Connect with Us

Nga Lutfi DERVISHI/ Prapë e mbyti babai vajzën…?!

Aktualitet

Nga Lutfi DERVISHI/ Prapë e mbyti babai vajzën…?!

Publikuar

-

Dy vjet më parë saktësisht në 10 gusht në portale u shfaq “lajmi” se një baba në plazhin e Dubait e la vajzën të mbytej pasi nuk lejoi që ta prekinin meshkuj të tjerë (rojet e shpëtimit)….

Këto ditë ky “lajm” është rikthyer dhe botuar edhe në portale që nëse nuk i quan dot serioze pa dyshim që janë të rëndësishme për nga audienca që kanë. Çudi që janë rikthyer këtij lajmi këtë fundjavë se nuk është se kemi qenë keq për lajme. Zjarr, aksidente, madje ra edhe shi!

Ngjarja me tituj nga më trishtues (nëse ka ndodhur i takon shekullit të kaluar). Ndryshe nga vera që me kalimin e kohës bëhet më e mirë. Lajmi me kalimin e ditës nuk është më lajm! Edhe pse ribotohet pas dy vjetësh në portalet në Tiranë, pyetja kryesore KUR ka ndodhur kjo ngjarje mungon?!

Lajmi (pothuaj si 99.9999 e lajmeve është pa autor) por gjithsesi e sigurtë është se duhet të ketë marrë klikime.

Shënimi i botuar 2 vjet më parë

Klikimet 1 gazetaria 0

Një baba e lë vajzën 20 vjeçare të mbytet. Nuk pranon ta shpëtojnë rojet e plazhit sepse është i bindur se po ta prekin vajzën do ta çnderojnë. Pas ngjarjes babai është arrestuar nga policia. Ky është lajmi nga Dubai që u botua me shpejtësinë e dritës në shumë gazeta on-line. Në një prej portaleve lajmi ishte shkruar në mënyrë të tillë që të krijonte përshtypje se gazetari e kishte parë ngjarjen me sy dhe vajzën që luftonte për jetën dhe babanë që bëhet agresiv dhe shtyn me forcë rojet… Poshtë lajmit vijojnë komentet. Pothuaj 100% anonime. Opinionet nga më të ndryshmet. Nga personat që kërkojnë arrestimin e rojeve të plazhit se nuk kanë bërë detyrën tek deri tek varja në litar e “babait”.

Në mes të këtyre vendimeve ekstreme emëruesi përbashkët: feja e prapambetur islame. Nuk mbetet pas politika. Me këtë rast kujtohet se e keqja nis me anëtarësimin e Shqipërisë në Lidhjen Islamike dhe fajtori për këtë ngjarje sipas një komentuesi është Sali Berisha! Çudia më e madhe zgjat 3 ditë, – thuhej dikur. Sot në epokën e internetit, çudia më e madhe zgjat deri tek “botimi” i lajmit tjetër. Lajmi tjetër është se kjo ngjarje ka ndodhur 20 vjet më parë. Ndryshe nga vera që sa më e vjetër aq më e shijshme, lajmi ka jetëgjatësinë e shkurtër. Dje, (para internetit) thuhej se lajm është çdo gjë që nesër nuk është më lajm.

Lajmi “pozitiv” është se portalet në Tiranë nuk shkruan “ekskluzive”. Duket për çështje “nderi” nuk shkruan as nga e kanë marrë dhe përkthyer me Google Translate! Ngushëllimi është fakti se nuk është vetëm media on-line në Shqipëri që ka botuar lajmin. Janë edhe portale të huaja.

Në kohën e cunamit informativ, është e pashmangshme që të bësh gabime, madje edhe gafa. Por ajo që bën dallimin është: korrigjimi. Nuk gabojnë vetëm portalet pa përvojë dhe pa gazetarë, gabojnë edhe media që janë etalon i cilësisë.

LEXO EDHE:  Largimi i Renzit dhe gezimi i disave ne Tirane/ Nga Alban Daci

Më pak se një vit më parë Nju Jork Times, botoi një “korrigjim” sepse kishte bërë një gafë. Gazeta i kërkoi ndjesë sepse kishte cituar Kanye West (bashkëshorti i Kim Kardashian) nga një intervistë që kishte dhënë për radion wGYN në Çikago. Citimet ishin marrë nga një website satirik. E vërteta, radio nuk ekzistonte dhe intervista ishte e sajuar”. Asnjë portal në Shqipëri nuk kërkoi ndjesë madje as nuk botoi sqarim. Të paktën ndjesë anonimëve që morën mundimin të komentojnë dhe të analizojnë “lajmin”.

Një nga 5 pyetjet bazë në raportimin e një ngjarje është pyetja kur? Madje në çdo lajm rekomandohet të jetë në paragrafin e parë. Kur ka ndodhur kjo….? Nëse ka ndodhur 20 vjet më parë ka lidhje me historinë, arkeologjinë…. por jo me gazetarinë.

“Një polic është i mirë nëse ka informatorë të mirë, – është një thënie në serialin amerikan “The ëire”. Në analogji me gazetarinë, një gazetar i mirë është ai që ka burime të mira informacioni. Janë me dhjetëra çdo ditë, “lajme” të prodhuara nga zëdhënësit në rastin më të mirë dhe nga fantazia në rastin më të keq. Dhe në mungesë të burimeve të informacionit,një pjesë e titujve kanë lidhje me shkrimin po aq sa ka lidhje byreku me kekun…

Gjithsesi situata nuk është pa shpjegim. Portalet nuk kanë staf të mjaftueshëm për të kontrolluar dhe verifikuar çdo informacion. Në kushtet kur duhet të shfaqin 100 apo më shumë lajme në ditë, afërmendsh që gabimet do të ndodhin.

Por më shumë se mungesa e fuqisë punëtore, gafa të tilla ndodhin për shkak të etjes për klikime. Edhe portale serioze kanë rënë në grackën e pornografisë sepse shohin se aty ka shumë klikime dhe madje duket se më shumë klikime ka tek lajmet e tipit: “babai lë vajzën të mbytet…” Dhe fajtorë për këtë gjendje nuk janë vetëm portalet. Nëse nuk do të lexojmë më portale që bëjnë qimen tra dhe qullin me qime, nëse nuk do të klikojmë lajme vetëm për se ka foto lakuriq, ndoshta në këtë mënyrë krijohet hapësirë për të vërtetën lakuriqe.

Dhe për këtë të vërtetë, duhen gazetarë dhe redaktorë. Në internet gjen programe falas (jo vetëm thjesht google) për të kontrolluar nëse informacioni apo foto/videoja është e vërtetë. Në çdo minutë, janë dhjetëra orë video që ngarkohen në Youtube, mijëra postime në Facebook e Instagram. Por jo çdo gjë që fluturon, hahet. Një gazetari e mirë di të zgjedhë dhe të kontrollojë. Dhe prandaj besojnë në atë që lexojnë se mendojnë se është gatuar nga njerëz të zanatit! Një gazetari e mirë nuk mbytet në një pikë uji. Një gazetari e mirë nuk e mbyt tjetrin për herë të dytë, pas 20 vjetësh! Një gazetari e mirë kërkon ndjesë kur gabon. Në të kundërt shfaq arrogancën e pushtetit që ka. Pushtet që e merr nga njerëzit on line.

Deri më tani klikimet 1, gazetaria 0.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Krim brenda familjes në Tiranë/ Kunati vret kunatën

Publikuar

-

Nga

Kërcet arma në Durrës/ Plagosen babë e bir

Një ngjarje e rëndë ka ndodhur para pak minutash në Tiranë.

Sipas informacioneve të para bëhet  fjalë për një vrasje brenda familjes në Bathore.

Mësohet se kunati ka vrarë kunatën.



Nuk dihen ende shkaqet dhe rrethat e këtij krimi tragjik, por pritet që policia të zbardhë detaje.

Vijon..

LEXO TE PLOTE

Kronika

613 kg kokainë në banane/ Dënohet me 14 vite burg Arbër Çekaj

Publikuar

-

Nga

613 kg kokainë në banane/ Dënohet me 14 vite burg Arbër Çekaj

Gjykata e Posaçme ka dënuar me 21 vite burg Arbër Cekajn, i akuzuari për trafikimin e sasisë më të madhe të kokainës të kapur ndonjëherë në vendin tone.

Prokuroria e Krimeve të Rënda kërkoi 21 vite burg për biznesmenin Çekajn dhe GJKKO mori të njëjtin vendim.

Duke qenë se përfiton ulje dënimi, Cekaj do të bëjë vetëm 14 vite burg. Ndërkohë, Donald Lushaj u dënua me 16 vite burg që i shkurtohen në 10 vite e 8 muaj dhe Armando Pezaku me 13 vite që me uljen i mbeten 8 vite e 8 muaj.



Kujtojmë se në fillim të vitit 2018 u kapën 613 kg kokainë të fshehura në banane, në portin e Durrësit, ngarkesë e cila po shoqërohej nga shoferi Armando Pezaku dhe menaxheri i “Arbri Garden”, Donaldo Lushaj, të cilët u paraqitën për të kryer zhdoganimin.

LEXO EDHE:  Video-Debate të forta mes dy analistëve/ Fevziu iu ul zërin e mikrofonave

LEXO EDHE:  Video-Debate të forta mes dy analistëve/ Fevziu iu ul zërin e mikrofonave

Kontenieri me banane vinte nga Kolumbia për llogari të “Arbër Garden”, pronar I të cilit ishte Arbër Çekaj. Ai u arratis në Gjermani ku kërkoi edhe azil, por më pas u ekstradua drejt Shqipërisë për tu përballuar me drejtësinë shqiptare./ CNA.al

LEXO TE PLOTE

Politikë

Shqipëria shkeli direktivën e BE-së për hidrocentralin e Poçem/ Nisin hetimet

Publikuar

-

Nga

Shqipëria shkeli direktivën e BE-së për hidrocentralin e Poçem/ Nisin hetimet
Sekretariati i Traktatit për Energjinë në Vienë njoftoi se ka hapur hetim të thelluar për Shqipërinë pasi një vlerësim paraprak gjeti që qeveria e kryeministrit Edi Rama shkeli direktivën e Bashkimit Europian për vlerësimin e ndikimit në mjedis kur i dha me koncesion të pakërkuar një kompanie turke të drejtën për ndërtimin e hidrocentralit të Poçemit mbi lumin Vjosë.Sekretariati i Komunitetit të Energjisë i dërgoi një letër qeverisë shqiptare të martën ku i kërkohet të përgjigjet për akuzat se qeveria shkeli rregullat e Bashkimit Europian në dhënien e kontratës së Poçemit, të cilat janë detyrim ligjor për shkak të Traktatit të Energjisë në të cilën Shqipëria është palë.

“Sekretariati paraprakisht gjeti se procedurat administrative të kryera për projektin ishin jo në përputhje me kriteret e Direktivës 2011/92 të BE-së, në veçanti në lidhje me kërkesat e Direktivës për përmbajtjen e raportit mjedisor dhe kërkesat për konsultim publik,” njoftoi Sekretariati në një deklaratë për shtyp.

“Duke dërguar letrën fillestare, Sekretariati nisi një procedurë paraprake, synimi i të cilës është t’i japë Shqipërisë mundësinë të reagojë ndaj akuzave për shkelje të ligjit të Komunitetit të Energjisë brenda dy muajsh dhe t’i mundësojë Sekretariatit të kuptojë rrethanat e plota të çështjes,” vijon më tutje deklarata.

Qeveria e kryeministrit Edi Rama pranoi një ofertë të pakërkuar për koncesion nga një kompani turke në vitin 2016 e quajtur Çinar-San Hafriyat Nakliyat Inşaat Turizm Sanayi Ve Ticaret Limited Şirketi, për ndërtimin e një hidrocentrali me fuqi të instaluar 50 MW dhe me prodhim të projektuar vjetor prej 200 milionë kWh. Nëse do të bëhet realitet, shitja vjetore e energjisë mund t’i japë kompanisë rreth 10-20 milionë euro në vit, në varësi të çmimit të energjisë.

LEXO EDHE:  Kërcet arma në Durrës/ Plagosen babë e bir



Aktivistët mjedisorë kanë luftuar qeverinë me protesta dhe me procese ligjore të ndryshme që nga viti 2016. Aktualisht kompania koncesionare ka krijuar një kompani të veçantë për ndërtimin e hidrocentralit e quajtur Kovlu energji. Kjo e fundit është nën pronësinë e AYEN ENERJI dhe dhe CINAR ndërsa në mars 2017, në këtë kompani ka hyrë si aksioner me 5% shtetasi shqiptar Genti Malko, i cili ka paguar për këtë kuotë kapitali 70 mijë lekë të rinj.

LEXO EDHE:  Prokuroria akuzon babain e deputetit Armando Prenga për falsifikim dokumentesh

Projekti i Poçemit u bllokua fillimisht në maj 2017 kur Gjykata Administrative e Tiranës shpalli absolutisht të pavlefshme kontratën koncesionare të firmosur nga qeveria.

Lumi Vjosa kërcënohet aktualisht nga dy projekte, Poçemi dhe Kalivaçi.

Sekretariati i Energjisë me seli në Vienë mbikëqyr zbatimin e Traktatit për Krijimin e Komunitetit të Energjisë të firmosur në Athinë në vitin 2005, në të cilin, BE-ja dhe vendet fqinje me të, përfshirë vendet e Ballkanit dhe ato të Detit të Zi, u angazhuan të krijojnë një treg të përbashkët energjie të mbështetur në rregullat e brendshme të BE-së për tregun e energjisë./Reporter.al

LEXO TE PLOTE