Connect with Us

Sulmi ndaj Polonisë/ Kështu nisi Lufta e II Botërore

Aktualitet

Sulmi ndaj Polonisë/ Kështu nisi Lufta e II Botërore

Publikuar

-

Më 1 shtator 1939 luftanija stërvitore gjermane “Schleswig-Holstein” qëllon pozicionet polake në gadishullin Versterplate përpara Gdnaskut. Pak më pas 1,5 milionë ushtarë gjermanë kalojnë kufirin drejt Polonisë

Eshtë e premte, 1 shtator 1939, rreth orës 4.30. “Papritur erdhën avionët luftarakë, STUKAS: bomba, automatikë dhe të vdekur,“ – kujton ish-ministri i Jashtëm polak Wladyslaw Bartoszewski.

Avionët luftarakë gjermane, të ashtuquajtur STUKAS – sulmojnë qytetin e vogël Vielun. Deklaratë për shpalljen e luftës nuk kishte. Askush nuk llogariste me sulm. Vielun është një qytet i vogël pa ushtri, pa rëndësi strategjike. Shumë shpejt qendra e qytetit bëhet shkrumb e hi.

Në orën 4.45 anija luftanija stërvitore gjermane “Schleswig-Holstein” hap zjarr ndaj depos polake të municioneve në Vestplate pranë Gdanskut. Sulmi ndaj Polonisë, ose fushata e shtatorit siç e quajnë polakët, është në kulm.

“Polonia ka qëlluar edhe me ushtarë të rregullt sonte natën për herë të parë ndaj territorit tonë. Qysh nga ora 5.45 po i kundërpërgjigjemi sulmit. Tani e tutje për çdo bombë hakmerremi me bombë. “ – deklaronte Adolf Hitleri.

Gënjeshtra e Hitlerit bëhet arësye për luftën. Faktikisht ishin njerëzit e SS-ve, të cilët të veshur me uniforma polake sulmuan një radio rajonale sileziane në Gleivic duke dhënë kështu arsyen e rreme të luftës. 1,5 milionë ushtarë gjermanë sulmuan kufirin polak. Fqinjët u gjendën në befasi dhe makineria e propagandës së Hitlerit jepte arsyet e rreme për këtë.

“Ishte një shtet dhune. I qeverisur prej shkopinjve të gomës, policisë dhe ushtrisë. Fati i gjermanëve në këtë shtet ishte i tmerrshëm.“ – deklaronte Adolf Hitleri.

Hitleri ka për qëllim kryesor zgjerimin e Rajhut gjerman. Pakti Hitler-Stalin, i vendosur një javë para sulmit ndaj Polonisë, i jep fyrerit shansin të pushtojë vendin fqinjë. Pakti parashikon shkatërrimin e Polonisë dhe ndarjen mes Gjermanisë dhe Bashkimit Sovjetik.

Vetë Hitleri deklaron: “Nëse Evropa është vërtetë e interesuar për qetësinë dhe paqen, atëherë shtetet evropiane duhet të jenë mirënjohëse që Rusia dhe Gjermania janë të gatshme që nga kjo vatër trazirash të krijojnë zhvillime paqësore.”

Shpejt bëhet e qartë: Hitleri nuk synon vetëm fitimin e territoreve, por edhe asgjësimin e popullit polak. Bombat kanë në shënjestër ekzekutime të qëllimshme të poetëve, të profesorëve, të mjekëve, të juristëve, të mësuesve dhe vrasjet masive të hebrenjve.

Ushtria polake nuk mund të mbrohet – ajo është e dobët kundrejt gjermanëve si sa i përket forcës së ushtrisë ashtu dhe armatimeve. Fati i polakëve vuloset shpejt edhe për arsyen se Franca dhe Britania e Madhe nuk e mbajnë fjalën. Në vend që të sulmojnë Gjermaninë nga perëndimi, siç ishte garantuar në marrëveshje, britanikët zgjerojnë mbrojtjen e tyre ajrore dhe francezët nguliten në kufirin me Gjermaninë. Shpallja e luftës prej tyre pason dy ditë pas sulmit të Gjermanisë ndaj Polonisë, më 3 shtator 1939.

Pas 36 ditësh lufta për Poloninë ka marrë fund. Sovjetikët dhe gjermanët festojnë fitoren e përbashkët dhe e ndajnë Poloninë midis tyre. Diplomati Hans von Herwarth kujton: “Ne ngritëm një dolli për vëllazërinë ushtarake gjermano-sovjetike dhe thamë: le të shpresojmë që së shpejti të nisim t’i zhdëpim anglezët dhe francezët.“

Për Poloninë kjo do të thoshte një martirizim pesëvjeçar, me pesë milionë të vdekur, ndër ta një milionë hebrenj polakë. Për Hitlerin sulmi ndaj Polonisë është vetëm një betejë, për të lufta e madhe nis pikërisht tani bashkë me deklaratën: “Unë nuk dyshoj asnjë sekondë, që Gjermania do të fitojë.“/DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Jeta hebreje 75 vjet pas Auzhvitcit

LEXO EDHE:  Polonia: Rusia po kthen manipulimin sovjetik te historise

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Jeta hebreje 75 vjet pas Auzhvitcit

LEXO EDHE:  Kumanove/ Gjendet një granatë e Luftës së Dytë Botërore

 

LEXO TE PLOTE
Lajme të Rekomanduara: