Connect with Us

Marshimi i Republikës së Re ka nisur/Stacioni i parë të dielën në Kavajë ku rrëzohet republika e vjetër

Aktualitet

Marshimi i Republikës së Re ka nisur/Stacioni i parë të dielën në Kavajë ku rrëzohet republika e vjetër

Publikuar

-

Mesazhi i Lulzim Bashës në ditën e 77 të protestës për zgjedhje të lira e të ndershme

Çdo agorë ka rrezatimin e vet të bukurisë, mençurisë, fisnikërisë, fytyrës dhe shpirtit europian të popullit shqiptar. Por agorat më të bukura janë pa dyshim, agorat e rinisë, agorat e shpresës që po lind me rininë shqiptare, me të rejat dhe të rinjtë shqiptarë, shpresën dhe vendimin për Republikën e Re.

Vëllezër dhe motra, zonja dhe zotërinj, të rinj dhe të reja, 77 ditë pagëzojnë rekordin historik të kësaj lëvizje popullore qytetare, të këtij bashkimi kombëtar për zgjedhje të lira dhe të ndershme dhe për Republikën e Re. 77 ditë që kanë ndryshuar Shqipërinë sot, 77 ditë investim në të ardhmen që po vjen, Republikën e Re.

Nga honet e errëta të dëshpërimit, të induktuar nga krimi, droga dhe arroganca qeveritare, nisi bashkimi dhe marshimi ynë i madh i 18 shkurtit. U mblodhën qindra mijëra shqiptarë këtu në këtë shesh, në këtë agorë e deri tek sheshi Skënderbej, së bashku për të marrë siç kishim paralajmëruar, një vendim të madh. Një vendim të madh, që koha dhe vuajtjet dhe shpresat e shqiptarëve, e thirrën në shesh. Vendimin për të mos ulur më kokën para arrogancës, padrejtësisë dhe hajdutësirë, për të mos u trembur më nga krimi në pushtet dhe pushteti i i inkriminuar, vendimin për t’i thënë jo republikës fasadë, teatrit të kukullave, për të refuzuar komplotin politik dhe ekonomik, që luhet tash 4 vite në kurriz të shqiptarëve. Vendimin, për të mos pranuar zgjedhje fasadë të diktuara nga krimi dhe nga droga. Vendimin, për të mos u bërë më as alibi e as fasadë e republikës së vjetër, vendimin për të marrë fatin tuaj në duart tuaja, e kështu për të marshuar drejt një Republike të Re të qytetarëve shqiptarë, të djathtë e të majtë, por të lirë e të vendosur për  fatin e tyre europian.

Asgjë nuk është më si më parë. Që nga ajo ditë e bekuar e bashkimit të 18 Shkurtit, javë pas jave, ditë pas dite, saktrifica, kurajo, vendosmëria juaj, shembin njëri pas tjetrit fasadat e shëmtuara të republikës së vjetër. Bota mbarë e pa, e pranoi, e njohu vuajtjen e një kombi të tërë, thirrjen e një shoqërie të tërë për t’u ngritur bashkë kundër drogës, krimit dhe korrupsionit qeveritar.

Sot, në takime si ky që sapo mbarova me një nga ministret e jashtme kryesore të Europës, me qindra takime të tjera që kam pasur këto 77 ditë, ajo që nuk pranohej si argument i mirëqenë, sot është fakt i çertifikuar falë jush, falë qëndresës suaj, të këtij bashkimi.

Zëri juaj i bashkuar, e vërteta juaj e bashkuar, është sot e vetmja e vërtetë që njeh Europa, Amerika dhe mbarë bota. E gjithë bota e di siç e dimë ne të gjithë këtu se zgjedhje të lira ku qytetarët të mund të shprehin vullnetin e tyre pa asgjesuar problemin e krimit në pushtet dhe drogës, nuk mund të ketë. E gjithë bota e di se krimi dhe droga janë përgjegjësia dhe projekti politik i qeverisë dhe kryeministrit të fasadës. E gjithë bota ashtu si çdo shqiptar se zgjidhja mund të vijë vetëm duke marrë në dorë fatin e zgjedhjeve me një qeveri teknike që do të luftojë krimin dhe drogën dhe do të mundësojë votën e lirë të qytetarëve shqiptare.

Sot, nga kjo agorë, nga ky bashkim i madh qytetar, është rasti të shpreh mirënjohjen time të thellë ndaj çdokujt qytetar dhe faktor politik, që qëndruan bashkë në këto 77 ditë dhe javë pas jave, ditë pas dite duke rrëzuar fasadën e republikës së vjetër. Ne vendosëm se; zgjedhje pa opozitën nuk ka dhe nuk mund të ketë. Opozita qëndroi e bashkuar, qëndroi e bashkuar siç ua dha fjalën ju, dhe këtij bashkimi të madh e të paprecedent qytetar. Opozita qendroi e bashkuar dhe refuzoi regjistrimin me një fasadë të shëmtuar elektorale të diktuar nga krimi dhe droga.

Të përballur me forcën tonë, të përballur me forcën tuaj, edhe partitë qeveritare nuk ia dolën të regjistronin koalicionin e tyre  dhe sot një gjysëm koalicioni i shpërndarë si zogjtë e korbit, është prova më e qartë, bashkë me dështimin për t’u regjistruar sipas datës zgjedhore, se, 18 qershori ka rënë politikisht, moralisht dhe ligjërisht. Por ndonëse rënia morale, politike dhe ligjore e 18 qershorit është sot një fakt i konfirmuar nga të gjithë, republika e vjetër po bën gjithçka ta ndalë apo ta ngadalësojë vrullin e bashkimit popullor që është nisur drejt destinacionit tonë përfundimtar, Republikës së Re.

LEXO EDHE:  Protesta te Opozites ne Kosove, anulohet peticioni kunder shtrenjtimit te energjise

Arsyet janë të qarta; ata janë një grusht njerëzish me në krye Edi Ramën, ata janë roshët dhe bushët dhe nushët me shokë, kriminelë, oligarkë dhe politikanë të korruptuar të cilët në vetëm tre vjet iu vodhën shqiptarëve, vetëm nga buxheti 2.8 miliard euro.

Kjo është arsyeja, pse studentët shqiptarë, pse prindërit e tyre duhet të paguajnë tarifa më të larta nga viti në vit. Kjo është arsyeja, pse shërbimi shëndetësor është në ditët e tij më të zeza dhe pacientët e familjarët e tyre duhet t’i blejnë ilaçet që duhet të garantoheshin nga taksat e tyre. Kjo është arsyeja se pse pensionet shqiptare kanë ngelur aty ku ishin, se fuqia blerëse e shqiptarëve ka rënë, pse me të njëjtat para mund të blesh më pak, pse faturat janë rritur,p se taksat janë rritur dhe gjitha këto para janë në xhepat e republikës së vjetër.

Por sot, ndryshe nga 77 ditë më pare, republika e vjetër nuk është më zoti i fateve të shqiptarëve. Sot, ndryshe nga 77 ditë më pare, nuk e ka të lehtë t’i shtypë, vjedhë, mashtrojë dhe poshtërojë shqiptarët një e nga një, familje me familje. Sepse shqiptarët janë bashkuar dhe ushtria paqësore e Republikës së Re po nis marshin e saj të pandalshëm.

Ne do të marshojmë të bashkuar qindra-mijëra shqiptarë.

Ne do të marshojmë për Republikën e Re. Ne do të marshojmë që brenda 4 viteve të para të Republikës së Re, asnjë pension të mos jetë më pak se 250 mijë lekë të vjetra në muaj. Pra, që pensioni minimal të jetë 250 mijë lekë të vjetra në muaj. Ne do të marshojmë për taksën e sheshtë më të ulët në Ballkan. Ne do të marshojmë për çlirimin e biznesit të vogël dhe mbylljen në kazerma të taksidarëve dhe inspektorëve të shtetit. Ne do të marshojmë për një ligj të ri për arsimin e lartë, në mënyrë që çdo bir dhe bijë shqiptare t’i mundësohet arsimi i lartë pavarësisht prej pamundësisë ekonomike. Ne do të marshojmë për të shembur krimin dhe drogën, dhe oligarkinë që kanë kuçedrat që përpijnë ditë për ditë paratë dhe shpresat e shqiptarëve në republikën e vjetër.

Ne jemi gati, dhe stacioni ynë më i rëndësishëm, i pari në këtë betejë finale që do ta fitojë e nesërmja, shpresa dhe e ardhmja, do ta fitoja Republika e Re, është Kavaja. Përballja e pare, është dita e dielë në kryeqytetin e lirisë, në kryeqytetin e demorkacisë, në Kavajë.

Nga Kavaja le të përhapet lajmi i mirë kudo se republika e vjetër është një tigër letre, është një grusht kriminelësh, pushtetarësh të korruptuar dhe oligarkësh. Ditën e dielë, le ta mësojë çdo shqiptar dhe çdo mik i huaj, dashamirësit e shumtë të Republikës së Re dhe kundërshtarët e paktë, se në 7 Maj republika e vjetër rrëzohet në Kavajë.

Ndaj, për fatet dhe drejtat e shqiptarëve, për fatin dhe të drejtat e çdo kryefamiljari dhe çdo kryefamiljareje, për të ardhmen e çdo të riu dhe të reje, për të ardhmen e çdo fëmije shqiptar le të bashkohemi të dielën në bashkimin më të madh popullor. Në përballjen paqësore por të vendosur që të shënojë simbolikisht rënien e republikës së vjetër dhe themelin e parë të Republikës së Re.

Nuk do të lejojmë krimin, drogën, Rroshin dhe kaposhin që të nëpërkëmbë Kavajën. Ne do të jemi të gjithë aty, përmes pjesëmarrjes, përmes bashkimit, përmes vendosmërisë le të diktojmë agimin e Republikës së Re.

Zonja dhe zotërinj, të rinj e të reja tregojuni botës dhe Shqipërisë ku do jemi ditën e dielë?

(Protestuesit: Kavajë!)

Ku nis fitorja?

(Protestuesit: Kavajë!)

Ku themelohet liria?

(Protestuesit: Kavajë!)

Ku rritet dhe ngrihet demokracia?

(Protestuesit: Kavajë!)

Ku do jemi?

(Protestuesit: Kavajë!)

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

OFL ndalet në Durrës dhe Tiranë/ Ultimatum pesë personave për deklarimin e pasurisë

Publikuar

-

Nga

OFL “hedh grepat” në Tiranë/ Kërkon deklarimin e pasurisë së tre shtetasve

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

E. F., me banim në Durrës, i dënuar në Spanjë për veprën penale “Trafik droge” kryer në bashkëpunim dhe “Pjesëmarrja në organizatë kriminale”;

A. A., me banim në Tiranë, i dënuar për veprën penale “Vjedhja me armë”;

E. A., me banim në Tiranë, i dënuar për veprën “Vjedhja me dhunë”;



D. Gj., me banim në Tiranë, i dënuar për veprën penale “Vjedhja me armë”;

LEXO EDHE:  Kushtetuta, WC e maces së Gjirit të Lalëzit dhe koronavirusi kinez…

LEXO EDHE:  Protesta/ Berisha zbulon çdo ndodh më 16 Shkurt

A. S., me banim në Tiranë, i dënuar për veprën penale “Vjedhja me armë”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./CNA.al

LEXO TE PLOTE

Aktualitet

Aksident në rrugën Sarandë-Ksamil/ Plagoset një person

Publikuar

-

Nga

Aksident në rrugën Sarandë-Ksamil/ Plagoset një person

Një aksident i rëndë raportohet të ketë ndodhur në rrugën Sarandë-Ksamil, pranë një kompleksi. 

CNA.al mëson se ka një të plagosur emri dhe mosha e të cilit nuk bëhet e ditur, por që është dërguar në spital në gjendje të stabilizuar.



Në vendngjarje janë forcat e policisë për të hetuar shkaqet e aksidentit.

LEXO TE PLOTE

Aktualitet

Falsifikimi i firmës së vajzës së Ben Blushit/ Kryetarja e Dhomës së Noterve: Çështja do referohet në Dhomën Disiplinore

Publikuar

-

Nga

Mimoza Sadushi

CNA.al ka denoncuar dy ditë më parë një skandal në lidhje me një kontratë shit-blerjeje të një pasurie me vlerë gati 500 mln lekë, të firmosur për 30 mijë euro, në praninë e noteres Violeta Sulkaj.

CNA.al verifikoi përmes sistemit TIMS se në momentin e transaskionit, blerësja që kishte firmosur këtë kontratë, Natali Blushi (vajza e ish-deputetit Ben Blushi) nuk ndodhej në Shqipëri, por në Londër. Pra, faktet thonë se firma është e falsifikuar.

Për këtë rast, CNA.al i mori një prononcim Znj. Mimoza Sadushi, Presidente e Dhomës së Noterëve të Shqipërisë. Ajo tha se është njohur me materialin dhe ai do t’i referohet në mbështetje të ligjit, Dhomës së Disiplinës. Më tej, znj. Sadushi, e pyetur specifikisht për rastin konkret, pra në lidhje me palët që mungojnë dhe një person që ndodhet jashtë, ndërsa kontrata firmoset, ajo theksoi se palët duhet të jenë tek noteri në momentin e firmosjes.

Më tej, Sadushi shtoi se rasti do të referohet dhe duke shpjeguar procedurën dhe hapat që ndiqen, tha se është Ministria e Drejtësisë, por edhe Dhoma e Disiplisnës e Dhomës Kombëtare të Noterëve, të cilat shqyrtojnë raste të tilla. Gjithashtu, ajo sqaroi se aktualisht Dhoma e Notërve e ka të paplotësuar Bordin e saj, për faktin se ende mungojnë përfaqësuesit e Ministrisë së Drejtësisë dhe ata të shkollës së Magjistraturës.

Znj.Sadushi ishte mjaft e qartë në prononcimin e saj, duke theksuar se palët duhet të jenë prezente në firmosjen e kontratës, çka do të thotë se në prononcimin e saj, presidentja e Dhomës së Noterisë, na tregoi edhe njëherë se noterja Violeta Sulkaj që ka firmosur aktin e shit-blerjes në maj të vitit 2015, ku një nga personat nuk ka qenë fare në Shqipëri, por në Londër, tregon se ajo e ka shkelur ligjin dhe për këtë duhet të mbajë përgjegjësi, jo vetëm disipilinore nga Bordi i Dhomës Kombëtare të Noterëve, apo nga hetimi i Ministrisë së Drejtësisë, por edhe nga organe të tjera, të cilat duhet të hetojnë falsifikimin e kryer.

Një falsifikim skandaloz për blerjen e një pasurie me vlerë 500 milionë lekë e cila është firmosur për vetëm 30 mijë euro është zbuluar nga CNA.al.

Gjithçka pas një investigimi mbi pasurirë e ish-deputetit socialist Ben Blushi, sot drejtor i Top Channel. Disa dokumente ekskluzive, të cilat gjenden në zyrat e regjistrimit të pasurive dhe noteres, por edhe sistemi TIMS, nxjerrin publikisht një falsifikim për një pasuri në qendër të qytetit të Korçës./CNA.al

Skandali-/ Ben Blushi bëri vajzën pronare duke i falsifikuar firmën (fakte dhe dokumente)



Pyetje publike për Ben Blushin/ Kush i falsifikoi firmat e vajzës së tij?

Ekskluzive-Zbulohen dokumentet/ Si Ben Blushi bleu për 30 mijë euro, pronën 500 milionëshe

Prona 500 milionëshe/ Kush është noterja që falsifikoi firmën e vajzës së Ben Blushit?!

 

LEXO TE PLOTE