Connect with Us

Nga Majlinda Bregu/ Të vërtetat nisin si blasfemi, por pastaj u bashkohen të gjithë

Aktualitet

Nga Majlinda Bregu/ Të vërtetat nisin si blasfemi, por pastaj u bashkohen të gjithë

Publikuar

-

Sikur per tre vjet rresht maxhoranca e sotme te mos bllokonte marrjen e statusit te vendit kandidat, Shqiperia do t’i kishte hapur negociatat me kohe.

Edhe pas një pune kolosale të administratës dhe mbështetjes së partnerëve, nuk ia dolëm ta preknim këtë sukses para 4 Qershorit 2014.

Atë ditë, në Dialogun e Nivelit të Lartë, me një ton përgëzues për punën 8-vjeçare të qeverisë që kishte ikur dhe me inkurajim për punën 8 mujore të qeverisë që kishte ardhur, Komisioneri për Zgjerim Stefan Fule, bëri publik lajmin e marrjes së statusit të vendit kandidat.

Ka një foto të asaj dite, që edhe po të dua se harroj dot, se e shoh sa herë nëpër portale, ku duket sikur secili është në një dialog të ngatërruar me veten. Një përzierje gjendjesh, nga krenaria boshe, deri te çlirimi
i kthjellët, se ajo çka pritej prej vitesh u krye!

Kryeministri është duke bërë foto me celularin e tij, ministrja e Integrimit ka një të qeshur shpërthyese, ndërsa unë jam duke buzëqeshur me kokën mënjanë. Secili nën shkëndijat e veta të ngazëllimit. Kryeministri – se zyrtarizimi i statusit të vendit kandidat për në BE, të cilin e vuri baraz me statusin e kryetarit të qarkut të Fierit, mbërriti në kohën e tij; ministrja e Integrimit – se rastisi në kohën e saj; dhe unë – se detyrimet ishin plotësuar në kohën e qeverisë sime. Secili ishte duke i buzëqeshur kohës se vet.

Atë ditë kam kërkuar për herë të parë zyrtarisht që tani Komisioni duhet të nxitonte për çeljen e negociatave. E di që prej aty mori udhë tjerrja e një blasfemie me shumë aktorë,  por asnjë ditë, sa here kam patur mundësi, kudo ku kam qenë, nuk kam reshtur së kerkuari atë që ndodhi dje.

Rekomandimin per çeljen e Negociatave të anëtarësimit të Shqipërisë në Europë. Ky eshte nje lajm i mirë për shqiptarët!

Në këtë sallë e jashte saj, e kam fjalën për administraten shqiptare, shoqërine civile, kanë kontribuar të gjithë për të arritur tek kjo ditë.

Por Partisë Demokratike, si partia që ka nisur rrugëtimin e saj 26 vite më parë, me premtim historik të anëtarësimit të plotë të Shqipërisë në Europe, i takon të ndjehet natyrisht më e privilegjuar.

Pas tetë vitesh në qeverisje, proceset madhore që nga MSA-ja, anëtarësimi në NATO, liberalizimi i vizave dhe deri te statusi i vendit kandidat, pse jo dhe pavarësia e Kosovës, kanë vulen e kontributit të kësaj force politike, dhe keto janë procese të denja për krenari kombëtare.

Kam qenë ministre e integrimit për gati shtatë vjet dhe e kam përjetuar rrugëtimin drejt Bashkimit Europian si shërbimin më të madh ndaj vendit tim. Nuk ka ndryshuar asgje ne kete aspekt as gjate ketyre viteve ne opozite. Ndaj, e ndjej se me duhet te them  disa fjalë për mburrjet, genjeshtrat dhe tymin që po shoqëron këtë ngjarje.

Integrimi i Shqiperise në Evropë, është një proces i gjatë që shtrihet në kohë perfshin gjithe spektrin politik, dhe kalon mandatet e një qeverie.

Si i tillë, nëse duhet të ndjehemi të përfshirë në të, duhet të jemi gjithnjë koherent si kur jemi në pushtet ashtu dhe kur jemi në opozitë. Vetëm kështu do të çlirohemi nga kompleksi se dikush po na e vjedh “procesin” dhe do të ndjehemi të gjithë pjesë e tij.

Është e vërtetë se duke i lënë radhën njëri – tjetrit për pushtet, i kemi lënë njëkohësisht radhën njëri- tjetrit për t’u nderuar apo turpëruar me këtë proces, por jo për vota, por para historisë së shqiptarëve.

Ky është një proces që nuk të jep vota, por të jep dinjitet. Është një proces, që nuk të jep merita personale, por lodhje, emocion e të stërvit dashurinë e dhimbshme që një njeri normal duhet të ketë për vendin e tij. Është një proces që genjeshtarit i nxjerr lakuriq patetizmin dhe vetëkrekosjen.

Kushdo që ka punuar qoftë edhe një ditë me të e kupton se sa veshtirë është të japësh llogari, si per arritjet, edhe për problemet e vendit tënd.

Është një proces për të cilin shqiptarët nuk të shpërblejnë me vota, por të shpërblejnë vetëm me përbuzje e braktisje nëse ua vonon këtë proces.

E duam Shqiperine si gjithe Europa, është ëndrra e tyre dhe ne jemi shërbëtoret e tyre në këtë proces.

Ata janë arkitektët e saj, kurse ne jemi zbatuesit teknikë.

Ata janë subjekti i këtij procesi, ne jemi aktorët që duhet t’ua bëjmë atyre të prekshëm procesin.

Askush nuk bëhet hero në këtë vend, pse ka shërbyer për këtë proces. Përkundrazi rrezikon të bëhet armik nëse prish apo bllokon atë.

Ka politikanë kolegë në këtë sallë dhe jashtë saj, që kanë hyrë në politikë për shkak të militantizmit konseguent partiak.

Ka të tjerë që kanë hyrë për shkak se janë biznesemenë apo artistë.

Ka të tjerë që i ka seleksionuar debati politik dhe i ka bërë të pëlqyer nga populli si oratorë.

Ka nacionaliste dhe përfaqësues pakicash që duan të perfaqësohen me të drejtë. Të gjithë janë në politikë për një arsye.

Unë jam në politikë dhe kam zgjedhur Partine Demokratike për kete bindje: e dua Shqipërine si gjithë Europa. Ky u bë fati im politik dhe unë as kam dash ta ndërroj dhe as dua ta ndërroj me diçka tjetër.

Për këtë bindje, as do të jem ndonjë ditë kundër vetes dhe për asnjë arsye apo çmim, mbi të nuk do të shkelja. Dhe kjo e ka nje çmim. Cmimin e respektit ndaj vetes.

LEXO EDHE:  Zbardhen detajet për Vettingun/ Ministria e Brendshme vlerëson qëndrimin e LSI

Si një proces mbipartiak, të cilit i kanë shërbyer gjithë partitë nga pak, ai të detyron të jesh realiste, mbipartiake dhe larg emocioneve politike që duan ta përdorin atë.

E di që kjo nuk kenaq shume syresh, por të bën më të përkushtuar ndaj bindjes tënde.

Të bën të jesh e sulmuar kur je në qeveri, pasi ngjall ziline e kundërshtarëve që për Europen janë po aq xhelozë sa dhe për një dashuri drithëronjëse, por po aq të bëka të sulmuar kur je në opozitë dhe tregon se e do po njëlloj këtë rrugëtim.

E përsëris se procesi i Integrimit në Europë nuk të jep vota, nuk i jep vota as PD, as PS, as LSI qe e ka ne emer, pasi shqiptarët na e konsiderojnë këtë si një detyrim që kemi ndaj tyre për tu dhënë shpresë dhe jo si një dhuratë per te cilen duhet të na shpërblejnë me vota.

As Edi Rama, as Lulzim Basha dhe askush tjetër nesër, që mund të ketë fatin të fusë Shqipërinë ne Europe, nuk ka për t’u shpërblyer nga votuesit shqiptare me dy vota më shumë apo më pak për këtë gjë, por do të ndëshkohet menjeherë nga ata, nëse bën ndonjë hap kundër këtij procesi.

E bindur për këtë nga përvoja ime në këteë proces, në pushtet dhe si kryetare e Komisionit të Integrimit për tre vjet në opozitë, ju kërkoj të çliroheni të gjithë nga ankthi që keni se mos ia vidhni njëri – tjetrit këtë proces.

Nuk është i yni, është i shqiptarëve. Nuk na e dinë për nder pse po bëjmë detyrën, por do na e quajnë krim nëse nuk e bëjmë.

Te ben njesoj me faj edhe po ta bllokosh politikisht edhe po te mos besh asgje per ta ndihmuar te levize.

Te dyja per mua jane njesoj te demshme. Te dyja jane ligesi politike qe lene peng shqiptaret per perfitime partiake.

Ky proces vlen për t’u dhënë shpresë shqiptarëve, dhe për t’i mbajtur ata të orientuar drejt Perëndimit, si një objektiv drejt fatit të tyre historik.

Integrimi në Bashkimin Evropian, është e vetmja dritë në fund të tunelit që u jep shpresë shqiptarëve se duhet të besojnë ende tek politika.

Se kundershtari nuk luftohet duke u bërë si ai. Unë nuk do t’ia falja vetes sot, të veproja si Edi Rama dje! Nuk ka asgje më të rëndësishme, më jetike, më garantuese, më shpresëndërtuese, më standart vendosëse, për shqiptarët se sa mos ndërprerja e rrugëtimit të tyre Europian.

Kushdo ka punuar për të hedhur , themelet e parimeve të demokracisë ne këte vend bazuar në vlerat europiane, duhet të verë në punë pushtetin e ndërgjegjes si shqiptar.

* Ne nuk jemi një vend qe qeveriset normalisht.

* Ne nuk jemi nje vend ku zbatohet ligji, ndaj ky është kusht per çelje negociatash.

* Ne nuk jemi nje vend që kemi respekt për votën. Madje, e vjedhim pa u ndjerë në faj.

* Ne nuk jemi nje vend me institucione funksionale e demokratike.

* Ne nuk jemi nje vend ku liderat politike mbajnë fjalën.

* Ne jemi një vend ku papunësia eshte në rritje, ku mungesa e zhvillimit ekonomik con në rritje të shifrave të emigracionit të paligjshëm dhe kërkesave për azil, që janë kthyer në bezdinë më të madhe për vendet anëtare

* Ne jemi nje vend që dënojmë të pamundurin që punon në parcelat e drogës dhe kriminelin e sjellim në parlament.

* Por jemi një vend që prej dje ka një shanc më të madh të monitorohet për çdo pikë nga ato me lart, në detaje.

* Jemi gjithashtu para një kushti të patjetërsueshëm të vendosur nga Komisioni, reformën në drejtësi dhe vecanërisht Vettingun. Pa rezultate të prekshme nuk do të ketë hapje të negociatave.

Keto jane standard europiane, e pikërisht për këto Europa është i vetmi destin i sigurt yni.

Nëse ndonjë fanatik intrigash dhe hargalisës fjalësh, e quan qëndrimin tim të pandryshuar për ecjen para të këtij procesi si shkelje të parimeve të demokratit të denjë apo partikut ushtar, nje blasfemi, nuk kam ç’i them, vetëm durim: të gjitha të vërtetat e mëdha nisin si blasfemi.

Hapjen e negociatave e shoh si mundësinë më të mirë për ta bërë Shqipërinë të jetueshme, e shoh si mjetin e vetëm për të shkurtuar kohën e zullumeve të një qeverie, për të zvogëluar mundësinë e grabitjes e vjedhjes që i bëhet shqiptareve çdo ditë dhe si një garant të respektimit të shtetit të së drejtës dhe parimeve të demokracisë.

Po të mos ishte ky objektiv, aq keq sa kemi qeverisur 25 vjet, dhe aq shumë sa e kemi vonuar këtë proces, sot ndoshta do ishim shpërbërë dhe si parlament edhe si shtet, prej anarkisë.

Ndaj unë, ç’kam bërë prej 10 vitesh, do të vazhdoj ta bëj e ta them çdo ditë, sepse ky është vendi im. Nje vend me identitet Europian , jo identitet partiak 

Kudo të jem, këtë vend do ta prezantoj siç e dua të jetë.

Mos u lodhni kot! Asnjë nga ju që murin e keni në kokë, nuk më bëni të ndjehem ligsht se jam aty ku e nisa! E dua Shqipërinë si gjithë Europa!

Se siç thoshte dikush, patriot është ai që me besnikëri i shërben atdheut që ëndërron të ketë, dhe jo atij atdheu që sheh kur zgjohet në mëngjes. 

Fjala e sotme në Parlament

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Bota

SHBA, senatorët marrëveshje për projektligjin dypartiak për infrastrukturën

Publikuar

-

Nga

SHBA, senatorët marrëveshje për projektligjin dypartiak për infrastrukturën

Në Senatin e Shteteve të Bashkuara, negociatorët kanë arritur një marrëveshje për paketën ligjore prej 1.2 trilionë dollarësh për infrastrukturën. Senatori republikan Rob Portman u tha gazetarëve të mërkurën se është rënë dakort për komponentët kryesorë të projektligjit.

Pas muajsh të tërë bisedimesh, kjo mund të hapë tashmë rrugën që legjislacioni të vazhdojë procesin e shqyrtimit në Senat. Madje kreu i shumicës, Senatori Chuck Schumer, tha se një votim procedurial për këtë projektligj dypartiak mund të zhvillohet që të mërkurën.

“Senatorët vazhdojnë të arrijnë progres”, tha Senatori demokrat Schumer në një fjalim në sallën e Senatit.

Senatorja republikane Susan Collins, megjithatë, paralajmëroi se disa detaje ishin ende duke u finalizuar.

Një tjetër senatore republikane, Lisa Murkowski, u tha gazetarëve se, “Unë mendoj se ekziston një vullnet i konsiderueshëm nga të dy kahët politikë që duan të arrijnë tek një paketë për infrastrukturën”.

Ajo shtoi se senatorët do të informohen për propozimin që po negociohet “gjatë orëve të ardhshme”.

LEXO EDHE:  Reforma Zgjedhore/ Përmeti: Opozita jashtëparlamentare zgjodhi të qëndrojë në krah të Ramës

LEXO EDHE:  Pas takimit me Metën, Basha bën lëvizjen e radhës

Votimi procedurial thjesht do të kufizonte debatin kur Senati të fillojë të marrë në konsideratë projekt-ligjin dypartiak për investime në infrastrukturë që mendohet të jetë në shumën e rreth 1.2 trilionë dollarëve.

Më 21 korrik, republikanët e bllokuan një veprim të tillë, duke u ankuar se projekt-ligji nuk ishte shkruar ende.

Demokratët shpresojnë të kalojnë këtë muaj, ose në fillim të muajit tjetër, projektligjin për të cilin do të jetë rënë dakord në negociatat dypartiake.

Kjo mund të ndihmojë në eliminimin e pengesave për demokratët, të cilët duan të fillojnë punën për një tjetër projektligj me një buxhet prej rreth 3.5 trilionë dollarësh, të cilin republikanët zotohen se do ta kundërshtojnë./voa

LEXO TE PLOTE

Bota

Britania heq karantinën për të vaksinuarit nga SHBA-ja dhe BE-ja

Publikuar

-

Nga

Britania heq karantinën për të vaksinuarit nga SHBA-ja dhe BE-ja

Udhëtarët e vaksinuar plotësisht nga Shtetet e Bashkuara dhe pjesa më e madhe e Evropës, do të mund të hyjnë në Britani të Madhe pa iu nënshtruar masës së karantinës nga java e ardhshme, kanë thënë zyrtarët britanikë të mërkurën.

Qeveria britanike ka thënë se personat që kanë pranuar dy doza të vaksinës së miratuar nga Administrata amerikane për Ushqim dhe Ilaçe, apo nga Agjencia Evropiane e Ilaçeve, do të mund të mund të bëjnë teste për koronavirus para dhe pas hyrjes në Britani, në vend të izolimit për 10 ditë.

LEXO EDHE:  Pas takimit me Metën, Basha bën lëvizjen e radhës

LEXO EDHE:  Basha i përgjigjet “dhëmb për dhëmb” Ramës

Qeveria e Skocisë, që vendos vetë për politikat shëndetësore, ka marrë vendimin e njëjtë.

Irlanda Veriore, që është pjesë e Mbretërisë së Bashkuar, nuk ka bërë të ditur ndonjë vendim të ngjashëm.

Aktualisht, vetëm personat që janë vaksinuar në Britani, mund të mos i nënshtrohen masës së karantinës.

Megjithatë, ekziston një përjashtim në vendim: Franca, të cilën Mbretëria e Bashkuar e konsideron me rrezik të lartë, për shkak të prezencës të variantit Beta.

Vizitorët nga Franca do të vazhdojnë të përballen me masë të karantinës./rel

LEXO TE PLOTE

Politikë

Foto/ Rama mbërrin në Shkup, shëtitje me Zaev e Vuçiç, qytetarët iu kërkojnë ‘selfie’

Publikuar

-

Nga

Foto/ Rama mbërrin në Shkup, shëtitje me Zaev e Vuçiç, qytetarët iu kërkojnë ‘selfie’

Kryeministri Edi Rama ka mbërritur sot në Shkup, në kuadër të ‘Forumit Ekonomik’ që do të mbahet nesër.

Kreu i qeverisë është filmuar duke ecur rrugëve të Shkupit i shoqëruar nga kryeministri i Maqedonisë së Veriut, Zoran Zaev, si dhe nga presidenti i Serbisë, Aleksandër Vuçiç.

Gjatë kësaj ecjeje ata janë ndalur disa herë nga qytetarët, të cilët i kanë takuar dhe kanë kërkuar madje të bëjnë dhe foto.

LEXO EDHE:  “Nga mëngjesi deri në mbrëmje në këmbë”/ Basha me bizneset e vogla: RAMAVIRUSI godet përditë

LEXO EDHE:  Zbardhen detajet për Vettingun/ Ministria e Brendshme vlerëson qëndrimin e LSI

Nuk kanë munguar dhe përshëndetjet nga lokalet.

“Ta bëjmë një selfie?”– thonë ata dhe afrohen për të pozuar me politikanët./CNA.al

LEXO TE PLOTE