Connect with Us

Nga Mero Baze/Nuk e ka marrë, e ka vjedhur!

Aktualitet

Nga Mero Baze/Nuk e ka marrë, e ka vjedhur!

Publikuar

-

Debati mbi spastrimet drastike të Lulzim Bashës dhe më keq akoma, emërimet dukshëm klienteliste kudrejt blerjes së vendit në listë, në dhjetra raste, kanë ngritur një furtunë brenda Partisë Demokratike. Të zemëruarit nuk janë vetëm ata që kanë mbetur jashtë listave, por dhe plot drejtues strukturash dhe demokratë të thjeshtë.

Në këtë debat mund të fitonte Lulzim Basha, sikur kjo të ishte një reformë e guximshme e tij, për të hequr çdokënd që ka pas punë me PD para 2017-s dhe për ta zëvendësuar me një ekip të tij. Mund t’ia dilte nëse do të sillte në listat e PD, njerëz me integritet, personalitete publike, ose figura të reja të së djathtës, që rezonojnë me historinë e saj. Mund t’ia dilte në fakt, nëse e niste këtë betejë me Sali Berishën, duke i dalë ballasi atij.

Në fakt, Lulzim Basha ka më të këqinj ata që ka sjellë, se ata që ka hequr, ndërsa më të këqijtë fare, janë ata që nuk i ka hequr dhe i ka lënë në lista të sigurta. Përpjekja e tij për ta rrethuar me tinzari Sali Berishën, duke lënë të kuptojë se ka miratimin e tij, është thjeshtë një përpjekje për ta vjedhur PD-në dhe jo për ta marrë atë.

Partia Demokratike është parti e madhe, parti historike e Shqipërisë dhe ka një libër rregullash, që është shkelur disa herë nga Sali Berisha, por jo në këtë formë dhe në këtë cilësi. Lulzim Basha ka shansin ta marrë Partinë Demokratike si kryetar i saj, pasi më 2013 ja dhanë, por problemi i tij është gara. Dhe për këtë shkak ai nuk ka denjuar ta marrë Partinë Demokratike me garë, por ta vjedhë atë.

Statuti i Partisë Demokratike përcakton fare qartë, se lista e kandidatëve për deputetë miratohet nga Këshilli Kombëtar, përmes një rekomandimi politik të Kryesisë së PD. Lulzim Basha nuk e bëri këtë, duke shkelur rëndë statutin në një pikë të pakthyeshme për legjitimitetin juridik dhe politik të asaj liste. Ai e shkeli statutin, pasi e di që nuk e kalonte dot atë listë. Pra një gjë që nuk e merrte dot me djersë, thjesht e vodhi.

Ky është i vetmi problem i tij.

PD duke qenë parti e madhe, nuk mund të vidhet, pasi ajo funksionon duke qenë i gjithë trupi i gjallë. Nëse asaj i pret diku duart, diku këmbët, diku shpirtin, ajo vdes dhe Luzim Basha do të rezultojë një kryetar nekrofil, që ka përdhunuar një trup të vdekur.

Iniciativa ligjore e Topallit e Imamit për ta shkarkuar atë, si një njeri që ka vjedhur ekipin drejtues të PD, është legjitime. E bërë në fillim të kësaj fushate duket e rëndë, por në fakt nuk është aspak e tillë. Lulzim Basha dhe kështu ka pas për t’i humbur këto zgjedhje. Ky debat mund t’ia lehtësojë arsyet. Por beteja e tyre për ta bërë atë humbës në zgjedhje është legjitime. Ata nuk kanë më një marrëveshje politike me të, dhe ai duhet të përballet me pasojat e aktit të tij. Kur nis një betejë duhet ta çosh atë deri në fund dhe ata kanë nisur betejën për të rrëzuar Lulzim Bashën. Si fitmitar ai nuk mund të zbohet! Dhe gjithkush që ai ka poshtëruar, është i lirë dhe pa komplekse të luftojë për humbjen e tij si kryetar. PD dhe ashtu e humbur është. E vetmja shpresë është mëshira e Edi Ramës për t’i futur në qeveri. E mira e PD vjen pas këtij debati të hapur, ndoshta i pari në historinë e saj.

LEXO EDHE:  Basha mbledh grupin parlamentar/ Zbardhen vendimet

Basha është i lirë të bëjë fushatën e tij dhe po ja doli të ndërpresë dhe hemoragjinë e PD, por duhet ta dijë se pas 25 qershorit, nëse ai humbet, dhe duket qartë që do humbasë, duhet të përballet jo vetëm me dëmin që i ka bërë PD-së, por dhe me tentativën për ta vjedhur atë.

Sali Berishës për të marrë PD-në, ju deshën kohë. Në çdo palë zgjedhje ai nxirrte nga një grup armiqësor, duke eleminuar në fillim themeluesit e veçanërisht Azemin, pastaj bërthamën antikomuniste të saj, e më pas atë reformatore. Por gjithnjë e mbante një ekuilibër mes atyre që zbonte, e atyre që thërriste, duke respektuar qoftë dhe formalisht statutin e partisë.

Ky gjesti tinzar i Bashës, që kërkon të marrë PD-në brenda një nate, pa luftë, duke e vjedhur atë, duke injoruar statutin dhe rregullat e lojës, është një lojë e rrezikshme.

Unë e kuptoj që Lulzim Basha mezi pret të shpëtojë nga Sali Berisha, nga Zeni, nga Argita, dhe nga gjithë garda e vjetër e partisë, për të pasur një parti me familjen e vet politike dhe biologjike, por kjo puna e marrjes së PD, nuk është si tenderi i “Rrugës së Kombit”, apo lejet e Bashkisë, që mund të zgjasësh dorën dhe t’i vjedhësh. Kjo do pak punë, pak kohë dhe mbi të gjithë do pak luftë. Jo gjithmonë vjedhja të bën pasur. Ndonjëherë ta heq nga duart dhe atë që të takon. Ndaj Lulzim Basha duhet t’i futet betejës për ta marrë PD-në sipas rregullave, duke dalë përballë Sali Berishës dhe Familjes së tij dhe përballë edhe emrave të vjetër të PD. Nëse ja del ta marrë ashtu, ai do t’i bëjë një shërbim të madh vendit, dhe do ta reformojë realisht politikën shqiptare. Kështu me të vjedhur, jo vetëm që nuk sjell asgjë pozitive, por ngre një histori të re mbi një krim, i cili do ta rrënojë menjëherë. Sidomos për të vjedhur e ka pak të vështirë, pasi është përballë ustallarëve të vjetër, të asaj pune.

Duhet një betejë Lulzim. Jo të gjitha gjërat në jetë, duhet të jenë ose dhurata, ose sende të vjedhura./Tema

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Kosova & Rajoni

Parlamenti i Malit të Zi, shkarkon ministrin që mohoi gjenocidin në Srebrenicë

Publikuar

-

Nga

Parlamenti i Malit të Zi, shkarkon ministrin që mohoi gjenocidin në Srebrenicë

Parlamenti i Malit të Zi, të enjten mbrëma shkarkoi ministrin e Drejtësisë dhe të Drejtave të Njeriut dhe Pakicave, Vladimir Leposaviç, për shkak të qëndrimit të tij mohues ndaj gjenocidit në Srebrenicë.

Shkarkimi i tij u bë me propozimin e kryeministrit malazez, Zdravko Krivokapiç. Për shkarkimin e tij votuan 43 nga 81 deputetet e parlamentit malazez, ndërsa 27 ishin kundër. Propozimi u mbështet edhe nga Partia Demokratike Socialiste e presidentit Milo Gjukanoviç, që është në opozitë.

Kryeministri Zdravko Krivokapiç, propozoi shkarkimin e ministrit Leposaviç, pasi që në një seancë parlamentare më 26 mars të këtij viti, ai tha se është i gatshëm të pranojë se në Srebrenicë ka ndodhur gjenocid “kur një gjë e tillë të vërtetohet përtej çdo dyshimi”.

Deklarata e tij shkaktoi reagime të ashpra në opinionin vendas e ndërkombëtar. Kritikët thanë se ministri Leposaviç sfidoi edhe legjitimitetin e Gjykatës së Hagës për krime lufte në ish-Jugosllavi, që ka konstatuar se në Srebrenicë ka ndodhur gjenocid.

Kryeministri Krivokapiç tha se Vladimir Leposaviç, si ministër ka qenë i detyruar që t’i përgjigjej pyetjes parlamentare rreth Srebrenicës në frymën e politikës së qeverisë, e jo në frymën e debatit akademik.

LEXO EDHE:  Topalli tregon kushtin e panegociueshëm/ E gatshme të bashkoj votat me të djathtën

LEXO EDHE:  "Blerje votash me para cash dhe kërcënime”/ PD: Ja si u manipuluan zgjedhjet në Njësinë 8 në Tiranë

“I kam kërkuar dorëheqjen sepse është më mirë që me një akt personal, të tregojmë përgjegjësi”, tha kryeministri Krivokapiç.

Megjithatë, ministri Leposaviç nuk pranoi të ofrojë dorëheqje, pasi u mbështet edhe nga një shumicë e deputetëve proserb pjesë e partive në pushtet. Partia pro-ruse në Mal të Zi, Fronti Demokratik, e mbështeti ministrin duke vlerësuar se “Leposaviç nuk tha asgjë që nuk është pozicioni i çdo serbi në Mal të Zi”.

Pjesëtarët e kësaj partie paralajmëruan se shkarkimi i tij mund të çojë në rënien e qeverisë malazeze ditëve në vijim.

Parlamenti malazez po ashtu miratoi një rezolutë me të cilën ndalohet mohimi i gjenocidit ne Srebrenicë. Në mbështetje të rezolutës votuan 55 deputetë, 19 ishin kundër dhe 7 veta abstenuan.

Në korrik të vitit 1995, forcat e serbëve të Bosnjës pushtuan Srebrenicën, një qytetit që ishte shpallur zonë e sigurt nga Kombet e Bashkuara. Më shumë se 8 mijë burra e djem boshnjakë u ekzekutuan dhe trupat e tyre u hodhën në varreza masive në zonë. Ajo ishte ngjarja më e rëndë në Evropë pas Luftës së Dytë Botërore dhe u shpall si gjenocid nga gjykatat e Kombeve të Bashkuara./ VOA

LEXO TE PLOTE

Kosova & Rajoni

Goditet nga rrufeja/ Humb jetën 51-vjeçari

Publikuar

-

Nga

Goditet nga rrufeja/ Humb jetën 51-vjeçari

Një 51-vjeçar  ka humbur jetën pasditen e sotme në Kosovë, pasi që është goditur nga rrufeja.

Lajmin për IndeksOnline e ka konfirmuar, Driton Rugova, zëdhënës i Policisë së Kosovë për Rajonin e Pejës.

“Sot, rreth 19:25 një person është sjellë në Spitalin Rajonal në Pejë, i cili sipas ekipit mjekësor, është goditur nga rrufeja dhe nuk ka arritur të mbijetojë. Vdekjen e viktimës e ka konfirmuar ekipi mjekësor”, tha Rugova./CNA.al

LEXO TE PLOTE

Politikë

Nazarko zbulon gabimin e Bashës/ Humbi shumë vota për shkak të aleancës me LSI-në

Publikuar

-

Nga

Nazarko zbulon gabimin e Bashës/ Humbi shumë vota për shkak të aleancës me LSI-në

Analisti Shpëtim Nazarko, ka analizuar mbrëmjen e sotme humbjen e Partisë Demokratike në zgjedhjet e 25 prillit.

Tkurrjen e mbështetjes për PD-në, ai e lidh me aleancat që Lulzim Basha ka lidhur gjatë kohës që ka qëndruar në opozitë.

Nazarko tha në emisionin “Real Story” se kreu i PD-së ka humbur shumë vota për shkak të aleancës së tij LSI-në.

Unë mendoj që Basha do të fitonte normalisht, sepse ka disa pika që gjykoj si një njeri që spostohem prapa në histori. Një nga gabimet e mëdha është që ai ka thënë njeri Berishës, kur bëri aleancë me Metën, deri kur do të bëhej ajo? Ja pse unë do e zgjidhja prapë Bashën në krye të PD. Unë pëlqej që ngjarjet t’i gjykoj si një njeri që rri 10 vite prapa.

LEXO EDHE:  “Blerje votash me para cash dhe kërcënime”/ PD: Ja si u manipuluan zgjedhjet në Njësinë 8 në Tiranë

LEXO EDHE:  Video/ Përplasje në oborrin e selisë së PD

Nga 2009 deri në vitin 2021 PD ka humbur dhe unë mendoj që Basha tani, ka humbur për shkak ë aleancës me LSI-në, sepse janë 160 mijë vota. Këto vota Basha thotë që më është dashur shumë t’i nxjerr nga qypi. Basha ka pasur dy probleme të mëdha.

Ka teori konspirative që është bërë bashkë me Ramën për të hequr qafe Metën. Madje dhe presidenti tha që më nxorën në pritë. Kjo është tipike e dinakëve, dembelë. Unë s’i jap meritë Bashës. Basha që kur e ka marrë në 2013-ën duhej të merrej me këtë histori”, tha Nazarko./ CNA.al

LEXO TE PLOTE