Connect with Us

Pse qeveria nuk e deklaron suksesin me pyjet?! /Nga Elvi FUNDO

Aktualitet

Pse qeveria nuk e deklaron suksesin me pyjet?! /Nga Elvi FUNDO

Publikuar

-

Citynews prej dy ditësh ka sjellë suksesin më të madh të qeverisë Rama në 25 vite dhe argumentat pse Edi Rama është i vetmi që mund të kishte këtë sukses.

Së pari suksesi vjen nga fakti se në Shqipëri, vendin ku vitet e fundit janë djegur mesatarisht 5 mijë hektarë pyje dhe kullota gjatë verës, në vitin 2016 nuk u dogjën thuajse fare, prëjashto rastin e Shëngjinit që ishte një konflikt mes palëve. Nga Shkodra në Vlorë, nga Durrësi në Korçë nuk pati vatra zjarri dhe kjo meritë duhet ti njihet patjetër qeverisë dhe në mënyrë të veçantë trafikantëve të drogës që iu qepën maleve dhe i bën parcela me kanabis.

Në vitin 2007 prefektja e Korçës e asaj kohe, Elfrida Zefi, duke inspektuar së bashku me ekipin  e emergjencave zjarret në pyjet e Kolonjës ngeli e rrethuar mes vatrave të zjarrit dhe dalja u bë mjaft e vështirë. Ajo shpëtoi për mrekulli së bashku me ekipin e saj. Këtë rast po e sjellim për të krahasuar dy kohë, atëherë kur flakët përpinin pyjet dhe kullotat nga temperaturat e nxehta apo barinjtë që vinin flakën dhe ndiznin zjarre për të rigjeneruar kullota, këtë vit në Kolonjë nuk pati asnjë zjarr.

Jo se temperaturat ishin më të ulëta, jo se barinjtë ishin më të përgjegjshëm, por sepse në pyje dhe kullota atje kun dhej kishte flake sot tokat janë mbuluar me kanabi. Janë me dhjetëra parcela të zbuluara nga policia në Kolonjë. E shumë e shumë të tejra që u korën jo prej policisë, por prej traf të drogës.

Në Kolonjë, në Dibër, në Malësinë e Librazhdit, Voskopojës apo Gorës, në malësinë e Matit, Kukësit, Tiranës, Krujës, Sarandës apo Vlorës, Tepelenës apo Gjirokastrës, 2016-ta ishte viti kur barinjtë nuk u ngjitën dot në kullota, ku fshatarët me mushka nuk shkuan dot në pyje për dru, se për kamiona dhe njerëz nga qyteti as që bëhet fjalë. Jo se pyjet po mbroheshin nga kamerat e Ministrisë së Mjedisit apo rojet që paguan shteti por sepse trafikantët kishin vendosur pushtetin e tyre pasi ata paguanin banditë të armatosur që të ruanin parcelat me kanabis, paguanin fshatarë të mjerë që punonin dhe vetë barinjtë ndoshta kishin braktisur profesionet dhe në disa muaj u kthyen argatë në parcelat e drogës.

LEXO EDHE:  Nga Spartak NGJELA/ Korrupsioni shqiptar i nivelit të lartë dhe marrëveshja Rama e Basha

Suksesi i qeverisë Rama në vitin 2016 është suksesi më i madh në 25 vite demokraci. Nuk na u dogjën pyje dhe kullota, të paktën shpëtuan 5-7 hektarë. Por këtë sukses udhëheqësi ynë vizionar nuk e reklamon. Çuditërisht ai nuk na thotë se si me vizionin e tij, avangardizmin e tij na dha mundësinë të shpëtonim kaq e kaq shumë pyje duke çuar trafikantët lart në male të ruajnë ato, ndonjëherë edhe policinë për të korur prodhimet e tyre pasi ata iu kishin hequr boçet.

Edi Rama është modest. Ai nuk e reklamon suksesin e tij që me një lëvizje çoi trafikantët dhe policinë në male dhe pyjet tona shpëtuan nga flakët.

Janë 2,5 milionë rrënjë kanabis të korrura nga policia, e cila këtë here nuk u përball me flakët së bashku me zjarrfikësit, por shkoi pyll më pyll e kullotë e më kullotë për të korrur ato që kishin lënë trafikantët e më pas për ta djegur, por këtë here në një kontroll të rreptë për të shpëtuar pyjet dhe kullotat ashtu siç ka qenë edhe porosia vizionare e udhëheqësit tonë Edi Rama. (Shkruar për Citynews)

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Ku humbi opozita e emëruar e Edi Ramës?

LEXO EDHE:  Ku humbi opozita e emëruar e Edi Ramës?

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Nga Spartak NGJELA/ Korrupsioni shqiptar i nivelit të lartë dhe marrëveshja Rama e Basha

LEXO EDHE:  Nga Spartak NGJELA/ Korrupsioni shqiptar i nivelit të lartë dhe marrëveshja Rama e Basha

 

LEXO TE PLOTE
Lajme të Rekomanduara: