Connect with Us

Fjala e Presidentit të sapozgjedhur të Republikës së Shqipërisë, z. Ilir Meta në Kuvend

Aktualitet

Fjala e Presidentit të sapozgjedhur të Republikës së Shqipërisë, z. Ilir Meta në Kuvend

Publikuar

-

Faleminderit zonja drejtuese e seancës,

Faleminderit z. Ulqini, për urimin tuaj,

Faleminderit të gjithë kolegëve dhe kolegë deputetë që morën pjesë, të gjithë kolegeve dhe kolegët që votuan pro.

Pa dyshim një falënderim të veçantë edhe kolegëve që votuan kundër, por dua të falënderoj në mënyrë të veçantë kolegët që mungojnë këtu, pasi me mungesën e prezencën së tyre ata në njëfarë mënyre më kanë nxitur për të pranuar kandidimin dhe këtë përgjegjësi shumë të rëndësishme.

Nuk kam përgatitur ndonjë fjalim dhe pak më parë më erdhën dy fjalime të improvizuara dhe sa kam dëgjuar këshillat e z. Dokle, kam patur sukses. Kështu që po flas pa letër.

Çdo politikan është gjithmonë midis dy raporteve: pushtetit dhe demokracisë. Unë kam zgjedhur dhe do të zgjedh gjithmonë demokracinë në raport me pushtetin, sepse pushtet ka vetëm në vendet demokratike.

Dhe kjo për një arsye shumë të thjeshtë. Kur lexoj relacionin kolegia Hysi përmendi që unë kam lindur në Çepan të Skraparit. Çepani i Skraparit është një fshat shumë i thellë malor, në një rreth që dihet ndër më malorët dhe më të thellët në Shqipëri.

Kur unë kam qenë student ëndrra që kisha unë maksimale, ishte për t’u bërë pedagog dhe profesor Angjeli që ka qenë edhe pedagogu im, e di këtë shumë mirë, sepse në vitin 1988 ishte vështirë të ëndërroje që të bëheshe deputet, që të bëheshe Kryeministër, që të bëheshe Kryetar i Kuvendit, siç jam unë sot, apo aq më tepër që të zgjidheshe President i Republikës.

Dhe unë kam patur këtë mundësi vetëm falë demokracisë dhe mundësive që ajo më ka dhënë jo vetëm mua, por ju ka dhënë edhe juve, u ka dhënë e shumë e shumë shqiptarëve të tjerë për të gëzuar liritë e tyre.

Për të ndryshuar vendin tonë dhe për t’i dhënë atij këtë mundësi që të jetë vend anëtar i NATO-s prej vitesh, një vend kandidat për në Bashkimin Evropian. Një vend që i ka të gjitha mundësitë të çelë dhe negociatat së afërmi, nëse ne do të arrijmë të bëjmë çdo sakrificë për të mbrojtur standardet e ndershme të demokracisë dhe për t’i çuar ato akoma më tej sidomos në orët, ditët dhe javët që vijnë, duke realizuar zgjedhjet të standardeve më të lartë gjithëpërfshirëse dhe demokratike me qëllim që të forcojmë legjitimitetin e gjithë institucioneve tona dhe njëkohësisht me qëllim që të krijojmë të gjitha mundësitë, të gjitha shanset për një atdhe më frymëzues për të rinjtë dhe për fëmijët e të gjithë shqiptarëve.

Ndaj unë do të bëj çdo gjë me të gjitha cilësitë e mia për të justifikuar këtë besim që ju më dhatë sot. Jo vetëm para jush, por edhe para të gjithë qytetarëve shqiptarë, përpara Kushtetutës së Republikës së Shqipërisë, përpara interesave më të rëndësishme, që kanë të bëjnë me stabilitetin, me sigurinë kombëtare, me të ardhmen evropiane të vendit tonë dhe do t’u lutesha të gjithëve që janë këtu, por edhe atyre që mungojnë, të përpiqemi në këto orë, në këto ditë të japim, jo thjesht të gjithë partive, por në radhë të parë çdo qytetari shqiptar, mundësinë që të kontribuojë në zgjedhjet më të ndershme, më të lira dhe më demokratikë që vendi meriton.

Më 21 korrik në mëngjes, kur ishin shuar shpresat për konsensusin për ndryshimet kushtetuese për reformën në drejtësi kam qenë shumë i shqetësuar dhe kam apeluar këtu për të bërë çdo përpjekje që të gjenim konsensusin në mënyrë që Shqipëria të mos bëhej Maqedoni.

LEXO EDHE:  Presidenti Meta në ceremoninë përfundimtare të projektit “Ballkan Booster”: Bashkëpunim përtej kufijve

Dje ne kemi parë të gjithë ngjarje tronditëse në Kuvendin e Maqedonisë, që vijnë për shkak të një konflikti kokëfortësie politike të papranueshme.

Ndaj unë edhe një herë tjetër dua t’u apeloj të gjithëve të bëjmë çdo gjë për stabilitetin e vendit dhe legjitimitetin e institucioneve tona në mënyrë që të mos sakrifikojmë këto arritje shumë të mëdha që vendi ka deri tani dhe ka realizuar gjatë këtyre gati katër viteve të kësaj legjislature dhe të këtij mandati qeverisës, pasi ky është një detyrë dhe një përgjegjësi e secilit prej nesh që të bëj gjithçka.

E di që po të kishin dalë 83 vota do dëgjonim se prandaj u dogjën tre raundet e para, sepse nuk i kishin 84 vota, kur e vërteta është mjaft e qartë dhe kokëfortë për të gjithë ne, që kemi bërë përpjekje gjatë këtyre javëve për të evituar këtë ngërç dhe këtë situatë tërësisht të pamerituar për vendin dhe qytetarët tanë lidhur me çështjen e zgjedhjeve.

Dhe kur të gjithë e dinë që disponimi nga ana e jonë dhe nga ana ime në mënyrë të veçantë, ka qenë maksimale që vetë posti i Presidentit të Republikës, pavarësisht se kjo mazhorancë i kishte dhe i ka votat, i kishte për ta zgjedhur që në raundin e parë, të investohej për një konsensus sa më të gjerë për të përmirësuar klimën e besimit në vend.

Megjithatë, janë disa afate dhe në demokraci unë mendoj që të gjithë, jo vetëm duhet të presin, por edhe duhet të japin, duhet të investojnë për të përmirësuar klimën, për të rritur mirëbesimin, por edhe për ta bërë dhe për ta zhvilluar demokracinë.

Kështu që shpresoj dhe besoj që ende ka kohë për të krijuar një atmosferë krejtësisht tjetër për zgjedhjet e ardhshme në mënyrë që edhe më 24 korrik, ditën kur do të betohet Presidenti që ju keni votuar sot, jo thjesht kjo sallë të jetë plot, se kjo nuk besoj se është më e rëndësishmja, por Shqipëria të jetë shumë më e qetë se sot dhe me një të ardhme evropiane akoma më solide dhe këtë mund ta arrijmë vetëm, duke punuar dhe duke bashkëpunuar të gjithë.

Ju falënderoj shumë për përkrahjen tuaj, për pjesëmarrjen tuaj, për votimin tuaj.

Unë do të kisha votuar me shumë dëshirë sot për jo pak kolege dhe kolegë që janë këtu, apo që mungojnë, por edhe për mjaft të tjerë që nuk janë deputetë, por që janë personalitete me kontribute të shquara në vendin tonë dhe që mund ta bënin këtë detyrë akoma edhe më mirë se unë. Por rrethanat më dhanë mua këtë mundësi dhe unë do të bëj gjithçka që të justifikojë besimin tuaj.

Faleminderit!

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Vijon koalicioni Rama-Meta?/Bledian Koka: Ku t’i kërkoj rrënjët e tua Baton?!

LEXO EDHE:  Ilir Meta flet për herë të parë pas zgjedhjeve/ Jep një mesazh të rëndësishëm

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Presidenti Meta në ceremoninë përfundimtare të projektit “Ballkan Booster”: Bashkëpunim përtej kufijve

LEXO EDHE:  Vijon koalicioni Rama-Meta?/Bledian Koka: Ku t'i kërkoj rrënjët e tua Baton?!

 

LEXO TE PLOTE
Lajme të Rekomanduara: