Connect with Us

Meta nuk heq dorë nga LSI/Petrit Vasili zbulon se ç’do të bëjë deri më 23 korrik

Aktualitet

Meta nuk heq dorë nga LSI/Petrit Vasili zbulon se ç’do të bëjë deri më 23 korrik

Publikuar

-

Kryetari i LSI, Petrit Vasili ditën e sotme gjatë konferencës për shtyp që mbajti përpara gazetarëve, njoftoi se Ilir Meta nuk do të shkëputet nga LSI, në ditët në vazhdim, por do të vijojë një tur në të gjithë Shqiërinë deri kur ai të marrë postin e Presidentit te Shqipëirisë.

Vasili vijoi që Meta edhe pse nuk është më kryetar i LSI, ai në fakt anëtar i LSI, prandaj ky tur i tij do të jetë falenderues për të gjithë ata që e kanë mbështetur.

Konferenca për shtyp e Kryetarit të Lëvizjes Socialiste për Integrim, z. Petrit Vasili

Jemi së bashku në këtë takim të radhës do ta quaja, pas përfundimit të Konventës së jashtëzakonshme të Lëvizjes Socialiste për Integrim, e cila u zhvillua në sytë tuaj dhe sot ne kemi këtë komunikim me një cilësi të re, si drejtues i Lëvizjes Socialiste për Integrim.

Me këtë rast unë falënderoj me shumë sinqeritet mbështetjen e jashtëzakonshme të gjithë anëtarëve të Konventës së LSI-së, të cilët me votën e tyre më dhanë një besim dhe një përgjegjësi shumë të madhe për të përfaqësuar një forcë politike, e cila është shndërruar tashmë në simbolin e stabilitetit, qëndrueshmërisë në këtë vend dhe të forcës së arsyes politike në Shqipëri.

Sigurisht, në këtë moment, unë dua të falënderoj në mënyrë të veçantë, ndoshta edhe pak më shumë se anëtarët e Konventës, mijëra e mijëra anëtarë të tjerë të LSI-së, të cilët ishin në këtë aktivitet tonin, por nuk mundën fizikisht të merrnin pjesë në atë sallë, e cila sigurisht rezultoi shumë e vogël. Ishin mijëra anëtarë, të cilët, të gjithë së bashku kishin ardhur të shprehnin mbështetjen, falënderimin e jashtëzakonshëm për gjithçka ka bërë dhe ka ndërtuar e themeluar, Ilir Meta për LSI-në, qoftë për frymën e LSI-së, qoftë për fuqinë e mesazhit të saj, qoftë për pozitivitetin dhe qoftë për atë konstruktivitet, një element aq i munguar i politikës shqiptare.

Megjithatë, kam sigurisht edhe një lajm shumë të mirë, të cilin edhe këtë dua ta ndaj me ju, që të gjithë këta mijëra mbështetës tanë të cilët erdhën, por nuk mundën të ishin në sallë dhe sigurisht kishin dëshirë të ishin në sallë, dhe ne e bashkëndajmë të gjithë këtë sensibilitet, që është plotësisht i justifikuar dhe kishin dëshirë sigurisht ta dëgjonin nga afër z. Meta, si një takim i pazëvendësueshëm dhe i pashlyeshëm për ta, z. Meta ka vendosur që të gjithë periudhën që gjendet përpara deri në mandatimin e tij si President i Republikës, duke qenë se ai ende është deri në datën 23 korrik anëtar i Lëvizjes Socialiste për Integrim, ai do të ndërmarrë një tur të gjerë takimesh falënderimi, për të gjithë mijëra anëtarët, mbështetësit dhe simpatizantët, falë të cilëve fuqia e arsyes dhe e forcës politike të Ilir Metës mori një fuqi të madhe politiko-institucionale, që i shërbeu në mënyrë të jashtëzakonshme vendit dhe qëndrueshmërisë së tij.

Kështu pra, dialogu i djeshëm vazhdon. Sigurisht me një cilësi të re, në një mënyrë të re, në një formë të re, por asnjë anëtar apo simpatizant, apo mbështetës i LSI-së, apo mik i mirë i LSI-së, nuk do të jetë i shqetësuar pasi do të ketë mundësi ta ketë komunikimin e tij të drejtpërdrejtë, të afërt dhe të ngrohtë, ashtu sikurse vetëm Ilir Meta ka ditur ta ndërtojë.

Njëkohësisht jam i hapur dhe për ndonjë pyetje apo interesim tuajin.

Pyetje nga gazetarët

Vetëm pak më parë Kryeministri Rama bëri publike ofertën që i është bërë Opozitës, në një takim ku në fakt edhe ju keni qenë pjesë e negociatave me McAllisterin, ndërkohë Opozita nga ana e saj paralajmëroi protestën e madhe që pritet të mbahet në datë 7 maj në Kavajë. LSI-ja e ka deklaruar që nuk do të jetë pjesë në Kavajë. Si i shikoni ju këto dy situata dhe si mund të dilet: propozimi i kryeministrit dhe ajo që pritet të ndodhë të dielën në Kavajë?

Sigurisht që është një situatë krize politike, këtë nuk kemi arsye pse ta fshehim. Është një krizë politike, që kërkon në radhë të parë maturi dhe largpamësi.

Maturi për t’u menduar e për t’u matur në çdo veprim që ndërmarrim, e largpamësi për të kuptuar se çfarë efekti kanë të gjitha veprimet e sotme për të ardhmen e vendit. Ndaj, ne e kemi inkurajuar dhe jo vetëm e kemi inkurajuar, por edhe kemi qenë në dispozicion të çdo zgjidhjeje që siguron zgjedhje me standarde të lira, standarde të ndershme e zgjedhje të lira e të gjithëpranuara.

Dhe jorastësisht edhe dje në fjalën time, pas zgjedhjes si kryetar i LSI-së, kam theksuar me të njëjtën gatishmëri dhe sinqeritet që në funksion të kësaj zgjidhjeje kemi vënë të gjitha postet e përfaqësimit tonë politik deri në nivelin më të lartë të tyre, kam riafirmuar një qëndrim që ish-kryetari i LSI-së, Ilir Meta, ka bërë më parë.

Kjo vijë sjelljeje nuk ndryshon. Kemi të njëjtin pozicion për këtë çështje, pasi asnjë sakrificë nuk është e rëndësishme dhe e madhe në raport me rëndësinë e jashtëzakonshme që ka mbajtja e zgjedhjeve të lira e të ndershme e me standarde të gjithëpranuara. Pasi ky do të thotë konsolidim demokratik i vendit, do të thotë një ecje përpara e procesit të integrimit evropian dhe siguron hapjen dhe jo izolimin e Shqipërisë. Kështu që, ky ka qenë dhe mbetet pozicioni ynë edhe në këtë moment, edhe në orët dhe në ditët në vijim.

Ka pasur tre orë negociata intensive, nga ana e mazhorancës dhe opozitës. LSI a ka qenë dakord për këtë propozim të ri, që i është bërë nga ana e kryeministrit Rama opozitës, për tërheqjen, apo le të themi rrëzimin e mundësisë për shtyrjen e zgjedhjeve dhe kalimin nga postet e katër ministrive në rang të 4 zëvendësministrave dhe zëvendëskryeministrit. Ka qenë dakord LSI-ja me këtë propozim të ri?

LSI, siç e cituat në mënyrë korrekte, nuk ka qenë pjesë e këtij negocimi. Ky ka qenë negocim bilateral mes kryetarit të Partisë Socialiste, z. Rama dhe kryetarit të Partisë Demokratike, z. Basha, me stafet respektive.

Jemi njohur, sigurisht, me variantin e zgjidhjes. Nuk do më pëlqente ta quaja ofertë variantin e zgjidhjeve të ofruara nga Partitë Popullore Evropiane. Në vlerësimin tonë ka qenë një variant realist, që hapte hapësira për një zgjidhje të krizës politike.

LEXO EDHE:  Zbuloi skandalin me nënshtetësitë/ Presidenca i publikon mesazhet kërcënuese gazetarit

Në vlerësimin tonë jepte garanci të rëndësishme Partisë Demokratike, që ajo të bëhej pjesë e procesit dhe jorastësisht propozimin për t’iu drejtuar Partive Popullore, e ka bërë pikërisht z. Meta. Unë mendoj që përsëri do të ishin të mirëpritura, por edhe të besuara, normalisht nga të gjitha palët, që Partitë Popullore ta thonë fjalën e tyre edhe në këtë moment, pasi edhe eksperienca, edhe pesha politike e bën çdo zgjidhje që ata ofrojnë edhe më të pranueshme edhe më të gjithëpranuar.

Sa i takon LSI-së, ua përsëris edhe një herë, pa dashur t’ju bezdis, stabiliteti i vendit, e ardhmja e tij, të cilat lidhen vetëm me një faktor, me zgjedhjet e lira dhe të ndershme. Asnjë reformë në Shqipëri nuk mund të funksionojë pa to, kërkon sakrifica. LSI ka qenë dhe do të jetë e gatshme për ato, thashë edhe një herë dhe e pohova dje publikisht përpara mijëra anëtarëve të Konventës së LSI, por edhe përpara opinionit publik, ne kemi qenë të gatshëm për këto sakrifica.

Nuk do të doja t’i quaja sakrifica, por për t’u vënë në dispozicion maksimalisht në funksion të zgjidhjes, z. Meta është Presidenti i Republikës, ne jemi në detyra të caktuara. Le të fillonte zgjidhja në qoftë se ishte e domosdoshme që nga pozicioni që unë mbuloj sot si Ministër i Drejtësisë. Çfarëdo gjëje që do të ndihmonte është e mirëpritur.

Janë shumë e rëndësishme që këto zgjedhje të jenë më standarde, pasi rruga e integrimit evropian të Shqipërisë do të ishte shumë e thepisur, problematike dhe imazhi i vendit do të cenohej rëndë nga zgjedhje, që do të ishin zgjedhje të refuzuara, zgjedhje të kontestuara dhe zgjedhje që do të prodhonin tension të madh politik dhe shoqëror.

  1. Vasili nëse pas zgjedhjeve të 18 qershorit PS siguron 71 mandate, ku do të pozicionohet LSI, në krah të mazhorancës apo në opozitë?

Asnjë rezultat i zgjedhjeve nuk ka asnjë rëndësi në momentin që flasim, pasi përpara kemi një detyrë madhore. Çfarë zgjedhjesh do të zhvillojmë dhe a do të jenë zgjedhje të pranuara dhe të ndershme? Në rast se të gjithë bashkë nuk i japim përgjigjen e duhur kësaj çështjeje, të gjithë të tjerat janë çështje, që kanë një rëndësi shumë të kufizuar, por që nuk i japin vendin atë që ai pret.

Dhe në sistemin demokratik që ne po luftojmë të gjithë të ndërtojmë, pa i dhënë një përgjigje të qartë dhe të prerë kësaj çështje e cila është themeli i demokracisë duke sakrifikuar për të, sakrificat mund të jenë edhe të dhimbshme, por janë në funksion të një të mire të madhe dhe me të ardhme siç është e ardhmja e venit, ky proces nuk mund të arrihet. Dhe kjo është detyra kryesore që kemi përpara.

Kjo është përpara çdo reforme, pasi të gjitha janë të kushtëzuara nga sistemi dhe nga institucionet që lindin dhe e kuptoni fare mirë që zgjedhjet e gjithë pranuara dhe zgjedhje të pastra ngrenë institucione edhe solide edhe të fuqishme që mund të ndërmarrin reformat. Zgjedhjet të cilat janë të kontestuar gjerësisht, zgjedhje defektoze, zgjedhje të njëanshme sigurisht që nuk do të prodhonin as stabilitetin e institucioneve as nuk do të mundësonin ecurinë e reformave që kërkon Integrimi Evropian i vendit.

Prandaj këtu duhet të jetë fokusi dhe këtu duhet të jemi të përqendruar të gjithë për të përdorur çdo hapësirë, çdo minutë, çdo mikë të huaj apo vendas, çdo kapital konstruktiv që ekziston në vend, vetëm dhe vetëm për të vajtur tek një zgjidhje sa më e gjithë pranuar.

Sa kohë i jepni një qeveri të dalë nga zgjedhjet ku opozita nuk merr pjesë, sa mund të shkojë mandati i saj, beson se mund të arrijë në 4 vjeçar?

Unë nuk bëj orakullin e jetëzgjatjes së një qeverie. Pasi qeveritë mund të lindi nga zgjedhje të lira dhe të ndershme dhe mund të ketë një jetë të ndryshme. Por themelore është një dhe vetëm një, zgjedhje të lira dhe të ndershme pasi çdo lloj produkti që ato do të prodhojnë kanë legjitimitet dhe qëndrueshmëria. Pa këto, zgjedhjet të lira dhe të ndershme, legjitimiteti dhe qëndrueshmëria do të jenë të tronditura dhe të cunguara dhe sigurisht këto nuk janë dhe nuk do të ishin institucionet që vendi dhe shqiptarët do të donin të kishin.

Zgjedhje të lira dhe të ndershme, të njëjtën gjë në fakt kërkon dhe opozita dhe mazhoranca. Por kur opozita thotë se zgjedhjet e lira dhe të ndershme arrihen vetëm me qeveri teknike. Ku qëndron LSI-ja?

E thashë shumë qartë, dhe me mirëkuptimin tuaj po e rimarr pozicionin e LSI-së. Një nga propozimet tona kryesore të cilit u vunë në lëvizje ishte propozimi që Partitë Popullore Evropiane të ishin ato të cilat të lehtësonin zgjidhjen e krizës nëpërmjet asaj që ato do të propozonin.

Ne mendojmë që edhe sot që flasim, ato janë një partner shumë i rëndësishëm, thellësisht i besueshëm, i paanshëm në një kuptim të mirë të fjalës dhe besojmë që duhet të vazhdojnë të jenë protagonistët, pse jo edhe në këto momente të caktuara për ta arritura atë zgjedhje politike që i duhet vendit, pasi në rast se zgjidhjen nuk do ta kemi, të gjitha të tjerat do të ishin fjalë në erë.

Dhe në funksion të saj kemi vënë dhe vëmë në dispozicion gjithçka LSI-ja disponon në politikë. Ky është qëndrimi i LSI-së, çdo sakrificë për të pasur zgjedhje të ndershme dhe me standarde të larta. Ndonjë pozicion më të kthjellët dhe më të qartë se kaq besoj se askush nuk ka. Kjo do të thotë pikërisht pra që ne nuk i kemi të ardhmen e vendit me fatin tonë qeveritar ministror etj., por e kemi lidhur me çfarë produkti politik i hapim vendit çfarë institucionesh i japim vendit pas datës së zgjedhjeve./CityNews

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Nuk ndalet Rama/ Shton edhe 3 milionë euro të tjera për inceneratorët

Publikuar

-

Nga

Nuk ndalet Rama/ Shton edhe 3 milionë euro të tjera për inceneratorët

Në një amendament të dorëzuar 24 orë përpara miratimit të buxhetit, deputetja e Partisë Socialiste Klotilda Bushka ka kërkuar një fond shtesë që do të shkojë për projektin e inceneratorit të Tiranës. Sipas relacionit, kërkohet një fond shtesë 500 milionë lekësh për programin e “Menaxhimit të mbetjeve urbane”.

Nga kjo shumë, 382 milionë lekësh (3 milionë euro), do të shkojë për pagesën e detyrimeve të prapambetura që qeveria (në pjesën takuese të saj) ka krijuar ndaj inceneratorit për periudhën 2019-2020. Në relacion theksohet edhe se fondet që janë parashikuar për këtë projekt për Bashkinë Tiranë prej 100 milionë lekësh e vendosin Bashkinë e Tiranës në pamundësi për përmbushjen e detyrimeve kontraktore për menaxhimin e mbetjeve urbane.

Këto fonde të kërkuara shtesë parashikohet të mbulohen nga rritja e të ardhurave të TVSH-së në të njëjtën masë.

Në kërkesën e deputetes thuhet:

Në mbështetje të nenit 75, pika 4 të Rregullores së Kuvendit, paraqes për shqyrtim në seancë plenare dy amendamente në projektligjin “Për buxhetin e vitit 2021”, me përmbajtje si më poshtë:

“Në tabelën 1 të projektligjit, sipas referencës në nenin 11 të projektligjit “Për buxhetin e vitit 2021”, të bëhet një ndryshim, si më poshtë:“ Në Ministrinë e Infrastrukturës dhe Energjisë shtohen shpenzimet korrente me 500 milionë lekën ë programin “Menaxhimi i mbetjeve urbane”.

Rritja e totalit të shpenzimeve me 500 milionë lekë do të mbulohet nga rritja e të ardhurave tatimore nga TVSH metë njëjtën vlerë.”

Në relacionin shoqërues shpjegohet dhe arsyeja se pse kërkohet kjo shtesë:

“Kontrata për projektin “Për ndërtimin e Landfillit, inceneratorit dhe rehabilitimin e venddepozitimeve ekzistuese Tiranë dhe prodhimin e energjisë elektrike” financohet nga Këshilli i Ministrave dhe Bashkia Tiranë, bazuar në planin e përbashkët të angazhimit financiar për sasinë minimale të mbetjeve të trajtuara në Landfillin e Sharrës. Detyrimet kontraktore të Këshillit të Ministrave, sipas planit të angazhimit, për 3 vitet e ardhshme, janë në vlerat si më poshtë:

Planifikimi për vitet 2019 dhe 2020, i pjesës takuese të Qeverisë, ka rezultuar me mungesa fondesh duke krijuar një detyrim të prapambetur prej 382475 000 lekësh.

Në projektligjin “Për buxhetin e vitit 2021” janë planifikuar vetëm 100000 000 lekë për vitin 2021, për këtë projekt. Ky parashikim e vendos Bashkinë e Tiranës në pamundësi për përmbushjen e detyrimeve kontraktore për menaxhimin e mbetjeve urbane”, përfundon relacioni. Link i relacionit:

Në faqen e Kuvendit nuk ka informacion nëse kjo kërkesë është miratuar.

LEXO EDHE:  Kryeministri i krimit të organizuar do luftojë krimin e organizuar??

LEXO EDHE:  FOTO/ Ilir Meta prezanton stilistin personal

Në fillim të këtij viti, Bashkia Tiranë rriti me 15-64% tarifat e pastrimit për bizneset dhe familjet. Në relacionin e Programit Buxhetor Afatmesëm, 2020-2022 të Bashkisë Tiranë argumentohej nevoja për rritjen e tarifave, me rritjen e kostos së shërbimit të lidhur edhe me zbatimin e kontratës koncesionare të inceneratorit. “Në bazë të analizës së kostos së shërbimit të pastrimit dhe përpunimit te mbetjeve është evidentuar një diferencë e theksuar mes kostos së shërbimit dhe të ardhurave të arkëtuara për mbulimin e tij. Ky ndryshim është ndikuar kryesisht për shkak të hyrjes në fuqi të kontratës së inceneratorit në vitin 2018 , në bazë të PPP të realizuar nga Qeveria Shqiptare dhe që po zbatohet nga Bashkitë e qarkut të Tiranës.

Gjithashtu një rritje e konsiderueshme vërehet edhe në koston operative vjetore të Bashkisë Tiranë për menaxhimin e këtij shërbimi. Për sa më sipër është vlerësuar e nevojshme rishikimi i nivelit të tarifës për të gjitha kategoritë, në mënyrë që të lehtësohet mbulimi i kostove të cilat janë në rritje çdo vit, pa arritur mbulimin total të saj, dhe në mënyrë të tillë që të mos ketë një rritje të theksuar në barrën fiskale të kategorive duke synuar një shpërndarje të drejtë të kësaj barre në përputhje me impaktin që secila prej këtyre kategorive mbart”, thuhet në relacionin e bashkisë.

Në fund të vitit 2016, kompania “Integrated Energy B.V.” sh.p.k. fitoi koncesionin e ndërtimit të Landfillit, Inceneratorit dhe rehabilitimi i vend-depozitimeve ekzistuese Tiranë. Projekti koncesionar/PPP i paraqitur ka parashikuar kryerjen e pagesave për ofrimin e shërbimit në shumën 7.4 milionë euro në vit pa TVSH, nëpërmjet garantimit të një minimumi ditor prej 700 tonë/mbetje në ditë me tarifë prej 29.05 euro/ton, që për të gjithë kohëzgjatjen e koncesionit parashikohen në shumën 222.7 milionë euro pa TVSH.

Këto pagesa, sipas studimit të fizibilitetit dhe kërkesës së Ministrisë së Financave dhe Ekonomisë (MFE) për parashikimin në tavanet buxhetore, janë të detajuara në shumën 130.9 milionë euro mbështetje nga qeveria shqiptare dhe 91.8 milionë euro pa TVSH nga buxheti i bashkive në përbërje të Qarkut të Tiranës, për të gjithë kohëzgjatjen 30-vjeçare, sipas raportit. Në kontratë parashikohet minimum i garantimit ditor si dhe neni që çmimi indeksohet me inflacion të cilave u është bashkangjitur propozimi financiar, sipas një raporti të mëparshëm të Kontrollit të Lartë të Shtetit për këtë kontratë./Monitor

LEXO TE PLOTE

Sociale

Greqia mbyll pikën kufitare të Kapshticës/ Reagon ministria e Jashtme, jep njoftim për qytetarët

Publikuar

-

Nga

Greqia mbyll pikën kufitare të Kapshticës/ Reagon ministria e Jashtme, jep njoftim për qytetarë

Ministria për Evropën dhe Punët e Jashtme bën me dije se Qeveria greke ka njoftuar për kufizime të hyrjes në rrugë tokësore të udhëtarëve drejt Greqisë, përfshirë pikat kufitare me Shqipërinë. Lajmi është bërë i ditur nga Zëdhënësit Qeveritar, Stelios Petsas.

Konkretisht, duke filluar nga dita e nesërme, datë 20 nëntor 2020, ora 06:00 e mëngjesit, mbyllet pika kufitare në Kapshticë, ndërsa mbetet e hapur ajo në Kakavi. Në lidhje me kufijtë e tjerë veriorë të vendit, do të mbeten të hapura pikat kufitare në Evzonoi dhe Promachona, ndërsa në Nimfea do të hyjnë vetëm kamionat.

Më tej, qytetarët që hyjnë në Greqi, përveç paraqitjes së testit negativ PCR të kryer deri në 72 orë më parë, do të kryejnë edhe rapid test nga Njësi të Sekretariatit të Përgjithshëm të Mbrojtjes Civile dhe Organizatës Kombëtare të Shëndetit Publik të Greqisë. Personat që rezultojnë negativë, mund të hyjnë në vend dhe të shkojnë në destinacionin e tyre, në bazë të dokumentit PLF që do dorëzojnë.

LEXO EDHE:  Vasili turpëron Veliajn/ Mbylle gojën se ti s’bën as për Kabulin

LEXO EDHE:  Konventa e LSI/ Vasili: Thelbi politik i Konventës, politika që shikon përtej interesit të ditës

Ky vendim vlen vetëm për kufijtë tokësorë, të lartpërmendur, ndërkohë që kufijtë ajrore mbeten të hapur./ CNA.al

LEXO TE PLOTE

Politikë

Kërkesa e PD-së për videomonitorimin e qendrave të votimit/ KQZ: Po vlerësohen kostot e mundshme

Publikuar

-

Nga

Kërkesa e PD-së për videomonitorimin e qendrave të votimit/ KQZ: Po vlerësohen kostot e mundshme

Komisioni Qendror i Zgjedhjeve i është përgjigjur Partisë Demokratike, pas kërkesës për instalimin e videomonitorimit të qendrave të votimit dhe të numërimit të votave.

“Partia Demokratike dhe Opozita e Bashkuar kërkon nga Komisioni Qendror i Zgjedhjeve që të marrë të gjitha masat për instalimin dhe përdorimin e sistemit të videomonitorimit në qendrat e votimit në zgjedhjet e 25 prillit 2021”, shkruhej në kërkesën e PD.

LEXO EDHE:  “Ritmet shqetësuese nga Covid”/ Meta i prerë: Nevojitet urgjentisht një strategji e re!

LEXO EDHE:  “Rritet me 12 herë kanabisi në Shqipëri”/ Vasili: Rruga jonë drejt BE mbyllet prej drogës

Ndërsa në përgjigje të saj, KQZ ka siguruar se po bëhet gjithçka e mundur për implementimin e këtij sistemi por ajo akti normativ kërkon kohën e saj.

Ndërsa shton se janë duke bërë vlerësimin mbi kostot e mundshme financiare të këtij projekti si dhe vlerësim të aspekteve teknike e tij./CNA.al

LEXO TE PLOTE