Connect with Us

Turqia i dërgon SHBA-së “dëshmi” kundër predikuesit Gülen

Aktualitet

Turqia i dërgon SHBA-së “dëshmi” kundër predikuesit Gülen

Publikuar

-

Udhëheqja turke e bën Fethullah Gylenin përgjegjës për përpjekjen për puç e po përgatit një kërkesë zyrtare ndaj SHBA që ai t’i dorëzohet Turqisë. Dosjet e përcjella synojnë të dëshmojnë rolin e Gylenit si organizator.

Po përgatitet një kërkesë zyrtare ndaj SHBA për dorëzimin e Gylenit, deklaroi para shtypit në Stamboll Ibrahim Kalin, zëdhënës i Presidentit Rexhep Tayyip Erdogan. Nëse SHBA do të këmbëngulin që ta mbajnë në Pensilvani Fethulla Gylenin, atëherë populli do të nisë të besojë se amerikanët “e mbrojnë predikuesin”, tha Kalin. Në fund të fundit ekziston një numër i mjaftueshëm momentesh dyshimi.

Sipas zëdhënësit të Presidentit, përpjekja e fundit për përmbysje u mbështet nga një fraksion shumë i vogël brenda ushtrisë. Por kjo nuk do ta dobësojë as luftën kundër “Shtetit Islamik”, as kundër ekstremistëve kurdë. Kalini i përshkroi forcat e armatosura si “kështjellën e fundit” të rrjetit të Gylenit.

Goditje kundër medieve të Gylenit

Në kuadër të masave shtetërore kundër Gylenit, autoriteti turk i telekomunikacionit RTÜK mbylli 24 stacione radioje dhe televizive, sepse gjoja kishin lidhje me lëvizjen e predikuesit. Në një mbledhje të jashtëzakonshme të RTÜK radiostacioneve iu hoq licensa.

Qeveria e Ankarasë i ka përcjellë tashmë katër dosje SHBA për – siç u shpreh në Parlament kryeministri Binali Yildirim – “dorëzimin e kryetarit të terroristëve” Gylen. “Ne do t’u dërgojmë atyre më shumë dëshmi seç duan të kenë”, shtoi ai.

Fethullah Gyleni në emigrimin e tij në PensilvaniFethullah Gyleni në emigrimin e tij në Pensilvani

Uashingtoni deri tani e ka kundërshtuar një dorëzim të predikuesit islamik, i cili që prej vitit 1999 jeton në SHBA. Ministri i Jashtëm i SHBA, John Kerry tha se për këtë duhet të paraqiten dëshmi të qarta dhe jo të ngrihen vetëm kritika. Gyleni vetë kundërshton të jetë përfshirë në ndonjë mënyrë në përpjekjen për puç kundër Erdoganit, me të cilin më parë ai ishte aleat i ngushtë, kurse tani janë armiq të betuar.

75 vjeçari Gylen jeton në lokalitetin Saylorsburg në shtetin federal amerikan Pensilvani. Vendi në të cilin është tërhequr ai është territori i gjerë i ruajtur për 24 orë në ditë i Golden Generation Worship and Retreat Center. Ai u largua në vitin 1999 në SHBA, për t’i shpëtuar një procesi gjyqësor në Turqi, pasi qe ngritur akuza se ai po përpiqet të ndërmarrë një përmbysje islamike në vendin e tij./DW

Aktualitet

Fansat më të zjarrtë në botë/ Luana merr suprizën e veçantë pas koncertit

Publikuar

-

Shpesh herë moderatorja dhe këngëtarja Luana Vjollca poston në llogarinë e saj në Instagram surprizat e veçanta që ka marrë nga fansat e saj të zjarrtë.

Gjithashtu së fundmi ajo ka publikuar në Instagram një video ku tregon surprizën e këndshme që i kanë bërë fansat pas një koncerti të zjarrtë që ka mbajtur mbrëmjen e kaluar.

Mjaft e emocionuar Luana shfleton fletët që ata i kanë dhuruar dhe tek secila prej tyre ka nga një dedikim.

Ata kanë zgjedhur të printojnë foto të këngëtares dhe poshtë tyre shprehin admirimin që kanë për të.

Një fans duket se ka kaluar përtej fotove dhe Luana ka zbuluar se ai i ka bërë dhuratë një varëse.

Kjo dhuratë duket se i ka pëlqyer shumë moderatores dhe e ka vendosur menjëherë.

 

 

LEXO TE PLOTE

Aktualitet

Vetting brenda PD-së/ Aldo Bumçi: Ky është momenti më frymëzues

Publikuar

-

Nga

Ish-deputeti i PD, Aldo Bumçi ka folur sot edhe për vettingun e brendshëm në partinë, në të cilën bën pjesë.

I ftuar në A2 CNN, Bumçi tha se Vettingu brenda PD-së do të jetë një “sitë”, për integritetin e figurave që do të nxjerrë para qytetarëve.

“Integriteti i figurave që kjo parti do t’i nxjerrë para qytetarëve. Kjo do të jetë një lloj site. Vlera është në momentin që flasim. Vitet e fundit pati një shkarje të rëndë në demokracinë e vendit, por nuk ishte problemi në atë që bëmë në të kaluarën, por çfarë po bënin në atë moment. Në këtë moment, PD vendosi të kishte kriteret e saj për të qenë së më përfaqësuese në vlerat e saj. Ne kemi bashkëpunuar ngushtësisht me Partinë Konservatore britanike”, tha Bumçi.

Gjithashtu, Bumçi tha se kjo verë e gjen PD-në të gjallë , në momentin më frymëzues.

“Kjo verë e gjen PD-në të gjallë, në këmbë dhe më frymëzuese në këto 6 vite. Jo vetëm në këto 6 vite, por edhe pak më shumë. Ky është momenti më frymëzues në PD. Treguesit janë aty. Është rikthyer i gjithë elektorati i djathtë. Në 2017-ën ne ramë ndjeshëm me rreth 200 mijë vota. Kanë ndryshuar disa gjëra. Qytetarët kishin nevojë për akte të forta për të fituar besimin. Çadra ishte një vendim i drejtë, por mënyra se si u zhvillua fushata krijoi një moment besimi. Pas zgjedhjeve të 2017-ës ka qenë momenti më i ulët, mendoj që pas 1997, por ishte një krizë akute”, u shpreh ish-deputeti demokrat./ CNA.al

LEXO TE PLOTE

Aktualitet

Merrnin rryshfet nga shkelësit e ligjit/ Ndëshkohen 5 efektivë policie 

Publikuar

-

Nga

Gjykata e Shkallës së Parë Tiranë jep masat e sigurisë për 5 punonjës policie dhe një qytetar.

Sipas Report TV, punonjësit e policisë akuzohen se u merrnin shoferëve që shkelnin rregullat e qarkullimit rrugor për të mos u hequr patentën.

Tre prej tyre prej tyre janë lënë në arrest shtëpie ndërsa dy të tjerë u pezulluan nga detyra. Ndërkohë që qytetari akuzuar si i përfshirë në këtë skemë korrupsioni u la në ‘detyrim paraqitje.

Masa e vendosura:

“Arrest me burg” për punonjësin e policisë Fiqiri Xhani, 58 vjeç, nga Tirana;

Duke u nisur nga rrethanat familjare referuar të dhënave të gjendjes civile (fëmijë nën moshën 3 vjeç) caktimin e masës së sigurimit personal “Arrest shtëpiak” për punonjësen e policisë Afinisa Metani, 25 vjeçe, nga Tirana;

“Arrest në shtëpi” për punonjësin e policisë Bujar Allko, 48 vjeç, nga Tirana;

“Pezullim i ushtrimit të detyrës”, për punonjësin e policisë Emiljano Kaceli, 28 vjeç, nga Tirana;

“Pezullim i ushtrimit të detyrës” për punonjësin e policisë Florjan Dimraj, 38 vjeç, nga Tirana;

– “Detyrim për t’u paraqitur në policinë gjyqësore” për Fatjon Luga , 35 vjeç, nga Tirana, i dyshuar për veprën penale të “Korrupsionit aktiv nga persona që ushtrojnë funksione publike”.

 

LEXO TE PLOTE