Connect with Us

Skandali me dosjet “e fshehura” në gjykatë/ Gazetarja: Buxheti i shtetit ka pësuar gropë të madhe

Aktualitet

Skandali me dosjet “e fshehura” në gjykatë/ Gazetarja: Buxheti i shtetit ka pësuar gropë të madhe

Publikuar

-

Gazetarja Klodiana Lala ka folur për skandalin më të fundit në Gjykatën e Tiranës, ku rreth 300 dosje mbaheshin të fshehura dhe nuk dërgoheshin në Gjykatën e Lartë, pasi ndaj tyre ishte ushtruar rekurs.

Në rubrikën “Opinion”, në studion e lajmeve të News 24, gazetarja Lala tha se nga kjo situatë shteti është dëmtuar rëndë dhe buxheti i tij ka pësuar gropë të madhe.

“News24 e disponon listën, por bëhet fjalë për shumë palë dhe nuk duhen cënuar. Shumë dosje, të karakterit civil, është i paditur shteti, dhe bëhet fjalë për miliona para. Duke qenë se këto rekurse nuk janë rishqyrtuar në Gjykatën e Lartë, janë ekzekutuar në kohë. Nuk e di si do zgjidhet kjo çështje, se ka kapur mat edhe Drejtësinë kjo çështje. E gjithë çështja është bërë për para. Në 300 vendime flitet për miliona euro. Ka shumë biznese që kanë hedhur në gjyq drejtorinë e tatimeve, apo dhe institucione të tjera. Këto dosje janë mbajtur në mënyrë të padrejtë në një ambjent të paautorizuar. KLD më konfirmoi se do hetohen edhe gjykatësit nëse kanë patur dijeni për këtë çështje. Shteti në këtë pikë është i dëmtuar rëndë. Buxheti i shtetit ka pësuar gropë të madhe. Hajro thotë se janë dëmtuar rëndë dhe interesat e shtetit shqiptar,” është shprehur gazetarja Klodiana Lala.

Ajo thotë se hetimi ka nisur që në muajin korrik dhe bëhet fjalë për rekurse që ishin mbajtur në Gjykatën e Tiranës që nga viti 2006.

“Hetimi i skandalit nisi në muajin korrik. Rekurse ishin mbajtur në Gjykatën e Tiranës ishin mbajtur që nga viti 2006. Dosjet sipas ligjit nuk kishin shkuar në pjesën e sekretarisë, por në arkivin e Gjyqësorit. Ministrja shkarkoi sekretaren dhe kryegjykatësen nga puna. Dosjet janë arkivuar dhe nuk janë vendosur në kryesekretari. Do të nisin hetimet, se dosjet janë mbajtur me vite. Zv/ministrja e drejtësisë Etilda Gjonaj ka ngritur një grup pune për të inspektuar rreth çështjes,” tha Klodiana Lala.

Mes të tjerash Lala ka bërë të ditur se gjithçka do të bëhet e qartë pas verifikimit dhe hetimit të prokurorisë, se çfarë dëmi i është shkaktuar shtetit shqiptar. Ndër të tjera ajo pohoi se bëhet fjalë për dosje të 11 viteve të fundit. Lala tha se ka dyshime që e njëjta situatë mund të paraqitet edhe në gjykata të tjera, psh si ajo e Korçës.

LEXO EDHE:  Skandali në Stop/Rilindja e shëndetësisë i mori jetën vëllait të deputetit të PS

“Ka përplasje edhe mes individëve apo bizneseve private. Tek këto dosje vetëm një është për çështje penale. Po verifikohet nga grupi i punës. Më pas ne do të kemi një panoramë të qartë se çfarë i është shkaktuar shtetit shqiptar, dhe më pas një hetim nga prokuroria. A paraqitet kjo situatë edhe në gjykata të tjera? Mendohet se e njëjta situatë paraqitet në Korçë. Bëhet fjalë për dosje të arkivuara prej 11 vitesh. Mund të kemi dosje të rënda, vrasje, përdhunimi, apo ‘21 janari’ apo ‘Gërdeci’.

Nga ana tjetër gazetarja Klodiana Lala tha se ndonëse të interesuarit kanë menduar se çështja e tyre mund të ketë shkuar në Gjykatën e Lartë, por ka qenë pjesë e këtyre 300 dosjeve.

“Për këto çështje ka pasur interesim, por kanë marrë përgjigje në mënyrë administrative. Në momentin kur u zbulua skandali, janë duke u verifikuar rekurset për të parë nëse këto çështje kanë kaluar në rekurs, po mund të kenë vajtur në një mënyrë tjetër. Ata që kanë marrë vesh skandalin, mund t’i drejtohen gjykatës për të parë se si mund të jetë çështja. Kjo jo vetëm është drejtësi e mohuar, por edhe e vonuar. Njerëzit kanë qenë të qartë që kjo çështje është shqyrtuar psh nga Gjykata e Lartë, por ajo nuk mund të ketë vajtur. Gjykata e Lartë mund të mbajë një qëndrim ndryshe tani, nëse është dëmshpërblyer X subjekt, apo një tjetër, i bie që subjekti të kthejë lekët pas”, përfundoi Lala.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  SKANDALI/ Kryeministria 7 vjet pa paguar energjinë, PS-13 dhe PD-11

LEXO EDHE:  Si nisi "lufta" për këngëtaren dhe kush ishte biznesmeni që e shoqëronte?/ Klodiana Lala zbërthen vrasjen

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Skandali në Stop/Rilindja e shëndetësisë i mori jetën vëllait të deputetit të PS

LEXO EDHE:  Klodiana Lala zbulon emrat e kandidatëve për Kryeprokuror

 

LEXO TE PLOTE
Lajme të Rekomanduara: