Connect with Us

Basha denoncon zëvendës sekretarin për çështje politike, Tomas Shannon si mbështetës të Edi Ramës

Aktualitet

Basha denoncon zëvendës sekretarin për çështje politike, Tomas Shannon si mbështetës të Edi Ramës

Publikuar

-

Lideri i Partisë Demokratike, Lulzim Basha ka kërkuar një takim të nivelit politik në Departamentin e Shtetit në SHBA, duke denoncuar zëvendës sekretarin për çështje politike, Tomas Shannon si mbështetës të Edi Ramës – që sipas tij i ka degraduar institucionet shqiptare nën influencën e bosëve të drogës dhe filantropistit Xhorxh Soros.

Dokumentet e siguruara nga BIRN tregojnë se kryetari i PD-së, Lulzim Basha ka kërkuar një takim urgjent me përfaqësues politikë të Departamentit Amerikan të Shtetit, pas deklaratës së 20 prillit të zv. sekretarit për çështje politike në DASH, Tomas Shannon.

Shannon u kërkoi partive opozitare që të merrnin pjesë në zgjedhjet parlamentare të 18 qershorit-deklaratë që e shtyu Bashën ta akuzojë zyrtarin amerikan si mbështetës të Edi Ramës.

Në dy kërkesa të bëra nëpërmjet lobistit të Partisë Demokratike në SHBA “Barnes & Thornburg LLP,” Basha dhe kryetari i Partisë Republikane, Fatmir Mediu kanë kërkuar një takim 20 ose 30 minuta me zyrtarë të Departamentit të Shtetit në datat 27-28 prill ose 2-3 maj, për të diskutuar mbi integritetin e procesit zgjedhor në Shqipëri.

Në kërkesën dërguar DASH në emër të Bashës, “Barnes & Thornburg LLP” nënvizon që Basha dhe Partia Demokratike janë mbështetës të mëdhenj të Presidentit të SHBA-së Donald Trump, ndërsa qeveria e Edi Ramës  ka degraduar për shkak të influencës negative të filantropistit Xhorxh Soros. [kliko këtu për dokumentin]

“Z.Basha e ka vlerësuar zgjedhjen e Presidentit Trump ‘si një akt dashurie për kampionët e lirisë,’ ka marrë pjesë në inagurimin e tij dhe ka udhëhequr një përjekje për t’i vënë emrin e Presidentit Trump një rruge në një zonë periferike [Kamëz] të kryeqytetit,” shkruhet në kërkesën për takim.

“Nën lidershipin e Partisë Socialiste, PD-ja shprehet se qeveria dhe institucionet kanë degraduar nga zyrtarë të korruptuar dhe influenca negative e entiteve të ekstremit të majtë në aleancë me Xhorxh Soros-in dhe fondacionin e tij Shqipëria e Hapur,” shton kërkesa.

“Barnes and Thornburg LLP” është një kompani e madhe lobimi nga shteti i Indianës, me zyra në 13 shtete amerikane, e themeluar në vitin 1982.  Partneri menaxhues i firmës, Robert Grand ka qenë pjesë e komitetit për inagurimin e Donald Trump si president.  Ai ka luajtur gjithashtu një rol të rëndësishëm në fushatën e zëvendës Presidentit Mike Pence, i cili më parë ka shërbyer si guvernator i Indianës.

“Barnes and Thornburg LLP” ka nënshkruar me 10 prill një kontratë me Bashën me vlerë 150,000 USD me kohëzgjatje tre muaj, e cila ka për qëllim “të asistojë PD në lobim, marrëdhënie ndërqeveritare dhe të inkurajojë SHBA-në që të mbështesë zgjedhje të lira dhe të ndershme në Shqipëri” thuhet në kontratën e lidhur midis palëve, të dorëzuar në Departamentin e Drejtësisë në SHBA.

Në letrën që i dërgohet DASH, shpjegohet se Basha ka kërkuar krijimin e një qeverie teknike në Tiranë për të mbikëqyrur zgjedhjet e 18 qershorit nga frika se paratë dhe ndikimi i entiteve në aleancë me Sorosin që mbështesin qeverinë e Edi Ramës ‘do të kompromentojnë zgjedhjet’.

Sipas Bashës, për një kohë të gjatë Shqipëria ka shërbyer si bazë për trafikimin e kanabisit dhe të heroinës në Europë dhe qeveria e Edi Ramës ka futur në parlament bosët e drogës për të manipuluar zgjedhjet.

LEXO EDHE:  Basha takohet me nënkryetarin e grupit parlamentar të Partisë Popullore Austriake

Kreu i PD-së shfaqet i pakënaqur me deklaratën e zëvendës sekretarit politik të Departamentit të Shtetit, Shannon pas takimit me ministrin e Jashtëm shqiptar, Ditmir Bushati me 20 prill, ku zyrtari amerikan i bëri thirrje opozitës të merrte pjesë në zgjedhjet e 18 qershorit.

“Zëvendës sekretari Tom Shannon në mënyrë të drejtpërdrejtë mbështeti përpjekjet e Edi Ramës për t’u rizgjedhur, duke u shprehur që zgjedhjet duhet të mbahen ashtu siç ishin parashikuar – pa përmendur vështirësitë e lidhura me manipulimet,” shkruan lobisiti i Bashës. “Kjo mbështetje e pakualifikuar e procesit zgjedhor nga Shannon nuk merr parasysh vështirësitë e krijuara nga manipulimi,” thuhet në kërkesën për takim.

Në një kërkesë të dytë drejtuar Departamentit të Shtetit, Partia Demokratike dhe ajo Republikane kanë detajuar shqetësimet e tyre mbi integritetin e zgjedhjeve parlamentare, duke nënzizuar se mijëra vetë kanë protesuar gjatë javëve të fundit në Tiranë për të mbështetur kërkesën e Bashës për një qeveri teknike. [kliko këtu për dokumentin]

PD dhe PR e përshkruajnë veten si parti konservatore, ndërsa insitojnë që zgjedhjet në Shqipëri kërcënohen nga droga, korrupsioni dhe influenca negative e Xhorxh Sorosit.

Sipas Partisë Demokratike, Komisioni Qendror i Zgjedhjeve- i kontrolluar nga Partia Socialiste – ka injoruar dhjetëra kërkesa për informacion dhe po mbron një duzinë deputetësh dhe kryebashkiakësh të inkriminuar, duke përmendur rastin e ish deputetëve Armando Prenga dhe Mark Frroku.

Partia Demokratike ka shtuar gjithashtu se përveç kriminelëve që po futen në qeveri për t’u mbrojtur, ka edhe nga ata që janë liruar nga burgu dhe falur nga gjyqtarë që sipas saj  urdhërohen nga përfaqësues të Partisë Socialiste.

“Në një rast, një lider bande dhe vrasës i dënuar, shiste mend se si kryetari socialist i bashkisë do t’i garantonte një punë në qeverisje vendore kur të lirohej,” shkruhet në kërkesën e PD-së drejtuar Departamentit, duke iu referuar rastit të Lulzim Berishës.

Opozita gjithashtu nënvizon se gjatë vitit 2016, PS-ja i ka vënë veton propozimeve të saj për reformën e kodit zgjedhor për votimin elektronik. Ajo nënvizon se miliardat e prodhuara nga trafiku i drogës do të përdoren në zgjedhjet e 18 qershorit për të blerë vota.

Është e paqartë se çfare përgjigje kanë marrë PD dhe PR për kërkesat e tyre. Megjithatë, me datë 28-30 prill, kreu i Republikanëve ka udhëtuar drejt Uashingtonit, ku është takuar me Pam Pryor – këshilltaren e lartë të nënsekretarit të shtetit për sigurinë, demokracinë dhe të drejtat e njeriut, si dhe me Këshilltarin e Lartë në Shtepinë e Bardhë, Mathew D.Mowers.

Në këtë takim z Mediu theksoi se opozita është e vendosur në rrugën e saj për të garantuar zgjedhje të lira dhe të ndershme.

“Në Shqipëri duhet të vendosin qytetarët me votë të lirë dhe jo krimi e trafiku i drogës.
Përfaqësuesit e Shtëpisë së Bardhë dhe Departamentit të Shtetit theksuan se Shtetet e Bashkuara të Amerikës kërkojnë nga Shqipëria që të zhvillojë zgjedhje të lira dhe të ndershme dhe njëkohësisht zgjedhjet duhet të garantojnë pjesëmarrjen e qytetarëve dhe gjithë forcave politike,” tha Mediu nëpërmjet një njoftimi për shtyp
“Krimi i organizuar, trafiku i drogës përbën një rrezik real për demokracinë shqiptare,” përfundoi ai.

Besar Likmeta/BIRN

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Qytetarët të vetëmbrohen”/ Ekspertja e Task Forcës anti-Covid në PD: Qeveria është dorëzuar!

Publikuar

-

Nga

Ekspertja e Task Forces anticovid në Partinë Demokratike, Liljana Shyqyriu, thotë se qeveria nuk iu përgjigjet kërkesave të qytetarëve për testimin ndaj virusit të rëndë.

Teksa flet për dështim të qeverisë në menaxhimin e situatës, ekspertja thekson se qeveria është dorëzuar përballë kësaj epidemie dhe po e le virusin në rënie të lirë. Nderkohe, thirrja për qytëtarët është marrja e masave për t’u vetmbrojtur në këtë situatë. Bëni kujdes dhe mbroni shendetin dhe jetën tuaj!”

“Eshte nje situate qe po precipiton rrezikshem. Sot pame se nje rritje e lehte e numrit te testimeve te kryera coi menjehere ne nje rritje mbi 30% te numrit te personave te diagnostikuar me COVID-19. Dita e sotme ka edhe numrin me te larte te te infektuarve qe prej fillimit te epidemise.

Kjo provon ate qe eshte perseritur cdo dite nga ekspertet e PD se sa me shume te testosh aq me shume raste te personave te infektuar do te zbulohen. Por nuk testohet sepse me njohjen e siuates se vertete te epidemise, del ne pah edhe deshtimi dhe keqmenaxhimi qe i eshte bere kesaj pandemie qe ne fillimet e saj.

Demi shendetesor, psikologjik, social dhe ekonomik ne jeten e shqiptareve eshte duke u renduar pikerisht nga papergjegjshmeria dhe mungesa e masave nga ana e Autoriteteve Shendetesore. Ajo qe eshte lene ne harrese prej tyre eshte siguria e jetes se qytetareve.
Nevoja per tu testuar kete here po kerkohet nga vete qytetaret te cilet jane duke provuar per fatin e keq pasojat e nje mungese planifkimi per testime sipas nevoje dhe mungesen e nje strategjie kontrolli per epidemine. I gjithe testimi u perqendrua ne nje laborator te vetem te kontrolluar ne te gjithe funksionimin e tij nga komiteti politik i shurdher.

LEXO EDHE:  Basha dhe Xhafaj akuza Bashës/ Reagon deputeti demokrat

LEXO EDHE:  Basha paralajmëron bankat/ Mos rrezikoni me financimin e PPP-ve, do t’i anullojmë 

Ne te gjithe boten jane ngritur dhjetera qendra testimi prane njesive te kujdesit shendetesor apo prane qendrave te banimit ne menyre qe te gjithe qytetaret qe duan te testohen te kene aksesin on line per te prenotuar kryerjen e testimit.
Tek ne u ndertua sistem on line per te marre leje te dalesh nga shtepia por nuk mund te ishte ky akses per te mundesuar testimin.

Mbas nje izolimi total e vetmja strategji qe ju ofrua shqiptareve ishte pamundesia per te levizur ne vendet e BE-se. Ky eshte izolimi i dyte i tyre por kete here jo brenda shtepise por brenda nje shtepie te madhe qe po izolohet cdo dite e me shume.
Qeveria eshte dorezuar perballe kesaj epidemie dhe po e le virusin ne renie te lire. Nderkohe, thirrja per qytetaret eshte marrja e masave per t’u vetmbrojtur ne kete situate. Beni kujdes dhe mbroni shendetin dhe jeten tuaj!”, shkruan Shyqyriu./CNA.al

LEXO TE PLOTE

Politikë

Debatet për Reformën Zgjedhore/ Aleatët e Bashës pro hapjes së listave

Publikuar

-

Nga

Në skenën politike shqiptare, ditët e fundit po zhvillohet një debat i fortë, për hapjen ose jo të listave të kandidatëve për deputetë.

Opozita parlamentare kërkon hapjen e listave zgjedhore, dhe nga ana tjetër duket se në lidhje me këtë kërkesë ka një qëndrim të zbutur edhe nga kryeministri Edi Rama, i cili publikisht është shprehur i gatshëm, për të diskutuar në lidhje me hapjen e listave.

Por, ndërkohë, kreu i Partisë Demokratike, Lulzim Basha, duket se ka një qëndrim kundër hapjes së listave, duke përdorur si justifikim marrëveshjen e 5 qershorit, për Reformën Zgjedhore.

Megjithatë një qëndrim mjaft të qartë pro hapjes së listave, duket se kanë aleatët Partisë Demokratike, që nga kreu i LZHK-së, Dashamir Shehi, kreu i PR, Fatmir Mediu dhe kreu i PAA-së, Agron Duka.

Të tre aleatët e Partisë Demokratike, përtej akuzave ndaj kreut të qeverisë, për të cilin thonë se nuk është i sinqertë në atë çfarë deklaron, janë pro hapjes së listave dhe pro koalicioneve.

Kreu i LZHK-së, Dashamir Shehi, në një prononcim për CNA.al, tha se listat duhen hapur, dhe sipas tij pot ë ketë dëshirë dhe vullnet, kjo është e implementueshme në zgjedhjet e ardhshme parlamentare.

Sa i takon marrëveshjes se 5 qershorit, Zoti Shehi tha se nuk ishte më e mira për shqiptarët.

Dashamir Shehi, kreu i LZHK-së

“Unë kam 130 vjet që e them se jam pro hapjes së listave. Duhet të hapen. Por, e mbaruan marëveshjen, tani ska më vlerë, është kot. Tani më duket se vjen vërdallë kot. Këto janë muhabete të tjera.

Po të ketë dëshirë në zgjedhjet e ardhshme hapen listat. Unë dua për shembull mazhoritar të korrektuar, siç ishte më përpara. Kjo e zgjidh këtë çështje”-tha Shehi.

I pyetur se nga kush mungon vullneti dhe dëshira për këtë çështje, Shehi drejtoi gishtin nga kryeministri.

“Nga Edi Rama. Bëri një marrëveshje, pastaj e kthen mbrapsht. po të donte, mund t’i kishte bërë të gjitha. Mund të ndryshonte sistemin, mund të ndryshonte Kushtetutën.”-u shpreh Dashamir Shehi.

Po ashtu Shehi tha se ka pasur një propozim nga ana e tij, ku kërkon sistem mazhoritar të korrektuar.

“Unë kam propozuar për ta bërë sistemin siç ishte sistemi i vjetër, mazhoritar i korrektuar”-u shpreh Shehi.

Por, megjithatë Shehi la të nënkuptohet se nuk ka pasur një mbështetje për propozimin e tij, ndërsa tha se “Nuk e di unë… këta e mbyllën me një marrëveshje, e cila nuk ishte më e mira për Shqipërinë, tani fillon rrumpalla nga e para. As njerëzit nuk kuptojnë çfarë po ndodh, serioziteti i marrëveshjes bie. Si duket Zoti Rama ka vetëm një qëllim që të eleminojë koalicionet, që është e padrejtë sepse shqiptarët kanë të drejtë të dalin kundër Ramës dhe një zë i fortë mund ta mundë”-deklaroi kreu i LZHK-së, Dashamir Shehi, për CNA.al.

  Agron Duka, kreu i PAA

Të njëjtin qëndrim ka mbajtur edhe kreu i PAA-së, Agron Duka, i cili tha se është pro hapjes së listave, por kishte rezerva për mënyrën sesi po e bën Rama.

LEXO EDHE:  “Babai” i Lulzim Bashës, në pazar me ministrat e Edi Ramës/ Zbulohet i radhës

LEXO EDHE:  Qytetarët “masakrojnë” Ramën dhe Bashën/ Asnjëri nuk duhet të jetë kryeministër  

“Unë kam qënë gjithmonë pro hapjes së listave, por jam Dy partitë e mëdha, PS dhe PD nuk kanë vullnetin për t’i hapur listat.

Rama duhet t’i hapë listat ashtu siç është për t’i hapur, me një dakordësi dhe me një diskutim më të gjërë me të gjitha forcat politike. Dhe më e rëndësishmja është të mos heqë koalicionet dhe të mos kthejë pragun 5%. Ai është duke bërë tregti.

Nuk është problemi se po bën diçka në interes të shqiptarëve. Ai ka qënë kundërshtari kryesor i hapjes së listave. Në vazhdimisht kemi debatuar, ku ne kemi kërkuar të hapim listat, ndërsa ai ka qënë kundër, me argumentin se parlamenti është më cilësor, edhe se sipas tij respekton edhe përqindjen gjinore. Ndërkohë është kundër hapjes së listave.

Këtë e tha nga presioni, por e bashkëshoqëron me atë që ka leverdi për vete. Ai ka frikë nga konsumi që ka si pushtet dhe e bashkëshoqëron me heqjen e koalicioneve dhe pragun zgjedhor.

Jam absolutisht për lista të hapura, unë jam shprehur për një sistem zgjedhor, me element mazhoritar. Jo lista të hapura, apo mazhoritar i pastër.

       Fatmir Mediu, kreu i PR-se

Sipas meje listat e mbyllura i japin autoritet të pamerituar kryetarëve. Kështu që do të ishte e mirë, por kjo kërkon kohën e vet. Jo siç e bëri ky. Kërkon një dakordësi me këto që kanë peshën specifike, që kanë më shumë peshë reale opozitare, dhe nga ana tjetër e prish atë.”-tha Agron Duka për CNA.al.

Po ashtu edhe kreu i Partisë Republikane, Fatmir Mediu në një prononcim për CNA.al është shprehur pro hapjes së listave, dhe pro koalicioneve.

“Jam për hapjen e listave dhe pro koalicioneve, ndryshe çdo hapje listash kthehet në pazar antikushtetues për të përjetësuar regjimin e kësaj qeverie”-tha Fatmir Mediu për CNA.al

LEXO TE PLOTE

Politikë

Meta kthen në Kuvend një tjetër ligj/ Rrezikon ndëshkim të padrejtë të mediave

Publikuar

-

Nga

Meta kthen në Kuvend një tjetër ligj/ Rrezikon ndëshkim të padrejtë të mediave

Presidenti Ilir Meta ka kthyer në Kuvend ligjin për masat ndaj televizioneve gjatë kohës së pandemisë.

Në një njoftim për mediat, Meta thekson kufizimi për ruajtjen e një distance prej 2 metrash midis të ftuarve në studiot televizive është një masë e detyrueshme dhe e mirëpritur, por sanksioni ndëshkues administrativ është shproporcional.

Gjithashtu Meta thekson se ky sanksion rrezikon të çojë në ndëshkimin me pa të drejtë të mediave, jo më nga një organ i pavarur, por nga Ministria përgjegjëse për shëndetësinë.

Njoftim i Institucionit të Presidentit të Republikës

Presidenti i Republikës, Sh.T.Z Ilir Meta ka kthyer për rishqyrtim në Kuvend ligjin nr. 73/2020 “Për miratimin e aktit normativ, me fuqinë e ligjit, nr. 20, datë 20.5.2020, të Këshillit të Ministrave, ‘Për disa ndryshime dhe shtesa në aktin normativ nr. 3, datë 15.3.2020, të Këshillit të Ministrave, ‘Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19’, të ndryshuar”.

Ky ligj është kthyer pasi Kuvendi, duke miratuar aktin normativ nr.20, datë 20.05.2020, të Këshillit të Ministrave që paraqitet si një akt që “lehtësonte” masat kufizuese për jo më shumë se 2 persona të pranishëm në një studio epidemie, në fakt përcakton një masë të rëndë administrative fikse, me gjobë 1 000 000 (një milion) lekë ose vendosjen e bllokimit, të pjesshëm ose të plotë, të transmetimit nga media audiovizive si dhe bllokimi dhe/ose ndalimi i funksionimit të pajisjeve, ndërkohë që gjendja e fatkeqësisë natyrore e shpallur me ligj, ka përfunduar vetëm 5 ditë pasi Kuvendi ka miratuar këtë akt.

LEXO EDHE:  Kryqëzimi ku u ndanë Sokol Olldashi me Lulzim Bashën

LEXO EDHE:  Të rinj dhe pedagogë në Sheshin e Lirisë/ Indiferenca ka ndihmuar krimin dhe drogën, bashkohemi me 7 maj në Kavajë

Sipas argumenteve shoqëruese të Dekretit, kufizimi për ruajtjen e një distance prej 2 metrash midis të ftuarve në studiot televizive është një masë e detyrueshme dhe e mirëpritur, por sanksioni ndëshkues administrativ është shproporcional.

Sipas ligjit, ky sanksion që rrezikon të çojë në ndëshkimin me pa të drejtë të mediave, jo më nga një organ i pavarur, por nga Ministria përgjegjëse për shëndetësinë që përfaqëson vullnetin politik, cenon të drejtën për informim dhe lirinë e shprehjes, të parashikuara në nenet 22 dhe 23 të Kushtetuës./ CNA.al

LEXO TE PLOTE