Connect with Us

Ekskluzive-skandali/Drejtuesit të lartë të policisë i refuzohet viza nga Britanikët

Aktualitet

Ekskluzive-skandali/Drejtuesit të lartë të policisë i refuzohet viza nga Britanikët

Publikuar

-

Skandalet me zyrtarët shqiptarë nuk ndalen. Kur politika kërkon me ngulm fillimin e vetingut dhe dekriminalizimin, vjen një tjetër goditje për institucionet shtetërore.

Një zyrtari të lartë të policisë së Shtetit i është refuzuar viza Britanike megjithëse kishte ftesë për një aktivitet zyrtar.

Burime  zyrtare i thanë Citynews se Drejtorit të IPSH (Institutit të Policisë Shkencore), Dritan Zoto i është refuzuar viza nga Ambasada e Mbretërisë së Bashkuar në Tiranë.

Citynews mësoi se tre zyrtarë të IPSH kishin aplikuar për vizë në Ambasadën Britanike dy prej tyre punonjës të Institutit, O.A. dhe Xh.C. u pajisën me viza dhe realizian vizitën, por drejtuesi i tyre Zoto nuk mundi të udhëtonte me vartësit. Atij iu refuzua viza nga Ambasada Britanike, kuptohet pa ju dhënë shumë sqarime për refuzimin e vizës.

LEXO EDHE:  Skandal te Mali i Robit/Shikoni çfarë ndodhi në 05:30 të mëngjesit (Video)

Dritan Zoto është një drejtues i lartë institucioni në vend që i refuzohet viza, pak kohë më parë ai u pezullua nga detyra me urdhër të Drejtorit të Përgjithshëm të Policisë së Shtetit, pas ankesës së një qytetari dhe ndaj tij pati edhe një praktikë disiplinore, Zoto u rikthye në detyrë pas insistimit të vetë ish-ministrit Saimir Tahiri./Citynews

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Besa Shahini shkel sërish ligjin”/ Këlliçi “kap mat” ministren

Publikuar

-

Nga

Kreu i Forumit Rinor të Partisë Demokratike, Belind Këlliçi ka denoncuar një shkelje tjetër të ligjit nga ana e Ministres së Arsimit, Besa Shahini.

Sipas Këlliçit, Shahini ka shkelur ligjin duke mbajtur anëtare të Bordit të Akreditimit brenda Ministrisë, zv. Guvernatoren e Bankës së Shqipërisë, pozicion i papajtueshëm me asnjë funksion tjetër në varësi të qeverisë.

Kreu i Formuit Rinor sqaron se Znj. Luljeta Minxhozi është votuar nga parlamenti si anëtare e Këshillit Mbikqyrës të Bankës së Shqipërisë, është ndërkohë zv. Guvernatore e Bankës, por njëkohësisht është edhe nëpunëse e Besa Shahinit, në shkelje flagrante të ligjit.

Përmes një postimi në rrjetet sociale, Këllici i bën thirrje ministrës që sa më shpejt të jetë e mundur, të rikthejë Ministrinë e Arsimit në shinat e ligjshmërisë, të mbrojë interesin e studentëve e rinisë dhe të zbatojë ligjin.



“Minstrja në ikje e Arsimit, Besa Shahini kapet sërish në paligjshmëri!
Pasi ia doli të organizojë zgjedhje moniste edhe në universitete, pasi goditi mijëra maturantë me tezën e gjuhës dhe letërsisë me idiote që ka parë vendi, Ministrja në ikje e Arsimit, Besa Shahini shkel sërish ligjin duke mbajtur anëtare të Bordit të Akreditimit brenda Ministrisë, zv. Guvernatoren e Bankës së Shqipërisë, pozicion i papajtueshëm me asnjë funksion tjetër në varësi të qeverisë.
Sipas ligjit, anëtarët e Bordit të Akreditimit të universiteteve propozohen nga Ministri i Arsimit për emërim ose shkarkim dhe emërohen ose shkarkohen me miratimin e Kryeministrit.

Znj. Luljeta Minxhozi është votuar nga parlamenti si anëtare e Këshillit Mbikqyrës të Bankës së Shqipërisë, është ndërkohë zv. Guvernatore e Bankës, por njëkohësisht është edhe nëpunëse e Besa Shahinit, në shkelje flagrante të ligjit.
E kuptojmë që për një ministre që ka një rekord absolut dështimesh, që ka guxuar të organizojë zgjedhje pa 75% të studentëve në universitete, që nuk garantoi asnjë masë mbrojtjeje në auditore gjatë pandemisë shkaktuar nga Covid-19, ky standard është plotësisht i pranueshëm, por i bëjmë thirrje që sa më shpejt të jetë e mundur, të rikthejë Ministrinë e Arsimit në shinat e ligjshmërisë, të mbrojë interesin e studentëve e rinisë dhe të zbatojë ligjin hera-herës…!

LEXO EDHE:  Skandal në burgun e Peqinit/ Dhunohet një i dënuar

LEXO EDHE:  Ekskluzive/ Dosja e Ben Blushit përfundon në SPAK

Sa për sqarim të opinionit publik, Bordi i Akreditimit është një organ kolegjial vendimmarrës dhe i pavarur në veprimtarinë e tij, i cili funksionon pranë ASCAL. Veprimtaria dhe funksionimi i BA është e përcaktuar në ligjin e “Arsimit të lartë” nr 80/2015, ligjit nr. 8480, datë 27.05.1999, për “Funksionimin e organeve kolegjiale”, në vendimin e Këshillit të Ministrave nr. 109, datë 15.02.2017 si dhe rregulloren e funksionimit të tij.
BA është i përbërë nga 11 anëtarë nga të cilët minimalisht 3 dhe maksimalisht 5 duhet të jenë të huaj. Të gjithë anëtarët janë personalitete të botës akademike me nje eksperiencë të gjatë në mësimdhënie dhe kërkim shkencor brenda dhe jashtë territorit të RSH.
*Anëtarët dhe kryetari i Bordit emërohen dhe shkarkohen nga kryeministri me propozimin e ministrit përgjegjës për arsimin.
*Mandati i anëtarëve të BA është 4 vjet. Bordi i Akredimit u emërua me urdhër të Kryeministrit nr. 32, datë 17.03.2017 dhe organizoi mbledhjen e tij të parë në datën 07.04.2017
*BA është vazhdues i punës së Këshillit të Akreditimit i krijuar në bazë të ligjit të “Arsimit të lartë” nr. 9741, datë 21.05.2007. Ligji i ri i arsimit të lartë dhe kërkimit shkencor, nr. 80/2015, i jep fuqinë BA për të marr vendimin përfundimtar mbi akreditimin e institucioneve të arsimit të lartë dhe programeve që ato ofrojnë”, shkruan Këlliçi./CNA.al

LEXO TE PLOTE

Politikë

Patozi: PD e humbi shansin të ishte lokomotivë e ndryshimit, ne mund të ishim vagon

Publikuar

-

Nga

Patozi: PD e humbi shansin të ishte lokomotivë e ndryshimit, ne mund të ishim vagon

Koordinatori i Bindjes Demokratike, Astrit Patozi mendon se marrëveshja e 5 qershorit nuk ishte ajo që pritej prej politikës shqiptare, të paktën partisë së cilës dikur i përkiste, asaj Demokratike.

“PD, e humbi këtë shans. Ajo kishte shansin historik që të ishte lokomotiva e ndryshimit të madh në Shqipëri dhe ne sigurisht do të ishim një nga vagonët, nëse do të na pranonin. Gjithsesi e kemi ndërtuar rrugëtimin tonë jo të kushtëzuar me rrugëtimin e të tjerëve”, tha koordinatori i Bindjes Demokratike, i ftuar në Ditarin e A2.

Duke komentuar skemën e re të përzgjedhjes së kandidatëve për deputet në PD, Patozi tha: “Ky komision do të shërbejë për ta shpëtuar Lulzim Bashën nga përgjegjësia. Që do të thotë, pakënaqësitë e atyre që nuk do ta gjejnë veten te listat e deputetëve do t’i shkarkohen komisionit, kurse meritën e gëzimit që do të mbeten në listë do ta marrë Basha. Është njëlloj si me tenderët. Askush nuk e di kush ishte në komisionin e caktimit të fituesit, por të gjithë merren me kush e dha dhe kush e fitoi tenderin”.

Patozi mendon se ka ardhur momenti që shqiptarët të kenë më shumë se dy mundësi në zgjedhje. “Tashmë i kanë provuar të gjitha llojet e aleancave të qelbësirave, një term i rëndë por që e kanë përdorur kundër njëri-tjetrit. Nëse do të kishim vetëm dy alternativa do të ishim në vendnumëro. Sot është koha që kjo shoqëri të prodhojë forca të reja politike, të ndryshme nga dy blloqet e vjetra dhe të zakonshme të politikës primitive në Shqipëri”, tha ai.



“Ftesa ime ishte për çdo aktor politik që do ndryshimin dhe jo thjesht rotacionin, çdo politikan që mendon që mund të ketë rol në zgjedhjet e ardhshme duhet të guxojë. Nëse kjo nuk ndodh, ajo që vjen pas zgjedhjeve do të jetë edhe më keq se sa jemi sot. Përveç markës së të fortit do të kenë edhe markën e demokratit, ndërkohë që nuk kanë qenë asnjëherë në këto dy dekada. Elektorati shqiptar ka qenë i dorëzuar dhe iu përshtatur me rrethanat ku dy aktorët kryesorë e kanë detyruar të zgjedhë të keqen më të vogël. Ky është rasti që diga ka një të çarë, një mundësi që nëse nuk shfrytëzohet, ne mund të kalojmë edhe 30 vite të tjera e të mos bëjmë asnjë hap përpara”.

LEXO EDHE:  Ekskluzive-SKANDALI/ Universiteti i Korçës pedagogë me mastera dhe doktoratura false

LEXO EDHE:  Skandal në burgun e Peqinit/ Dhunohet një i dënuar

Bindja Demokratike është në dispozicion të çdo fronti që është kundër dy blloqeve të politikës, shtoi Patozi, të cilët na e kanë dhënë sinjalin sesi e duan ata Shqipërinë. “Kjo është marrëveshja e 5 qershorit, që tregon se ata duan t’i lënë gjërat siç janë. Ne e dimë se çfarë na pret. Ne duhet t’i primë zemërimit popullor për këtë politikë primitive, e t’i japim publikut alternativë tjetër. Unë mendoj se ky është çast historik që publiku të prodhojë forca të reja dhe pse jo, një koalicion opozitar që të jetë një alternativë e re për Shqipërinë”, tha ai.

“Mendoj që në shtator, ata që kanë ndërmend të luajnë një rol në politikën e këtij vendi, mendoj që do ta nxjerrin kokën në shtator. Nuk ka arsye pse të presin më, madje do të thosha që janë të vonuar. Nëse nuk zbresim në fushë, do të thotë që ua kemi lënë vendin qeverisë së korruptuar të Edi Ramës dhe opozitës së lodhur të Lulzim Bashës. Nëse nuk ia japim publikut këtë mundësi do të thotë që jemi të pajtuar me dy blloqet e mëdha dhe do të themi që do të zgjedhim gjithmonë të keqen më të vogël. Ne do të japim kontribut në këtë lloj sipërmarrje. Me listat e hapura ne kemi vetëm 2 rrugë, ose çdo parti të futet me listë më vete, ose disa parti të kenë një listë të përbashkët. Hezitimi i PD është një taktikë hileqare që e bën për të mbajtur “me gajret” aleatët nga frika se mos i ikin. Bindja Demokratike është e prirur të hyjë në një listë me forca të ngjashme që kërkojnë ndryshimin jo thjeshtë rotacionin”.

LEXO TE PLOTE

Bota

Video-Shpërthimi i fuqishëm në Bejrut/ Dalin pamjet me dron nga “qyteti fantazmë”

Publikuar

-

Nga

Vijojnë kërkimet nën rrënojat e portit të Bejrutit pas shpërthimit tragjik, ku deri më tani raportohen 157 të vdekur dhe mijëra të plagosur.

Vala e fortë e shpërthimit ka shkatërruar tërësisht kryeqytetin e Libanit, ashtu siç shihet dhe nga pamjet e publikuara sot.
Në videon e filmuar me dron, shfaqen pamje që të ngjallin frikën, e ndërsa Bejruti ngjan si një qytet fantazmë.



LEXO EDHE:  Sërish viza gjermane për ata me kontratë pune, por edhe pengesa

Dyshohet se shpërthimi është shkaktuar nga ndezja e 2,750 tonë nitrat amoniumi, një kimikat i përdorur për eksplozivë, që ishte ruajtur në port pasi ishte konfiskuar nga një anije, ngarkese e ndaluar në 2013./CNA.al

LEXO TE PLOTE