Connect with Us

Analiza-Mbyllja e portaleve është çensurë në media/Pse është antikushtetuese?

Aktualitet

Analiza-Mbyllja e portaleve është çensurë në media/Pse është antikushtetuese?

Publikuar

-

*Elvi FUNDO

Në kuadër të “Reformës Zgjedhore”, Partia Socialiste konkretisht nëpërmjet Taulant Ballës ka nxitur një debat që lidhet me median online, por që u shua menjëhere.

Për të pasur një informacion dhe sqarim më të plotë cityneës po sjell ndryshimet e propozuara dhe argumenta ligjorë që i nxjerrin këto propozime si antikushtetuese pasi cënojnë lirinë e shprehjes.

Në propozimin e tij deputeti socialist Taulant Balla në Nenin 10 pika 7 është e formuluar si më poshtë, “Ndalohet përdorimi i portaleve elektronike të pa kontrolluara nga Bordi i Monitorimit të Mediave për propagandë zgjedhore. Autoritet shtetërore marrin masa për mbylljen gjatë fushatës zgjedhore të portaleve elektronike të pa regjistruara të cilat përhapin propagandë zgjedhore, zhvillojnë sondazhe pa respektuar rregullat e këtij kodi, apo kalojnë kufirin e informimit dhe konsiderohen propaganda zgjedhore”.

Propozimi thotë portalet e pa rregjistruara, por nuk sqaron disa detaje. Çfarë konsiderohet portal? Po marrim një rast a është balkanweb, lapsi apo mapo.al portal? Në rastin e parë dhe të dytë kemi një portal në të tretin portalin e një gazete që funksionon i pavarur prej saj. Si dy të parët, por më i reduktuar në staf është edhe Citynews.

Problemi sipas prozimeve të Ballës qëndron tek të pa regjistruarit dhe në propozim thuhet autoritetet shtetërore të marrin masa. Po të regjistruarit kush po i kontrrollon? Sepse ska strukturë pergjegjëse me ligj. Po gazetat, televizionet, portalet e tyre kush i kontrrollon?

Partia Socialiste e bën këtë veprim vetëm si presion për zgjedhjet, pasi ka problem sondazhet dhe propagandën e tyre. Përpara se të bëjë këtë qeveria apo deputetët socialistë duhet të përgatisin një ligj të ri për mediat ku të futen dispozita sipas realitetit sot të medias, por kursesi me çensure. Gazeta, media online, apo shembujt që solla më sipër janë njësoj për më tepër shumë portale apo agjensi lajmesh online, sot janë një hap përpara gazetave të printuara dhe televizioneve, edhe pse kanë më shumë staf,  keta të fundit funksionojnë si makineri të ndryshkura në lidhje me raportimin e lajmit. Por kjo është një tjetër çeshtje

Le të kthehemi konkretisht tek propozimet e Taulant Ballës.

Dispozita e propozuar parashikon konceptin e ‘pakontrolluar’.  AMA (Autoriteti i Mediave Audiovizive), nuk ka subjekt portalet, ato janë subjekt i AKEP, i cili i “licenson” me shitjen e domane-ve. Nëse Balla e ka fjalën për të qenë subjekt i AMA, duhet një tjetër ndryshim ligjor, apo në rast se do ta çojë kontrrollin tek AKEP minimalisht duhet të ngreje një strukturë me kompetenca ligjore.

Më tej po sjellim një tjetër aspekt këtë herë në lidhje me fushatën, ku propozimi i Ballës tregon se është i nxituar, pa koncept ligjor dhe i bërë shpejt e shpejt, Alla shqiptarçe.

LEXO EDHE:  “Opozita joparlamentare e shet veten shumë thjeshtë”/ Hajdari: PD është në humbje loje

Gjykata Europiane e të Drejtave të Njeriut (GJEDNJ), në çeshtjen Feret v. Blegium të vitit 2007, ka sqaruar pozicionin e medias mbi çështjet e fushatave zgjedhore. Në këtë vendim, GJEDNJ (Gjykata e Strasburgut) pranon se kriticizmi në rastet e fushatave është i lejuar. Pra zoti Balla dhe PS nuk mund të çensurojnë apo bllokojnë askënd që i kritikon gjatë fushatave.

Më tej po sjellim një tjetër argument sërish sipas çështjeve dhe vendimeve të dhëna nga GJEDNJ. Dispozita Balla parashikon konceptin e ‘kufirit te informmimit’. Në çeshtjen Lopes Gomes da Silva, menaxheri i gazetes Público kunder Portugalisë, GJEDNJ ka thënë se është shkelur liria e shprehjes për menaxherin. Një tjetër rast në favor të lirisë të shprehjes.

Mbyllja e portaleve përcaktohet në legjislacion si bëhet dhe në cilat raste, pra as Taulant Balla, as qeveria, as Edi Rama dhe askush nuk mund ti mbyllë kur i do qejfi se kanë fushatë. Qeveria në rast se i ka seriozisht nismat e saj fillimisht duhet të përgatisë një ligj në konsultim me mediat dhe në rastet kur ka vakum, mund ti referohet mjaft mirë vendimeve të GJEDNJ. Propozimet apo veprimet për çensurë gjatë zgjedhjeve nuk janë zgjidhje, por frikë dhe panik nga fjala e lirë. Aty ku ka shpifje, fyerje dhe manipulime, përgjegjësit mund të çohen lehtësisht përpara përgjegjësisë ligjore.

Problematikat në media, portalet ilegale, që kryejnë veprime antiligjore mund të kontrrollohen për të respektuar ligjin, të rregjistrohen në institucione përgjegjëse për monitorimin e tyre por kursesi nuk mund të mbyllen sepse Edi Rama ka frikë dhe e kap paniku prej tyre.

Kryeministri së bashku me kryebashkiakun e Tiranës, mbështesin dhe financojnë mediat e mëdha që i kanë futur në “kazan”. Kryeparlamentari një tufë me portale që i ka në shërbim për të mbrojtur vetën dhe sulmuar Ramën. Kreu i PD, kërkon ti shlyjnë borxhet për nderet që ju ka bërë si ministër e kryebashkiak. Partitë e tjera të kapin çfarë të mundin, e kështu me rradhë.

Do të ishte më e ndershme që politika të tërheqë financimet korruptive dhe klienteliste, të ndalin financimet kriminale të mediave në shërbim të tyre, të ndërtojnë një raport të ndershëm më lirinë e fjalës dhe mediat, të ndërtojnë institucione monitoruese të përgjegjshme dhe profesionale, vetëm kështu mund të kemi një media më të lirë dhe profesionale. Ndërhyrjet me tentative për çensure nuk zgjidhin asgjë, thjesht tregojnë se qeveria ka frikë nga fjala e lirë. *Shkruar për Citynews 

 

 

Për të rejat më të fundit behuni pjesë e grupit tonë në facebook : City News Albania

Politikë

Basha, një listë me humbësa për Korçën

Publikuar

-

Nga

Basha një listë me humbësa për Korçën

Pas shumë emrash të nxjerrë nga mediat, por edhe të publikuar nga strukturat e PD-së, më në fund Basha ka bërë publike kandidatët e qarkut të Korçës.

Një listë me humbësa të skualifikuar edhe nga komisioni që do të bënte vettingun e kandidatëve të PD-së, kryesuar nga Genc Ruli dhe Bujar Nishani, njerëz të votuar kundër, të shumëakuzuar, por edhe humbësa serial do të kandidojnë “për të fituar” PD zgjedhjet e vitit 2021 në 25 prill.

Edmond Spaho

I pari në listë është Edmond Spaho, i cili në vitin 2017 drejtoi qarkun e Elbasanit dhe humbi, në vitin 2015 drejtoi fushatën e Grida Dumës në Durrës dhe humbi, në vitin 2013 ishte pjesë e listës në Korçë dhe humbi. E vetmja fitore e tij është në vitin 2005 dhe diferenca ka ardhur për shkak të votave të LSI-së, të kandidates Filloreta Kodra.

Sorina Koti

E dyta në listë është Sorina Koti, kandidate e PD-së në vitin 2013, humbëse. Më pas, drejtuese lokale dhe humbëse në 2015-ën dhe 2017-ën, e pashfaqur dhe e mbajtur në karrierë për shkak të lidhjeve të forta politike me Fatbardh Kadillin.

Ervin Salianji

Më tej,  i kandiduar në Korçë në 2017-ën por pjesë e fushatës së Andrea Manos, humbës në vitin 2011 në Korçë, i cili edhe pse kryetar i degës dhe pretendues i lartë ka përfunduar I shtati.

Bledjon Nallbati

I katërti në listë është Bledjon Nallbati. Vjen në garë pas një përplasje të ashpër me Hekuran Hoxhallin, ish-deputetin e Devollit, ku beteja mes tyre është kthyer në luftë.

LEXO EDHE:  Qeveria nuk paguan borxhe për Telekomin/ Synohet privatizimi

LEXO EDHE:  PS në koalicion më 25 prill? Rama: Ne e kemi pasur të qartë…

Më pas vjen Selaudin Jakupllari në Pogradec dhe Marjeta Halili, e cila është e gjashta në listë. Një zonjë e panjohur deri diku dhe shumë emra drejtuesisht lokalë që në fakt përfaqësojnë atë që Lulzim Basha e ka quajtur pushteti i vjetër dhe i korruptuar i komunave për të shkuar në një mbyllje me emra që nuk kanë ndodnjë përfaqësi të madhe.

Zona e Kolonjës duket e pambuluar. Përfaqësimi i qytetit në fushën e Korçës sërish duket i dobët, e kështu me radhë, por ajo që bie në sy është se humbësat serialë kryesojnë dhe do jenë ata që do të rikandidojnë në zgjedhjet e vitit 2021.

Dje ishin në Elbasan apo në Korçë, sërish janë mbledhur bashkë, kandidojnë të gjithë në qarkun e Korçës në një listë humbësash serialë me dëshirën për të fituar në emër të Lulzim Bashës.

Mesa duket, i pashpresë Lulzim Basha nuk ka mundur dot të sigurojë një listë të qartë me emra bindës dhe njerëz më kontribut elektoral. Ka përfunduar te riciklimi, duke e kthyer në një lloj landfilli listën e kandidatëve të PD-së në Korçë./ CNA.al

LEXO TE PLOTE

Politikë

Emrat surprizë që Basha përjashtoi nga lista

Publikuar

-

Nga

Emrat surprizë që Basha përjashtoi nga lista

Sot kryetari i Partisë Demokratike Lulzim Basha ka publikuar listën, e votuar nga kryesia dhe Këshilli Kombëtar.

Ajo që bie në sy është largimi i Florjan Mimës ekonomistit, ish-ministrit dhe ish-zv.ministrit.

Më tej është Fatbardh Kadilli, ish sekretar i burimebe njerezore në PD, i cili pretendonte të ishte pjesë e lista brenda qarkut të Korçës në PD.

Një emër tjetër është Enno Bozdo, të cilin e shpalli koordinator për energjinë, duke e gënjyer me një post që nuk vlen, pasi nuk e kandidonte dot në Korçë.

Bujar Nishani pritej të ishte në listat si një ish-president, ndonëse duket se Basha e ka lënë jashtë tyre.

Genc Pollo, një nga mbështetësit më të mëdhenj të Lulzim Bashës nuk është pjesë e listës. Po ashtu Gazment Oketa që u bashkua me Lulzim Bashën pritej të ishte pjesë e listës fituese të PD-së, por në fakt nuk është.

LEXO EDHE:  “Është kriminale të bëhet sehir”/ Meta kritika të forta Ramës: Situata po shkon drejt katastrofës

LEXO EDHE:  Qeveria nuk paguan borxhe për Telekomin/ Synohet privatizimi

Aleksandër Biberaj është një tjetër emër që Basha duhet të kandidonte në Korçë.

Gjithashtu edhe Gert Bogdani nuk duket gjëkundi në listat fituese. Nuk po flasim më tepër për emrat e tjerë por pretendimet e PD-së janë për të marrë 70 mandate.

Disa prej personave të larguar janë emra me peshë në Partinë Demokratike, por mesa duket Lulzim Basha ka zgjedhur t’i hedhë në kosh të plehrave.

Emrat që Basha përjashtoi nga lista:

Florjan Mima

Fatbardh Kadilli

Enno Bozdo

Bujar Nishani

Genc Pollo

Aleksandër Biberaj

Gazment Oketa

Arben Kashahu

Endri Hasa./ CNA.al

LEXO TE PLOTE

Politikë

Zgjedhjet parlamentare/ Partia Demokratike dorëzon listat në KQZ

Publikuar

-

Nga

Zgjedhjet parlamentare/ Partia Demokratike dorëzon listat në KQZ

Partia Demokratike ka depozituar në KQZ  listën me kandidatët për zgjedhjet e 25 prillit.

Lista e Tiranës kryesohet nga kreu i PD Lulzim Basha, ndërkohë që janë dhe disa nga figurat kryesore të PD, si Berisha, Tabaku, Vokshi, Shehaj, Duma, nuk mungojnë as emrat e aleatëve.

Fatmir Mediu është renditur i 7-ti, Shpëtim Idrizi i 9-ti, Vangjel Dule i 11-ti, Mesila Doda e 12-ta e cila rikthehet në PD, Dashamir Shehi i 13-ti.

Në Kukës, listat kryesohet nga Flamur Hoxha i ndjekur nga Isuf Çela. Në Gjirokastër lista e kandidatëve kryesohet nga Tritan Shehu, ndërsa i katërti renditeti aleati i PD, Kosta Barka nga radhët e PDBNJ

Xhelal Mziu do të kryesojë listën e Dibrës, i ndjekur nga Kreshnik Çollaku e Dhurata Çupi. Në Berat, PD ka listuar të parin Tomorr Alizotin, ndërsa në Shkodër lista do të kryesohet nga Helidon Bushati, aleati i Bashës, Nard Ndoka është renditur i teti.

Sekretari i përgjithshëm i PD, Gazment Bardhi do të kryesojë listën në Elbasan, e ndjekur nga shkrimtarja e njohur Flutura Açka.

Ish deputeti Enkelejd Alibeaj do të kryesojë qarkun e Fierit, qark në të cilin PD ka vendosur të pozicionojë të pestin në listë nga radhët e PDIU-së Nusret Avdulla, të tetin Eduart Sharkën nga PAA ndjekur nga Shpëtim Axhani i PLL.

LEXO EDHE:  “Opozita joparlamentare e shet veten shumë thjeshtë”/ Hajdari: PD është në humbje loje

LEXO EDHE:  PS në koalicion më 25 prill? Rama: Ne e kemi pasur të qartë…

Në Korçë PD ka konfirmuar ish deputetin Ervin Salianji duke e renditur të tretin, në listën që kryesohet nga numri dy i demokratëve Edmond Spaho.

Bujar Leskaj, është caktuar sakaq i pari i listës në Vlorë, ndjekur nga zëdhënësja e PD-së, Ina Zhupa, ndërsa i pesti është renditur Gezim Ademaj nga radhët e PDIU, vendi i 10-të i është lënë Lasko Milto Nastit nga PBDNJ.

Qarku i Lezhës, do të kryesohet në këto lista nga ish deputeti Mark Marku, pasuar nga analisti Agron Gjekmarkaj.

Nënkryetari i PD-së, Edi Paloka është caktuar të kryesojë listën në Durrës, ndjekur nga kreu i PA Agron Duka.

LEXO TE PLOTE