Connect with Us

Elisa Spiropali dikur me bluzë “të grisur” sulmonte nga MJAFT/Sot në “ar” kandidon për socialistët

Aktualitet

Elisa Spiropali dikur me bluzë “të grisur” sulmonte nga MJAFT/Sot në “ar” kandidon për socialistët

Publikuar

-

Vetëm pak ditë më parë, partitë politike dorëzuan pranë KQZ listat e kandidatëve për deputetë në zgjedhjet e 18 qershorit, ku përpos të papriturave të shumta, surprizuese ishte dhe mos kandidimi i deputetit Peza nga kryeministri Edi Rama.

Sekretarja për Rininë në Partisë Socialiste, Elisa Spiropali, ishte personi i parë i selisë rozë, që u përpoq të justifikojë mungesën e Alfred Pezës në listat e kandidatëve për deputetë të PS.

Deputeti Alfred Peza është nën akuzë për fshehje të ardhurash, pastrim parash dhe mosdeklarim të dhënash, pas denoncimit të bërë nga CityNews, ku ai rezultonte të ishte aksioner në një bankë të nivelit të dytë.

Heqja nga lista për deputet duket se është pranuar në heshtje nga Alfred Peza, nga i cili nuk ka ende asnjë reagim. Por, as vetë kryeministri Rama nuk ka dhënë një sqarim për këtë largim të Pezës. E në fakt këtë sqarim na e jep Elisa Spiropali, njeriu që dikur ka hedhur baltë mbi PS dhe tani flet në emër të tyre, si mbrojtësja dhe shpëtimtarja e tyre. Në fakt, Elisa harron se në radhë të parë duhet të mbrojë veten, të kujtojë ato kohët e arta për të si drejtoreshë e Doganave, ku ajo u fut me rroba të grisura dhe doli me fustane e çanta mijëra euro. Gardëroba e saj kushton më shumë se pasuria e një lagjeje të tërë ku do kandodojë në Korçë.elisa

“Zt.Peza ka deklaruar se nuk do të kandidojë, e tha këtë në Kryesi. Nuk ka një pengesë ligjore, por për të fshirë gjithë llumin që është hedhur mbi të, zt.Peza ka vendosur që së pari të përballet me ata që kanë hedhur akuzat dhe më pas do të vazhdojë karrierën”, kështu tha Spiropali dy ditë më parë në një studio televizive.

Në fakt e vërteta është krejt ndryshe, Edi Rama e kishte përjashtuar Alfred Pezën nga listat e kandidatëve prej shumë kohësh. Ende pa u shpallur listat, shumë prej eksponentëve të PS ishin në dijeni të faktit se Peza nuk do ishte më kandidat për deputet. Me shumë gjasa, mund të largohet edhe nga roli i sekretarit në parti.

Drejtoresha që shpartalloi doganat shqiptare, tani del e flet duke mbrojtur të tjerët. Mbase Spiropalit i kujtohen kohët e vështira, që ka kaluar vetë, kur akuzohej për milionat e fituara te doganat, ndaj dhe i vjen keq për kolegun. Mjafton të kujtojmë këtu raportin e Crown Agents, i cili vërtetonte korrupsionin në dogana, në kohën kur drejtoreshë ishte pikërisht elisaaaaSpiropali, dhe ku bëhej fjalë për një dëm rreth 17 milionë euro kushtuar buxhetit të shtetit. Në atë kohë flitej për një rënie të stërmadhe në të ardhura nga Drejtoria e përgjithshme e Doganave, por Spiropali heshtte. Ne nuk mund të themi se një shumë e tillë është futur në xhepat e saj si drejtoreshë e institucionit, ama nuk mund të pohojmë as të kundërtën. E vërtetë është se ato para u zhdukën dhe askush nuk gjurmoi për të gjetur “hajdutin” e tyre.

Në një kërkim të thjeshtë, CityNews siguroi të dhënat zyrtare mbi të ardhurat në dogana. Në vitin 2014, na rezultoi se në dogana kishim 5.5 miliardë lekë të reja më pak nga të ardhurat. Ndërsa, në vitin 2015 rezlutoi që kjo shumë kapte vlerën e 12.5 miliardë lekë, duke shënuar një grop të thellë në dogana.
Këto miliarda që i janë shkaktuar dëm buxhetit duhet ta çonin Spiropalin përpara bankës së të akuzuarve dhe jo më të ishte kandidate për deputete në qarkun e Korçës. P folur më tej për broçkullat e saj në media, historitë me Skënderbeun dhe Edi Rama, çantat e saj dhe veshjet firmato apo dhe luksin e shfrenuar të një ish-fresisht-eje, që dikur protestonte kundër socialistëve me bluzat e grisura, sot do të kandidojë e mbuluar me “ar” në emër të socialistëve. E ndoshta së shpejti mund ta shohim edhe aksionere në ndonjë bankë, si kolegu i saj, të cilit i qan hallin./CityNews

2 Komente

2 Comments

  1. diana

    4 Maj, 2017 at 3:56 pm

    Kjo si ato xhadijet qe te lexojne doren, ha ha, dordolecja e radhes

  2. shpetim Danaka

    5 Maj, 2017 at 9:13 am

    Prandaj sdo bohet ky vend se qeverisemi nga njerez te till, nga pabukse tani zjohet milonere

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: