Connect with Us

Lojë shtrigash apo përgjimesh në Mazhorancë

Aktualitet

Lojë shtrigash apo përgjimesh në Mazhorancë

Publikuar

-

Nga Alban Daci

Siç duket problemet nuk kanë të sosur për maxhorancën aktuale e cila duket se është e ndarë në tre pjesë, në Rilindje, Parti Socialiste dhe LSI dhe që të tre kanë vetëm një raport formal më njëra-tjetrën, por mezi pres të fusin në mesin Kalin e Trojës.
Skandali i fundit për çimkën e fundit të gjetur siç pretendohet tek zyra e Tahirit e ka thelluar edhe më tej krizën mes Rilindjes, Partisë Socialiste dhe mbi të gjitha me LSI.
Ky skandal nuk dëshmon vetëm mos funksionimin e shtetit dhe marrëdhënien konfliktuale mes institucioneve alban dacishtetërore që ashtu siç kam thënë rrisin mungesën e transparencës dhe po ashtu rrisin hijen për paligjshmëri, por në të njëjtën kohë tregon një fakt shumë të rëndësi me partnerëve për qeverisje, mes LSI dhe Rilindjes.
Mund të themi kështu, sepse tashmë Partia Socialiste e personalizuar vetëm nga Ben Blushi është jashtë çdo sferë pushtetit e këtë e vërtetojnë edhe mijëra socialistë të ndershëm që edhe pse kanë luftuar beteja politike për Rilindjen e 2013, vazhdojnë të jenë të papunë dhe të dëshpëruar për një Shqipëri që premton gjithnjë e më pak perspektivë për një jetë ndryshe.
Po ashtu, ky skandal dëshmon një të tjetër situatë të hidhur atë të shantazheve që LSI dhe Rilindja po i bëjnë njëra-tjetrës. Ky lloj modeli i kapjes së institucioneve dhe i shantazhimit u duk qartë që tek skandali i Kryetarit të Bashkisë së Peshkopisë dhe është vetëm fillimi, pasi siç duket tashmë Rilindja e LSI janë në një rivalitet të hapur dhe kjo e fundit është forcuar shumë dhe po ashtu po kërkon gjithnjë e më shumë pushtet që përkthehet me zona të reja elektorale dhe me numër të ri votuesish që duket janë gjithnjë e në rritje.
Rritja e LSI kërcënon hapur Rilindjen dhe ekzistencën e saj, përderisa kjo e fundit tashmë është shkëputur krejtësisht nga baza (PS) dhe e ardhmja e saj politike po bëhet gjithnjë e më e zbehtë dhe e pasigurt.
Loja mes LSI e Rilindjes po duket më shumë një lojë shtrigash se sa një lojë përgjimesh dhe sa më shumë u afrohemi ditës së zgjedhjeve aq më e ashpër do të jetë kjo lojë, ku do të prodhojë viktimat e saj si në rastin e Kryetarit të Bashkisë së Peshkopisë. Po ashtu, një përplasje tjetër e hapur duket tashmë mes Ilir Metës dhe Edi Ramës e kjo duket me faktin që është zgjedhur pikërisht Tahiri për vendosjen e çimkës.
Dihet se Tahiri nuk është i preferuari i Metës dhe i Ministrave të tij që prej kohësh e kanë kritikuar hapur dhe sipas burimeve të sigurta disa herë i ka kërkuar Ramës që ta zëvendësoj, por ky i fundit e ka të vështirë për shkak të konfliktit që ka si Rilindas me PS.
Ditët në vazhdim priten të jenë të vështirë tashmë për shumicën e përbërë nga PS, Rilindja e LSI. Dy janë të destinuar të kenë vazhdueshmëri politike dhe premisa për 2017 e këto janë PS dhe LSI, ndërsa Rilindja për shkak të natyrës së saj artificiale sa më shumë afrohen zgjedhjet aq më shumë është e destinuar të zhduket nga skena politike.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

Qytetarët “çmenden” pas Përputhen/ Kikia drejton gishtin nga media: Nuk e ka fajin turma

Publikuar

-

Nga

Padia e Berishës ndaj Blinken/ Kikia: Provë e fortë për drejtësinë

Gazetari Mentor Kikia ka folur për emisionet që kanë tërhequr vëmendjen e audiencës, kur kohët e fundit janë parë qytetarët që të vrapojnë pas ish-konkurentëve të “Përputhen” vetëm e vetëm për të bërë një foto.

Kikia tha se në këto raste nuk do të fajësonte turmën, por median që sipas tij nuk po prodhon kulturë.

Sot nuk prodhohet më kulturë. Shumë qyteta kanë një mungesë teatri, televioznet kanë mungesë emisonesh për fëmijë dhe për këtë do fajësoj median dhe jo turmën”, u shpreh ai në emisionin “Të paekspozuarit” të Ylli Rakipit.

Më tej gazetari deklaroi: “Populli gjithandej është popull. Mes turmës dhe medias do fajësoja median sepse është më e përgjegjshmë mbi atë që i bën turmës dhe mendoj se dhe ata që i prodhojnë këto emisone janë koshientë, por kjo është biznes. Gabimi qëndron te ajo shtresë e shoqërisë që duhet të jetë pararoja e shoqërisë.

Se një 5% është ajo që prodhon kulturën, shkencën pjesa tjetër është popull, këtu është prishur ky ekulibër, nuk kemi një shtresë që të prodhojë këtë. Dhe kështu turren këto turma pas atij personi që kanë parë në televizion. Pse nuk ka kinema, teatër, emisone për fëmijë. Kur duhet që këto mend të bëhen bashkë për një drejtim të caktuar për të bërë një vërejtje të madhe nuk e bëjmë dhe drejtojmë gishtin tek ajo turma që do vazhdojë të rritet”./ CNA.al

LEXO TE PLOTE

Bota

Përfaqësuesi amerikan propozon takim me udhëheqjen e Koresë së Veriut

Publikuar

-

Nga

Përfaqësuesi amerikan propozon takim me udhëheqjen e Koresë së Veriut

Përfaqësuesi amerikan për Korenë e Veriut propozoi të hënën një takim me udhëheqjen e Phenianit “kudo, kurdo dhe pa parakushte” ndërkohë që ende nuk ka pasur kontakte publike mes administratës së Presidentit Biden dhe Koresë së Veriut.

Deklarata e emisarit amerikan, Sung Kim pason komentet që bëri javën e kaluar udhëheqësi koreano-verior Kim Jong Un duke reaguar ndaj një analize të fundit të Uashingtonit mbi qëndrimin amerikan ndaj këtij vendi të izoluar komunist. Udhëheqësi koreano-verior u shpreh se Pheaniani duhet të përgatitet si “për dialog, ashtu edhe për ballafaqim”.

Administrata e Presidentit Biden më parë pat premtuar “një qëndrim praktik, të kalibruar” përfshirë përpjekje diplomatike për të bindur Phenianin të heqë dorë nga programi i armëve bërthamore dhe i raketave balistike.

“Vazhdojmë të ushqejmë shpresa se Koreja e Veriut do t’u përgjigjet pozitivisht orvatjeve tona dhe ofertës për t’u takuar kudo, kurdo dhe pa kushte,” tha përfaqësuesi amerikan Sung Kim gjatë një vizite pesë ditëshe në aleatin e Amerikës, Korenë e Jugut.

Javën e kaluar Kim Jong Un tha se situata ushqimore në Korenë e Veriut është “e tenionuar” duke u rënë këmbanave të alarmit për problemet në sektorin bujqësor që prej vitesh ndesh vështirësi akute për të përmbushur nevojat e këtij vendi të izoluar. Koreja e Veriut ka vetë-imponuar një bllokadë edhe më të rëndë si mbrojtje nga pandemia.

LEXO EDHE:  Nga Alban Daci/ Europa një “Klub i krishtertë”! Ky është problemi?

LEXO EDHE:  Video- Përgjimet për Artan Lamen/ Zbardhen urdhrat që u jepte vartësve për legalizimet: T’i mbajmë varur qytetarët

Sipas televizionit shtetëror të Koresë së Veriut, Kim Jong Un dhe udhëheqës të tjerë kishin diskutuar “masa emergjente” në përgjigje të “krizës aktuale ushqimore”.

Koreja e Veriut këmbëngul se nuk është identifikuar asnjë rast me koronavirus në vend, një pretendim që analistët e vënë në pikëpyetje. Autoritetet e Pheanianit kanë imponuar masa të forta për të mbyllur kufijtë gjë që ka prekur edhe furnizimet jetike nga Kina si dhe ndihma të tjera ndërkombëtare.

Diplomati amerikan Sung Kim u bëri thirrje Kombeve të Bashkuara të zbatojnë plotësisht sanksionet kundër Phenianit, të cilat prekin importimin e naftës dhe eksportin e qymyrgurit, tekstileve, peshkut dhe produkteve të tjera./ VOA

LEXO TE PLOTE

Bota

Kreu i Bundestagut gjerman ofron ndihmesë në zgjidhjen e dialogut Kosovë-Serbi

Publikuar

-

Nga

Në përgatitje të raundit të dytë të bisedimeve mes Kosovës dhe Serbisë, edhe kryetari i parlamentit të Gjermanisë, Wolfgang Schäuble, po përpiqet të japë ndihmesë në arritjen e një marrëveshjeje mes Kosovës dhe Serbisë.

Presidenti i Bundestagut,  Wolfgang Schäuble priti të hënën, më 21 qershor,  homologun e tij kosovar, Glauk Konjufca. Në qendër të bisedimeve në ndërtesën e Rajhstagut në Berlin ishte anëtarësimi i mundshëm i Republikës së Kosovës në BE dhedialogu me Serbinë, thuhet mes të tjerash në një deklaratë të Bundestagut.

“Nisur nga sfidat globale, duhet të arrijmë që ta mbajmë Evropën të qendrueshme dhe këtu hyjnë edhe marrëdhëniet e qendrueshme ndërmjet vendeve të Ballkanit Perëndimor”, tha Schäuble.

Kryetari i Bundestagut u tregua i gatshëm  të japë kontributin e tij për dialogun. “Ne do të jepnin me kënaqësi ndihmesën tonë nëpërmjet  kontakteve midis parlamentarëve, për të mbështetur procesin e normalizimit ndërmjet Kosovës dhe Serbisë”, ka thënë Schäuble, sipas deklaratës së Bundestagut.

Dialogu mes Kosovës dhe Serbisë ka mbetur në vend për momentin, për shkak të çështjes së krijimit të Asociacionit të Komunave me Shumicë Serbe, i cili ka qenë pjesë e marrëveshjeve të mëparshme të dialogut të zhvilluar në Bruksel.

LEXO EDHE:  Ai bën luftë për mua/ Dako tregon kush janë Astriti dhe Niçja e përgjimeve mes bandave

LEXO EDHE:  Kur vdes për të vërtetën/ Nga Alban Daci

Por ngritja e një asociacioni të tillë është hedhur poshtë nga Gjykata Kushtetuese e Kosovës, dhe hidhet poshtë pothuajse nga i gjithë spektri partiak në Kosovë. Kryetari i parlamentit të Kosovës, Glauk Konjufca, i tha Deutsche Welle-s, në një intervistë, se krijimi i një Asociacioni të tillë me kompetenca ekzekutive do të shkatërronte funksionalitetin e shtetit të Kosovës dhe është kësisoj i papranueshëm nga ana e Kosovës.

Temat e tjera në takimin e parë të Konjufcës në Berlin, në cilësinë e kryeparalamentarit, ishte liberalizimi i vizave për qytetarët e Kosovës dhe reformat e planifikuara të sistemit arsimor, në të cilin Kosova dëshiron të orientohet te sistemi i dyfishtë (mësim dhe praktikë) që përdoret në Gjermani. Dy krerët e parlamentit biseduan edhe për pandeminë dhe sfidat e saj.

Nga Bundestagu bëhet e ditur se të premten, më 25 qershor, Wolfgang Schäuble do të presë në selinë e tij në Berlin edhe presidentin e Parlamentit të Serbisë, Ivica Dačić. DW

LEXO TE PLOTE