Connect with Us

Lista e Bashës që përdhos Korçën

Aktualitet

Lista e Bashës që përdhos Korçën

Publikuar

-

Dje në orët e mesnatës Partia Demokratike dhe kreu i saj Lulzim Basha, bënë publike listën e kandidatëve për deputetë, në të gjithë Shqipërinë.

Një listë për tu mëshiruar nga jugu në veri, hapi i fundit mesa duket i Bashës drejt shpartallimit të PD dhe një mundësi e re dhe shans për Ben Blushin dhe Sfidën e Bojaxhiut.

Në Korçë, Partia Demokratike të parën në listë paraqet një pedagoge të universitetit, e cila në vitin 2001 ka qenë kandidate e PDR të Genc Pollos. Ajo ishte shkaktarja e humbjes së PD në një zonë dhe më pas nuk ka pasur asnjë lidhje me politikën aktive në qendër, e jo më pastaj në Korçë.

Gjithsesi në atë listë ndoshta është e vetmja që duhet anashkaluar dhe nuk mund të gjykohet. Vendosja e saj ka një tjetër anë që duhet vlerësuar politikisht.

Zonja Duka mund të mbledhë vota për PD më pak se çdo kryetar komune që kanë pasur demokratët në Korçë, jo për shkak të paaftësisë së saj, por për shkak se të vendosësh atë emër në krye të listës është njësoj si të çojë Erjon Braçen apo Taulant Ballën në Korçë. Ajo në memorien e korçarëve është ish sekretarja e rinisë të PPSH-së.

Lista pasohet nga një prej njerëzve më qesharakë të opozitës, pa asnjë eksperiencë, i çohet bazës së PD, i quajturi “ortaku” i Sadri Abazit, i cili ashtu si edhe Duka më shumë se sa për të mbledhur vota do të jenë për show.

I treti në listë është një nga miqtë e ngushtë të ish zëvendës kryeminsitrit Niko Peleshi, Hekuran Hoxhalli, njeriu i cili në zgjedhjet e vitit 2013, punoi hapur kundër PD, ishte një nga shkaktarët e humbjes në Devoll, sot shpërblehet me një vend të sigurt në listë, por me shumë gjasa vështirë se e ka edhe aq.

LEXO EDHE:  Politikanët e inkriminuar/ 15 prokurorë të gatshëm për t'ju "prerë kokat"

Lista pasohet nga një tjetër personazh pa asnjë lidhje politike në qarkun e Korçës, ai quhet Klevis Balliu dhe merita e tij e vetme është se është djali i mikut të ngushtë të Hekuran Isait, i një ish bashkëpunëtori të sigurimit të shtetit, një njeriu të akuzuar publikisht për afera dhe korrupsione, për gjoba dhe batakçillëqe të panumërta. Se sa respekt kanë progadecarët për këtë farë njerëzish, këtë do ta lexojmë me 26 qershor.

I pesti është kreu i degës së PD në Korçë, Andrea Mane, një qesharak politik, dikur drejtor arsimi në Korçë akuzuar se merrte 2.000 euro për një vend pune. I përket kastës së servilave që nuk i duhen as dreqit. Është i pesti në listë që ta nxisin edhe më tepër që të punojë, por ai është i humburi, i parë i listës, me shumë gjasa do të pasohet edhe nga numri i katërt.

I gjashti Ligoraq Karamelo, i cili ka qenë deputet i Korçës, përfaqësues i PBDNJ dhe nuk jep asgjëje të re listës së demokratëve në Korçë, e cila është lista që përdhos Korçën dhe në veçanti demokratët korçarë dhe ky është momenti ndoshta më kritik për PD.

Por Lulzim Basha nuk ka këtë hall, ai ka hallin e partisë, edhe sikur t’i ngelen 10 deputetë për atë është maftueshëm dhe me shumë gjasa do të ketë shumë më pak vota dhe mandate përfaqësuesish në parlament se sa në vitin 2013./CityNews

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Basha merr vendimin/ Ja kur do të zhvillohet protesta e radhës

LEXO EDHE:  Basha takon zyrtarin amerikan/ Ndarja e politikës nga krimi është jetike për votën e lirë

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Basha: Kemi një Kryeministër turist dhe një popull refugjat

LEXO EDHE:  Basha: Kemi një Kryeministër turist dhe një popull refugjat

 

LEXO TE PLOTE
Lajme të Rekomanduara: