Aktualitet
Në prag të reformë në drejtësi/Meta i tregon muskujt Ramës
Kur kanë mbetur edhe pak ditë nga seanca ku do të votohet drafti i Reformës në Drejtësi, Ilir Meta po i tregon muskujt Edi Ramës.
Kreu i LSI po shfrytëzon në maksimum votat e deputetëve që zotëron ndoshta për të marrë më shumë poste qeveritare, në rast të një riformatimi të qeverisë.
Burime nga mazhoranca bëjnë të ditur se PS dhe LSI kanë nisur negociatat në përpjekje për të çtensionuar marrëdhëniet mes Kryeministrit Rama dhe Kryetarit të Kuvendit Ilir Meta.
Prej disa ditësh LSI po ushtron presion ndaj Kreut të Qeverisë, duke paralajmëruar madje edhe mos mbështetjen me votë në rast të një mocioni mosbesimi ndaj Qeverisë Rama.
Të gjithë skenarët që deri më tani kanë qarkulluar duket se kanë burimin tek LSI, e cila duhet të tregojë nëse i ka seriozisht ato apo thjesht po mat forcën dhe po ushtron presion ndaj Ramës për të marrë një post më shumë qeveritar.
Por, në një situatë të tillë, kur Rama ka rreth 55 deputetë që e mbështesin, LSI mund të shfrytëzojë në maksimum zgjerimin e saj me poste qeveritare, ose marrjen e postit të ministrit të Brendshëm, Ministri të cilën prej disa kohësh e kërkon.
LSI kërkon largimin e Tahirit nga posti i ministrit të Brendshëm, Gjiknurit nga posti i ministrit të Energjitikës, dy nga ministrat që në jo pak raste kanë pasur përplasje me Kryetarin e Kuvendit, Ilir Meta. i pari akuzohej për përgjimet e paligjshme, ndërsa i dyti për nxjerrjen në media të dosjes së CEZ.
Deri më tani të dy ministrat ishin nën mbrojtjen e Edi Ramës pavarësisht akuzave dhe sulmeve, por në kushtet aktuale kur Kryeministrit i mungojnë votat dhe i duhet një unifikim qëndrimi votash përsa i takon reformës në drejtësi, në pritje se deputetë të opozitës mund të votojnë pro draftit pavarësisht vendimit politik të PD-së, Rama mund të jetë i gatshëm të bëjë çdo marrëveshje me Metën, qoftë edhe duke i plotësuar kërkesat e tij për të tjera poste qeveritare, apo për largimin e ministrave që LSI nuk i mbështet në Qeverinë aktuale.
Por gjithashtu Ramës i intereson çtensionimi i raporteve me aleatin e tij kryesor në qeverisje për të shmangur mocionet e mosbesimit, që mund të çojnë në krijimin e një aleance të re në Kuvendin e Shqipërisë, që pasohet me krijimin e një qeverie tjetër me Kryeministër të ri, por jo Edi Ramën. /citynews/
Politikë
Basha, një listë me humbësa për Korçën
Pas shumë emrash të nxjerrë nga mediat, por edhe të publikuar nga strukturat e PD-së, më në fund Basha ka bërë publike kandidatët e qarkut të Korçës.
Një listë me humbësa të skualifikuar edhe nga komisioni që do të bënte vettingun e kandidatëve të PD-së, kryesuar nga Genc Ruli dhe Bujar Nishani, njerëz të votuar kundër, të shumëakuzuar, por edhe humbësa serial do të kandidojnë “për të fituar” PD zgjedhjet e vitit 2021 në 25 prill.
Edmond Spaho
I pari në listë është Edmond Spaho, i cili në vitin 2017 drejtoi qarkun e Elbasanit dhe humbi, në vitin 2015 drejtoi fushatën e Grida Dumës në Durrës dhe humbi, në vitin 2013 ishte pjesë e listës në Korçë dhe humbi. E vetmja fitore e tij është në vitin 2005 dhe diferenca ka ardhur për shkak të votave të LSI-së, të kandidates Filloreta Kodra.
Sorina Koti
E dyta në listë është Sorina Koti, kandidate e PD-së në vitin 2013, humbëse. Më pas, drejtuese lokale dhe humbëse në 2015-ën dhe 2017-ën, e pashfaqur dhe e mbajtur në karrierë për shkak të lidhjeve të forta politike me Fatbardh Kadillin.
Ervin Salianji
Më tej, i kandiduar në Korçë në 2017-ën por pjesë e fushatës së Andrea Manos, humbës në vitin 2011 në Korçë, i cili edhe pse kryetar i degës dhe pretendues i lartë ka përfunduar I shtati.
Bledjon Nallbati
I katërti në listë është Bledjon Nallbati. Vjen në garë pas një përplasje të ashpër me Hekuran Hoxhallin, ish-deputetin e Devollit, ku beteja mes tyre është kthyer në luftë.
Më pas vjen Selaudin Jakupllari në Pogradec dhe Marjeta Halili, e cila është e gjashta në listë. Një zonjë e panjohur deri diku dhe shumë emra drejtuesisht lokalë që në fakt përfaqësojnë atë që Lulzim Basha e ka quajtur pushteti i vjetër dhe i korruptuar i komunave për të shkuar në një mbyllje me emra që nuk kanë ndodnjë përfaqësi të madhe.
Zona e Kolonjës duket e pambuluar. Përfaqësimi i qytetit në fushën e Korçës sërish duket i dobët, e kështu me radhë, por ajo që bie në sy është se humbësat serialë kryesojnë dhe do jenë ata që do të rikandidojnë në zgjedhjet e vitit 2021.
Dje ishin në Elbasan apo në Korçë, sërish janë mbledhur bashkë, kandidojnë të gjithë në qarkun e Korçës në një listë humbësash serialë me dëshirën për të fituar në emër të Lulzim Bashës.
Mesa duket, i pashpresë Lulzim Basha nuk ka mundur dot të sigurojë një listë të qartë me emra bindës dhe njerëz më kontribut elektoral. Ka përfunduar te riciklimi, duke e kthyer në një lloj landfilli listën e kandidatëve të PD-së në Korçë./ CNA.al
Politikë
Emrat surprizë që Basha përjashtoi nga lista
Sot kryetari i Partisë Demokratike Lulzim Basha ka publikuar listën, e votuar nga kryesia dhe Këshilli Kombëtar.
Ajo që bie në sy është largimi i Florjan Mimës ekonomistit, ish-ministrit dhe ish-zv.ministrit.
Më tej është Fatbardh Kadilli, ish sekretar i burimebe njerezore në PD, i cili pretendonte të ishte pjesë e lista brenda qarkut të Korçës në PD.
Një emër tjetër është Enno Bozdo, të cilin e shpalli koordinator për energjinë, duke e gënjyer me një post që nuk vlen, pasi nuk e kandidonte dot në Korçë.
Bujar Nishani pritej të ishte në listat si një ish-president, ndonëse duket se Basha e ka lënë jashtë tyre.
Genc Pollo, një nga mbështetësit më të mëdhenj të Lulzim Bashës nuk është pjesë e listës. Po ashtu Gazment Oketa që u bashkua me Lulzim Bashën pritej të ishte pjesë e listës fituese të PD-së, por në fakt nuk është.
Aleksandër Biberaj është një tjetër emër që Basha duhet të kandidonte në Korçë.
Gjithashtu edhe Gert Bogdani nuk duket gjëkundi në listat fituese. Nuk po flasim më tepër për emrat e tjerë por pretendimet e PD-së janë për të marrë 70 mandate.
Disa prej personave të larguar janë emra me peshë në Partinë Demokratike, por mesa duket Lulzim Basha ka zgjedhur t’i hedhë në kosh të plehrave.
Emrat që Basha përjashtoi nga lista:
Florjan Mima
Fatbardh Kadilli
Enno Bozdo
Bujar Nishani
Genc Pollo
Aleksandër Biberaj
Gazment Oketa
Arben Kashahu
Endri Hasa./ CNA.al
Politikë
Zgjedhjet parlamentare/ Partia Demokratike dorëzon listat në KQZ
Partia Demokratike ka depozituar në KQZ listën me kandidatët për zgjedhjet e 25 prillit.
Lista e Tiranës kryesohet nga kreu i PD Lulzim Basha, ndërkohë që janë dhe disa nga figurat kryesore të PD, si Berisha, Tabaku, Vokshi, Shehaj, Duma, nuk mungojnë as emrat e aleatëve.
Fatmir Mediu është renditur i 7-ti, Shpëtim Idrizi i 9-ti, Vangjel Dule i 11-ti, Mesila Doda e 12-ta e cila rikthehet në PD, Dashamir Shehi i 13-ti.
Në Kukës, listat kryesohet nga Flamur Hoxha i ndjekur nga Isuf Çela. Në Gjirokastër lista e kandidatëve kryesohet nga Tritan Shehu, ndërsa i katërti renditeti aleati i PD, Kosta Barka nga radhët e PDBNJ
Xhelal Mziu do të kryesojë listën e Dibrës, i ndjekur nga Kreshnik Çollaku e Dhurata Çupi. Në Berat, PD ka listuar të parin Tomorr Alizotin, ndërsa në Shkodër lista do të kryesohet nga Helidon Bushati, aleati i Bashës, Nard Ndoka është renditur i teti.
Sekretari i përgjithshëm i PD, Gazment Bardhi do të kryesojë listën në Elbasan, e ndjekur nga shkrimtarja e njohur Flutura Açka.
Ish deputeti Enkelejd Alibeaj do të kryesojë qarkun e Fierit, qark në të cilin PD ka vendosur të pozicionojë të pestin në listë nga radhët e PDIU-së Nusret Avdulla, të tetin Eduart Sharkën nga PAA ndjekur nga Shpëtim Axhani i PLL.
Në Korçë PD ka konfirmuar ish deputetin Ervin Salianji duke e renditur të tretin, në listën që kryesohet nga numri dy i demokratëve Edmond Spaho.
Bujar Leskaj, është caktuar sakaq i pari i listës në Vlorë, ndjekur nga zëdhënësja e PD-së, Ina Zhupa, ndërsa i pesti është renditur Gezim Ademaj nga radhët e PDIU, vendi i 10-të i është lënë Lasko Milto Nastit nga PBDNJ.
Qarku i Lezhës, do të kryesohet në këto lista nga ish deputeti Mark Marku, pasuar nga analisti Agron Gjekmarkaj.
Nënkryetari i PD-së, Edi Paloka është caktuar të kryesojë listën në Durrës, ndjekur nga kreu i PA Agron Duka.
