Aktualitet
Dyshimet e forta të gazetarit investigativ/Kjo përrallë veç Bashës i ndodh!
Fitorja e Lulzim Bashës me një rezultat tepër të thellë, vetëm pak javë pas humbjes katastrofike në zgjedhjet e 24 qershorit, ka ngjallur reagime dhe dyshime të forta.
Gazetari i njohur, Taulant Kopliku, i cili aktualisht është tek emisioni investigativ “Le iene” në Itali, i ka cilësuar fitoren e djeshme të Bashës një përrallë, që i ndodh vetëm atij.
Në rrjetet sociale, gazetari shkruan se në zgjedhjet e përgjithshme e bojkotuan Bashën 200 mijë zgjedhës, ndërsa në zgjedhjet në parti i shtohen 20 mijë vota.
Për të kuptuar se si ndodh kjo, ai iu drejtohet të gjithë bashistëve në rrjetet sociale që t’i japin një dorë.
Ja reagimi:
– Ne zgjedhjet e pergjithshme e bojkotojne 200 mije zgjedhjes, ne zgjedhjet ne parti i shtohen 20 mije vota.
– Shenon humbjen me te thelle ne historine e partise Demokratike, fiton ne zgjedhjet per kryetar, 90% te votave.
– Deklaron para nje muaji se do marre persiper te gjitha pergjegjesite, ndersa ne gjitha takimet ia hedh pergjegjesite atyre qe i perjashtoi nga fushata.
Kjo perralle veç Bashes I ndodh. Sesi mund te justifikohet, kam bashiste plot miq ne fb. Le te me japin nje dore./CityNews
Kronika
Vendi nuk gjen qetësi/ Të shtëna me armë zjarri në Vlorë
Pas atentatit të ndodhur në qytetin e Elbasanit ku mbeti i vrarë Pjerin Xhuvani duket se vendi nuk po gjen qetësi.
Të shtëna më armë janë dëgjuar sërisht ditën e sotme në qytetin e Vlorës. Ngjarja ka ndodhur në fshatin Poro të Novoselës.
Mësohet se me armë është qëlluar në drejtim të një lokali ne pronësi të shtetasit me iniciale GJ.N. Ende nuk dihet nëse ka të lënduar, ndërsa policia ndodhet në vendin e ngjarjes./CNA.al
Politikë
“Asgjë s’do të na ndalë”/ Basha thirrje lushnjarëve: Jam i vendosur që të marrë në dorë fatin tuaj
Kreu i Partisë Demokratike, Lulzim Basha në vijim të turit elektoral, është ndalur pasditen e sotme në qytetin e Lushnjes.
Gjatë fjalës së tij, Basha i bëri thirrje qytetarëve që t’i drejtohen masivisht kutive të votimit në 25 prill dhe të votojnë për numrin 9.
“Votoni numrin 9 për ndryshimin e bashkuar. Ky vend i ka të gjitha potencialet. Kjo Lushnjë e qytetarisë, e bujqësisë, do të mundësojë punësim e dije.
Kjo Lushnjë e krenarisë që ka në mesin e saj të zotë. Sa Julian ka këtu? Sa Julianë ka Shqipëria. Ejani bashkë, Europa na ka shtrirë dorën. Kam besim tek ju rinia e Lushnjës, rinia e Shqipërisë. Fitorja ka zbritur në këtë shesh dhe njësoj si retë e zeza që nuk e ndalën dot Besëlidhjen e Lushnjës.
Asgjë se ndal vullnetin e lushnjarëve për të dalë masivisht në zgjedhjet ku do të vendoset fati i familjeve tuaja, i fëmijëve tuaj, i vendit tonë. Jam i vendosur që të marrë në dorë fatin e tij, me votë. Le të jetë 25 prilli si dita e fundit e tranzicionit. Ndryshimi i pandalshëm po vjen në të gjitha shtëpitë.
Asgjë s’do të na ndalë të dalim masivisht dhe të votojmë. Këto janë zgjedhjet vendimtare, vendosin fatin e familjes suaj”, tha Basha./CNA.al
Politikë
Militanti i PD-së tronditi Elbasanin/ Patozi: Deklarata e Metës ishte e tmerrshme
Koordinatori i Bindjes Demokratike, Astrit Patozi ka reaguar për vrasjen që ndodhi ditën e sotme në Elbasan të Pjerin Xhuvanit.
Patozi i ftuar në “Report Tv” tha se në ngjarje kaq të rënda qëndrimi i një presidenti duhet të ishte i qartë dhe i prerë dhe jo të ta trajtonte ashtu si bëri.
“Meta bën mirë të mos dalë kur ka ngjarje të tilla, se deklarata e tij ishte e tmerrshme, Meta mbajti 2 orë një konferencë shtypi për banderolën në Fier, dhe ishte i hakërruar. Ishte një shqiptar që humbi jetën që i përkiste njërës palë, Meta s’mund ta trajtonte që s’kishte qejf të fliste, por duhet të mbante një qëndrim të qartë dhe të prerë. Mos të bëjë deklarata të tilla se nuk dëmton vetëm presidentin e republikës si Institucion“, u shpreh Patozi.
Ndër të tjera kordinatori I Bindjes Demokratike shtoi se kjo ndodh vetëm midis dy partive kryesore sepse kokat e këtyre partive janë të gatshme të bëjnë gjithçka për të arritur qëllimet politike.
“Pse ndodh vetëm mes PD dhe PS sepse, kokat e nxehta të këtyre partive janë gati të bëjnë gjëmën që të arrijnë qëllimet politike”, tha Patozi./CNA.al
