LEXO PA REKLAMA!

SHKARKO APP

Aktiviteti i LSI, drejtori i “Asllan Rusit” godet me grusht punonjësin… Rrëfimi në “Stop”

6 Dhjetor 2016, 21:58, Aktualitet CNA

atë një aktiviteti që LSI ka organizuar në Pallatin e Sportit ?Asllan Rusi?, pak para fillimit të tij ka pasur një përplasje ndërmjet një punonjësi dhe drejtorit Ardjan Yzeiraj. Ylli Rroshi ankohet në ?STOP? , se është goditur fizikisht pa shkak nga drejtori i Pallatit të Sportit. Rroshi, me të nxira në sy tregon, se ka qenë duke punuar në këtë ambient, por shkëputja e energjisë, ka sjellë përplasjen fizike me Yzeirjan. Ky i fundit pranon se ka patur një debat në momente tensioni. Por sipas tij, kjo gjë duhet mirëkuptuar, se kishte mbi vete barrën e aktivitetit që po organizohej.

?Javën e kaluar pati një incident midis meje dhe drejtuesit të Pallatit të Sportit Asllan Rusi. Thirrej me një harbutëri, me një fjalor nga drejtuesi i Pallatit të Sportit dhe urdhërohem të lidh dy kabllo që unë nuk e dija se çfarë kishte pas tyre. Duke sqaruar personin që ishte interesuar për marrjen e energjisë, pa kontrolluar se çfarë ke në fund të kabllove nuk mund ta lidh sepse bëhet shkak për shpërthim transformatori. Ai e pa nga një distancë disa metra këtë hezitim dhe befas më sulmon duke më goditur në grusht në kokë, në sy etj, etj. Sado që u përpoqa të mbrohesha, por befasia dhe mosha më bënë që të bie në tokë. Kam ndjekur procedurën ligjore duke e denoncuar në polici, duke shkuar në mjekësinë ligjore dhe tani jam këtu ku jam.?

Më pas gazetarja e ?STOP? është drejtuar drejt drejtorit të Pallatit të Sportit ?Asllan Rusi?, i cili nuk pranon të ketë goditur punonjësin.

Gazetarja ? Doja të dija, çfarë ka ndodhur të shtunën e javës që lamë pas?

Drejtori ? Asgjë nuk ka ndodhur asgjë. Ka pasur një shkëputje dritash, por më duket se ka ndodhur në drekë. Problemi është këtu: ne kemi pas një aktivitet shumë të rëndësishëm këtu dhe në atë lloj aktiviteti, ne kemi tensionet e punës, sepse dështimi i aktivitetit është në kurrizin tim. Më kupton? Se unë jam titullari. Se edhe një fjalë mund të lëshohet më tepër seç e lejon etika a kupton ti? Sepse në ato momente tensioni, ne ishim në momentet e fundit  do fillonte aktiviteti, këtu ikin dritat.  Vërtet mund ta them një fjalë unë, të jemi bashkë në punë, mund të ta them unë ty një fjalë, por duhet kuptuar problematika kush është më kryesorja. Më kryesorja është mbarëvajtja e aktivitetit.

Gazetarja ? ka pas apo jo dhunë fizike, se nga ana e ankuesit më është deklaruar, që ka dhe sot e kësaj dite shenja?

Drejtori ? Jo moj ti goce nuk ka pasur dhunë fizike. Unë jo njëherë për veten time.

Gazetarja ? Ju deklaroni se?

Drejtori ? Jo, jo jo!?/ tvklan.al

Lajmet e fundit nga