Connect with Us

Nga Mero Baze/Përpjekje për të legalizuar çadrën!

Aktualitet

Nga Mero Baze/Përpjekje për të legalizuar çadrën!

Publikuar

-

Negociatat për përfshirjen e Partisë Demokratike në zgjedhje, janë bllokuar tek pamundësia ligjore për të shtyrë zgjedhjet përtej 30 qershorit, si dhe përpjekja për të kushtëzuar miratimin e Komisioneve të Veting-ut, me ndryshim të ligjit të Veting-ut. Përpjekja për ta futur shumicën në spiralen e një ndryshimi antikushtetues, hap shteg të degradimit të procesit dhe futjes së tij në një rrugë pa krye, duke imituar skenarin maqedonas.

Negociatat që po zhvillohen nën kujdestarinë e fortë të Shteteve të Bashkuara të Amerikës, po përpiqen të diskretitohen publikisht nga Partia Demokratike, e cila pasi ka hequr dorë nga “Republika e Re” që shpiku Lulzim Basha në çadër, tani po përpiqet të ndërtojë një koalicion të ri politik kundër shtatë ligjeve të reformës në drejtësi, për t’i riparë ato dhe për të futur shumicën në spiralen e ndryshimit të Kodit Zgjedhor, që degjeneron procesin e zgjedhjeve.

Ndryshimi i Kodit Zgjedhor është i pamundur, pasi të ndalon Kushtetuta ta ndryshosh minimumi gjashtë muaj para zgjedhjeve. Por përtej kësaj, në qendër të sulmit është ligji i Vetingut, për të cilin PD thotë se pranon ta votojë Komisionin e Vetingut, por duhet të rishikojë më parë ligjin, duke i bërë ndryshime që kanë të bëjnë me afatin e Veting-ut, radhën e gjykatave që do zbatohet etj. Pra në një farë mënyre, PD kërkon të hapë probleme të mbylluara, siç është reforma në drejtësi dhe Kodi Zgjedhor, dhe të mbyllë derën për të hyrë në zgjedhje në mundësitë reale që ekzistojnë.

Ajo që ofron Partia Socialiste është paketa McAllister, minus presidentin, që ndërkohë është zgjedhur dhe dizavantazhet që jep pamundësia për t’i shtyrë zgjedhjet përtej 30 qershorit, pasi nuk të lejon Kushtetuta. Ajo çfarë ka mbetur t’u ofrohet, është një ndryshim në qeveri me katër ministra teknikë, një KQZ e rikompozuar me kryetar të opozitës dhe shumicë të së majtës, dhe një shtyrje maksimale e zgjedhjeve deri më 30 qershor, duke detyruar palën tjetër të votojë Komisionet e Veting-ut në parlament, dhe jo rishikim të ligjit të Veting-ut, siç kërkon PD.

Kjo është e gjitha çfarë ofron paketa McAllister në këto momente, pasi ajo është refuzuar e plotë në fund të prillit nga PD, duke e quajtur tradhti dhe përpjekje për të poshtëruar opozitën.

Në përpjekje për të degraduar këtë proces, Partia Demokratike po kërkon mbështetjen e LSI dhe partive të tjera aleate të saj, për të ndryshuar ligjin e Vetingut dhe Kodin Zgjedhor, dhe për ta futur procesn në spiralen e një shtyrje pa fund, duke dështuar përfundimisht zgjedhjet në Shqipëri dhe duke shpresuar se qeveria e re do të këte një boshllëk kushtetues për t’u rrëzuar, pasi më 9 shtator mbaron mandati i ketij Kuvendi dhe qeverinë nuk mund ta rrëzojë më askush, duke futur vendin në kaos kushtetues.

LEXO EDHE:  Bashkëbisedimi i qytetarëve vlonjatë në çadrën e PD

Shtetet e Bashkuara të Amerikës janë përpjekur të ruajnë një diskrecion të plotë mbi negociatat, dhe po keqpërdoren publikisht nga Partia Demokratike, duke i bërë palë me propagandën e tyre. Edhe pse PD ka marrë sot disa telefonata paralajmëruese nga Uashingtoni për këtë shkak, duket se qëllimi i tyre nuk është hyrja në zgjedhje, por realizmi i qëllimit për degradim të procesit dhe përdorimin e këtij procesi për të ringjallur koalicionin e fillimit të çadrës në bulevard, çka është dhe objektivi i tryezës së thirrur prej tyre.

Oferta e Partisë Socialiste për të lejuar PD të regjistrohet, për të bërë zgjedhje më 18 qershor, maksimumi më 30 qershor dhe miratimi pa kusht i Komisoneve të Veting-ut, është maksimumi i paketës McAllister që mund të jepet sot. Në fund të prillit kur McAllisteri e ofroi atë, mund ta merrnin të plotë, por atëhere i vetmi zë nga PD që tha ta pranojmë ishte Majlinda Bregu, dhe ajo u poshtërua publikisht.

Tani Lulzim Bashës i ka ngelur në dorë çadra e “Republikës së Re” dhe hipoteka fallco e PD mbi të, duke kërkuar t’i legalizojë, me shpresë që t’i quhet fitore. Kjo nuk mund të ndodhë. PD-së mund t’i jepet shansi të hyjë në zgjedhje, por nuk mund t’i jepet kurrë shansi që t’i lërë peshqesh Shqipërisë, një çadër fantazëm, si një litar jashtë varrit të saj për të penguar Shqipërinë. Çadra nuk mund të legalizohet për të mbuluar dështimin e Lulzim Bashës, pasi u pa që shqiptarët e braktisën atë./tema

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Raporti i OSBE-ODIHR/ Kikia: Pasyrim i realitetit, u interpretua sipas mënyrës së tyre nga krahët politikë

Publikuar

-

Nga

Raporti i OSBE-ODIHR/ Kikia: Pasyrim i realitetit, u interpretua sipas mënyrës së tyre nga krahët politikë

Gazetari Mentor Kikia, ka komentuar raportin përfundimtar të OSBE/ODIHR-it përsa i përket zgjedhjeve të 25 prillit në vendin tonë.

I ftuar në studion e ‘Fax News’, Kikia tha se ky raport, edhe pse me një gjuhë jo të drejtpërdrejtë, nxori në pah ato problematika apo denoncime që janë bërë publike që më parë, gjatë kohës së zgjedhjeve apo para e pas tyre.

Ndërsa shtoi se edhe këtë herë raporti i OSBE/ODIHR u interpretua sipas mënyrës së tyre nga krahët politikë në vend.

Raporti ishte pasqyrimi i atij realiteti që ne e pamë, e konstatuam, pavarësisht toneve në të cilat publikohen. Në reagimet e institucioneve ndërkombëtare mungon ajo gjuha e drejtpërdrejtë, që ne preferojmë të dëgjojmë si për gjërat e mira, ashtu edhe për gjërat e gabuara.

Por, gjithsesi nëse do i referohemi problemeve, konstatohet problemi i madh aq shumë i diskutuar në Shqipëri sikurse ishte ajo e publikimit të të dhënave personale lidhur me atë që u cilësia si dosja e ‘Patronazhistëve’.

Ndikimi dhe përdorimi i administratës publike po ashtu, veçanërisht i punësimeve të shpejta në prag të procesit zgjedhor, që është një mënyrë për të orientuar apo diktuar votën përmes, tashmë jo nëpërmjet një blerjeje të drejtpërdrejtë. Pra ishte një lloj fryrje e administratës në prag të zgjedhjeve. Probleme këto që ishin denoncuar edhe para apo gjatë zgjedhjeve.

Dhe ashtu sikurse çdo rast tjetër, si njëra palë, ashtu edhe tjetra nisin të komentojnë në favor të tyre, ku qeveria thotë që në bazë të raportit, këto ishin zgjedhjet më të mira ndonjëherë, dhe nga ana tjetër opozita nxjerr në dukje ato denoncime që ajo i ka bërë me kohë publike.”, u shpreh Kikia.

LEXO TE PLOTE

Bota

BE: 70% e qytetarëve të vaksinuar me së paku një dozë

Publikuar

-

Nga

BE: 70% e qytetarëve të vaksinuar me së paku një dozë

Presidentja e Komisionit Evropian, Ursula von der Leyen, tha se 70 për qind e qytetarëve të rritur të BE-së kanë marrë së paku një dozë të vaksinës kundër koronavirusit.

Në përgjithësi, shtoi ajo, 57 për qind e mbi 18-vjeçarëve në 27 vendet e BE-së janë tani plotësisht të vaksinuar.

“Këto shifra e vendosin Evropën në mesin e të parëve në botë. Por, ne duhet t’i vazhdojmë përpjekjet”, tha von der Leyen.

Sipas saj, varianti më ngjitës i koronavirusit, Delta, është duke u përhapur në kontinent dhe duke rritur normat e infeksionit.

“Prandaj, unë u bëj thirrje të gjithëve – që kanë mundësi – të vaksinohen. Për shëndetin e tyre dhe për t’i mbrojtur të tjerët”, tha von der Leyen.

LEXO EDHE:  Bashkëbisedimi i qytetarëve vlonjatë në çadrën e PD

LEXO EDHE:  Largimi i Renzit dhe gezimi i disave ne Tirane/ Nga Alban Daci

Komisioni Evropian – i cili ka qenë përgjegjës për sigurimin e vaksinave për bllokun – ka vendosur më herët si synim vaksinimin e plotë të 70 për qind të të rriturve deri në fund të verës.

Më 10 korrik, von der Leyen ka thënë se BE-ja ka shpërndarë mjaft vaksina për të arritur atë nivel.

Në BE më shumë të vaksinuar sesa në SHBA

Sipas Universitetit Johns Hopkins, që ndjek të dhëna për pandeminë, në të gjithë botën janë dhënë deri më tash mbi 3.9 miliardë vaksina.

Koronavirusi ka prekur gjithsej mbi 194.9 milionë njerëz.

Prej tyre, mbi 4.1 milionë kanë vdekur./REL

LEXO TE PLOTE

Politikë

Raporti final i OSBE-ODIHR/ Lubonja: SPAK të hetojë pretendimet e opozitës

Publikuar

-

Nga

Raporti final i OSBE-OHDIR/ Lubonja: SPAK të hetojë pretendimet e opozitës

Analisti Fatos Lubonja, ka komentuar raportin përfundimtar të OSBE/ ODIHR për zgjedhjet e 25 prillit.

I ftuar në news 34, Lubonja tha se raporti, nuk ka ndikim kushtetues në vend, pasi përfundimet e saj vijnë në formën e sugjerimeve.

Sipas tij rol më se shumti në vend luajnë ambasadat, e ato, i kanë njohur zgjedhjet.

Lubonja vuri në pah, se SPAK duhet të hetojë pretendimet e ngritura nga opozita, por një gjë të tillë e gjykoi si të vështirë për të ndodhur.

“Qartazi OSBE nuk është një organizëm aq me peshë sa dhe të vendosë realisht politikat, ndryshimet. Jo vetëm që është organ i jashtëm, por edhe influenca e ndërkombëtarëve në Shqipëri, nuk është e lidhur me OSBE, por siç e dimë ambasada e SHBA, BE, të cilët paradoksalisht nuk pritet që ta japin këtë raportin për gjykim, por e njohën rezultatin e zgjedhjeve. Ç‘vlerë ka kjo për korrigjim. Ne thellohemi, jo korrigjohemi. Sigurisht standardet janë të dyfishta të atyre që japin këto raporte. Në Austri ku ka qenë OSBE në Vjenë, vetëm 2 qendra votimi që u mbyllën më herët seç duhet dhe në një vend se s’kishte njerëz më, u ankuan dhe Gjykata Kushtetuese i ripërsëriti zgjedhjet. Këtu luhet loja e ambiguitetit. Pushteti vazhdon e korrigjim nuk ka. Nëse vazhdon minimumi 20 vjet kështu, edhe këta të OSBE duhet të vijnë dhe ta ta thonë më qartazi dhe prerazi.

Kur sheh raportin e OSBE, përsëri lind nevoja e hetimit. Patronazhistët dalin qartazi si shkelje e ligjit. Problemi është se cili do e hetojë. SPAK? Ky është problemi te ne. Kur s’ke institucione të hetojnë këta do të vijojnë kështu. Ai i SPAK s’duhet të marrë urdhra nga askujt. Nuk është hapur dosja e patronazhistëve asnjëherë. Ata shpejt thërritën Andi Bushatin dhe Armand Shkullakun se kush ia dha. U treguan të gatshëm për të treguar se kush e spiunoi PS.”/CNA.al

 

LEXO TE PLOTE