Connect with Us

Skandali/ “Vettingu”, 10 firma në çadrat e peticionit nga i njëjti person, nënshkruan dhe në emër të Fahri Balliut (Video)

Aktualitet

Skandali/ “Vettingu”, 10 firma në çadrat e peticionit nga i njëjti person, nënshkruan dhe në emër të Fahri Balliut (Video)

Publikuar

-

Tirana, sot mund të quhet kryeqyteti i çadrave. Siç e dinë të gjithë, opozita ka ngritur në mes të Bulevardit Qendror të Tiranës një çadër të stërmadhe. Pak ditë pasi mbiu kjo çadër e madhe, në Tiranë, por edhe në të gjithë Shqipërinë, mbinë disa çadra të tjera të vogla, me ngjyrë blu. Zyrtarisht, këto çadra, konsiderohen të Shoqërisë Civile. Njerëzit, që shërbejnë brenda tyre, ftojnë qytetarët për të firmosur Vetingun.

Po kush e kërkon këtë Vetting? Kush i ka ngritur këto çadra në të gjithë vendin? Thuhet, që ky aksion është ndërmarrë nga më shumë se 50 shoqata, të shpërndara në të gjithë territorin e Shqipërisë.

Shoqatat, janë të shqetësuara për fatin e Vettingut. Ato kanë thirrur popullin, që të firmosë për të mbështetur dhe mbrojtur Vettingun.

Shoqatat e Vettingut, për ta kryer sa më mirë punën e tyre, kanë përgatitur edhe një material propagandistik.

Shoqatat e Vettingut, kanë pushtuar edhe rrjetet sociale. Ja thirrja e “Gruas Intelektuale Pogradecare”. Duket si një lëvizje e kuruar mirë dhe e komanduar diku nga lart. Por cilat janë këto shoqata? Në fakt, në mes të listës së stërmadhe të shoqatave, spikatin: zyra e fondacionit Soros në Tiranë dhe “Lëvizja Mjaft”.

Këto dy organizata, shumë të njohura për shqiptarët, janë të rrethuara me emra shoqatash të çuditshme, të panjohura deri më sot, si për shembull: “Gruaja Intelektuale Pogradecare”, “Shoqata e Përdoruesve të Pyjeve dhe Kullotave Has”, “New Bridge, Berat”, “Linja e Këshillimit për Burra e Djem”, etj.

Në të vërtetë, nuk janë vetëm këto vajza dhe shoqatat të shqetësuara për Vettingun. Të gjithë shqiptarët jetojnë tani me Vettingun.

Por, ministri Beqaj, që është i dashuruar me Vettingun, ka koncesionuar brenda tre vjetëve, mbi 400 milionë euro nga paratë publike të shqiptarëve.

Më interesanti, duket ministri Blendi Klosi. Ai kërkon zbatimin urgjent të Vettingut, për të shpëtuar fëmijët e rrugës.

Apelit të Vettingut iu bashkua dhe ministri i Financave Arben Ahmetaj.

Duket, që Vettingu po hyn thellë në çdo qelizë të jetës së këtij vendi. Edhe te forcat militare të Republikës së Shqipërisë ndihet atmosfera e Vettingut.

Por më i shqetësuari nga të gjithë, është kryebashkiaku Erion Veliaj. Edhe pse në përurimin e një rruge të re, Veliaj vërtit nëpër gojë vetëm fjalën Vetting.

Në çadrën e opozitës, vazhdon rituali me muzikë, fjalime dhe entuziazëm, sidomos kur flasin liderët. Ndërkohë, në çadrat e ngritura nga Partia Socialiste dhe Shoqëria Civile, punohet me turne. Shpesh herë, aty vijnë dhe personalitete të larta, si ministra dhe kryebashkiakë. Kemi çadra dhe antiçadra, miting dhe antimiting.

I brengosur për këtë sistem drejtësie që kemi, kryebashkiaku Erion Veliaj që i ka mbirë në gojë vetëm fjala Vetting, ishte personaliteti i parë që shkoi te çadrat për të firmosur.

Gazetari i emisionit “Të Paekspozuarit”, Endrit Habilaj, duke parë që peticionit i mungonin 985 mijë firma, vrapoi edhe ai për të hedhur firmat e veta. Themi firmat, dhe jo firmën, sepse Endriti, firmosi plot 10 herë. Ja, ndiqeni grafikun e firmosjes së gazetarit tonë.

I zemëruar, gazetari ynë Endriti, shkoi për të firmosur për herë të dytë në të njëjtat çadra. Tek rifirmosja, në çadrën e katërt, gazetari ynë, ngaqë nuk po e identifikonin, shënoi emrin e gazetarit popullor shqiptar, Fahri Balliu. Meqenëse edhe në këtë rast, nuk u identifikua as Fahri Balliu, gazetari ynë u largua shumë i trishtuar. Mbrapa, brenda çadrave, mbetën 10 firmat e tij për Vettingun.

Ndërkohë, kryeministri Rama, shumë më i përkushtuar sesa gazetari ynë, hapi edhe një faqe të posaçme për të mbështetur Vettingun.

Por ka edhe më shumë se kaq. Kryeministri ynë, ka gjetur një shofer autobusi, i cili e ndalon mjetin në mes të rrugës dhe shkon te çadra, për të firmosur Vettingun. “Rroftë shoferi”, thotë Kryeministri, Edi Rama në facebook-un e vet. Edhe Lej Feni, po të ishte gjallë, do ta kishte zili kryeministrin tonë.
Shqipëria dhe populli shqiptar, tani janë të pushtuar nga ethet e Vettingut. Kudo ku punohet dhe jetohet, lëviz si e gjallë fjala Vetting.

Tani, kjo fjalë është bërë pjesë e pandarë edhe e folkut dhe e këngës popullore. Vettingut, tani i këndojnë deri edhe pleqtë. Ja si këndojnë dhe sa të gëzuar ndihen, disa të moshuar në qytetin e Fierit, pasi firmosin formularin e Vettingut.

Por kënga për reformën, nuk është një gjë e re.

Të njëjtat shoqata, që sot mbledhin firmat në mbështetje të Vettingut, gjashtë muaj më parë, në rrethimin që kishin krijuar tek Kuvendi, për të detyruar deputetët të votonin Reformën në Drejtësi, shoqatat kënduan dhe këtë këngë.

Çadra e madhe e opozitës, mitingu i saj i përhershëm, dhjetëra çadra të tjera të pushtetit, në mbrojtje të Vettingut. Njerëz që vrapojnë pa e ditur se ku. Kjo është Shqipëria sot. Këto pamje të rralla në të gjithë botën, duke i ndjekur para dy ditësh edhe një gazetar huaj, na tha: “Ky vend duhet bërë nga e para…..”./BW

Më poshtë videot

https://www.youtube.com/watch?v=11ux30Rnntk

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE
Lajme të Rekomanduara: