Aktualitet
Vala e protestave përfshin dhe Durrësin/ Çfarë po ndodh në qytetin bregdetar
Shoqëria Civile në Durrës ka dalë sot në protestë kundër Gjykatës Administrative, me pretendimin se nuk po respekton vendimin për projektin Veliera.
Me vendim gjykate me 16 shkurt u pezulluan punimet mbi rrugë ku ishin gjetur më herët rrënoja arkeologjike, por shoqëria civile thotë se punimet vijojnë dhe pranë Torres po hidhet beton.
“Jemi te indinjuar se nuk po zbatohet ligji. Në vendimin e gjykatës, gjyqtarja lexoi vendimin e gjykatës dhe bllokoi punimet mbi rruge. Gjyqtarja Marjana Velçani ka bërë një shtese që Bashkia të vazhdojë punimet pranë Torres. Dje kemi paditur për herë të dytë për mashtrim dhe falsifikim të dokumenteve per zonen Arkeologjike. Prane Torres është hedhur beton, kërkojmë bllokimin e punimeve”, thonë protestuesit.
Sipas shoqëricë civile, gjyqtarja tjetër gjë ka thënë në seancë gjyqësore dhe tjetër në zbardhjen e vendimit. Protestës i është bashkuar dhe Sazan Guri, i tha se pushteti kërkon të mposhtë shtetin./CityNews
Politikë
Një grua zë vendin e parë në listën e Korçës/ Kush është kandidatja e PS-së
Gjatë një konference për mediat, kryeministri Edi Rama ka prezantuar kandidatët e Parrtsë Socialiste për secilin qark.
Mes të tjerave, Rama prezantoi edhe kandidaten që do të jetë e para në listën e Korçës.
Kreu i qeverisë bëri të ditur se vendin e parë në listë do ta zerë Eni Zake, e cila mban postin e anëtares së Këshillit Bashkiak të këtij qyteti dhe është administratore e Universitetit të Korçës.
“Eni Zake do jetë në Korçë: Anëtare e Këshillit Bashkiak dhe Administratore e Universitetit të Korçës. Komitetit korçar i jepet një mesazh i qartë”, theksoi Rama.
Në vitet 2005–2014 Zake ka punuar si Përgjegjëse e Sektorit të Financës dhe Personelit në radio-televizionin publik “KORÇA”. Për një periudhë 10-vjeçare (2005 –2015) ajo ka punuar edhe si pedagoge e ftuar (part-time) në Universitetin “Fan. S. Noli“ të Korçës.
Në periudhën 2014-2017 punoi si Drejtore e Degës së Thesarit, Korçë (Ministria e Financave) dhe aktualisht prej prillit 2017 si Administratore në Universitetin e Korçës.
Zake është anëtare e PS, delegate për Kongresin në Forumin e Gruas Socialiste, aktiviste dhe pjesëmarrëse në takime me organizatat e partisë./ CNA.al
Politikë
Dritan Leli i refuzoi propozimin/ Rama: Është zgjedhja e tij!
Kryeministri Edi Rama gjatë konferencës për mediat, është pyetur dhe për refuzimin e kryebashkiakut të Vlorës, Dritan Leli për të qenë në listën e kandidatëve për deputetë të PS në Vlorë.
Rama tha se është e vërtetë që e ka propozuar, por ai nuk e ka parë të arsyeshme.
“Në formimin e një skuadre ka dinamika të brendshme. Këtu nuk ka rëndësi fare se çfarë ka menduar njëri apo tjetri. Është e vërtetë që unë i kam propozuar që ai të bëhet pjesë e skuadrës, nuk e ka parë të arsyeshme, është zgjedhja e tij. Me të, pa të skuadra jonë në Vlorë do realizojë objektivin bazë dhe do shkojë shumë afër objektivit maksimal që është plotësisht i mundur sipas meje, s’ka asnjë problem”, deklaroi Rama./CNA.al
Politikë
Rama nuk harron Erion Braçen/ I pari në listën e Fierit
Listën e Partisë Socialiste në Fier do ta kryesojë zv.kryeministri Erion Braçe.
Kështu u shpreh kryeministri Rama gjatë prezantimit në selinë e PS.
Rama tha se kjo do të jetë një skuadër që ka edhe palcën e PS, por edhe frymëmarrje me figura të reja.
“Zgjeron kufijtë e PS. Është një skuadër që ka të gjithë palcën e PS por edhe një frymëmarrje shumë më të madhe që shkon përtej organizmit. Duke e bërë PS pasqyrë të shoqërisë, të gjitha kategorive”, shpreh Rama./CNA.al
