LEXO PA REKLAMA!

SHKARKO APP

Basha manipulon garën, shpërthen Selami/Kam dy kërkesa që m’i premtove dhe s’i mbajte

12 Korrik 2017, 08:12, Aktualitet CNA

Kandidati për kryetar të Partisë Demokratike, Eduard Selami ka reaguar për herë të parë ndaj manipulimeve dhe hileve që po bën Lulzim Basha në këtë garë.

Në një postim në rrjetet sociale, Selami publikisht ka shpërthyer kundër Bashës dhe i ka kërkuar publikisht që të mbajë premtimet që ai vetë ia ka dhënë, duke plotësuar dy kërkesa shumë të rëndësishme.

1-Fushata të bëhet me dyer të hapura për publikun dhe mediat

2- Të publikohet lista e anëtarësisë që do të votojë.

Gjithashtu Selami ka thënë se e di që kjo garë është e papabarabartë.

Më poshtë postimi i plotë:

Të dashur miq.

Gara për kryetar të Partisë Demokratike është në kulmin e saj. Ju falenderoj të gjithëve për mbështetjen që më keni dhënë këtë periudhë.

E kam thënë më parë se kjo garë është e pabarabartë nga ana strukturore por është tërësisht e fitueshme.
Unë dua që PD t?i kthehet edhe njëherë vlerave demokratike dhe perëndimore të saj.

Për këtë, i kërkoj zotit Basha të mbajë premtimin që më ka bërë se debatet mes nesh do të bëhen të hapura për mediat dhe për publikun. Kjo nuk ndodhi në debatin e Korçës.

Së dyti, i kërkoj të bëjë publike listën e anëtarëve të partisë demokratike të cilët do të votojnë. Nuk ka asnjë arsye që këto lista të mbahen të fshehta, ne nuk jemi parti e jashtëligjshme. Duhet transparencë. Anëtarët e PD janë krenarë që janë demokratë dhe nuk kanë frikë që të fshehin anëtarësinë ndaj hape partinë zoti Basha!

Së bashku do ta fitojmë këtë garë dhe do dalim më të fortë./CityNews

Lajmet e fundit nga