Connect with Us

Skandali në “Stop”/Për sa shitet Drejtori i “Rilindjes”?! (Emri)

Aktualitet

Skandali në “Stop”/Për sa shitet Drejtori i “Rilindjes”?! (Emri)

Publikuar

-

Një qytetar i drejtohet një akrobati të Cirkut Kombëtar për t’i kërkuar pjesëmarrjen në një aktivitet privat. Por punonjësi i Cirkut i thotë se këtë punë duhet ta bëjnë bashkë, pasi Drejtori i merr paratë për vete, ose u jep një pjesë shumë të vogël.

Më pas, qytetari i drejtohet Drejtorit Kujtim Dumi, i cili ofron gjithë arsenalin e Cirkut për 700 mijë lekë të vjetra. Pasi i jep 500 euro, Drejtori e pyet edhe për kursin e këmbimit dhe i merr edhe 50 euro të tjetra. Gjithçka në këmbim të pjesëve të punonjësve të Cirkut, në një eveniment privat.

Qytetari dëshiron të organizojë një event privat dhe për ta bërë më të veçantë do të përfshijë trupën e Cirkut Kombëtar, ndaj komunikon me një prej tyre.

Qytetari – Dëgjo! Unë kam ditëlindjen e gocës, e kam më datë 14, muajin që vjen. Tani unë po mendoj të gjej një grup nga ju, që të bëjë shumë gjëra, që të organizojë të merret me fëmijët. Ju e dini shumë mirë se si mund ta bëni.

Zakonisht me pagesen si jeni? Sa paguheni?

Akrobati – Ne marrim, kur e kemi shfaqjen vetë, domethënë se kur vjen ndonjë person tjetër më i madh, ai, e infiltron një çikë lekun.

Qytetari – Po ku? Si përshembull? Si? Keni dhe sekser?

Akrobati – Po pra, se po flasim kështu. Është ai…, ka Drejtori i Cirkut ose ndonjë mik i atij dhe bëjnë një çikë ulje ose nuk të japin fare. Shkojmë kështu si Cirku Kombëtar, japim shfaqje si të cirkut kombëtar.

Qytetari – A.., e marr vesh. Mund dhe të jetë dhe ky varianti, që shkon e pi kafe me Drejtorin dhe Drejtori t’i sjell pa lekë pastaj.

Akrobati – Jo, po ashtu është, zakonisht.

Qytetari – Atëherë, unë s’dua ta bëj kështu. Unë dua ta bëj me ju.

Akrobati – Interesi im është ta bësh me mua. N.q.s. do Drejtorin, ika unë atëherë.

Qytetari – Dëgjo atëherë! Sa shkojnë pagat zakonisht?

Akrobati – Jemi të detyruar me ul një çikë pazarin që të bëhemi më popullorë. Është rreth 100 mijë lekë (të vjetra), që marr unë dhe katër veta të tjerë.

Pas “pazarit” me akrobatin, qytetari i Drejtohet Cirkut Kombëtar për të komunikuar me Drejtorin e saj, Kujtim Dumin.

Qytetari – Me kë mund të bisedoj me dashtë me ba një organizim? Me Drejtorin?

Roja – Me Drejtorin.

Qytetari – N.q.s. ka ndonjë numër telefoni?

Roja – Ti do ndonjë grup apo do ndonjë person?

Qytetari – Grup, grup. Të pres këtu apo të vij lart?

Roja – Jo! Prit këtu! Çuno, urdhno! Ky është Drejtori.

Qytetari – Faleminderit!

Qytetari – Ç’kemi? Si dukeni?

Drejtori – Mirë! Ç’kemi?

Qytetari – Po bëjmë hapjen e një lokali në Durrës. Tip party, shkuma party.

Drejtori – Në Durrës, në qytet?

Qytetari – Tek Iliria. E ka pas dikush tjetër, tashi e kam marrë unë. Me thënë të drejtën, unë shkova më përpara.

Drejtori – Si?

Qytetari – Edhe tek këto që organizojnë.

Drejtori -Si e ka emrin lokali?

Qytetari – Sebastian.

Drejtori – Sebastian.

Qytetari – Po! Edhe desha me bo si tip shfaqje, se një ditë do bëj shfaqjen dhe pastaj pjesën tjetër unë s…

Drejtori – Edhe do që të pranishmit t’i argëtosh një çikë. Do e bësh në mbrëmje? Gjatë ditës?

Qytetari – Gjatë ditës, domethënë ora e mbasdites.

Drejtori – Diku nga mbrëmja?

Qytetari – E…, diçka e tillë.

Drejtori – Sa të bjerë dielli domethënë?

Qytetari – Sa të jetë edhe pak…

Drejtori – Kështu, foni do kesh patjetër tënden?

Qytetari – Po, dixhej normale.

Drejtori – Ndonjë çikë ndriçim ke fut? Apo s’ka nevojë?

Qytetari – S’ka nevojë.

Drejtori – Ndriçim ambienti.

Qytetari – Ndriçim ambienti, normal.

Drejtori – Tashi jashtë do ta bësh, besoj?

Qytetari – Jashtë, jashtë.

Drejtori – Mirë. Çfarë mund të ofroj unë? Unë kam për këto raste: gjërat që kanë efekt janë…

Qytetari – Kam edhe fëmijë, po normalisht se do jetë diçka familjare edhe klloun.

Drejtori – Pra, një diçka që di me bo humor dhe me i fut fëmijët në lojë.

Qytetari – Që t’i angazhojë, diçka e tillë.

Drejtori – Elementi flakë është shumë tërheqës dhe i bukur se është jashtë. Ëë… tashi ça kam unë që të hap edhe ty çikë horizontin. Unë kam xhongler, unë kam akrobat. Unë kam xhongler, me flakë kuptohet. Kam ekuilibristë, kam klloun. Po unë nuk jam për kllounin klasik, jam për kllounin më modern që ka veshje me ngjyra edhe i bën fëmijët pjesë të lojës.

Qytetari – Normalisht se ajo funksionon.

Drejtori – Nuk e di çfarë preferon ti, kam këmbëgjatin.

LEXO EDHE:  Skandal në Dropull/ Bashkia i jep leje gurores në kundërshtim me ligjin

Qytetari – Ok! Unë du katër – pesë gjëra.

Drejtori – Sa minutazh do? Katër – pesë gjëra do të thotë rreth 20 minuta, 30 maksimumi.

Qytetari – Ndoshta, herë pas here ndoshta.

Drejtori – Ti do me i lënë në bllok apo do me i fut herë pas here, të alternume?

Qytetari – Të alternume.

Drejtori – Program tjetër ke përveç nesh?

Qytetari – Dixhejin, kaq!

Drejtori – Nuk ke. Pra do me lënë dixhejin një numër, dixheji, numër.

Qytetari – Po!

Drejtori – E sa mund të shkojë kjo, nga ora 19:00 po themi?

Qytetari – Po! Diçka tre orë maksimumi, mund të jetë intervali komplet i kësaj, që është… të ftuarit.

Drejtori – Deri në orën 22:00 ë?

Qytetari – Po!

Drejtori – Po, ku je? Ku e ke fuqinë? Se varet edhe nga numri i njerëzve, pagesat që do bësh. Nuk e di çfarë të kanë kërkuar ty? Me çfarë e ke? Me këngëtarë? Me…?

Qytetari – Unë pyeta faktikisht një shok që merret me organizimin e këtyre, më tha për dy mijë euro, diçka e tillë.

Drejtori – Jo! Nuk do rrafim aq larg, jo. Ne duam ta prekim tregun dhe ta kemi në vazhdimësi. Nuk du me ardh një herë tek, dy dhe mos me ardh herën e dytë.

Drejtori – Në çdo rast, varet tani…, më lër kohë që të konceptoj një cikë numrin e njerëzve, që të bëj diçka që të ketë duk…

Qytetari – Ok!

Drejtori – Në çdo rast, unë nuk besoj se kjo punë nuk do shkojë më shumë se tek 700 mijë lekshi (të vjetra), që ta dish.

Qytetari – E kuptoj. Bëhet fjalë për të enjten ë?

Drejtori – Të enjten ë?

Qytetari – Po!

Drejtori – Këtë të enjte? Ti e ke në 25 ë?

Qytetari – Në 25.

Drejtori – Nuk kemi përplasje.

Qytetari – Është e lirë?

Drejtori – E lirë është, e lirë. 24-ën e kam të zënë, 27-ën po ashtu.

Qytetari – Ka fillu kjo kultura e organizimit kështu.

Drejtori – Po! Mirë, mirë. Sot kam një grup tek Top Channel, janë tek finalja e “The Voice”. Në datë 22 janë, bëhet inagurim tek filiali i benzit këtu në autostradë, tek Auto Star Albania.

Qytetari – Tek Kastrati?

Drejtori – Tek Kastrati. Kam katër vajza. Nesër do shkoj të montoj me katër fjongo të bukura.

Qytetari – Shumë bukur.

Drejtori – Është bukur. Të enjten, datë 25. Mirë.

Qytetari – Ti mendon se mund të shkojë e gjitha kjo tek pagesa 700 mijë lekë (të vjetra)?

Drejtori – Maksimumi, jo më lart.

Qytetari – Me një fjalë, katër-pesë gjëra. E lëmë kështu pra.

Drejtori – Unë do ta shkrusha dhe me shkrimin tat këtë.

Qytetari – Kaloji pak, po s’e pate bezdi. Po të jap 500 euro dhe pjesën tjetër…, se s’kisha.

Drejtori – Pesë.

Qytetari – I ke në rregull 500 euro? Me një fjalë, ta lej ty organizimin e kësaj pjese. N.q.s. ashtu, transportin mund, këtu në Tiranë, vij edhe unë.

Drejtori – Jo! S’ka nevojë…

Drejtori – Si me 500 euro, si jemi me kursin?

Qytetari – Atëherë n.q.s ngelet nanjë gjë tjetër, mund të merrem vesh me çunat ose kur të kaloj…

Drejtori – Kam idenë se ngelet diçka. Tek 700 000 nuk plotësohen.

Qytetari – Po e di, diçka e tillë. Ato n.q.s. ashtu…

Drejtori – Mos e vrit mendjen, mos e boshatis!

Qytetari – Na edhe këtë! Kaloje atje m.q.s. e ke. Edhe jemi në rregull.

Drejtori – Këtë t’ja u jap për karburant…

Qytetari – A bravo! Është e kryer.

Drejtori – Ti të rrish pa merak!

Qytetari – Jo, unë po lëviz.

Drejtori – Kjo punë do bëhet shumë mirë. Djem dhe vajza të pashëm edhe të talentum.

Qytetari – Është gjithçka e mbaruar.

Drejtori – Do të jenë një orë më përpara tek ty. Do vijnë një orë përpara. Një orë e gjys rrezik që të shofin vendin, të përshtaten, të bisedoni…

Qytetari – Të ambientohen.

Drejtori – Vetëm mendoje, fonia të ketë vend ku të fusim ose usb-në ose cd-në, që të fusim muzikat tona.

Qytetari – S’diskutohet. Mirë!

Drejtori – Ki mendjen në gjëra të tjera! Këtë quje të mbyllme. Mirupafshim!

Qytetari – Faleminderit shumë!

Nga kamera e fshehtë e emisionit “STOP” zbuluam se Drejtori i Cirkut Kombëtar, Kujtim Dumi paguhet 550 euro për 4 – 5 persona të trupës së Cirkut që do të performojnë në një lokal në Durrës. Por si do të ndahen këto para mes tij dhe këtyre personave? Atë e di ai! /tvklan.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Pedagogia e pranon publikisht: Kur im bir sëmuret, korruptoj mjekët

LEXO EDHE:  "Biznesi, në luftë për mbijetesë"/ Basha akuza qeverisë: Shqipëria, kryeqendra e krimit në Ballkan

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Ra në përgjimin e Krimeve të Rënda/ Zbulohet pasuria e prokurorit sekser

LEXO EDHE:  Zbulohet një tjetër skandal në Ministrinë e Brendshme

 

LEXO TE PLOTE
Lajme të Rekomanduara: