Connect with Us

Surpriza e zgjedhjeve të ardhshme/ Nga Dr. Bledar Kurti

Aktualitet

Surpriza e zgjedhjeve të ardhshme/ Nga Dr. Bledar Kurti

Publikuar

-

 

Një nga gabimet më fatale të analistëve të sotëm, dhe padyshim e pseudo-analistëve, qofshin ata mysafirë të paneleve televizive apo mburravecë në tavolina miqsh, është se e bazojnë logjikën e tyre analitike mbi politikën tradicionale, precedentët zgjedhor, dhe perceptimet bazike mbi koalicionet, qeverisjen dhe trendin e votës. Kësisoj, lexojmë e dëgjojmë shpesh deklarata profetike mbi rezultatin e zgjedhjeve, dhe në ditët e sotme, konkretisht, për rezultatin e zgjedhjeve të ardhshme të qershorit 2017.

Ajo çfarë pak analistë, e sidomos kategoria e mendimtarëve të përgjithshëm të politikës, nuk e kuptojnë është që formula parti + koalicion + qeverisje + opozitë + votues + propagandë + media ka ndryshuar . Ky ndryshim nuk ka ardhur aspak nga partitë apo votuesit, por ka ardhur nga ai pushtet i cili dikur njihej si i katërti por tashmë ka kapëcyer në të parin: MEDIA, dhe më saktësisht, Media Online.

Ka kaluar pothuajse një gjysëm dekade që Media tradicionale ka përjetuar një transformim rrënjësor, dhe sot ajo njihet si New Media (Media e Re) pasi zhvillimi tejet i shpejtë i teknologjisë dhe dhënia pas e qytetarëve, në përmasat e një sëmundje të frikshme, ka bërë që rrjetet sociale të kenë ndikimin më të madh në perceptimin e individit. Ky fakt njihet mirë nga politika ndaj ajo, brenda së drejtës së saj të arsyeshme, mundohet ta përdorë sa më shumë. Por këtu qëndron një problem shumë i madh, sepse politika apo qeverisja injekton një realitet vitual por nuk merr asnjë feedback (prapaveprim) nga qytetarët, kësisoj e bën atë tërësisht të shkëputur nga realiteti, gjendja reale, opinioni real, shqetësimet dhe problematikat e vërteta të cilat përjeton qytetari.

Në këtë marrëdhënie të njëanshme, një qeveri apo parti vetëm sa flet, propagandon, dhe injekton realitetin e saj, ndaj edhe gjatë viteve të fundit shumë qeveri e parti në botë kanë pësuar zhgënjime duke humbur zgjedhje apo popullaritet të theksuar.

Ky fenomen është edhe më i theksuar në Shqipëri, ndaj në zgjedhjet e ardhshme, qeverinë dhe partitë kryesore në vend i pret një surprizë shumë e madhe, dhe rezultati i zgjedhjeve do jetë përtej çdo imagjinate analisti dhe pretenduesi për marrjen apo vazhdimin e karriges së pushtetit.

Zgjedhjet e para pak javëve në SHBA e nxorrën në dritë këtë fenomen, dhe tashmë formula e re politike dhe raporti i saj me Median e Re janë objekt analize për mjeshtrit e botës së komunikimit, drejtuesit e partive, kryerdaktorët e televizioneve më të njohura në botë, madje edhe e personazheve të shquar të globit. Dështimi total i gjigandëve televiziv dhe shtypit të shkruar, humbja e besuesshmërisë ndaj kompanive më me zë në botë të sondazheve, kanë frikësuar liderët botëror jo vetëm për të ardhmen e tyre politike por edhe për të ardhmen e popujve të tyre pasi gjatë viteve të fundit shumë shtete të mëdha kanë mbajtur dhe dëshirojnë të mbajnë referendum për shkëputje, përshembull, Skocia nga Britania, Britania nga BE, Baskët nga Spanja, Austria, Franca dhe Hollanda nga BE, etj. Dhe duke mos e kuptuar paraprakisht qëndrimin e opinionit publik këto iniciativa shndërrohen në misione vetëvrasje dhe vetëshkatërrimi.

LEXO EDHE:  SHBA/ Trump dhe Clinton më afër nominimit presidencial

Media ka qenë gjithmonë mjet i pushtetit, qoftë i një pale tjetër apo duke qenë pushtet per se, por ajo tashmë jeton me kujtimet e një të shkuare të lavdishme, sepse pushtetin e sotëm e ka Google, Facebook, dhe Twitter. Madje dhe dezertori i NSA Edward Snowden e ka evidentuar këtë monopol të pushtetit online, dhe madje ka ngritur argumentin që janë vetë rrjetet sociale ato që sjellin rezultatin e kundërt të asaj që pritet. Snowden u shpreh që Facebook lejon shpërndarjen e lajmeve të rreme, dhe qytetarët apo votuesit mashtrohen prej tyre.

Në Shqipëri janë 1,815,146 përdorues të internetit dhe 1,300,000 përdorues të facebook. Pavarësisht zërave të pavarur ndaj lajmeve apo qëndrimeve politike qeveria ka një avantazh më të madh pasi ka luksin të angazhojë me mijëra njerëz të cilët janë në gadishmëri ti bëjnë lajka drejtuesve të qeverisë, politikave të saj, aktiviteteve të përditshme, të sulmojë kundërshtarët, dhe të ndikojnë në mënyrë të ndërsjelltë në opinionin e të tjerëve. Përtej kësaj, çdo mendim ndryshe luftohet apo sabotohet, duke e kthyer këtë marrëdhënie të njëashme qeveri-qytetar në një boomerang të paevitueshëm, dhe një rezultat zgjedhor surprizues për vitin 2017, pasi opinionin real të një qytetari të thjeshtë askush nuk e dëgjon dhe askush nuk e përfill. Por, ndonëse qytetari është i privuar dhe bombarduar nga propaganda, ai është aty, ai jeton me shqetësimet e përditshme, dhe ai ka armën e tij, votën.

Prandaj edhe Hillary Clinton humbi, prandaj edhe liderët në Francë dhe Itali janë të frikësuar, prandaj edhe në Shqipëri i është tronditur vetëbesimi disa prej drejtuesve kryesorë të politikës shqiptare sepse prej vitesh vetëm kanë folur, kanë propaganduar, kanë imponuar opinionin publik, e kanë egzagjeruar me arritje të paqena virtuale, dhe nuk kanë dëgjuar ata miliona qytetarë të cilët kanë diçka për të thënë, jo madhështore e as të bukur, por të thjeshtë dhe mbi të gjitha reale.

Media e Re ka pushtetin të rikrijojë mënyrën se si ne mendojmë. Përveçse kjo është e frikshme, është gjithashtu shkatërrimtare, sidomos për të ardhmen e një vendi. Në këtë gjendje që ndohet vendi ynë, nëse zgjedhjet do të bëheshin nesër rezultatet do ishin surprizë. Partitë kryesore duhet të krijojnë think tank: institute, ose grupe të organizuara ekspertësh për zhvillimin e ideve, anektimeve ekonomike, politike, sociale dhe ndërdisiplinare, dhe të hartojnë plane për zbatim, bazuar mbi problematika dhe perceptime reale.

Ky ishte suksesi i Donald J. Trump, dhe ky do jetë suksesi i asaj partie në Shqipëri që do e bëjë këtë përpara zgjedhjeve të ardhshme.

Qasja reale sjell rezultate reale, ndërsa ajo virtuale të bën të mendosh se je i ulur në karrigen e pushtetin, kur në fakt je thjeshtë i ulur në një stol në baçen e shtëpisë. /Citynews

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Revoltohet Indrit Hoxha/ Paralajmëron Lulzim Bashën

Publikuar

-

Nga

Indrit Hoxha: Treçereku i Kryesisë nuk besojnë që Basha fiton përballë Ramës

Anëtari i Këshillit të Lartë Kombëtar të PD, Indrit Hoxha, ka denoncuar se nuk ka gjetur emrin e tij në listën e votuesve të PD.

Hoxha ka reaguar i revoltuar ndaj kreut të PD, Lulzim Basha duke u shprehur se ky është një trup dhe e paralajmëron se nuk e heq dot nga PD.

Shkova ne njesine 8 ne degen e PD per te votuar, dhe rezultoi qe emri im ishte hequr si antar i PD, ky eshte nje turp qe rendon mbi Lulzim Bashen. Ti mund te kesh ne dore heqjen dhe vendosjen e emrave ne liste, por nga PD ti sme largon dot, perkundrazi me kete veprim te ulet komunist qe ke bere thjeshte me ke motivuar me shume per te folur dhe luftuar mbi vlerat dhe parimet e meritokracise dhe mirenjohjes politike.Aksionet e mia ne PD ti nuk i fshin dot,je antar me i vone se une PD”, shkruan Hoxha./ CNA.al

LEXO TE PLOTE

Politikë

Skandaloze/ Genc Pollo filmon hapur votën

Publikuar

-

Nga

Ish deputeti i PD, Genc Pollo ka filmuar hapur votën e tij në zgjedhjet për kreun e ri të Partisë Demokratike.

Report Tv ka kapur live momentet teksa Pollo po filmonte votën e tij./ CNA.al

LEXO TE PLOTE

Politikë

Zgjedhjet për kreun e ri/ Goxhaj: Farsë elektorale, Basha është spiun për të mbajtur Ramën në pushtet

Publikuar

-

Nga

Zgjedhjet për kreun e ri/ Goxhaj: Farsë elektorale, Basha është spiun për të mbajtur Ramën në pushtet

Avokati Altin Goxhaj ka komentuar procesin zgjedhor për kreun e ri të Partisë Demokratike, ndërsa ka sulmuar kreun aktual të kësaj partie, duke deklaruar se ai është një spiun i sjellë në Shqipëri për të mbajtur në pushtet PS.

Në një intervistë për Fax News, Goxhaj u shpreh  se Basha është npersoni që shiti zgjedhjet te Rama, ndërsa shtoi se në Shqipëri sot nuk ka zgjedhje, por një farsë elektorale.

“Sot nuk ka pasur zgjedhje. Sot ka pasur një farsë elektorale që është më e shëmtuar se ajo që ka ndodhur në 25 prill. Akoma më e shëmtuar se të gjitha zgjedhjet në Shqipëri. Sot ndodh farsa më e nevëritshme se të gjitha zgjedhjet që ka parë Shqipëria në 30 vite. 

Kandidati që do vjedhë karrigen e kryetarit, është diskretituar si tradhëtari. Personi që shiti zgjedhjet te Rama. Dhe taksisti që po vija sot, ishte i bindur te teza jonë që ai është një spiun i sjellë në Shqipëri për të shkatërruar PD dhe për të mbajtur në pushtet PS-në”, tha Goxhaj.

Avokati kishte sjellë në studio një kuti shahu. Duke bërë deklaratën e fortë që zgjedhjet brenda PD-së janë farsa më e madhe në këto 30 vite në vendin tonë, avokati bëri deklaratën e papritur që mbreti i zi të cilin hëngri Basha ditën e djeshme ne tortën e ditëlindjes ishte Sali berisha.

LEXO EDHE:  Biden pret Merkelin në Shtëpinë e Bardhë më 15 korrik

LEXO EDHE:  Biden pret Merkelin në Shtëpinë e Bardhë më 15 korrik

“Kam këtu një fushë shahu. Dua të improvizoj diccka, rreth 24 orë pasi Basha kishte një tortë për ditëlindje me fushë shahu dhe hëngri mbretin e zi. Unë mendoj se këto zgjedhje sot janë një farsë e një loje shahu e trukuar nga palët për të na trukuar ne të tjerëve që shohim lojën.

Unë jam këtu për t’ja bërë të qartë publikut. Sipas të gjithave rregullave të lopjës së shahut fillon i bardhi. Kështu fillon ccdo lojë shahu. Unëe jam te të zinjtë. Qëllimi im është të ha ty mbretin. Dhe për të ngrënë ty mbretin unë bëj të gjitha lëvizjet e mundshme. A ka mundësi njeri të më shpjegojë perse unë filloj duke ngrënë mbretin e zi. Dje Luli me thikë në dorë hëngri mbretin e zi, Berishën. E filloi lojën duke mbyllur lojën”, theksoi Goxhaj./CNA.al

LEXO TE PLOTE