Aktualitet
Zvicër/ Gjendet ‘lumë’ kartmonedhash 500 € në tualetet e Gjenevës
Prokurorët zviceranë janë duke hetuar një rast të shënuar në Gjenevë ku janë gjetur dhjetra mijëra euro në tualete.
Kartmonedhat ishin të prera në 500 dollarëshe dhe janë gjetur në tualetet e një banke dhe të tre restoranteve aty pranë.
Mendohet se të gjitha kartmonedhat e gjetura i përkasin aktiviteteve të paligjshme të personave që i kanë fshehur poshtë tualteve.
Hetuesit janë duke kontrolluar kamerat e restoranteve për të kuptuar personat e mundshëm që mund të kenë fshehur kartmonedhat.
“Jemi duke u përpjekur të kuptojmë nëse kartmonedhat i përkasin grupeve kriminale të zonës”,- ka thënë prokurori i Gjenevës. /Citynews
Politikë
A ka bërë Najada Çomo ndërhyrje në fytyrë? Flet kirurgu estetik
Panajot Papa është një kirurg estetik, i cili i ftuar mbrëmjen e sotme në “Zonë e lirë” ka dhënë mendimin e tij për disa politikanë të njohur shqiptarë nëse kanë bërë ndërhyrje estetike në fytyrë apo jo.
Në ekran është shfaqur edhe fotoja e kandidates për deputete nga PS dhe mjekes Najada Çomo.
“Në këtë lloj rasti, fotografia e dytë ka më shumë ndriçim. Fotografia në këtë lloj rasti duket sikur ka bërë një trajtim, por duhet parë pacienti. Ekzistojnë disa filtra në Instagram që mund të arrihet një foto e tillë. Mund të ketë bërë botoks tek balli”, tha doktori./CNA.al
Politikë
Sot biznesmen dhe politikan/ Agron Shehaj zbulon si e fitoi milionin e parë
Kandidati për deputet i PD, Agron Shehaj është pyetur se si e fitoi milionin e parë
I ftuar në emisionin “Zonë e Lirë” ka treguar fillimet e tij në biznes dhe ndihmën që i kanë dhënë prindërit.
“Në 2005 mora 40 mijë euro borxh tek prindërit, prindërit e mi ishin punëtor në Itali. Me shumë punë, janë edhe mjeshtra të kursimit, i mblodhën këto para. Si e kam bërë milionin e parë? Kjo është pyetja ime e preferuar. Është suksesi i parë ai që më jep më shumë kënaqësi. Me shumë punë, mund dhe duke rrezikuar. Është falë prindërve të mi që kam arritur sukseset që kam arritur. Me 40 mijë euro fillova biznesin, përballova shpenzimet e para, pastaj me shumë punë, bëra nja ca borxhe kuptohet. Biznesin e kam krijuar këtë për tregun italian. Babait ia ktheva paratë pas 3 vitesh”, tha Shehaj./CNA.al
Politikë
Deklaratat e Yuri Kim/ Rama: Ambasadorja është keqpërdorur në mënyrën më brutale
Kryeministri Edi Rama ka reaguar lidhur me deklaratat e ambasadores së SHBA në Tiranë, Yuri Kim, për shit-blerjen e votës.
Rama tha se Kim është përdorur në mënyrën më brutale nga opozita e Lulzim Bashës.
Kreu i qeverisë deklaroi në Vizion Plus se është shumë dakord me thirrjen e ambasadores për fenomenin e shit-blerjes së votës.
“Ambasadorja amerikane është keqpërdorur në mënyrën më brutale, duke e kthyer krejt jashtë kontekstit, në ikonë propagande, të atyre që duan të kthehen në qeveri. Ambasadorja amerikane ka thënë një gjë që e dimë të gjithë, që jam 100% dakord, që ka bazë, lidhur me shit-blerjen e votës. Nuk ka fare diskutim! Nuk di çfarë të dhënash ka ajo, por nuk duhet të kesh të dhëna për të shprehur këtë shqetësim”, theksoi Rama./ CNA.al
