LEXO PA REKLAMA!

SHKARKO APP

Vajza e Azem Hajdarit deputete e PD në Tropojë?!/ Ja përgjigjja

17 Shkurt 2017, 08:14, Aktualitet CNA

Vajza e Azem Hajdarit ka bërë një deklaratë befasuese në daljen e parë televizive. Në emisionin ?Debati në Channel One?, Rudina Hajdari tha se nuk do të refuzonte një propozim për të qenë deputete e PD në Tropojë.

?Tropoja është vendlindja ime dhe nëse më propozohet për të qenë deputete atje do ishte nder për mua?, tha ajo përballë gazetarit Roland Qafoku.

Pas 19 vjetësh, Rudina Hajdari ka lënë SHBA ditët e fundit për të jetuar në Shqipëri dhe për të nisur një karrierë në politikë.

Kryetari i PD Lulzim Basha e prezantoi pak ditë më parë zonjën Hajdari si kordinatore për Marrëdhëniet me Jashtë në PD.

Ajo është vajza e vetme e Azem Hajdarit, kryetarit të parë të PD që në themelim, i cili u vra më 12 shtator 1998 në Tiranë.

Rudina Hajdari ishte 11 vjeç kur i vranë të atin dhe 3 vite më pas ajo shkoi në SHBA për të vijuar shkollën e mesme dhe më pas universitetin.

Gjatë emisionit Rudina Hajdari tha se kërkon ta vazhdojë kauzën e të ztit aty ku e la ai nëpërmjet angazhimit total në politikë.

?Natyrisht Shqipëria ka ndryshuar shumë këto vite dhe babai im bëri politikë në një kohë tjetër, por ideali I tim tim eti më bën mua të kem modelin për të bërë politikë për një Shqipëri më të mirë?, tha Rudina Hajdari./CityNews

Lajmet e fundit nga