Connect with Us

EKSKLUZIVE/PD sjell marins amerikan për “trupat paramilitare” të protestës

Aktualitet

EKSKLUZIVE/PD sjell marins amerikan për “trupat paramilitare” të protestës

Publikuar

-

Partia Demokratike po merr masa ekstreme për protestën e ditës së shtunë me 13 maj dhe ditët e fundit kreu demokrat ka ashpërsuar gjuhën e tij ashtu siç bëri edhe përpara protestës së Kavajës.

Strategjia e Partisë Demokratike, nuk duket të jetë vetëm mesazhi që përçon Basha, ka edhe një tjetër formë organizimi për të ushtruar presion mbi qeverinë. Për më tepër një trupë speciale për ditën e protestës.

CityNews sjell eksluzivisht foto dhe fakte të plota në lidhje me përgatitjen organizative që po merr Partia Demokratike në të gjithë Shqipërinë.

Kreu demokrat Basha nuk do të çojë thjesht disa dhjetëra mijë shqiptarë në protestë, shumë prej tyre do të jenë një “trupë paramilitare” e përgatitur nga njerëzit më besnikë afër Lulzim Bashës.

Kjo “trupë paramilitare”, e cila do të jetë pjesë e korpusit Azem Hajdari, po përgatitet nga një marins amerikan, i cili sipas fotove të mëposhtme ka filluar të shkojë në qytetet e veriut të Shqipërisë ku takon 15 po 20 besnikë të Partisë Demokratike, i shoqëruar nga Agest Kopellaj, asistent i Bashës, anëtar i këshillit kombëtar të PD. Agjenda e marinsit me emrin “Brawn” vazhdon edhe në qytetet e tjera, i shoqëruar nga Kopellaj, i cili luan rolin e përkthyesit dhe jep detaje në lidhje me organizimin për të përzgjedhurit që janë pjesë e takimeve.

Grupi i njerëzve të besuar do të jetë i ndarë nga pjesa tjetër e turmës, këta njerëz të cilët kontaktohen nga amerikani me emrin “Brawn” i cili prezantohet si një ushtarak dhe marins i trupave amerikane në Lindjen e Mesme, do të vishet me uniforma të cilat ndodhen në selinë e Partisë Demokratike.

Amerikani “Brawn” nuk pranon të fotografohet, nuk jep sqarime se kush është realisht, por i shoqëruar nga asistenti Kopellaj, deklaron se ka qenë marins në Irak dhe Partia Demokratike e ka kontaktuar që ai të ndihmojë për protestën e 13 majit.

LEXO EDHE:  Një vit nga djegia e mandateve/ Kush do të ikë nga politika, Basha, Kryemadhi apo Rama?

Sipas burimeve të CityNews PD ka bërë gati uniformat për trupën e përzgjedhur prej tij, e cila do të bëjë paradë thuajse ushtarake ditën e protestës, kjo është ajo që dihet dhe që thuhet për më tej gjithçka është tepër sekrete. Ne kemi mësuar se personat që do të vishen me këto uniforma në paradë janë njerëzit më të besuar pranë Bashës në Partinë Demokratike.

Korpusi Azem Hajdari u shfaq për herë të parë në protestën e demokratëve të dy viteve të shkuara, ai u quajt nga mediat në atë kohë si një “grup paramilitarësh”. Ky grupim tani do të ketë brenda tij besnikë nga të gjitha rrethet e Shqipërisë dhe do të drejtohet nga një marins amerikan, siç pretendon ai të ketë qenë në Irak. Cila është arsyeja dhe për çfarë do të shërbejë kjo trupë “paramilitare”, ende nuk dihet. Partia Demokratike po vepron, jo thjesht dhe vetëm duke tentuar të tensionojë situatën mes fjalimeve  të Bashës, por mesa duket masat kanë zbritur deri në bazë.

CityNews mësoi se njerëzit besnikë do të paraqiten 2 orë para protestës, ku do të vishen me uniformat që ndodhen në seli, aty do orientohen për çdo lëvizje dhe qëndrim të tyre. Amerikani “Brawn” është personi që do të organizojë operacionin e këtij grupi besnikësh që kthehen në “trupë paramilitare”.

Në fotot e mëposhtme do të shikoni amerikanin “Brawn”(ekskluzive 2 foto 3) me rreth të kuq, Agest Kopellaj, asistentin e Lulzim Bashës dhe anëtarin e këshillit Partisë Demokratike me rreth të blu dhe disa foto të korpusit Azem Hajdari./CityNews

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Kronika

Ndërtim i paligjshëm/ Procedohen 31 persona, nën hetim 5 punonjës të bashkisë Kukës

Publikuar

-

Nga

Akuzohen për ndërtim të paligjshëm/ Procedohen 32 persona, nën hetim 5 punonjës të bashkisë Kukës

Qeveria shpalli nisjen e aksionit për mbrojtjen dhe kontrollin e territorit, duke ka tërhequr vëmendjen policisë për këtë çështje.

Kjo ka bërë që policia e Kukësit të vihet në lëvizje dhe të procedojë për veprën penale “Ndërtim i paligjshëm” 31 persona, të cilët kryesisht po ndërtonin shtëpi banimi 1 deri në 3 kate.

Mësohet se nga Seksioni i Për Hetimin e Krimit Ekonomik & Financiar, janë proceduar penalisht  dhe janë vënë nën hetim për veprën penale “Shpërdorimi i detyrës” 5 punonjës të bashkisë.

LEXO EDHE:  Dritan Shano paralajmëron Bashën/ Çdo marrëveshje politike, humbje për PD-në

LEXO EDHE:  E vërteta e shiritit të zi në krah që mbajnë disa demokratë në protestë

Konkretisht janë ndëshkuar Drejtori i Urbanistikës pranë Bashkisë Has, Inspektori i IMT Bashkia Has, Kryeinspektor i Inspektoratit Kombëtar të Mbrojtjes së Territorit për Qarkun Kukës, Kryeinspektor i Inspektoratit të Mbrojtjes së Territorit në Bashkinë Kukës, Kryeinspektor i Inspektoratit të Mbrojtjes së Territorit në Bashkinë Tropojë./ CNA.al

LEXO TE PLOTE

Kronika

Operacioni që vuri në pranga efektivin e RENEA/ Policia informacion zyrtar, ku shitej kokaina

Publikuar

-

Nga

Operacioni që vuri në pranga efektivin e RENEA/ Policia informacion zyrtar, ku shitej kokaina

Policia e Tiranës ka dhënë informacion në lidhje me operacionin ku u sekuestruan 1 kg kokainë, dhe u arrestua dhe një efektiv i RENEA-s.

Burime zyrtare bënë me dije se në kuadër të operacionit “Baron”, ranë në pranga 3 persona. Bëhet fjalë për shtetasit Ded Nimani, Luan Gaçi si dhe efektivi Xhuljo Liçin.

Njoftimi i policise

Në vijim të goditjeve të njëpasnjëshme kundër veprimtarisë kriminale në fushën e narkotikeve Specialistët e Seksionit për Hetimin e narkotikëve në DVP Tiranë, bazuar dhe në informacionet e marra në rrugë operative kanë organizuar dhe finalizuar operacionin policor të koduar “BARON”, në kuadër të të cilit u kapën dhe u vunë në pranga shtetasit:

Luan Gaçi, 43 vjeç, banues në Vorë, Xhuljo Liçi, 28 vjeç (punonjës policie) banues në Fier dhe Ded Nimani, 62 vjeç, banues në Tiranë, me precedent të mëparshëm penal në fushën e narkotikëve.
Mbi bazën e informacioneve të marra nga Specialistët e Seksionit për Hetimin e Narkotikëve në DVP Tiranë se shtetasit D.M dhe L.G, në bashkëpunim me njëri-tjetrin merreshin me veprimtari kriminale në fushën e narkotikëve konkretisht duke blerë kokainë në sasi 1 deri në 2 kilogramë, dhe më pas duke e shitur atë në zona të ndryshme të Tiranës, si dhe në kufi me qarkun e Durrësit me qëllim shmangien e prezencës policore, kanë organizuar punën duke i mbajtur nën vëzhgim.

LEXO EDHE:  U la jashtë listës së deputetëve/ Astrit Veliaj: PD në gjendje krize identiteti

LEXO EDHE:  Kulluri “dush të ftohtë” Bashës/ I ka mbetur ora tek shoku Enver

Në aksin rrugor Tiranë-Durrës, rruga e vjetër në zonën e Ndroqit, shtetasi Xhuljo Liçi dhe Ded Nimani, janë kapur në flagrancë së bashku me shtetasin Luan Gaçi, me një pako lëndë narkotike Kokainë.

Në cilësinë e provës materiale u sekuestrua lënda narkotike me peshë totale 1 kilogramë e 88 gramë, dy automjete, pesë aparate celular dhe një armë zjarri pistoletë me municion luftarak. Nën drejtimin e Prokurorisë vijon puna për identifikimin dhe kapjen e personave të tjerë të përfshirë në këtë veprimtari kriminale. Materialet i kaluan Prokurorisë së rrethit Gjyqësor Tiranë për veprime të mëtejshme për veprën penale “Prodhim dhe shitja e narkotikëve” e kryer në bashkëpunim.

LEXO TE PLOTE

Aktualitet

Liria e medias, gazetarët dhe policia trajnohen së bashku

Publikuar

-

Nga

Liria e medias, gazetarët dhe policia trajnohen së bashku

Shtetet e Bashkuara shënuan përmirësim, duke kaluar nga vendi i 48-të në vendin e 44-të vitin e kaluar, në renditjen për lirinë e medias të organizatës “Reporterët pa Kufij”. Por incidentet e dhunshme të kryera nga autoritetet dhe persona civilë kundër gazetarëve nxitën zyrtarët e zbatimit të ligjit në Xhorxhia për t’u bashkuar me një organizatë jofitimprurëse për një trajnim të përbashkët me gazetarët.

Për gazetarët në Uashington, viti filloi me sulmet ndaj Kapitolit në muajin janar. Më pas, një turmë pro ish-presidentit Trump kaloi barrikada, sulmoi gazetarët si dhe shkatërroi pajisjet e tyre.

Kjo dhunë ndaj gazetarëve erdhi pas verës së viti të kaluar, kur miliona njerëz protestuan për vdekjen e George Floydit në duart e policisë. Dhe policia gjatë këtyre protestave u përplas ndonjëherë me dhunë me protestuesit dhe median.

Kështu zyrtarët e zbatimit të ligjit në Xhorxhia dhe Shoqëria e Gazetarëve Profesionistë (SPJ) shqyrtuan mundësinë për një trajnim.

“Ajo që kemi këtu është një situatë proteste ku policia ka nevojë për të shpërndarë protestuesit. Ata po hyjnë në një zonë ku nuk duhet, ose gjërat kanë filluar të bëhen të dhunshme dhe protesta nuk është më paqësore”, thotë Charlotte Norsworth me Shoqatën e Gazetarëve Profesionistë.

Ish-presidentja e Organizatës së Gazetarëve Profesionistë në Xhorxhia, Charlotte Norsworth shfaqet në këtë video trajnimi si reportere para një turme protestuesish armiqësorë ndaj policisë.

Kursi në Qendrën e Trajnimit të Sigurisë Publike të Xhorxhias udhëzon të zbatohet ligji në vendin e konfliktit, por gjithashtu u mëson gazetarëve të respektojnë kufijtë ligjorë.

Chadd Wilson, është drejtori i divizionit për trajnimin bazë. Ai thotë se programi ndihmon në kapërcimin e ndarjes midis zbatimit të ligjit dhe mediave.

“Ju e kuptoni se nuk është vetëm një person me një mikrofon në fytyrën tuaj, ose nuk është vetëm një person me një aparat fotografik nga këndvështrimi ynë. Ata janë qenie njerëzore ashtu si ne. Dhe nga perspektiva e medias, mendoj se është e rëndësishme që ata të kuptojnë se ka një qenie njerëzore pas asaj mburoje dhe në fund të ditës të gjithë thjesht duam të bëjmë punën tonë”, thotë Chadd M. Wilson.

LEXO EDHE:  E vërteta e shiritit të zi në krah që mbajnë disa demokratë në protestë

LEXO EDHE:  Lobimi i dyshimtë i PD/ Ja, çfarë thotë ambasadori rus

Norsworth dhe Wilson bien dakord se ka mosbesim në rritje midis gazetarëve dhe zyrtarëve të zbatimit të ligjit, pasi policia gjithnjë e më shumë është bërë objekt i protestave.

Të dy e cilësojnë këtë trajnim një hap të mirëpritur dhe në drejtimin e duhur.

“Unë mendoj se deri më tani ka qenë vendimi më i suksesshëm, se sa e menduam në fillim të trajnimit”

“Policia dhe gazetarët kanë të drejta që fillojnë dhe mbarojnë në afate shumë specifike. Është një rrugë me dy kalime që kërkon pjesëmarrje dhe respekt si nga policia ashtu edhe nga media. Nuk funksionon ndryshe.”

“Nëse nuk marrim asgjë tjetër përveç linjave të hapura të komunikimit nga kjo, unë mendoj se kemi bërë më shumë sesa shumë njerëz të tjerë kanë arritur ndonjëherë.”

Zoti Wilson thotë se trajnimi gjithashtu ekspozon oficerë nga zonat më rurale në praninë e mediave, që ata zakonisht nuk do të hasnin. Programi fizik është i ri, por modulet e trajnimit në internet janë në dispozicion për të gjithë zbatuesit e ligjit në Xhorxhia./ VOA

LEXO TE PLOTE