Connect with Us

Nga Kastriot Myftaraj/ Erdogan është me origjinë shqiptare

Aktualitet

Nga Kastriot Myftaraj/ Erdogan është me origjinë shqiptare

Publikuar

-

Erdogani, ashtu si Ataturku dikur, nuk ka parapëlqyer të flasë për origjinën e familjes së tij. Duke qenë se në Turqi nuk gjenden rrënjët e familjes së tij, pati spekulime se Erdogani është me origjinë gjeorgjiane, madje armene. Në vitin 2003, kur Erdogan u bë kryeministër, ai e gjeti të arsyeshme t’ i mohonte këto hipoteza, por pa dhënë shpjegime të detajuara për origjinën e familjes së tij, duke u mjaftuar të thotë në mënyrë të papërcaktuar se ai është turk. Por Turqia është një vend ku ka një traditë të fortë fisnore dhe turqit autoktonë, e ruajnë vetëdijen e rrënjve të tyre, si prejardhje fisnore, si vendlindje familjare (krahinë e madje fshat, apo lagje qyteti). Edhe Erdogan sigurisht që e njeh origjinën e tij, por ka arsyet e tij për të mos e treguar atë. Erdogan me shumë mundësi është shqiptar.
Për këtë kam një informatë nga një njeri shumë serioz, një shkencëtar, i cili nuk ka asnjë arsye për të gënjyer, dhe të dhënat e të cilit gjithsesi mund të shërbejnë si premisë për kërkime të mëtejshme. Disa vite më parë, duke pirë kafe me profesor Osman Krajën, ish-rektor i Universitetit Shtetëror të Tiranës në vitet ’80 dhe ish-ambasador më vonë, ai më tregoi një histori familjare shumë interesante. Familja e profesorit kishte emigruar në Stamboll për shkaqe ekonomike në kohën e Perandorisë Osmane. Ashtu siç e tregon dhe mbiemri i profesorit, familja e tij është me origjinë nga Kraja, një krahinë e populluar me shqiptarë në jugperëndim të Liqenit të Shkodrës, dhe që gjendet në Malin e Zi të sotëm. Sot banorët e të nëntë fshatrave të Krajës janë deklaruar të gjithë shqiptarë në censuset e mbajtur në Mal të Zi.
Profesor Osman Kraja ka lindur në 1930 në Stamboll. Në atë kohë babai i tij, Ibrahimi dhe babai i Rexhep Taip Erdoganit, Ahmeti ishin moshatarë, dhe me shumë gjasë edhe kushërinj. Ahmet Erdogan zyrtarisht ka lindur në 1905 dhe ka vdekur në 1988. Ibrahimi dhe Ahmeti kishin miqësi dhe me sa duket ndihmonin dhe njëri-tjetrin në ato kohë të vështira, si shqiptarë nga e njëjta krahinë që ishin të dy.
Në vitet ’30 të shekullit të kaluar ekonomia e Turqisë u prek rëndë nga kriza ekonomike botërore, e njohur si Rënia e Madhe. Shumë tregtarë të vegjël falimentuan e kështu ndodhi edhe me Ibrahimin dhe Ahmetin. Ky i fundit ishte shitës simitesh, një tregti që më pas e ka ushtruar edhe vetë Rexhepi.
Shumë shqiptarë të Turqisë u kthyen në Shqipëri për shkak të krizës ekonomike. Ndër ta ishte dhe familja e profesor Osman Krajës. Ndoshta kështu do të kishte bërë edhe Ahmeti me familjen e tij, nëse nuk do të kishte gjetur befas një punë në Rojen Bregdetare në Turqinë verlindore. Kështu, Ahmed Erdogan u largua nga Stambolli me familjen dhe u vendos atje. Në kohën kur lindi Rexhepi familja ishte rikthyer në Stamboll.
Mbiemri “Erdogan” nuk duhet ta na gabojë, ashtu që të kërkojmë njerëz me këtë mbiemër në fshatrat e Krajës. Deri në vitin 1934 banorët e Turqisë nuk kishin mbiemra. Në vitin 1934 Ataturku nxorri një ligj që i detyronte turqit të kishin mbiemra. Me këtë rast familja e Ahmetit ka marrë mbiemrin “Erdogan”. Fjala “Erdogan” në turqisht do të thotë “njeri trim si skifteri (falconi)”. Në shumë raste mbiemrat i vendosnin nëpunësit e zyrës së gjendjes civile, ose ndonjë zyrtar mbështetjen e të cilit e kishte personi. Me shumë gjasë, Ahmeti e ka marrë mbiemrin “Erdogan” kur shkoi të kërkonte punë në Erzurum (provinca Rize). Rojet bregdetare duhet të luftonin me kontrabandiëstët dhe ata duhet të ishin trima si skifterë. Prandaj dikush që do ta ndihmonte Ahmetin të hynte në Rojën Bregdetare si sugjeroi këtë mbiemër si kredencial. Kështu familja mori mbiemrin që më pas do të bëhej i famshëm.
Nëse e shikon me vëmendje Rexhep Taip Erdoganin nga pikëpamja antropologjike, ai ka tiparet e njeriut të zonës së Krajës. Erdogani është shtatlartë, i bardhë në fytyrë, ndryshe nga ç’ krijohet përshtypja kur e sheh në televizor ku të krijon përshtypjen e një njeriu disi zeshkan. Në aspektin kraniologjik (forma e kafkës) Erdogan nuk ngjan aspak me llojin e turkut të Anadollit. Erdogan të ngjan çuditërisht shumë me tipin e shqiptarit të Shqipërisë Veriperëndimore, ashtu siç na shfaqet në pikturat dhe gravurat e piktorëve të huaj, të shekullit XIX.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Sharjet e Artur Zhejit ndaj Kastriot Myftarajt, zbulohet arsyeja

LEXO EDHE:  Nga Kastriot Myftaraj/Analizë e listës së kandidatëve për deputetë të PD-së

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Sharjet e Artur Zhejit ndaj Kastriot Myftarajt, zbulohet arsyeja

LEXO EDHE:  Maqedonia, Izraeli, Kumanova

 

LEXO TE PLOTE
Lajme të Rekomanduara: