Connect with Us

A do zgjasë Ruçi kundra Donaldit më shumë se Sala kundra Marizës?!?!?!?!?!

Aktualitet

A do zgjasë Ruçi kundra Donaldit më shumë se Sala kundra Marizës?!?!?!?!?!

Publikuar

-

Ambasada Amerikane në Tiranë më 9 shtator 2017 kreu një gjest publik kundër stërmazhorancës mavi të kryeministrit Edvin Rama. Ambasadori Donald LU, jo vetëm nuk mori pjesë në seancën e hapjes së legjislaturës së re të Kuvendit të Shqipërisë, por edhe ndaloi të marrë pjesë në këtë séancë edhe cdo diplomat amerikan të akredituar në Tiranë përfshirë edhe atë me titull “Chief of Station”. Gjesti ishte flagrant dhe i pa mbuluar me gjethe fiku diplomatike të tipit: “shuëm të zënë me punë për të marrë pjesë” etj.  Theksojmë se artificet tip “shumë të zënëme punë për të marrë pjesë”, që po përpiqet të injektojë në media Miti Tona i Shek. XXI, alias “Zonjusha Fufu” në Kryeministri nuk qendrojnë në këmbë.

Ambasadori Lu personalishtka qenë aq shumë, tepër, qamet i zënë me punë saqë këto 57 ditët e fundit ka marrë pjesë në dy aktivitete publike, që promovojnë kauzën LGBT. Normalisht na qënkërka shumë i zënë me punë ai dhe tërë stafi i ambasadës për të marrë pjesë në konsakrimin e Grampoz Rucit si kryetar Kuvendi?!?!??! Unë besoj se cdo lexues e kupton, që politikani veteran, ish minsitri i fundit i brendshëm i monizmit dhe i pari i pas rënies së bustit të Dullës dhe aktualisht kryetari i Kuvendit të Shqipërisë vlen më shumë sesa kauza e fundshpinës e kësaj apo asaj OJF-je shqiptare. Theksojmë se pjesëmarrja e ambasadorit Lu në aktivitete pro LGBT është shenjë heroizmi diplomatik duke pasur parasysh se me betimin e presidentit të ri Trump kauza LGBT në Shtëpinë e Bardhë realisht është shndërruar në brimën e fundit të kavallit për të mos thënë se është ……

Problemi nuk është refuzimi publik amerikan për Rucin “speaker” parlamenti, por sa kohë do rrezistojë Gramozi në pozitën e kryetarit të Kuvendit të Shqipëirsë, që është posti Nr.2 i shtetit shqiptar të paktën sipas protokollit të shtetit. Për jetëgjatësinë e rezistencës ndaj refuzimit publik të Ambasadës Amerikane në Tiranë për X apo Y politikan shqiptar kemi edhe precedentë interesantë.

 

Precedenti i Marizës refuzuese e mandatit të dytë presidencial të Berishës

Ambasadorja amerikane tashmë e harruar Mariza Lino në mars 1997, deklaroi publikisht se nuk do të merrte pjesë në punimet e seancës parlamentare (3mars 1997), ku do zgjidhej Sali Berisha për një mandat të dytë presidencial. Berisha u zgjodh president edhe pa prezencën në sallë të “Shen Marizës”, por fiks pas 113 ditësh u detyrua të dorëhiqej sipas formulës latine “Vi Coactus”!

LEXO EDHE:  Gazetari italian peng në burgjet turke/Gazetarë shqiptarë tregoni solidaritet me kolegun

Pyetja 1 milion dollarshe është a do rezistojë Ruci 113 ditë kryeparlamentar i Shqipërisë?! Shumë indicie janë të njejtat me ato të 20 viteve të shkuara. Opozita formale shqiptare, PD-ja sot është pak a shumë si opozita e tetorit 1996. Sot shefi “De facto” i PD-së njëlloj si Nano në vaktit është në burg. Më saktë Nano ishte në Burgun e Tepelenës, ndërsa Berisha është nën kërcënimin e burgosjes familjarisht. Delfinët e të ndjerit Gazidede në kryesinë e PSSH-së në tetor 1996 ngjajnë fiks me Lulushin kryetar “De Jure” të PD_së sot. Nëse i ndjeri Gazidede me fondin special të SHIK-ut u blinte delfinëve të tij në PS edhe biletat e avionit për të marrë pjesë në manifestime euro-socash pan europianë, Rama sot i jep Lulushit ndonjë koromane pushteti sa të kruajë dhëmbët.

Të kuptohemi drejt koromane jo rriskë pushteti, se kur vjen rradha për tendera blerje dhjetra million euroshe energjie elektrike fluturon brenda ditës Mustafa për tu zëvendësuar nga stërnipi mavi i të famshmit Hasan Bej Velcani! Në të tërë këtë shaqje estrade nga ato të grupeve amatore të Kombinatit të Autotraktorëve “Enver Hoxha” apo të Uzinës Dajti, ka vetëm dy elementë interesantë: afati 113 ditor dhe mënyra e rrëzimit të Gramozit përkatësisht: me dorëheqje vullnetare, pas bllokime llogarish bankare në “Scotia Bank” në Tortola Island, ose dhe në “Halk Bank” në Stamboll, apo “Vi Coactus” si Sala në vaktit.

Z.Gramoz me përvuajtje i kujtoj një shprehje urim, që ekziston në Mandarin, gjuhën e nënë së Ambasadorit LU: Jetofshi në kohëra interesante! Me siguri z. Gramoz do jetojë shumë shpejt në kohëra intreresante! /Nga GJERGJ THANASI

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Rama intervistë për mediat serbe/ Nuk duam kufij në Ballkan

LEXO EDHE:  Protesta e të rinjve studentor/ Një energji pozitive për vendin

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Rama intervistë për mediat serbe/ Nuk duam kufij në Ballkan

LEXO EDHE:  Rama intervistë për mediat serbe/ Nuk duam kufij në Ballkan

 

LEXO TE PLOTE
Lajme të Rekomanduara: