LEXO PA REKLAMA!

SHKARKO APP

Analistët/ Enigma që po mban të fshehur Berisha?

7 Korrik 2017, 13:19, Aktualitet CNA

Sa më shumë kohë që kalon aq më shumë qëndrimi i Sali Berishës bëhet gjithnjë e më enigmatik. Heshtja e tij përballë shkërmoqjes së PD-së, rrezervimi për të dhënë mendimin se si shpëtohet forca politike që ai themeloi dhe udhëhoqi për një çerek shekulli, kanë ngritur shumë pikpyetje. Sot në faqen e tij 360gradë Artur Zheji hidhte dilemën:

?Është akoma Sali Berisha, qëndra e vërtetë e pushtetit të vërtetë në PD? Është Berisha i kërcënuar, apo është aktor dhe pjesë e një marrëveshjeje sekrete me Ramën, në këmbim të imunitetit të tij personal dhe familjar të plotë, nga ndërkombëtarët dhe Vettingu??- pyet ai. Më tej Zheji këmbëngul se, ?Pas heshtjes ogurzezë të doktorit për standartin e zgjedhjeve, një heshtje me të cilën pra askush nuk është mësuar prej tij, duket se fshihet patjetër diçka, një kërcënim ndoshta?.

Po a është kërcënuar realisht Berisha: a e mbajnë peng atë me ndonjë dosje korruptive të vetën, të të birit apo të sëbijës ashtu siç hedh hipotezën Zheji?

Po të lexosh Mero Bazen ai ka një version tjetër për të shpjeguar këtë ngjarje. Ai pretendon se realisht Basha ia ka marrë partinë Berishës, ashtu butë butë dhe tinëzisht siç di ai, dhë këtij të fundit si ka mbetur gjë tjetër veçse krenarisë për të mos e pranuar këtë fakt dhe të sjellurit sikur kontrollon gjithçka: ?Berisha, përjetoi një periudhë vetmie dhe braktisjeje nga Basha, pas marrëveshjes së tij me Edi Ramën, por e përballoi atë me heshtje dhe një lloj frike, mos kuptohej që nuk ishte përfillur në këtë proces. Vuri maskën e tij në fytyrë dhe për 30 ditë fushatë, bënte opozitë në Facebook. Kur Basha u ?varros? me rezultatin më katastrok për PD-në, bëri atë që pritej. Pasi priti Bashën t?i shkonte në zyre, i dha rrugën se si mund të rizgjidhej, nën kontrollin e tij. Ai mbështeti mosdorëheqjen e Bashës, quajti të vlefshëm ?ngrirjen?, dhe duket hapur që është në anën e tij në këtë proces. Dhe këtë e bën jo se i dhimbset Basha, por se përmes këtij gjesti vazhdon të duket shantazhues, ndërkohë që është i shantazhuar, vazhdon të duket i plotfuqishëm, ndërkohë që është njeriu të cilit për një muaj nuk i ka rënë asnjëherë telefoni i Lulzim Bashës? shkruante pak ditë më parë Mero Baze në editorialin e tij tek Tema. Ndërsa një njohës tjetër shumë i mirë i Berishës, që ka ndenjur gjatë me të, Ylli Rakipi ka një version të tretë. Sipas asaj që Rakipi deklaroi në emisionit të ?Pa ekspozuarit? fijet e kukullës Basha i luan berisha që kontrollon gjithçka. Sipas tij edhe tremi ?ngrirje? që artikulojë Basha është i huazuar nga berisha që e ka përdorur atë më parë për Spartak Ngjelën apo Filip Çakullin. Sipas Rakipit Berishës i intereson një PD qoftë dhe e vogël por e kontrilluar me dorë të sigurtë gjë të cilën atij ia siguron më së miri pasardhësi i përzgjedhur. Dhe Berisha nuk flet publikisht, sepse ai ka vendosur ta mbështesë Bashën jo publikisht porn ë kulisa, siç bëri kundër Olldashit, për të mos hedhur poshtë gjithë bashkëpunëtorët e vet.

Ndërsa Artur Zheji këmbëngul se në natën e marrëveshjes Rama-Basha ka një pakt sekret që ende nuk e njohim dhe Berisha po hesht sepse së bashku me Bashën ai pret që Rama të mbëjë premtimin, ?sipas neneve të marrëveshjes së 17 Majit, ku një nga pikat e saj, duket se është edhe ?Heshtja? paszgjedhore dhe pranimi i faktit të kryer të deformimit të tyre?. Ai vazhdon: ?Kjo do të thotë që Shtatori do të sjellë një faqe të re në historinë tonë politike të përçudnuar. Partitë politike do të luajnë  në mënyrë pozicionale dhe sipas përllogaritjeve.

Mos ndoshta edhe PD e ka zgjedhur tashme Ramën, si kryemenaxher edhe të interesave të saja?

Shenjat e para tregojnë se po.

Pyetja shtrohet: Për çfarë interesash bëhet fjalë?

Përgjigja sot për sot është e pamundur, por një gjë është e qartë: ?Sigurisht që nuk janë interesa politike?(Lapsi.al)

Lajmet e fundit nga