Aktualitet
Çfarë e tremb kreun e LSI?/Balili si Eskobar droge, Meta si Eskobar korrupsioni
LSI dhe kreu i saj kohët e fundit ka ngritur tonet ndaj qeverisë ku bëjnë pjesë prej 4 vitesh.
Dy ministra, miq besnikë të Metës, Ylli Manjani dhe Lefter Koka kanë pasur qëndrime më afër opozitës dhe kanë sulmuar ashpër qeverinë dhe në vecanti ministrin e Brendshëm, një nga njerëzit më të besuar të kryeministrit.
Ilir Meta edhe pse është gjysma e qeverisë po sillet si opozitë, jo si pjesë e një koalicioni ku ministrat e tij janë të zhytur në llum dhe skandale.
Mesazhet në fakt i jep Ylli Manjani i përfshirë në skandalin e liçensave të noterëve, ku persona me precedentë penale dhe njerëz me lidhje nepotike me Manjanin “rrëmbyen” liçensat.
Lefter Koka është një tjetër ministër që flet për skandale qeverie por ai është vetë skandali. Shkatërrimi i pyjeve kur ka moratorium, importi i plehrave me mbështetjen e tij, pa folur për betonizimin që i bëri Durrësit si kryebashkiak, janë mesazhe thuajse të neveritshme.
Dy ushtarë të Metës në qeveri sulmojnë gjysmën tjetër, ata që i mbushin thesin, sulmojnë në emer te thesit. Neveri politike.
Çfarë do ndodhte në rast se PS sulmonte “ushtarët” e paaftë dhe hajdutë të Ilir Metës nga tansportet tek drejtësia, rrugët, bujqësia apo gjetkë??
Ilir Meta po bën një lojë politike perverse. Ai sulmon qeverinë si opozita (e mefshtë në aksion), për të gjetur shtrat të ngrohtë afër saj, nga ana tjetër ajo nuk mer kostot e qeverisjes të Edi Ramës, ndërkohë që ka votuar çdo ligj me shumicë të cilësuar dhe LSI është këmba ë qeverisë të Ramës, e mesit apo anash kjo ska rëndësi. Ilir Meta është pjesë e saj dhe ka po aq përgjegjësi sa vetë Rama.
Por diçka e tremb Ilir Metën. E tremb Klement Balili që pas vizitës në SHBA e “shiti”. Klement Balili është i Ilir Metës, drejtor i tij dhe emëruar prej tij. Klement Balili është Eskobari për Drogën Ilir Meta është Eskobari i korrupsionit, këtë se themi ne këtë e thotë dhe e di gjithë Shqipëria.
Ilir Meta është llumi i kësaj politike, aspak më i pastër dhe më i ndershëm se Rama. Ilir Meta është vëllai siamez i kryeministrit tonë, që mban dhe përlyen mikun e tij Meta në çdo minutë pushteti.
E tremb korrupsioni i tij dhe problemet me ndërkombëtarët. Meta kujton se duke u shitur si anti Soros mund të jetë zgjidhja e vetme për administratën e Trump në Shqipëri. Në fakt është Ilir Meta që ka mbajtur në pushtet njeriun e Sorosit në Shqipëri. Është Ilir Meta që ka qenë në krah të Ramës në çdo kohë, dje edhe sot.
Meta mendon se me skenarë pro amerikanë mund të shpërtojë, por ai është në krye të listës të personave të korruptuar, njerëzve problematikë që kanë shkatërruar Shqipërinë këto 26 vite. Ilir Meta nuk është zgjidhja, por së bashku me Ramën ai është problemi dhe për të shpëtuar po luan një loje.
Sulmon qeverinë, nxjer ministrat e po kësaj qeverie që kanë heshtur tre vite të bërtasin dhe akuzojnë. Katër vite qeverisët bashkë, vodhët bashkë, përgjegjës janë bashkë. Kostot i kanë si bashkëpunëtorë, dhe këtu pa përgjegjësi nuk është edhe opozita që në fakt e ka vështruar dhe asnjëherë nuk e ka sulmuar Metën. Ky nuk ka frikë Bashën, por SHBA-të dhe Ramën, për Lulin ai “mbretëron” edhe 100 vjet./Citynews
Aktualitet
Këshilla-Si të mbroni veten dhe familjen tuaj nga tërmetet
Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.
Çfarë të bëni gjatë një tërmeti
Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.
Gjeni strehë në vendin më të afërt
Nëse ndodheni jashtë, gjeni strehë ku të mundeni por mos u fusni brenda.
Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.
Mos lëvizni prej andej deri sa tërmeti të ketë ndalur.
Strehohu, mbulohu dhe mbahu fort
Që në goditjen e parë futuni nën një mobilje siç mund të jetë tavolina dhe qëndroni aty.
Mos u fusni poshtë krevatëve apo dollapëve të lartë që mund të shemben.
Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.
Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.
Nëse mobilja lëviz, lëvizni bashkë me të.
Qëndroni nën të deri sa të jeni të sigurtë që goditjet kanë mbaruar.
Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.
Pragu i Derës
Pragu i derës është një nga më të fortat e të gjithë pallatit apo godinës.
Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./
CNA.al
SHPERNDAJE KETE MATERIAL INFORMUES
Aktualitet
Termet i frikshem ne Shqiperi
Nje termet 5.8 balle ka goditur Shqiperine 32 km larg Tiranes, ne detin Adriatik.
Njoftohen deme materiale dhe panik tek njerzit qe kane dale ne rruget e Tiranes.
Lekundjet jane ndjere te forta ne Tirane, Elbasan, Durres. Korce, Fier etj…
Njoftohen deme materiale…vijon
Aktualitet
Provokimi i Mustafa Nanos: Duhet të jemi më racionalë me Enver Hoxhën
Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.
Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.
Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.
“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.
Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.
Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.
Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.
Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.
“Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.
Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.
Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al
