LEXO PA REKLAMA!

SHKARKO APP

Nuk mori asnjë mandat/ Mesazhi i fortë i aleatit të Bashës, çfarë paralajmëron

12 Korrik 2017, 15:24, Aktualitet CNA

Kreu i Partisë Agrare Ambientaliste, Agron Duka, ka thyer heshtjen duke dhënë mesazhin e tij të parë pas zgjedhjeve të 25 qershorit.

Përmes një mesazhi në rrjetet sociale, Duka iu drejtohet të gjithë anëtarëve dhe simpatizantëve të PAA, duke thënë se pas një periudhe reflektimi duhen sqaruar për të ardhmen e kësaj force politike.

Agron Duka kandidoi në zgjedhjet e 25 qershorit nën siglën e Partisë Demokratike, prej ku nuk mundi të siguronte asnjë mandat. Duke falënderuar të gjithë kandidatët e tij në garë, Duka sqaron se ata punuan shumë gjatë fushatës elektorale, por ky rezultat erdhi për shkak se ishin nën siglën e PD.

Më tej, kreu i PAA deklaron se partia e tij do vazhdojë të punojë fort, duke renditur dhe çështjet që mund t?i trajtojë vetëm kjo parti dhe asnjë tjetër.

Ja reagimi i plotë:

Të nderuar anëtarë dhe simpatizantë të Partisë Agrare Ambientaliste!
Pas një periudhe të nevojshme reflektimi, mendoj që disa gjëra dhe paqartësi duhen sqaruar për të ardhmen e kësaj force politike.
Së pari dua ti drejtohem atyre që më pyesin nëpërmjet mesazheve nëse do vazhdojmë të punojmë si PAA apo si rezultat i marrëveshjes
Basha – Rama, nuk do të ketë më parti të vogla dhe si pasojë do të shkrihemi me PD.
PAA është një parti e vjetër në skenën politike shqiptare e cila ka lindur si përfaqësuese e banorëve të zonave rurale, për ti dhënë rrugë zgjidhjeve problemeve të shumta që ka bujqësia dhe blektoria. Ajo ka në programin e saj gjithashtu çështjet e agroindustrisë dhe mjedisit dhe të gjitha këto çështje, unë mendoj që më mirë se PAA nuk mund ti trajojë asnjë parti tjetër, sepse ajo ka në gjirin e saj specialistët më të mirë të këtyre fushave.
Janë bërë edhe në të shkuarën përpjekje për të asimiluar partitë e vogla por ata gjithmonë kanë dështuar.
Duke e parë në këtë këndvështrim, megjithë rezultatin negativ të zgjedhjeve parlamentare, ne nuk kemi pse vëmë në dyshim egzistencën dhe misionin e PAA-së për të ardhmen. PAA nuk u provua duke konkuruar më vete, por në kushtet e krijuara pas marrëveshjes së dy forcave të mëdha politike, kandidatët tanë si dhe strukturat e PAA punuan shume në fushatën elektorale në vazhdimësi të punës të filluar që prej një viti, por duke qënë në siglën e PD, puna e tyre nuk pati asnjë mundësi që të dilte në pah e si pasojë, nuk mundëm të siguronim asnjë përfaqësues në parlament për katër vitet e ardhëshme.
Me këte rast dua të falenderoj z. Adi Haxhiymeri, z. Olsi Cukaj,
z. Edmond Biçoku, z. Bujar Huqi dhe të gjithë ata që punuan e kontribuan në këtë fushatë elektorale .
Vendimi për të mos konkuruar vetëm, ishte një vendim që u mor në konsultë me strukturat e PAA, ku shumica prej tyre duke menduar që nuk kishim numërues e komisioner dhe duke qënë se numri i votave të nevojshme për një mandat rritej shumë, gjykuan se dalja më vete na penalizonte shumë dhe fatkeq?sisht ky vendim rezultoi i gabuar. Si rezultat përgjegjesia kryesore në raste te tilla bie mbi Kryetarin dhe për këtë, do të diskutojmë në mbledhjen më të afërt të forumeve.
Së dyti pati edhe nga ata të cilët kandidimin në siglën e PD nuk e përkrahën dhe si pasojë ose nuk erdhën fare në fushatë duke shprehur hapur disaprovimin e tyre, ose punuan pa impenjimin maksimal.
Unë mendoj që këta persona, të cilët më parë kishin dhënë kontributin e tyre me shumë devotshmëri në ringritjen e strukturave të PAA në fushatên për zgjedhjet e pjesëshme nê Kolonjë ..etj nuk kanë përse tërhiqen nga jeta politike pranë PAA, por të vazhdojnë të japin kontributin e tyre, sepse ne humbëm një betejë por jo luftën për zgjidhjen e çështjeve për të cilën egziston kjo parti./CityNews
Me respekt!
Agron Duka

Lajmet e fundit nga