Connect with Us

Zbardhen përgjimet e prostitutave të luksit në Tiranë/ E ka 100 mijë lekë orën

Aktualitet

Zbardhen përgjimet e prostitutave të luksit në Tiranë/ E ka 100 mijë lekë orën

Publikuar

-

Mbrëmjen e 18 janarit 2016, një grup policësh u futën pa trokitur në dy dhoma të një hoteli në Rrugën e Elbasanit në Tiranë. Qëllimi i tyre ishte arrestimi i dy shtetasve turq, që kishin bujtur në hotel të shoqëruar nga dy prostituta 20 dhe 23 vjeçe. Kjo ndërhyrje e beftë, që gjeti të zhveshur një prej çifteve, ishte finalizimi i një hetimi për një rrjet të shfrytëzimit të prostitucionit të shtrenjtë në kryeqytet.

Sipas Prokurorisë së Tiranës, ishte 29-vjeçarja Silvana N., ajo që “menaxhonte” tri prostituta, njëra prej të cilave minorene. Ajo i ka strehuar në banesën e saj në periferinë e Tiranës tri vajzat dhe i ndërmjetësonte me persona të ndryshëm për prostitucion. Për gjetjen e klientëve, ajo ka bashkëpunuar edhe me disa taksistë, një prej të cilëve edhe punonjës policie, të cilët përfitonin 20 për qind të fitimit në këto raste.

Ditët e fundit, Gjykata e Tiranës përfundoi gjykimin e kësaj dosjeje, duke i fajësuar pesë të pandehurit. Vendimi i gjykatës, i siguruar nga “Panorama”, zbardh dhjetëra përgjime telefonatash mes të pandehurve në lidhje me pazaret e shërbimeve të seksit në Tiranë. Sipas Gjykatës, gjatë hetimit e pandehura Silvana N. ka deklaruar se ushtron prostitucion si mënyrën e përfitimit të të ardhurave të saj.

Në ushtrimin e kësaj veprimtarie ajo ka bashkëpunuar me disa shtetase të tjera, të cilat i ndërmjetësonte me klientë të ndryshëm. Në këtë veprimtari është ndihmuar nga shtetas që ushtrojnë shërbimin taksi si Engjëll Ylli, i cili është njëkohësisht edhe punonjës policie, si dhe të pandehurin Eglantin Kapo. Në përfundim të gjykimit të dosjes, togat e zeza të Gjykatës së Tiranës dënuan me nga 4 muaj burg për akuzën e “prostitucionit” dy shtetasit turg, M.O. dhe S.K.

Për të njëjtën akuzë, të pandehurat Xheje D. dhe Ambra I. janë dënuar me nga 10 muaj burg. Ndërsa e pandehura Silvana N. është dënuar me 4 vjet e 8 muaj për akuzën e “shfrytëzimit të prostitucionit”. Përfundimisht, gjykata e ka lënë atë në liri me kusht për një periudhë 3-vjeçare. Tre taksistët, Eglantin K., Engjëll Y. dhe Franko A., po gjykohen për “shfrytëzim prostitucioni” dhe “moskallëzim krimi” në një proces të veçuar.

PËRGJIMET

Nga procesverbalet e transkriptimit rezultojnë këtë të dhëna: Në datë 07.01.2016, Silvana ka biseda me interes me nr.06…443, me të cilin bën pazar për prostitucion. Nga transkriptet e bisedave telefonike të datës 08.01.2016, në komunikimet e bëra me katër numra ka biseda me përmbajtje pazaresh dhe nënkuptim për të kryer prostitucion.

Edhe ne datën 09.01.2016, ora 00:17, Silvana ka komunikim me shtetasin Engjëll Ylli, punonjës policie, të cilin e pyet lidhur me marrjen e disa femrave, si dhe i lë porosi për të marre një telefon e ta çojë diku.

Në datë 11.01.2016, ora 14:16, Silvana dërgon SMS në nr.06…340, ku i thotë “1 orë 5 të tonat”. Në orën 20:30, Silvana është kontaktuar nga nr.06…008, i cili i tregon se ku të shkojë ajo, te tuneli nga pas kafe “Europës”.

SEKS TRESH TE “SHEFI”

Në datë 12.01.2016, ora 01:04, deri në 04:43, ajo komunikon me nr.06…431 që i përket Xheje D., ku Silvana e nxit të shkojnë bashkë te një person që i thonë “shefi”, se paguan mirë. Sipas Silvanës, te ky person i panjohur kanë qenë me Xhejën dhe një natë tjetër së bashku me një shoqen e tyre e quajtur Ana.

“100 MIJË LEKË ORA”

Nga transkripti i nr.06…205 në datë 12.01.2016, rezulton se Silvana ka marrë SMS nga ora 02:40, nga numri 06…111, i cili i thotë se do të shkojnë bashkë dhe bëjnë pazar mbi pagesën. Silvana i thotë se për të ndenjur 2-3 orë duhet të paguajë 200 000 lekë, pasi 1 orë e ka 10 000 lekë të rinj. Nuk dihet nëse janë takuar.

“TË SJELL NJË TË URTË”

Në datë 22.12.2015, ora 20:40, Silvana është telefonuar nga nr.06…346, i cili i thotë se “Kisha një shok unë një cikë”. Silvana i thotë “atë që ishte atë ditë”. L. (klient) i thotë “Po tjetër”. Silvana përgjigjet “skam tjetër, tjetra është e sëmurë, kjo tjetra është e mirë, e urtë”. Lisi “Ja të pyes të marr prapë”.

Në këtë moment ora 20:46 Silvana i shkruan një vajzë me nr.06…72 dhe i thotë “A do të vish në Elbasan, do të marrim nga 100”. Më pas, në 20:47, Silvana i shkruan Lisit “O Lal ça thanë”. Silvana ndërkohë i shkruan vajzës që kërkon, duke i thënë “ça do bësh se pret përgjigje ai”.

Ajo i thotë “të kthej përgjigje për 10 minuta sa të flas me këtë shokun, por ajo nuk i kthen përgjigje”. Ndërkohë rezulton se Silvana i shkruan L. “A të marr një tjetër se ajo e ka fikë telefonin”. L. nuk i përgjigjet.

Në datë 30.12.2015, L. i shkruan SMS Silvanës, duke i thënë se po ikën në Elbasan, se do takojë një kosovar, të cilit ka për t’i marrë disa lekë. “Hajde në Elbasan”, i thotë. Silvana i kthen përgjigje se nuk vjen Rigi. L. i shkruan kush është ajo që do të vijë. Silvana i përgjigjet R. Më pas nuk ka më komunikim.

PËR “PUNË” NË ELBASAN

LEXO EDHE:  Kënaqësi më e madhe gjatë seksit kur dilni nga vetja/Ja si mund të ndodhë

Nga transkripti i bisedave te nr.06…362, i cili i përket të pandehurës Silvana N. kanë rezultuar disa biseda, të cilat nga organi i akuzës janë konsideruar me interes për hetimin e kësaj çështjeje penale.

Në datë 18.01.2016, ora 22:21 nr 06…889, ka telefonuar Silvanën dhe bëjnë bisedë për të shkuar te personi që e telefonon dhe do të marrë me vete gocën e tezes, e cila është e ngjashme si një vajzë tjetër, me të cilën ka qenë dhe një herë tjetër.

Telefonuesi i thotë “mirë, hajt”. Numri i telefonit 06…889 i përket L., sipas emrit të regjistruar në rubrikën e telefonit të Silvanës. Po në këtë moment, në orën 22:25, Silvana ka telefonuar një vajzë dhe i thotë të ikin tek ai i asaj në Elbasan, ku do të marrin dhe një vajzë tjetër.

Në bisedën telefonike të datës 24.12.2015, ora 19:50, Silvana ka telefonuar një vajzë që quhej R…, të cilës i ofron të shkojnë në Elbasan për “punë”. R… është me menstruacione dhe nuk mund të shkojë.

Duke e parë që R… nuk ishte e disponueshme, ajo ka telefonuar mbesën e saj A., ku e fton të shkojnë në Elbasan te një person që ka qenë dhe më parë. Më pas, Silvana ka telefonuar Engjëllin, por në nr. 06…160 dhe i thotë të shkojnë në Elbasan dhe do të marrin A. se është duke folur me L.B.

“PO VIJ ME NJË SUPER ‘P…’”

Në komunikim e sipër, në orën 20:37, Silvana bisedon me nr. 06…981 dhe i thotë se po shkon me një super p… Personi tjetër është shok me L. Në këtë vazhdë Silvana, në orën 20:46, i dërgon SMS L. në nr. 06…346 dhe i thotë se ajo e mira që i ka çuar dhe një herë më parë, do 200, domethënë është ajo që e ka prish për 12 minuta.

Po kështu Silvana i thotë L. se atë vajzën po shkon ta shohë njëherë a është e mirë apo jo. Silvana i dërgon SMS L. në nr e tij 06…346, ku i thotë: “O la po mar atë që donte 200, mir, me 100 ok”.

Në shkëmbim SMS me nr. 06…981, ky i fundit i thotë Silvanës të marrë tullumbace (prezervativë), duke i thënë se do shkojmë te hoteli ku shkojmë përherë. Më pas Silavana, në datë 09.01.2016, ka telefonuar Engjëllin në nr. e tij privat 06…160 dhe i thotë të shkojë ta marrë te shtëpia dhe të shkojnë te Gjyshi.

SEKS DHE DROGË

Po nga transkripti i bisedave telefonike rezulton se në grupin që Silvana po shkon është i përfshirë dhe nr. 06…339, me të cilin bën biseda për të pirë narkotikë. Nga transkripti i bisedave të nr. 06…431, që i përket shtetases Xheje D., në datën 08 janar 2016, ajo bisedon me një numër të paidentifikuar nga ana e Policisë Gjyqësore, i cili rezulton të jetë mashkull. Ky person e ka telefonuar nga ora 16:25 deri në orën 19:00, me intervale.

Ky person i kërkon asaj të shkojë me të duke nënkuptuar se do kryejnë marrëdhënie seksuale, por më parë do hanë darkë së bashku dhe do shkojnë në hotel. Nuk është e qartë nëse janë takuar ose jo dhe ku kanë shkuar.

“SHEFI PAGUAN MIRË”

Në datë 12.01.2016 janë konstatuar biseda të nr. 06…205, që i përket Silvana N., e cila e fton të pandehurën Xheje D. të shkojë me klientë që Silvana ndodhej, por personi rezulton i paidentifikuar nga ana e Policisë Gjyqësore.

Po kështu Silvana i shprehet qartë Xhejes për pagesa të mira nga klientët. Në datë 12.01.2016, ora 01:43, i thotë: “Ai jep mirë. Ai që ishim me Anën”. Silvana në një moment tjetër e nxit që të marrë në telefon I. në datë 12.01.2016, ora 05:46.

Me interes vihet re biseda e datës 12.01.2016, ku nr. 06…009 i thotë Xhejes se është shefi i madh dhe numrin ia ka dhënë Sona (Silvana). Ky identifikohet me emrin I. Në datë 15.01.2016, e pandehura Xheje D. është telefonuar nga Silvana N., e cila i ka thënë të vishej dhe të dilte.

POLICI-TAKSIST

Nga transkripti i bisedave të nr. 06…769, që i përket punonjësit të Policisë, Engjëll Y., vihet re se ai ka marrë thirrje të shpeshta nga nr. i Silvanës, duke filluar nga data 24.12.2015 e në vazhdim.

Në bisedën telefonike të datës 25.12.2015, ora 05:54, rezulton se e pandehura Silvana N. e pyet Engjëllin se sa lekë i ka dhënë atij ai çuni që shkuan te L. Engjëlli i përgjigjet 30 mijë lekë, ndërsa Lisi 70.

Po kështu në datë 25.12.2015, ora 23:59, Engjëlli ka telefonuar Silvanën në nr. 06…205 dhe e pyet se ku të shkojë ta marrë dhe ajo i thotë te G… Në datë 28.12.2015, Silvanën e ka telefonuar Engjëlli në nr. 06…362, ora 05:36, dhe i thotë të shkojë te një hyrje që kishin qenë dhe më parë, ku Engjëlli i thotë se ka qenë me Vlonjatin dhe e di ku ndodhet si hyrje. Sipas bisedave të datës 30.12.2015, rezulton se Engjëlli ka njohje edhe me R., e cila është kushërira e Silvanës, e përfshirë dhe ajo në prostitucion.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Infektimet e reja në Gjermani arrijnë “nivelin alarmues”

Publikuar

-

Nga

Sërish në Gjermani janë regjistruar mbi 1200 raste të reja të infektimeve me virusin Corona. Kjo gjendje ka alarmuar edhe ministrin e Shëndetësisë, Jens Spahn.

Ministri i Shëndetësisë Jens Spahn shprehet i shqetësuar shumë për gjendjen: “Këtu shohim se për shkak të kthimit të atyre që kanë qenë me pushime, por edhe për shkak të party të llojeve të ndryshme dhe festimeve familjare në gjithë vendin, ka pasur shpërthime të infektimeve në shumë rajone”, deklaroi Spahn për Deutschlandfunk. Sistemi shëndetësor i Gjermanisë ende nuk ka probleme të përballet me shifrat më të reja të infektimeve, por duhet të jemi “shumë, shumë të kujdeshëm”, tha ai.

Spahn apeloi edhe njëherë tek qytetarët që të mbajnë rregullat higjenike, të përdorin maskat mbrojtëse dhe të mbajnë distancën në çdo rast. “Atje ku përdoret alkooli në party, gjërat mund të zhvillohen shumë shpejt”, theksoi Spahn, i cili paralajmëron se në rastet e tilla përhapja e virusit mund të jetë edhe më e shpejtë se zakonisht, për shkak të atmosferës dhe humbjes së kontrollit. Në Düsseldorf në fillim të shtator është parashikuar të mbahet një koncert me 13.000 persona, i pari këtij lloji në Gjermani, prej shpërthimit të pandemisë.
1226 infektime për një ditë

Më parë Instituti Robert Koch ka kumtuar se brenda një dite janë regjistruar 1226 raste të reja të infektimeve me virusin Corona. Një shifër më të lartë për herë të fundit kemi pasur me 9 maj, kur ka pasur 1251 raste të infektimeve të reja.



Pika kulmore e rasteve është shënuar në prill, kur brenda ditës regjistroheshin deri në 6000 raste pozitive të COVID-19. Shifrat kanë rënë prej atëherë në mënyrë konstante. Por prej fillimit të kthimit të pushuesve nga vendet e tjera në fund të korrikut, numri i të infektuarve po rritet rishtas. Presidenti i IRK, Lothar Wieler thotë se shkaku kryesor i rritjeve të rasteve është mosrespektimi i rregullave.

LEXO EDHE:  Rrëfim/”I dashuri më kërkon seks, por unë nuk ndihem gati”

LEXO EDHE:  Seksi gjatë shtatzënisë/ Ju shuajmë kuriozitetet më të zakonshme

Ndryshe nga koha e shpërthimit të infektimeve në thertoren Tönnies para më shumë se një muaji, tani kemi të bëjmë me një shtim të numrit të infektimeve në mbarë vendin. Shifrat po shtohen në gjithë Gjermaninë dhe është e pamundur që të kontrollohen të gjitha rastet. Ekspertët kanë frikë se ky zhvillim nuk mund të futet nën kontroll vetëm me disa masa kufizuese.
Në NRW hapen shkollat

Në mbarë vendin me shumë vëmendje po shikohet hapja e shkollave në landin Renania Veriore-Vestfalia (NRW), që është landi me numrin më të madh të banorëve në Gjermnai – 18 milionë banorë. Për rreth 2,5 milionë nxënësit e këtij landi, që mësimet do t’i ndjekin në 5500 shkolla, është futur obligimi i mbajtjes së maskave në shkolla dhe në mësim. Nga ky obligim janë përjashtuar vetëm nxënësit e shkollave fillore. Ata nuk janë të obliguar të mbajnë maska në mësim, por duhet të mbajnë maska në korridore dhe në oborr të shkollës. Në këtë land do të shihet shumë shpejt nëse ky koncept vërtet mund të funksionojë.

Prej shpërthimit të pandemisë në Gjermani janë regjistruar 218.519 persona të infektuar me virusin SARS-CoV-2. Gjatë ditës së djeshme kanë vdekur gjashtë persona. Ndërsa numri i të vdekurve në Gjermani ka arritur ndërkohë shifrën prej 9207 persona. Shefi i Institutit Robert Koch, Wieler thotë se deri të hënën janë regjistruar si të shëraur rreth 198.800 të infektuar. RKI pohon se shifrat duhet të merren me rezervë sepse prej lajmërimit deri tek përpunimi i shifrave kalon një kohë e caktuar, ndaj shifrat edhe mund të dallojnë në realitet./DW

LEXO TE PLOTE

Aktualitet

Ish-deputeti i PD dhuron 2 respiratorë për spitalin “Shefqet Ndroqi”

Publikuar

-

Nga

Ish-deputeti i PD dhuron 2 respiratorë për spitalin "Shefqet Ndroqi"

Politikani dhe biznesmeni, Agron Shehaj ka dhuruar në spitalin “Shefqet Ndroqi”, dy pajisje respiratore dhe një aparat dialize. I njohur për filantropinë e tij, Shehaj ka marrë edhe konsideratat e spitalit, pasi bëhet fjalë për pajisje që ndihmojnë në shpëtimin e jetëve.

Në emër të spitalit, njoftimin dhe falënderimet i ka dhënë mjekja, Alma Cani.

Dhurimi i ketyre dy respiratoreve dhe aparatit te dializes jane nje mundesi shume e mire qe na ofrohet, per trajtimin efikas e bashkekohor te ketyre pacienteve.

Ne jemi te ndergjegjshem qe nuk mund te kenaqim te gjitha shpresat njerezore, por suporte te tilla jane mese te domosdoshme, pasi komplikacionet qe vijne nga coronavirusi prekin jo vetem mushkerine, por edhe organe te tjera vitale si veshka, etj.

LEXO EDHE:  Rrëfim/”I dashuri më kërkon seks, por unë nuk ndihem gati”

LEXO EDHE:  Seksi gjatë shtatzënisë/ Ju shuajmë kuriozitetet më të zakonshme

Është një veprim human që do të na ndihmojë të shpëtojmë jetë, dhe që sot një i sëmurë rëndë po përfiton nga një prej respiratorëve.



Jemi të prekur nga ky veprim që nuk e ka bërë askush tjetër dhe, mbi të gjitha, nga thjeshtësia dhe përunjësia me të cilën Agroni na ndihmoi!

Uroj qe ky akt sublim e human te jete nje shembull i qytetarise e fisnikerise qe z Shehaj i ben spitalit tone, te pasohet nga shume te tjere, duke deshmuar qe ne te gjithe sebashku jemi pjese e nje skalioni te luftes kunder kesaj te keqeje qe ka perfshire boten mbare!

I urojmë Agronit dhe familjes së tij gjithë të mirat .

Ju urojmë të gjithë të sëmurëve shërim të shpejtë. Ne jemi çdo çast me ju, të përkushtuar deri në vetëmohim, për të shëruar dhe mbrojtur jetën e çdo njeriu”, shkruan mjekja. /CNA.al

LEXO TE PLOTE

Sociale

Radhë e gjatë në Kakavijë/ Qytetarët në pritje për të bërë tamponin

Publikuar

-

Nga

Radhë e gjatë në Kakavijë/ Qytetarët në pritje për të bërë tamponin

Radhë të gjata me qytetarë janë krijuar në pikën kufitare të Kakavijës.

Shkak i kësaj situate është bërë marrja e tamponëve nga pala greke në këtë pikë doganore. Çdo person, para se të futet në tokën helene, i merret tamponi si dhe të adresa dhe numri i telefonit.



Kujtojmë se pikat kufitare të Kakavijës dhe Kapshticës janë të mbyllura nga ora 22:00 deri në orën 06:00 që prej 6 gushtit./CNA.al

LEXO TE PLOTE