Connect with Us

Përkeqësohet situata e zjarreve/ Pritet ndihmë nga Greqia

Aktualitet

Përkeqësohet situata e zjarreve/ Pritet ndihmë nga Greqia

Publikuar

-

Situata e zjarreve ka shkruar drejt përkesësimit. Sipas Emergjencave Civile brenda 24 orëve të fundit janë raportuar 19 vatra zjarri në qarqe të ndryshme në Shqipëri, konkretisht në Tiranë, Dibër, Elbasan, Vlorë, Gjirokastër.

Mësohet se për shuarjen e zjarreve janë angazhuar gjithsejë 124 punonjës zjarrfikës, 22 automjete zjarrfikëse, 110 personel nga Forcat të Armatosura të Ushtrisë, mbi 45 vullnetarë banorë të zonave të prekura, 137 punonjës të Pyjores, të bashkive dhe DZM, të mbështetur nga helikopterë.

Gjithashtu bëhet e ditur se sot pritet të vijnë në ndihmë 2 avionë Canadair nga Greqia si dhe të vijojë punën helikopteri për të shuar zjarret në fshatrat e prekura të bashkisë Dropull.

QARKU TIRANË
Vazhdon operacioni për të shuar zjarrin e rënë në pyllin me shkurre dhe dushqe në afërsi të Tunelit të Krrabës në aksin rrugor nacional Tiranë-Elbasan. Zjarrfikësit me mjete kanë shuar zjarrin në afërsi të hyrjes së tunelit, por zjarri vazhdon të jetë aktiv në zonën malore, larg hyrjeve të tunelit.
Vazhdon operacioni për shuarjen e vatrave të zjarrit në Malin e Derjes pranë fshatit Shëngjergj, bashkia Tiranë. Forcave në terren të Pyjores dhe nga Drejtoria së Zonave të Mbrojtura (DZM) Tiranë, pritet t’u shkojnë në ndihmë edhe forca të Ushtrisë.

Në fshatin Maknor, Pezë, bashkia Tiranë, zjarrfikësit kanë izoluar vatrat e zjarrit dhe tashmë nuk paraqesin problem për banesat. Si pasojë e zjarrit është djegur deri një sipërfaqe e konsiderueshme me shkurre e kullota.

Në fshatin Selbë, Dajt, bashkia Tiranë ka rënë zjarr në shkurre dhe pisha. Në ndihmë të punonjësve të Pyjores dhe Drejtorisë së Zonave të Mbrojtura (DZM) kanë shkuar edhe forca të ushtrisë. Si pasojë e zjarrit është djegur një sipërfaqe e relativisht e madhe me shkurre dhe pisha.

Në fshatin Kuç, bashkia Vorë është riaktivizuar zjarri në një sipërfaqe me shkurre. Në ndihmë të zjarrfikësve me mjete, kanë shkuar edhe forca të ushtrisë, pasi zjarri rrezikoi Fabrikën e Fishekzjarrëve. Vatrat e zjarrit u izoluan por operacioni vazhdon edhe ditën e sotme. Si pasojë e zjarrit është djegur një sipërfaqe e madhe me shkurre.

QARKU ELBASAN
Vazhdon operacioni për të shuar zjarrin e rënë në shkurre dhe pisha në fshatin Derstilë, Gjinar, bashkia Elbasan. Forcat zjarrfikëse, të mbështetura nga ushtria kanë izoluar disa vatra aktive zjarri. Operacioni vijon edhe sot për të shuar vatrat e zjarrit që kanë mbetur.

QARKU DIBËR
Në fshatin Vojnikë, bashkia Dibër, ka rënë zjarr në shkurre dhe kullotë pranë disa banesave. Në vendngjarje kanë shkuar zjarrfikësit me mjete duke shuar zjarrin. Si pasojë e zjarrit u dogj rreth 3 ha me shkurre dhe kullotë.
Në Balgjaj, Selishtë, bashkia Dibër ka rënë një zjarr në një zonë me kullota dhe drurë të rrallë ahu. Forcat vullnetare kanë ndërhyrë dhe po e mbajnë nën kontroll vatrën e zjarrit. Si pasojë e zjarrit është djegur rreth 0.5 ha pyll ahu.
Vijon të jetë aktive vatra e zjarrit në fshatin Kacni, bashkia Dibër. Zjarri ka ardhur në vazhdim të zjarrit të rënë në Shehe, Bulqizë dhe ka djegur rreth 5 ha me pisha dhe ah.
Vijon aktive vatra e zjarrit në Malin e Lopës, bashkia Bulqizë. Për izolimin e vatrës së zjarrit janë angazhuar forca zjarrfikëse, forca të pyjores dhe forca vullnetare, por ende nuk kanë munduar ta vënë nën kontroll.
Eshtë aktive vatra e zjarrit tek Tenda Dushaj-Koçaj, bashkia Bulqizë. Kanë punuar forca vullnetare por ato nuk kanë mundur ta venë nën kontroll pasi vatra ndodhet në një terren malor ku automjetet zjarrfikëse nuk kanë mundësi të veprojnë. Vatra ka djegur rreth 5 ha me pisha, ah dhe dushqe.
Vazhdon të jetë aktive vatra e zjarrit në vendin e quajtur Temla e Peladhisë, Zerqan. Kanë punuar forca zjarrfikëse, forca të pyjores dhe forca vullnetare, për të shuar vatrën e zjarrit. Si pasojë e zjarrit është djegur rreth 7 ha pyll pishe, dushqe dhe lajthi.
Eshtë aktive vatra e zjarrit në vendin e quajtur Fusha e Frangut në Zerqan, Dibër. Kanë punuar për të izoluar këtë vatër forca zjarrfikëse, forca të pyjores dhe forca vullnetare, por nuk kanë mundur që të venë nën kontroll, pasi zjarri ka pasur intensitet të lartë. Si pasojë e zjarrit janë djegur rreth 8-10 ha me dushqe dhe pisha.
Në Vaj-Kal, Zerqan, bashkia Bulqizë ka rënë zjarr në shkurre dhe ferra. Zjarrfikësit me mjete, të ndihmuar dhe nga banorë kanë izoluar zjarrin, duke eliminuar rrezikun për disa banesa. Si pasojë e zjarrit u dogjën rreth 0.3 ha me shkurre dhe ferra.

LEXO EDHE:  Digjen librat në Bibliotekën Kombëtare/ Drejtori i Zjarrfikëses: S’ka shumë dëme!

Vazhdon të jetë aktive vatra e zjarrit në fshatin Madhesh dhe Troll, bashkia Mat. Në terren janë forca të bashkisë, forca ushtarake dhe forca vullnetare, por nuk kanë mundur të izolojnë vatrën për shkak të terrenit të thepisur. Zjarri ka një perimetër rreth 10 km dhe po vazhdon të përhapet deri në Qafë Shtamë. Zjarri mund të shuhet vetëm me ndërhyrje nga ajri.
Ka vazhduar të jetë aktive vatra e zjarrit në Malin e Lenzit, Gurrë, bashkia Klos. Në operacion janë forca të pyjores dhe forca vullnetare, të cilat kanë mbajtur nën kontroll vatrën e zjarrit që rrezikon disa banesa në fshatin Gurrë e Vogël.
Vazhdon të jetë aktive vatra e zjarrit në fshatin Kurdari, bashkia Klos. Në terren janë forca të bashkisë dhe forca vullnetare, por nuk kanë mundur të izolojnë zjarrin pasi ai ka intensitet të lartë dhe shtrirje të madhe. Si pasojë e zjarrit janë djegur rreth 40 ha me pisha, ah dhe bredh.
Vazhdon të jetë aktiv zjarri i rënë në fshatin Xibër Hane, bashkia Klos. Kanë punuar në terren forca të bashkisë dhe forca vullnetare, të cilat kanë mbajtur nën kontroll zjarrin. Si pasojë e zjarrit është djegur rreth 1 ha pyll me pisha.

QARKU VLORË
Kanë vijuar operacionet e zjarrfikësve, edhe me ndihmën e helikopterit për të shuar zjarret në fshatrat Muzinë, Kardhikaq dhe Pecë, bashkia Finiq. Në operacion punojnë pa ndërprerje forcat zjarrfikëse me mjete dhe forca të pyjores për të izoluar vatrat e zjarrit. Pritet që sot të ndërhyhet përsëri me mjete nga ajri pranë ‘Syrit të Kaltër’ për të shuar këto zjarre.

QARKU GJIROKASTËR
Në fshatrat Frashtan dhe Lugar, bashkia Dropull ka rënë një zjarr i cili rrezikonte banesat. Në vendngjarje kanë shkuar zjarrfikësit me mjete, por nuk kanë mundur të veprojnë për shkak të terrenit të thyer. Në operacion së bashku me forcat zjarrfikëse, janë përfshirë punonjës të bashkisë, forca të Policisë së Shtetit dhe banorë të zonës, për të shuar zjarret, që kanë vënë në rrezik serioz banesat e këtyre dy fshatrave si dhe të fshatrave Grapsh, Jergucat, Zervat dhe Sofratikë. Në ndihmë kanë shkuar edhe 30 forca ushtarake dhe helikopteri, duke izoluar zjarret./CityNews

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

U sëmur disa orë pas arrestimit?/ Policia e Kukësit: Është në qeli, nuk ka asnjë shqetësim!

Publikuar

-

Nga

U sëmur disa orë pas arrestimit?/ Policia e Kukësit: Është në qeli, nuk ka asnjë shqetësim!

Këngëtarja Fjolla Morina u ndalua ditën e sotme nga policia kufitare në Morinë , pasi gjatë kontrollit iu zbuluan dy armë që kishte me vete, teksa po tentonte që të futej në Shqipëri me një makinë tip “Audi”.

Pas arrestimit të këngëtares, mediat raportuan se ajo kishte shfaqur problem shëndetësore dhe për këtë ishte transportuar në spitalin e Kukësit.

Por ky lajm është mohuar nga vetë polica e Kukësit në një prononcim për ABC neës. “Fjolla nuk është në spital, por në qeli në gjendje të mirë shëndetësore”, ka deklaruar policia.

LEXO EDHE:  4 familje luftojnë me zjarrin në Ulëz/Qeveria i braktis



Bashkë me këngëtaren u arrestuan edhe dy persona të tjerë që po udhëtonin me makinë me Fjolla Morinën, F.M., 29 vjeç, banues Bresalc Kosovë dhe F.S., 29 vjeç, banues për Belgjikë.

LEXO EDHE:   “Luftë” me flakët në Shëngjin/ Arrestohen dy persona

Tashmë pritet që brenda 48 orëve të dalin para gjykatës./CNA.al

 

LEXO TE PLOTE

Bota

U rritën shifrat e të infektuarve/ Izraeli futet sërish në izolim

Publikuar

-

Nga

Ulet ndjeshëm numri i personave me Covid në shtetin fqinj/ Humbin jetën 6 pacientë

Izraeli ka nisur zbatimin e një urdhëri për izolim tre-javor në rang kombëtar, duke filluar nga sot (të premten) ndërsa numri i rasteve të reja me COVID-19 ka shënuar një nivel të ri të lartë, prej gati pesë mijë të infektuarish në ditë. Disa spitale raportojnë se nuk kanë më vende për pacientë të tjerë. Infeksioni është përhapur në të gjithë vendin, por komunitetet ultra-ortodokse hebreje dhe ato arabo-izraelite janë ndër më të goditurat. Korrespondetja e Zërit të Amerikës Linda Gradstein raporton nga Jeruzalemi.

Muri Perëndimor i Jeruzalemit, në ditët para Rosh Hashanahit, Vitit të Ri Hebre, zakonisht është i mbushur me mijëra adhurues. Por këtë vit, në vendin e shenjtë sheh një labirint ndarjesh për lutje, të distancuara nga nga njëra-tjetra, që të tregon qysh tani se si bllokimi tre javor do të ndikojë tek festat e ardhshme hebreje.

“Rosh Hashanahi është një ditë e cila kalohet ryesisht me lutje dhe shumica e tyre bëhen gjatë tubimesh masive. Tashmë të gjitha sinagogat kanë më pak njerëz sepse duhet të zbatojnë distancimin fizik. Bëhet fjalë për rregulla sipas të cilave vetëm 10 vetë lejohen në një zonë të mbyllur dhe 20 njerëz në një zonë të hapur. Ata që po planifikonin shërbime shumë të mëdha lutjejesh në ambiente të hapura po hasin vështirësi”, thotë rabini Dov Lipman, i organizatës “Raportimi i ndershëm”

Prej fillimit të pandemisë komuniteti ultra-ortodoks ishte një nga epiqendrat e koronavirusit. Shumë prej tyre i kishin shpërfillur kufizimet gër rumbullimet masive.

Arabët izraelitë, të cilët përbëjnë një të pestën e popullsisë, gjithashtu kontribuan në shifrën e lartë të të prekurve falë dasmave masive ku nuk respektohej distanca fizike.

“Dasmat ishin burimi i infeksionit në Umm al-Fahm. Çdo ditë, raportet ditore tregonin rritje të rasteve me koronavirus. I paralajmëruam njerëzit, po ata nuk i kushtuan vëmendje. Ndaj u detyruam t’u kërkojmë autoriteteve të jenë këmbëngulës me njerëzit dhe kjo është për të mirën e tyre, në mënyrë që ta frenojmë këtë situatë”, thotë Zaki Igbaria, Nënkryetar i Komunës së Umm al-Fahm.

LEXO EDHE:  4 familje luftojnë me zjarrin në Ulëz/Qeveria i braktis



Bazuar në masat e reja për bllokim kombëtar, janë mbyllur shkollat, qendrat tregtare, restorantet, zyrat qeveritare dhe shumë biznese. Njerëzit lejohen të largohen vetëm 500 metra nga shtëpitë të tyre përveç rasteve kur u duhet të blejnë ushqime dhe ilaçe. Policia thotë se është e përgatitur për gjoba të rënda për ata që nuk respektojnë rregullat.

LEXO EDHE:  Flakët pushtojnë një lokal të tërë/Ç’po ndodh në Fier?

“Përgatitjet e bëra nga policia kombëtare e Izraelit do të garantojnë zbatimin e vendimit të qeverisë sipas të cilit mijëra oficerë policie do të sigurojnë ndalim qarkullim të plota në të gjithë vendin”, thotë Mickey Rosenfeld, zëdhënës i Policisë Kombëtare të Izraelit.

Masat e para izoluese në Israel u vendosën në muajt mars e prill, në një nga përpjekjet më të hershme dhe më të suksesshme për të vënë situatën nën kontroll në mbarë botën.

Por me synimin për të rifilluar ekonominë e për t’i lehtësuar izraelitët, qeveria hoqi shumicën e kufizimeve në muajin maj, duke lejuar veprimtarinë e shumë bizneseve. Por kritikët thonë se nuk kishte ndonjë plan të përgjithshëm për menaxhimin e pandemisë.

“Virusi nuk lodhet kurrë, rri në errësirë dhe pret rastin. Dhe menjëherë pasi rihapëm ekonominë me një ritëm shumë të shpejtë, duke mos i kushtuar vëmendje sinjaleve për një rritje problematike të rasteve, pra në thelb pa hedhur vështrimin pas, nisën dhe problemet”, thotë Ron Balicer, i organit Këshillimor për Ministrinë e Shëndetësisë për çështje të koronavirusit.

Duke u përballur me një skenar të përsëritur dhe pas disa muajsh protestash kundër një qeverie që është fajësuar për keqmenaxhimin e krizës, shumë izraelitë gjejnë pak arsye për t’u besuar sërisht politikanëve dhe autoriteteve shëndetësore.

LEXO TE PLOTE

Politikë

Dhurata Çupi: Krimi është i vetmi investim që qeveria ka bërë në Dibër!

Publikuar

-

Nga

Dhurata Çupi: Krimi është i vetmi investim që qeveria ka bërë në Dibër!

Ish deputetja e Partisë Demokratike, Dhurata Çupi ka reaguar përmes një postimi në rrjetet sociale pas lajmërimeve për uljen e numrit të deputetëve socialistë në këtë qark.

Çupi thotë se i vetmi investim që qeveria ka bërë në këtë qark është krimi dhe mbjellja me drogë e tij, ndërsa ‘ka kontribuuar’ në largimin e të rinjve dibranë.

“Minus 1 deputet për qarkun Dibër, por humbësi i madh do të jetë Edi Rama.

Kam ndarë këto ditë me shumë dibranë dhe matjanë shqetësimin për uljen e numrit të përfaqësuesve që do të kenë në Kuvend. Të gjitha të dhënat tregojnë se nuk do të jenë më 6, por 5 deputetë nga Qarku i Dibrës, për arsyen e vetme se numri i banorëve atje është zvogëluar në masën që humbasin përfaqësimin e 1 deputeti.

Shumë e padrejtë! Dibrës i ka falur Zoti bukuri e pasuri të pafundme, ndërsa pushteti po e zbras nga të rinjtë që i japin jetë një vendi.

Dibra është më e prekura nga largimi i të rinjve, sepse është qarku i lënë më në harresë nga qeveria në ikje. 8 vjet në pushtet dhe nuk mbaruan dot as Rrugën e Arbrit, megjithëse e gjetën të nisur dhe me projekt të gatshëm. Korrupsioni u bë pengesë për zvarritjen vit pas viti të ndërtimit të kësaj rruge. Përtej kësaj, nuk ka asnjë investim tjetër domethënës. Infrastruktura mungon dhe, bashkë me të, edhe shërbimet për zonat më të largëta.

Mungesa e investimeve në infrastrukturë është fatkeqësia më e madhe për qarkun e Dibrës, e cila ka zona të mahnitshme për t’u vizituar dhe për të zhvilluar turizmin malor.



Maja më e lartë në vend, Mali i Korabit ndodhet në qarkun e Dibrës, por madhështia e tij është lënë në hije, sepse turistët nuk vijnë më në Dibër. Liqenet e Lurës, megjithëse janë masakruar ndër vite, kanë një bukuri të rrallë. Fama e Llixhave të Peshkopisë, me ujin e tyre kurativ, po zbehet me kalimin e kohës, turistët janë rralluar, bashkë me vetë dibranët që ikin duke lënë pas këto pasuri të jashtëzakonshme.

LEXO EDHE:   “Luftë” me flakët në Shëngjin/ Arrestohen dy persona

LEXO EDHE:   “Luftë” me flakët në Shëngjin/ Arrestohen dy persona

Gjithçka ndodh, sepse nuk ka rrugë, nuk ka investime, por ka vetëm braktisje, në një zonë që njihet për njerëzit e vet punëtorë, të mençur dhe të ditur.

Është për të ardhur keq, kur shikon sesi Dibra, që ka nxjerrë me qindra intelektualë, sot i ka shkollat gati të rrënuara, ndërsa mësuesit keqtrajtohen politikisht dhe ekonomikisht.

Frutikultura dhe prodhimet e zonës në qarkun e Dibrës janë të jashtëzakonshme nga shija dhe me famë jo vetëm brenda vendit, por ndihma e qeverisë është zero. Nuk ka asnjë inkurajim financiar që të rinjtë dhe dibranët të qendrojnë atje për të shtuar prodhimin, për ta shitur dhe për të rritur më tej ekonominë me këtë biznes. Mollët, Kumbullat, qershitë, arrat, patatet e Dibrës janë të mrekullueshme, por për to nuk ka treg, sepse nuk ka rrugë. Nuk ka rrugë që lidhin zonat e brendshme të qarkut dhe vetë qarkun me Tiranën. Kostoja del shumë e lartë dhe përfundimi cili është? Eksodi!

Për fat të keq, ka edhe diçka tjetër që po largon dibranët dhe matjanët: Krimi! Është i vetmi investim që kjo qeveri ka bërë gjatë këtyre viteve më qarkun e Dibrës! Strukturat e shtetit sot i drejtojnë bandat. Një grusht njerëzish drejtojnë gjithë qarkun, të cilin e kanë mbushur me drogë! Prandaj, dibranët ikin sot dhe lënë pas një zonë të mrekullueshme.

Ulja e përfaqësimit në Kuvend me 5 deputetë është një këmbanë alarmi për dibranët dhe matjanët. Zgjidhja më e mirë është të maksimalizojmë votën dhe të largojmë këtë qeveri të padrejtë, të pandershme dhe diskriminuese! Me minus duhet të dalë Edi Rama, jo dibranët dhe matjanët!”/CNA.al

LEXO TE PLOTE