me kokrra, në rregull.

Qytetarja – Si përfundim?

Gjinekologia – Do të jap një numër unë e do shkosh të marrësh kokrrat. Atëherë nxirr telefonin, shkruaj këtë numrin edhe do flasësh pas orës nëntë. Do thuash: ‘Jam një shoqe e doktoreshë Ninës’, do përdorësh emrin tim.

Qytetarja – Kjo është mikesha jote?

LEXO EDHE:  Zbulohet rroga e velinave të Stop-it/ Ja sa paguhen vajzat e reja

Gjinekologia – Kjo është një nga mjeket më të mira, që bën aborte, e licensuar.

Qytetarja – Tani, sa e vështirë është për një muajshe e gjysëm?

Gjinekologia – Aspak e vështirë. Do pish kokrra, do kesh dhimbje edhe do të dali. Këtu bëhet vetëm eko.

Qytetarja – Faleminderit. ( i jep lekët)

Gjinekologia Kthehu prapë, të marrësh ndonjë masë më të rëndësishme.

O zemra ime, ke ardhur në kohën e duhur se kalon dhe një javë, vjen tamam. Ajo që do ta bëjë (abortin) do të sqarojë më shumë. Ti je fëmija im.

Qytetarja – Faleminderit shumë!

Qytetarja shkon në një laborator për të bërë analizën e Beta HCG-së, për të provuar nëse është shtatzënë, ashtu si pretendoi gjinekologia Balili.

Qytetarja – Desha të bëja këtë analizën e BHCG-së, këtë të shtatzënisë.

Erdha për këtë analizën. Ka dalë ajo? Si ka dalë?

Gjinekologia – Negative ka dalë.

Për të provuar sërish faktin që qytetarja nuk është shtazënë, këtë herë i drejtohet maternitetit “Koço Glozheni”.

Mjeku – Çfarë problemi ke, për çfarë po e bën ekon?

Qytetarja – Dyshoj për shtatzëni.

Mjeku – Po s’duket pra. Çohu, dil përjashtë!

Kamera e emisionit “STOP” shkon sërish te gjinokologia Nina Balili, por këtë herë e vendosur në një femër tjetër.

Qytetarja – Përshëndetje! Ju jeni doktoresha? Doja të bëja një eko barku.

Gjinekologia – Pse? Ça problemi ke?

Qytetarja – Në fakt kam patur kështu, si marrje mendsh, si përzierje.

Gjinekologia – Dyshon për ndonjë gjë?

Qytetarja – Dyshoj për shtatzëni.

Gjinekologia – Këtu del dyshim shtatzënie.

Emisioni “STOP” shfaqi me zë e figurë se si kjo gjinekologe mashtron vajzat, duke u thënë se janë shtatzënë e duke u dhënë pilula.

Rubena Moisiu, specialiste gjinekologe, tregon se pilulat, që u janë dhënë vajzave “shtatzënë”, kanë efekte anësore të menjëhershme.

“Dhimbje të forta barku, në formë krampesh në fund të barkut, hemoragji abondante, që mund të jetë në sasi shumë më të shtuar se sa një cikël normal menstrual, ndjenjë të fikëti, të vjella e deri në diare ndonjëherë.”

Ndërsa më pas ndikojnë në ciklin menstrual, duke i çrregulluar. Specialistja thekson se këto efekte mund të jenë më të rrezikshme te një femër që nuk është shtatzënë, duke rrezikuar edhe në shtatzënitë e ardhshme.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Agjenti i policisë u hoq si mysliman/ Stimuloi blerjen e 1 kg kokaine me vlerë 1 milion €

Publikuar

-

Nga

Gjykata e Tiranës dha të hënën masën e sigurisë “arrest me burg me afat 35 ditor” për efektivin e RENEA-s, Xhuljo Liçin.

Në “arrest me burg” u la dhe Dedë Nimani, ndërsa për Luan Gaçin gjyqtarja e gatshme u tregua më e butë duke vendosur  “arrestin shtëpiak”, duke nënkuptuar “karantinimin” e tij në banesë, deri në vendimin e prokurorit.

Xhulio Liçi, Dedë Nimani dhe Luan Gaçi u arrestuan gjatë një aksioni të SHÇBA e cila pasi kishte marrë informacion për veprimtarinë e paligjshme të Dedë Nimanit ishin vën nën mbikëqyrje të tij.

Në letrat e policisë dërguar prokurorisë thuhet se kokaina blihej nga 3 të arrestuarit në sasi 1-2 kg dhe më pas shitej në zona të ndryshme të Tiranës.

Dedë Nimani rezulton person me precedent të mëparshëm penal, ndërsa kishte më pak se një vit që kishte dalë nga burgu, i dënuar për drogë.

Punonjësi i Reneas i kursyeri i operacionit ?

Policia ofroi një agjent i cili bëri blerje të stimuluar. U hoq si fetar dhe grupi i besoi.

Edhe pse duket e rëndë, ky aksion i policisë nxorri në dritë një të vërtetë të hidhur. Vetë strukturat e Policisë së shtetit marrin përsipër të drejtojnë trafikun e kokainës duke xhiruar shifra marramendëse.

Ajo që u tha në sallën e gjykatës, dëshmoi se formën me të cilën policia futi në kurth, grupin e të arrestuarve të cilët në letra nuk rezultojnë të kenë komunikuar apo të njihen më parë me njëri-tjetrin.

Ky detaj ka dalë pas sekuestrimit dhe zbardhjes së telefonave celular të sekustruar pas arrestimit.

LEXO EDHE:  Zbulohet rroga e velinave të Stop-it/ Ja sa paguhen vajzat e reja

LEXO EDHE:  Hitparade i absurdit shqiptar/ Rruga “Kadri Roshi” mes shkurresh dhe plehrash

Pasi janë vënë nën vëzhgim të policisë, një agjent policie është hequr si i interesuar për blerjen e një sasie prej 1 kg kokaine, vlera e së cilës shkon mbi 300 mijë Euro.

Por në tregun Europian dhe atë të elitës brenda vendit vlera e saj shkon deri në 1 milion euro.

Ajo që u bë sebep për nisjen e hetimit ka qënë  mbajtja nën vëzhgim nga policia, të lëvizjeve nga ana e të pandehurit Deda.

Ai rezulton edhe në referimin e policisë të ketë qenë nën vëzhgim si një person me precedent penal në fushën e trafikut.

Madje ai pranoi se e vetmja gjë që dinte të bënte ishte pikërisht kjo, duke nënkuptuar rikthimin në zanatin e vjetër.

Si u ” peshkua” Deda nga agjenti policisë?

Këtë e pranon vetë i pandehuri në sallën e gjykatës, ku u shpreh se do të fliste me emra konkret për këtë çështje.

“E di pse i besova unë policit?

Se më tha, na gjejë pak drogë të mirë..

Ta gjejë unë i thashë ..për sa je i interesuar, sa do dhe më jep lekët dhe unë ta garantoj. Të dielën vete e marr unë ..

Polici ( blerësi  stimulues) : Unë jam mysliman dhe unë e kam per haram të merrem të dielave me këto punë, se ne ja kushtojmë familjes.

Aty e besova .. qenka dhe besimtar!”/CNA.al

LEXO TE PLOTE

Kronika

Kapja e kamionit me drogë/ Sekuestrohen pistoleta, para, makinë dhe telefona

Publikuar

-

Nga

Ditën e djeshme në Kosovë u kapën 400 kilogramë kokainë që dyshohej të ketë ardhur nga Brazili e fshehur në pakot e produkteve të mishit.

Detaje të reja janë zbuluar ku sipas të dhënave thuhet se janë sekuestruar edhe armë, fishekë, para, veturë e telefona.

Gjatë kontrollit policia ka gjetur edhe para të gatshme në euro e në denarë, revole e fishekë. Përveç këtyre, janë gjetur dhe konfiskuar edhe gjashtë telefona celularë e gjashtë kompjuterë.

Njoftimi i policisë:

Me urdhër të Prokurorisë Speciale, Policia e Kosovës në bashkëpunim me autoritetet italiane dhe ato të Shqipërisë kreu një operacion në Lipjan, që rezultoi me konfiskimin e 400 kg kokainë dhe arrestimin e shtatë personave të dyshuar.

Kokaina dyshohet se ka ardhur nga Brazili, e fshehur në pakot e produkteve të mishit te pules.

Me urdhër të Prokurorisë Speciale, Policia e Kosovës në bashkëpunim me autoritetet italiane dhe ato të Shqipërisë kreu një operacion në Lipjan, që rezultoi me konfiskimin e 400 kg kokainë dhe arrestimin e shtatë personave të dyshuar.

LEXO EDHE:  Stop/ Skandali i ri, shkon të shërohet nga Covidi, por vdes dhe grabitet në spital

LEXO EDHE:  Skandal/ Pacienti me Covid vdes dhe grabitet brenda spitalit, i marrin paratë nga portofoli

Kokaina dyshohet se ka ardhur nga Brazili, e fshehur në pakot e produkteve të mishit.Policia e Kosoves ka kryer bastisje në disa lokacione të vendit dhe nga burimet brenda prokurorisë se Kosoves mësohet se janë gjetur dhe sekuestruar dy revole, një TT dhe një me gaz, 25 mijë e 925 euro para të gatshme, 200 denarë MK, një veturë, 6 telefona celularë, dy laptopë, katër DVR dhe një Hard Disk.

Këto burime kanë bërë të ditur se shtatë të dyshuarit pas intervistimit, me vendim të prokurorit, janë dërguar në mbajtje./ CNA.al

LEXO TE PLOTE

Politikë

“Bomba” e Ristanit/ Basha fitoi 12 milionë dollarë nga humbja në 25 prill

Publikuar

-

Nga

Zgjedhjet e 25 prillit 2021, shënuan një tjetër dështim të kryetarit të Partisë Demokratike, Lulzim Basha. Ajo çfarë e bën edhe më të turpshëm rezultatin e këtyre zgjedhjeve është fakti që kryeministri Edi Rama, pas tetë vitesh qeverisje me një mijë e një bëma dhe gjëma arriti të ruante pothuajse të njëjtat kuota me vitin 2017, ndërsa Partia Demokratike, nën drejtimin e Lulzim Bashës, edhe pse me një rritje të vogël në krahasim me 2017, sërish kishte një rezultat më të ulët se në 2013.

Rezultati katastrofik i zgjedhjeve të 25 prillit ka shtuar edhe zërat për largimin e Lulzim Bashës nga drejtimi i partisë.

Mes zërave që kërkon largimin e Bashës është edhe Arben Ristani, ish-Sekretari i Përgjithshëm i Partisë Demokratike.

LEXO EDHE:  Hitparade i absurdit shqiptar/ Rruga “Kadri Roshi” mes shkurresh dhe plehrash

LEXO EDHE:  "Stop" sjell pamjet dhe zbardh rrenjët e përplasjes së biznesmenes në Lazarat

Por përtej kërkesës për largimin e Bashës një ditë më parë, Ristani ka bërë një tjetër deklaratë të fortë.

Sipas Ristanit, Lulzim Basha po e përdor partinë për biznes dhe PD është bërë si një ndërmarrje tregtare.

Nga studio e emisionit të “Të Paekspozuarit”, Arben Ristani po ashtu tha se Basha ka fituar 12 milionë dollarë në këto zgjedhje.

“PD është bërë si një ndërmarrje tregtare. Ka fituar 12 milionë dollarë, në këto zgjedhje zotëria”-tha Ristani.

Pas kësaj deklarate të Arben Ristanit, Lulzim Basha duhet të sqarojë ku shkuan 12 milionë dollarët?/ CNA.al

LEXO TE PLOTE