Connect with Us

Nga Arian Galdini/ Opozita jo si stinë e re, por si mision!

Aktualitet

Nga Arian Galdini/ Opozita jo si stinë e re, por si mision!

Publikuar

-

Shpresa ime është që ky makthi i periudhës para dhe paszgjeshore të përfundojë bashkë me vapën e gushtit. Kur në politikën e një vendi, vijnë ditë tilla kur Qeveria sillet si Opozitë, Opozita bën si Qeveri, e më keq akoma kur gjysma e Qeverisë kalon në Opozitë, e gjysma e Opozitës bëhet pjesë e Qeverisë, kjo është shenja e fundit e rënies së demokracisë. Kishim kohë që e dinim dhe e dëshmonim çdo ditë, të vërtetën e madhe e të trishtë se në vendin tonë, politika nuk bëhet me as me meritë, as me ide, as me konkurencë.

Paraja, Forca dhe Implikimi janë kthyer në tre kushtet bazë për tia dalë mban në politikën e këtij vendi të vogël. Me para blihen media, bëhen organizime, paguhen ushtri të tëra me mercenarë, etj, etj. Me Forcë meren votat që nuk blihen dot sepse janë votues të dorëzuar. Ndërsa me implikimin, zgjidhen të gjitha pazaret klienteliste, thurren të gjitha rrjetat e ndarjes së plaçkës dhe përfshirjes në lojë vetëm të sojit të të bindurve dhe të atyre që shkëmbejnë me njëri-tjetrin gjithçka jashtë syve dhe veprimit të ligjit. Ngritja dhe mbizotërimi i këtyre tre kushteve bazë në politikën shqiptare, na kishte krijuar ndjesinë e kënetës që qelbej gjithnjë e më shumë nga dita në ditë.

Gjithësesi, kurrë nuk e kishim menduar e as besuar se do të mbërrinim në një realitet të tillë skizofrenik, kur Qeveria dhe Opozita do të ishin hemafrodite, pa seks fare ose me të dyja sekset. Që duhet të ketë bashkëpunim luajal, korrekt, parimor, transparent e të ndalshëm mes Qeverisë dhe Opozitës së një vendi, për hir e për të mirën e vendit, kjo as që diskutohet. Por që e vetmja mënyrë sesi Qeveria dhe Opozita të mund të bashkëpunojnë me njëra -tjetrën, të jetë hemafroditizimi, pra hyrja e Qeverisë në Opozitë dhe hyrja e Opozitës në Qeveri, kjo është marrëzi dhe ligësi kozmike. Së pari, Opozita nuk është antiqeveritarizëm.

Kur Opozitarizmi shihet si 3 Konferenca për Shtyp në ditë, ku shahet, denoncohet e telendiset Qeveria, shtoi këtu edhe statuset ne facebook, e 4 të enjte në muaj me fjalime panegjerike kundër Qeverisë e Ministrave, sigurisht që nuk ka asnjë lidhje me qytetarët dhe gjendjen e tyre. Opozitarizmi i tillë është përdorim i pastër i fuqisë së parasë, strukturave, organizimit, përvojës ish-qeverisëse, klientelizmave, për të përçuar aq mesazh e as kumt kundërshtie sa mbart interesi i organizatës. Nuk shkon dot përtej. Nuk lidhet dot as me ndjesitë, as me interesat e as me gjendjen e qytetarëve.

Kundërshtia sa madhësia e një organizate, mund të të sigurojë fuqinë e mbizotërimit, por nuk ka asnjë mënyrë e mekanizëm sinergjik për të të dhënë fitoren. Kundërshtia sa madhësia e një organizate, mund të të udhëheqë në marrëveshje e bashkime e bashkëpunime mekanike dhe matematike me të tjerë faktorë, aktorë, organizata, grupe a njerëz, por nuk të jep sinergji. Matematika e ftohtë funksionon me logjikën se 1 + 1 = 2. Sinergjia ka tjetër rregullsi. Bashkimet sinergjike mund të bëjnë që 1+1 të bëjë edhe 5 edhe 7. Bashkimet matematike janë të ftohta sepse janë bashkime fuqie të matshme. Bashkimet sinergjike janë krejt ndryshe, sepse janë bashkime parimore, vlerore e mund të shkojnë përtej imagjinatës së ngurtë.

LEXO EDHE:  Mosbindja civile/ Basha mbledh sërish opozitën

Duke dalë nga Opozitarizmi si Antiqeveritarizëm, ne mund të ndërtojmë sintoni vlerore me qytetarët e të bëhemi realisht zëri dhe institucioni i tyre i lirë. Së dyti, Opozitarizmi si Antiqeveritarizëm, kalon lehtësisht në Opozitarizëm si klientelë dhe shërbim qeveritar. Janë dy të kundërta që përputhen lehtë, sepse duan të njëjtën gjë. Janë në antagonizëm kur njëra palë nuk ka pjesë tek plaçkëndarja e Qeverisë. Po të bien dakort për të ndarë plaçkë, atëherë Opozitarizmi si Antiqeveritarizëm, lehtësisht shndërrohet në shërbim të mirëpaguar nga vetë Qeveria.

Këtë bëjmë mirë ta kemi të qartë e të fshijmë çdo iluzion se mund të jetë ndryshe. Së treti, Opozita nuk është as çështje morali e as numrash. E vërteta është se kështu si jemi, këtu ku jemi, i vetmi moral dhe të vetmit numra që njeh politika shqiptare janë paratë, të fortët dhe të implikuarit. Ndaj është e kotë të hyjmë në ligjërime shterpë me moral e numra. Opozita është çështje misioni. Misioni i Opozitës fillon nga njëhsimi me qytetarin. Opozita duhet të shkëputet nga çdo lidhje me Qeverinë e Qeverisjen. E vetmja lidhje që duhet të ketë Opozita me Qeverinë, duhet të jetë ajo që ka një qytetar i thjeshtë me Qeverinë.

Pra edhe kur e do, edhe kur nuk e do, edhe kur e kundërshton edhe kur nuk e kundërshton, ti e respekton kushtetutshmërisht, ligjërisht dhe parimisht me Qeverinë, sepse është Qeveria jonë, e të gjithë neve, votues ose jo të saj. Opozita bashkëpunon me Qeverinë për Kushtetutën, Ligjet dhe Vendin. Opozita nuk bashkëpunon për të pasur pjesën e saj të plaçkës. Kur kufijtë dhe parimet e bashkëpunimit janë të tilla, pra transparente, të qarta dhe vetëm për interesin e vlerën publike, shtetërore dhe kombëtare, atëherë edhe ndarja është e pastër.

Qeveria bën Qeverinë dhe udhëheq punët e vendit ndërsa Opozita përfaqëson qytetarët e i kërkon llogari Qeverisë në emër të qytetarëve. Misioni i Opozitës nuk është që të jetë thjesht dhe apriori kundër Qeverisë. Misioni i Opozitës është që ti japë pushtet institucional përfaqësimi dhe llogarikërkimi qytetarëve, tu japë fuqi pakicave, e mbi të gjitha të lexojë e kuptojë drejtë e saktë sesi e duan qeverisjen e ardhshme qytetarët. Opozitarizmi si mision nuk është kopjues as skematik. Opozitarizmi si mision është kreativ, çlirues, frymëzues, dinamik dhe i pakompromentueshëm./CityNews

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Protesta e opozitës/ Artan Hoxha zbardh prapaskenat

LEXO EDHE:  Manastirliu sulmon opozitën për listën e barnave të rimbursueshme

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Mosbindja civile/ Basha mbledh sërish opozitën

LEXO EDHE:  Ftesa e PS-së për bisedime/ Alibeaj: Tashmë kërkesa ka evoluar

 

LEXO TE PLOTE
Lajme të Rekomanduara: