Connect with Us

Enver Hoxha i shkruan letër Ditmir Bushatit për fillin e kuq të politikës së jashtme

Aktualitet

Enver Hoxha i shkruan letër Ditmir Bushatit për fillin e kuq të politikës së jashtme

Publikuar

-

I dashur Ditmir

Për ty po e thyej rregullin që ministrat e kohës sime t’ u shkruajnë kolegëve të tyre të sotëm dhe po të shkruja vetë drejtpërdrejt. Këtë vendim e mora se më entusiazmoi shumë që ti në fjalimin tënd në parlament përdore shprehjen “filli i kuq i politikës sonë të jashtme”. Kjo ishte një shprehje që përdorej në kohën tone, kur flitej për “fillin e kuq ideologjik komunist” që duhet të përshkonte politikën në çdo fushë, në ekonomi, arsim, bujqësi, industri, politikën e jashtme, të brendshme etj.

Këtë shprehje “filli i kuq” e hoqi nga fjalori edhe Ramiz Alia që nga dhjetori 1990 kur u shtir sikur ndryshoi dhe nuk ishte më i lidhur me fillin e kuq ideologjik komunist. Këtë shprehje nuk e ka përdorur as shoku Gramoz Ruçi, që mbetet i lidhur me fillin e kuq, si me një fill çeliku. Unë prisja që këtë shprehje ta thoshte shoku Servet Pëllumbi, kur ishte kryetar i Kuvendit, se ai që ka qenë dhe mbetet shpirtërisht i lidhur me këtë fill të kuq ideologjik. Por Serveti e frenoi veten se kishte frikë mos e quanin komunist dogmatik.

Unë e kisha humbur shpresën që do ta dëgjoja edhe një herë këtë shprehje të thuhej nga qeveritarët tanë. Kisha pak shpresë te shoku ynë Fatmir Xhafa të cilin e kisha marrë në krah edhe në tribunë në festën e 1 majit. Une kisha shpresë se do ta dëgjoja Fatmirin të fliste për “fillin e kuq në politikën e brendshme” tani që është Ministër i Punëve të Brendshme, por ai më doli tradhtar si të gjithë ministrat e tjerë në këtë ministri, që nga Koçi te Kadriu. Madje edhe ministri i fundit, Hekurani, ai që më kërkonte t’ i pushkatonte me dorën e tij dy paraardhësit, kur erdhi dita ta tregonte veten, në 20 shkurt 1991, kur rrëzuan monumentin tim, nuk e zbatoi urdhërin për të hapur zjarr mbi turmën. Edhe Fatmiri si këta më doli, por prapë më mirë që është ai në atë post, se ndonjë tjetër.

LEXO EDHE:  Reagon Ilva Tare/Ajo që shkruan Citynews nuk është ndonjë zbulim

Kur askush nga djemtë tanë që kanë pushtetin sot, nuk guxonte ta thoshte këtë shprehjen e fillit të kuq, ja ku dole ti dhe more guximin ta thuash, madje duke u tallur me Amerikën. Se ti the që “filli i kuq i politikës sonë të jashtme janë marrëdhëniet me SHBA”. Por marrëdhëniet me SHBA të përshkuara nga filli i kuq janë ato që përshkohen nga fryma e librit tim “Imperializmi dhe Revolucioni”. Tallje më e madhe me Amerikën nuk është bërë në kohën tonë.

I jep shokut Sulë të falat e mia dhe thuaji se e puth në ballë për edukimin e përshkuar nga filli i kuq që të ka dhënë. Më kujtohet se një herë kur unë po mbaja një fjalim dhe fola për fillin e kuq, salla u ngrit në këmbë dhe po duartrokiste. Shoku Sulë ia mori këngës:

“Le të pëlcasë armiku, moj kala e kuqe”.

U përlota dhe e thirra shokun Sulë pranë vetes ta përqafoja.

Tani një lutje kam për ty, i dashur Ditmir. Mos u çudit edhe shoku Enver që ti e ke njohur si Xhaxhi Enver, lutet ndonjëherë. Këtë shprehjen që the sot në parlament, për fillin e kuq që përshkon marrëdhëniet e Shqipërisë me Amerikën, thuaje edhe në fjalimin që do të mbash tani shpejt në sesionin vjetor të Asamblesë së OKB. Se kështu e gjithë bota do ta mësojë se është e vërtetë ajo që thuhet në atë këngën e Ismet Drishtit:

“Që nga Jugu në majë të Verit,/

Qeverisin bijtë e Enverit.”

Ramizi më thotë si me shaka se duhet të falenderoj atë për ty, por kjo është një temë që nuk mund ta diskutoj me ty.

1 Koment

1 Koment

  1. Rospije Rilindje

    12 Shtator, 2017 at 8:57 pm

    Ju te Citynews.al turp te keni per rrjeshtin e fundit te shkrimit. Ne te beni aluzion sikur e ema e Ditmirit na paska qene rrospije dhe ka pjelle edhe kopil me sh. Ramiz. Turp tju vije dhe kaq!

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Saimir Tahiri: Prioriteti ynë është lufta kundër terrorizmit, jo kundër grabitjeve

LEXO EDHE:  Pjesë nga ditari i Ilir Metës/Petrit Vasili spiunoi për drogën në Skrapar

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Ministri i Shendetligësisë flet pa folur: Mos u qani për 300 mijë lekë

LEXO EDHE:  Ministri i Shendetligësisë flet pa folur: Mos u qani për 300 mijë lekë

 

LEXO TE PLOTE
Lajme të Rekomanduara: