Aktualitet
Analisti jep alarmin/Sëmundja që ka prekur deri në palcë shoqërinë, policia të bërtasë!
Gazetari dhe analisti Mentor Kikia ka dhënë alarmin për përdorimin e drogës në mas të frikshme nga shoqëria shqiptare.
Referuar të dhënave të Institutit të Shëndetit Publik, Kikia shkruan se 16% e adoleshentëve janë përdorues të rregullt hashashi dhe drogave të tjera më të forta.
Sipas tij, kultivimi masiv i drogës nuk është thjesht një problem kriminal, por para së gjithash një problem i madh social dhe ekonomik.
Statusi i plotë:
Drama e madhe e shoqërisë. 16% e adoleshentëve përdorues droge
Kultivimi i kanabisit ka rënë ndjeshëm këtë vit. Kështu thotë policia jonë dhe kjo mund të jetë plotësisht e vërtetë. Por Instituti i Shëndetit Publik thotë se rreth 16 % e adoleshentëve(15-16 vjecarë) janë ndërkohë përdorues të rregullt hashashi dhe drogave te tjera me te forta. Kultivimi i drogës masiv i nuk është thjeshtë një problem kriminal, por para së gjithash një problem i madh social dhe ekonomik. Ai nuk na nxiu faqen nëpër botë si vend narkotrafikant, por na nxiu, na kriminalizoi ekonominë dhe shoqërinë. Kanabisi eshte nje mall qe sigurohet tashme lehte dhe lire. Kultivimi mund të ndalohet apo zbutet me operacione policie, por shoqëria nuk mund të shërohet me operacione policie.
Statistikat mbi numrin e bimëve të shkuluara apo të mbjella(më pak) sivjet, nuk mund të tunden si defterë suksesi derisa fëmijët këtu po shndërrohen në vartës të drogës nga dita në ditë, gjithnje e me shume. Ky është problem dhe për këtë duhet të bërtasin nëpër konferenca zyrtarët e policisë.
Shoqëria jonë është prekur tashmë deri në palcë nga kjo sëmundje që vazhdon të përhapet si kancer në trupin e saj./CityNews
Kronika
59 vjeçarja i jep fund jetës me armë gjahu/ Policia merr në pyetje familjarët
Një grua 59 vjeçare i ka dhënë fund jetës mbrëmjen e sotme në Mamurras.
Policia njofton se rreth orës 22:20 në banesën e saj gruaja me inicialet A. Sh. i dha fund jetës duke u vetëvrarë me armë gjahu.
Policia thekson se grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes, ndërsa pritet marrja në pyetje e familjarëve./CNA.al
Politikë
Kryemadhi flet për betejën me kancerin/ E kam të vështirë të gjej….
Kryetarja e LSI-së, Monika Kryemadhi, ka folur mbrëmjen e sotme për betejën e saj me kancerin në qafën e mitrës.
Kryemadhi tregoi se ajo është e detyruar që një deri dy herë në vit të marrë serum në gjak, ndërsa rrëfeu një problem që e has gjithmonë.
Ajo deklaroi në emisionin “Real Story” se e ka shumë të vështirë të gjejë një infermier që t’i gjejë asaj venën, pasi theksoi se e shpojnë 10 herë.
“Nëse kam erdhur në këtë drejtim. Nuk e kam thënë asnjëherë, po e them këtu sot. Unë jam një person i kategorizuar me kancerin në qafën e mitrës, që jam operuar. 1-2 herë në vit duhet të marr serum në gjak. E kam të vështirë të gjej infermier në Shqipëri, të më çpojë e gjejë venat pa 10 herë.
Është vetëm një djalë, i cili e ka aftësinë për të gjetur. Nëse ky djali ikën Gjermani, unë do përfundoj 1-2 herë në vit do shpohem në damarët e qafës. Imagjinoni qytetarët e tjerë. Sa të vështirë e kanë qytetarët me COVID-19. Sot duhet infermier, nesër elektricist, hidraulik. Duhen inxhiniera, specialistë. Duhen inxhinierë nafte”, tha kryetarja e LSI-së./ CNA.al
Aktualitet
Trishtuese/ Covid i merr jetën punonjësit të Shërbimit Social
Ditën e sotme ka humbur betejën me virusin Covid-19 punonjësi i Shërbimit Social Shtetëror, Jovan Kaçe.
Lajmi është bërë i ditur nga vetë institucioni përmes një postimi prekës në rrjete sociale.
Teksa rendit cilësitë e një qytetari model, Institucioni i Shërbimit Social Shtetëror, i shpreh ngushëllimet familjarëve dhe miqve të të ndjerit.
“Prehu në paqe Vani. Sot morëm lajmin e dhimbshëm të ndarjes së parakohshme nga jeta të mikut dhe kolegut tonë të nderuar Jovan Kaçe. Një koleg e mik i rrallë, një profesionist i shkëlqyer! Luftove fort për jetën, por virusi i tmerrshëm u tregua i pabesë me ty.
Miqtë e tu të Shërbimit Social Shtetëror do të të mbajnë gjithmonë mend të buzëqeshur si në këtë foto! Ngushëllimet më të sinqerta për familjen dhe miqtë e tu Vani (siç ne të thërrisnim)! U prehsh në paqe. Të qoftë i lehtë dheu” shkruan Shërbimi Social Shtetëror./CNA.al
Lajme të Rekomanduara:
Përplasjet/ Çfarë po ndodh me listën e PD në Korçë, kush janë pretendentët
Qarku i Korçës duket se do të jetë një nga më të vështirët në përzgjedhjen që do të bëjë Lulzim Basha. Kështu ishte edhe me...
“Nuk kam votuar prej 1992-shit”/ Dashnor Diko “i futet politikës”, tregon kë mbështet në zgjedhje
Këngëtari i njohur Dashnor Diko, ka rrëfyer sot se që prej marsit të vitit 1992 nuk ka votuar në asnjë zgjedhje. Mirëpo duket se këtë...
