Connect with Us

Faktet/ Si po e betonizon Erion Veliaj Tiranën

Aktualitet

Faktet/ Si po e betonizon Erion Veliaj Tiranën

Publikuar

-

Prononcimi për median i Nënkryetarit të Lëvizjes Socialiste për Integrim, z. Luan Rama

Pallate shumëkatëshe edhe në lulishten pranë ish -Parkut të Autobusëve

Kur ishte në Bashkinë e Tiranës, Lulzim Basha e akuzonte Edi Ramën se i bllokonte projektet për arsye politike. Por 2 vjet pasi Basha e la drejtimin e Bashkisë, vendimet e Erion Veliaj po nxjerrin në dritë të vërtetën mbi arsyet e bllokimeve. Më 24 prill të vitit 2015 Basha inaguroi një lulishte në rrugën e Kavajës, pranë ish –Parkut të Autobusëve; një hapësirë prej disa mijëra metrash katrorë që i kishte shpëtuar betonizimit.

“Kryeministri befasohet sot nga ajo që sheh se ka menduar që e ka bllokuar çdo projekt të bashkisë së Tiranës. Deri para një muaj e gjysmë, 2 muajsh, këtu nuk rrinim dot sepse pirgu i inerteve, i mbeturinave, i ndotjeve dhe i shkurreve që kishin mbirë mbi to. Ishte bërë një monument i harresës, i pakujdesisë, i mungesës së higjienës dhe kujdesit në zemër të qytetit”akuzonte Basha në atë kohë (shih videon e publikuar nga lapsi.al).

Por dy vjet më vonë, i zgjedhuri i Ramës në Bashkinë e Tiranës, Erion Veliaj, ka vendosur që ta prishë projektin e Bashës. Ngjitur me Policinë Bashkiake do të ndërtohet një kompleks pallatesh shumëkatëshe.

“Kjo eshte lulishtja ngjitur me policine Bashkiake. Sot bashkia erdhi dhe shkuli gjithe pemet sepse ne kete lulishte kane planifikuar te ndertojne nje kompleks 100.000 m2 ndertim. Firma ndertuese do te jete Arlis Ndertim e Besnik Sulajt, pronarit te Taiëan dhe Armos. Lejet jane dhene, por ndertimi do te filloje mbas zgjedhjeve. Ka vetem nje menyre se si kjo hapesire mund te shpetohet: revolta e banoreve. Nese heshtim, ta gezojme betonin”, denoncon organizata Qytetarët për Parkun në faqen e saj në Facebook.

Sot është lehtësisht e kuptueshme që Edi Rama nuk ka dashur të bllokojnë Bashën për të prerë shiritin e ndonjë lulishtje. Ai ka synuar ta ndalojë që asaj hapësire të degraduar t’i japë identitet. Me sheshin e kthyer në lulishte, do të ishte më e vështirë që të ndërtohej.

Por tani Rama ka njeriun e duhur që ka marrë përsipër të çojë më tej projektin e pamoraltë të betonizimit të Tiranës.

Erion Veliaj, që erdhi në krye të bashkisë me premtimin “zero ndërtime” ka dhënë dhjetëra leje për të ndërtuar në zona të mbingopura me beton dhe nëpër lulishte dhe nuk ka shfaqur ndonjëherë probleme të moralit në raport me gënjeshtrën.

Pemët e mbjella në lulishten pranë ish –Parkut të Autobusëve janë shkulur. Shumë shpejt zona do të rrethohet dhe makineritë e rënda do të nisin gërmimet.

Pallatet do të jenë 12 deri në 15 kate me disa kate nën tokë. Ndërtues, sipas organizatës “Qytetarët për Parkun” është një klient i njohur i Edi Ramës.

A është kjo lulishtja e vetme që po prishet për t’u lënë vendin pallatëve shumëkatëshe?

Një leje tjetër ndërtimi është dhënë në lulishten që kryqëzon bulevardin Bajram Curri me rrugën e Elbasanit.

Një kullë shumëkatëshe do të ndërtohet në sheshin pas Hotel Tirana International nga një biznesmen i njohur si klient i Edi Ramës.

Një tjetër hapësirë është ajo e aneksit të stadiumit “Qemal Stafa”. Opozita ka denoncuar disa herë se Veliaj ka miratuar aty një leje ndërtimi për një pallat shumëkatësh. Një ndërtesë 3 – 4 katëshe që qëndronte në cep të aneksit është prishur. Banorët thonë se janë pikërisht investitorët e rinj që e kanë shembur për të krijuar hapësirën e nevojshme për “një monstër tjetër prej betoni”.

Në rrugën Mine Peza, në mars të këtij viti, një grup banorësh denoncuan prishjen e një hapësirë të lirë mes pallateve të tyre. Hapësira ishte rrethuar dhe kishin nisur punimet për një pallat, pa njoftim, pa tabelë siç e kërkon ligji.

LEXO EDHE:  Tirana përtej fasadave/ Fabrikë kancerogjene me firmën e Veliaj

Mediat pranë opozitës e akuzuan para disa ditësh se në prag të zgjedhjeve të përgjithshme Veliaj ka hapur thesin duke dhënë 100 leje ndërtimi.

Këto pallate të reja do të ndërtohen mbi shtëpi të vjetra e hapësira të gjelbërta.

Të dhënat zyrtare të INSTAT tregojnë se vetëm në tremujorin e fundit të vitit 2016 Bashkia e Tiranës e drejtuar nga Erion Veliaj ka dhënë 41 leje ndërtimi.

Në total për të gjithë vitin 2016 Veliaj ka dhënë 106 leje ndërtimi, ose 20 % më shumë se në vitin 2015, nga 455 leje të dhëna në të gjithë Shqipërinë.

Më 21 dhjetor të vitit 2016, në emisionin Top Story, Erion Veliaj, në përpjekje për të mbrojtur premtimin e tij për “zero ndërtime” në Tiranë, deklaronte: “Në fakt, u bë një vit e gjysmë që nuk janë dhënë leje ndërtimi në Tiranë”.

Një javë më vonë, më 28 dhjetor 2016 në emisionin “Tonigt” të Ilva Tares, ai tentoi t’i shmangej përgjegjësisë për lejet, duke thënë se premtimin e kishte pasur për planin e vjetër urbanistik, jo për të riun.

Tare: Në fushatë keni thënë edhe zero ndërtime

Veliaj: Në planin e ri kemi përcaktuar se sa ndërtime mund të mbajë një zonë. Një familje e vjetër tiranse tek njësia 8. Të trija gjeneratat jetojnë në të njëjtën shtëpi me qerpiç. Plani është bërë nga kolegët tanë italianë dhe holandezë. E gjithë Tirana është një hartë ku niveli i dendësisë është 1/3-ta e ndërtimit që kishin parashikuar këta të gjumit.

Në 9 qershor 2015 Erion Veliaj e paraqiti projektin e tij për “zero ndërtime” në studion e “Opinion” ku ka mbrojtur tezën se me nënshkrimin e tij nuk do jepen leje ndërtimi gjatë mandatit të parë. Videoja e publikuar nga lapsi.al u bllokua në internet. “Dua të mbahem mend si një njeri që ndërtoi më shumë parqe sesa pallate”, deklaronte Veliaj.

Në tetor të vitit 2016, duke prezantuar planin urbanistik, ai u shfaq jo më në mbrojtje të hapësirave të gjelbërta, por të kullave shumëkatëshe.

“Ka shumë njerëz që thonë unë i urrej kullat. Ok, por ja t’u bëj një pyetje: nëse ne kemi një hapësirë 500 m2, është më mirë që dikush ta harxhojë të gjithë këtë hapësirë, në pronën e tij private, me të drejtën për ta zhvilluar, me 2 kate, apo ndoshta mos është më inteligjente që të përdorë vetëm 100 m2, ta bëjë 10 katësh, se ajër kemi, por tokë nuk kemi dhe gjithë hapësirën tjetër t’ia lërë publikut?”

Gjetje inteligjente apo shpikje për interesa? Të dhënat tregojnë se shtimi i dendësisë së pallateve në Tiranë nuk bëhet për strehim. Në Tiranë janë të paktën 8 mijë apartamente që qëndrojnë bosh.

Sipas një shkrimi të javës së shkuar të publikuar në revistën Monitor, ndërtuesit paralajmërojnë se kullat e larta që ka projektuar binomi Rama – Veliaj “mund të hapë një gropë që do t’i përpijë të gjithë dhe tregu mund të shkojë në kolaps”.

Se kujt do t’i sherbejnë këto kulla, qytetarëve apo klientëve të pushtetit, përgjigjen e japin statistikat, sipas të cilave, shtimi i popullsisë në Shqipëri është ndër më të ulëtit që nga viti 1990.

“Dy vitet e fundit, shtesa natyrore e popullsisë shqiptare ishte rreth 10.3 mijë persona, më e ulëta që nga viti 1990. Me rreth 32 mijë lindje në vit dhe 22 mijë vdekje, ky tregues është larg fillimit të tranzicionit, kur Shqipëria shtohej me 60-80 mijë persona në vit, sipas të dhënave të INSTAT”. /Lapsi.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Mbjellja e pemëve/ Zbulohet sa para vjedh Veliaj

LEXO EDHE:  Kryeipeshkvi: Pas Stambollit, ISIS mund të sulmojë Tiranën ose Kosovën

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Kryeipeshkvi: Pas Stambollit, ISIS mund të sulmojë Tiranën ose Kosovën

LEXO EDHE:  Video- “Po na çon në vetëvrasje”/ Banorët thirrje Ramës dhe Veliajt

 

LEXO TE PLOTE
Lajme të Rekomanduara: