Connect with Us

Reforma në Drejtësi/ Ilir Meta: Ta votojmë brenda qershorit, i detyrohemi qytetarëve

Aktualitet

Reforma në Drejtësi/ Ilir Meta: Ta votojmë brenda qershorit, i detyrohemi qytetarëve

Publikuar

-

LSI ka mbledhur sot Komitetin Drejtues Kombëtar të saj, ku kreu Ilir Meta ka folur për Reformën në Drejtësi .

Kreu i LSI tha se 20 votat e partisë së tij në parlament do të shkojnë për miratimin e Reformës në Drejtësi.

Ai u shpreh se reforma duhet të miratohet brenda muajit qershor dhe se partitë politike duhet të gjejnë konsensusin për ta miratuar së bashku.

Meta  tha se Reforma në Drejtësi duhet të miratohet edhe si detyrim ndaj qytetarëve.  Ai u shpreh se partitë nuk duhet të bëjnë kalkulime politike me Reformën në Drejtësi.

Ai tha se miratimi i reformës do të godasë krimin dhe korrupsionin në vend.

Fjala e plotë e Kryetarit të LSI-së, z. Ilir Meta në mbledhjen e KDK-së

Dëshiroj të ndaj disa qëndrime për disa nga çështjet më të rëndësishme të aktualitetit politik dhe të perspektivës, ku natyrisht në radhë të parë do të mbetet Reforma në Drejtësi, derisa ajo të miratohet përfundimisht në Kuvendin e Shqipërisë.

Do të doja të ritheksoja edhe njëherë qëndrimin e Lëvizjes Socialiste për Integrim për reformën në drejtësi, i cili ka qenë i qartë në mbështetje të saj që nga fillimi i procesit.

Me këtë rast dua të përshëndes dhe të mbështes plotësisht deklaratën e Komisionerit për Zgjerimin të Bashkimit Europian, z. Hahn , i cili pasi ka vlerësuar punën e rëndësishme që është kryer deri më tani nga ekspertët vendas dhe ndërkombëtarë, punën e bërë nga EURALIUS, OPDAT dhe nga Komisioni i Venecias, kërkon dhe nxit gjithë klasën politike shqiptare që të përfundojë edhe kilometrin fundit, që natyrisht është edhe më i rëndësishmi për miratimin në Parlament në ditët e ardhshme dhe në javët e ardhshme të paketës kushtetuese për reformën në drejtësi.

Në këtë drejtim, unë dëshiroj që të theksoj se miratimi i shpejtë i saj dhe njëkohësisht edhe angazhimi për zbatimin e plotë dhe efektiv dhe të shpejtë të kësaj reforme, mbeten prioriteti ynë më i rëndësishëm.

Për këtë qëllim, angazhimi dhe vullneti i Lëvizjes Socialiste për Integrim dhe i grupit të saj parlamentar janë të palëkundur dhe janë në vijën e parë të miratimit, jo të vonimit, jo të preteksteve, jo të vonesave dhe jo të kalkulimeve partiake politike apo elektorale, sepse Lëvizja Socialiste për Integrim mendon dhe beson që miratimi i kësaj reforme është një detyrë kombëtare.

Është një përgjegjësi e jashtëzakonshme që duhet përmbushur me shpejtësi në radhë të parë për interesin e qytetarëve tanë, për interesin e forcimit të ligjit në vend dhe të rritjes të besimit tek shteti ligjor, tek drejtësia dhe tek institucionet, për të goditur në mënyrë të vendosur dhe dërrmuese korrupsionin dhe krimin e organizuar që janë një shqetësim mjaft serioz për qytetarët tanë, për shërbimet që ata duhet të marrin, por njëkohësisht edhe një pengesë mjaft serioze për zhvillimin më të shpejtë të vendit dhe për vetë procesin e integrimit europian.

Mesazhi i Komisionerit Hahn besoj se ishte shumë i qartë dhe ishte dhe shumë dashamirës, ishte edhe pak sportiv që të kuptohet më thjeshtë nga të gjithë qytetarët shqiptarë në prag të Kampionatit Europian të futbollit, pra që Shqipëria të mos mbetet vetëm në fazën e grupeve, por të kalojë më tej.

Dhe kjo do të thotë që nuk mund të ketë një rekomandim dhe një hap tjetër përpara të Shqipërisë drejt çeljes së negociatave për anëtarësim në rast se kjo reformë nuk miratohet dhe nuk miratohet tani.

LEXO EDHE:  Tubimi i Metës/ Spiropali: BesëLikja është klithmë e zullumit të së shkuarës

Ne mbajmë përgjegjësi në radhë të parë për Lëvizjen Socialiste për Integrim, për të gjithë ata që kanë votuar për ne dhe që besojnë tek ne dhe që janë shumë më të shumtë se sa tre vite më parë.

Por natyrisht që mbajmë përgjegjësi edhe ndaj të gjithë qytetarëve shqiptarë të cilët në një shumicë dërrmuese e kërkojnë këtë reformë.

Prandaj edhe unë theksoj se 20 votat e Lëvizjes Socialiste për Integrim, nuk janë vetëm nga sot për këtë reformë.

Ato janë në mbështetje të reformës prej javësh, që kur misionet e EURALIUS dhe OPDAT dorëzuan në Komisionin e Posaçëm Parlamentar për reformën në drejtësi, opinionet e tyre për ato çështje të cilat nuk ishin specifikuar në mënyrë përfundimtare nga Komisioni i Venecias, i cili gjithashtu bëri një punë të shkëlqyer.

Ndaj, shpresojmë, sikurse thekson edhe Komisioneri Hahn, që të gjitha forcat politike dhe palët politike të miratojnë këtë reformë.

Për LSI, certifikimi i kësaj reforme nga Komisioni i Venecias dhe nga EURALIUS dhe OPDAT është i mjaftueshëm që të marrë të gjitha votat tona , por pse jo, të të gjithë deputetëve në Kuvendin e Shqipërisë, sepse kemi të bëjmë me institucione ndërkombëtare që nuk janë pjesë e interesave politike dhe partiake në vendin tonë.

Është një pengesë e madhe mosbesimi që ekziston midis palëve, shqetësimi për përdorimin e drejtësisë deri më tani apo të institucioneve që do të krijohen, për qëllime partiake.

Unë besoj se standardet që ofron Komisioni i Venecias dhe standardet që ofrojnë zgjidhjet e propozuara edhe nga EURALIUS-i e ODPAT-i janë tërësisht të besueshme për t’i dhënë jetë kësaj reforme në parlament mundësisht brenda muajit qershorit, sepse çdo vonesë tjetër do të ishte mjaft e kushtueshme për rrugëtimin e mëtejshëm të vendit tonë drejt Bashkimit evropian.

Ndaj edhe njëherë tjetër e nënvizoj vendosmërinë e Lëvizjes Socialiste për Integrim për të votuar këtë reformë sipas standardeve të Komisionit të Venecias sipas zgjidhjeve që janë dhënë nga EURALIUS dhe OPDAT- që tani.

Njëkohësisht shpreh bindjen edhe tuajën se reforma në drejtësi përveçse do të hapë një faqe të re në luftën kundër korrupsionit dhe krimit të organizuar dhe papërgjegjshmërisë në ushtrimin e detyrave dhe funksioneve publike, pa asnjë diskutim që do të krijojë kushte shumë më të mira për zhvillimin ekonomik të vendit dhe do të përmirësojë ndjeshëm klimën e biznesit që është vendimtare për mirëqenien e çdo qytetari shqiptar për të hapur vende të reja pune dhe për të luftuar varfërinë.

Sigurisht që reforma në drejtësi vjen pas miratimit të legjislacionit për dekriminalizimin i cili ka dhënë efektet e para dhe për të cilin qëndrimi i Lëvizjes Socialiste për Integrim ka qenë dhe mbetet i prerë dhe i qartë për zbatimin e plotë, të thellë, dhe pa asnjë ekuivok të këtij legjislacioni ndaj cilitdo, cilido qoftë në LSI, apo në forcat e tjera politike dhe kudo. Elementë me rekorde kriminale nuk kanë vend në zyrat dhe postet publike.

Shqipëria meriton të hyjë në një fazë të re të standardeve të integritetit të përfaqësuesve publik.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Basha justifikohet për vilat/ Kam hyrë i pasur në politikë!

Publikuar

-

Nga

Basha justifikohet për vilat/ Kam hyrë i pasur në politikë

Kreu i PD-së, Lulzim Basha ka mohuar sonte në “Syri Tv” vilat që posedon, ndonëse CNA.al, i ka publikuar vazhdimisht me fakte dhe prova.

Përballë gazetarëve, Basha u pyet, si qëndron e vëerteta e tre vilave? Por Basha u justifikua duke thënë se ka hyrë i pasur në poltikë dhe çdo pasuri e tij është e deklaruar.

“Jo nuk kam tre, kam katër, pesë, gjashtë!  Nga dita që kam hyrë në politikë, çdo pronë e imja është transparente. Çdo qindarkë e imja është e deklaruar. Kundërshtarët e kanë përdorur me cinizmë dhe ligësi.

Unë nuk kam hyrë si njeri i varfër në politikë, ama edhe ato që posedoj i kam vënë në mënyrë transparente, me dokumente të institucioneve ndërkombëtare ku kam punuar dhe të vendeve ku ka punuar ime shoqe.

Me këto i kemi lejuar vetes një stil jete shumë të mirë. E gjithë pjesa tjetër janë gënjeshtra të pastra, haptas fare.

Nuk kam asnjë vilë nga ato që thonë. Janë të gjitha genjeshtra.

Aty ku jetoj jam me qira, dhe kontratën e qiras e ka Edi Rama tek Tatimet, por nuk preferon ta bëjë publike.”/CNA.al

 

LEXO TE PLOTE

Politikë

PD vijon akuzat ndaj qeverisë/ 3 nga 4 lote i janë dhënë firmës së drejtuar nga kryebashkiaku socialist

Publikuar

-

Nga

Shefi i kabinetit të Lulzim Bashës në PD, Dorian Teliti ka vijuar me akuzat ndaj qeverisë në procesin e tenderimit të loteve që përfshin procesi i rindërtimit.

Teliti tha në “Real Story” se nga 4 lote që janë tenderuar në muajin shtator, 3 prej këtyre loteve i janë dhënë firmës së drejtuar nga një kryebashkiak i PS, por pa përmendur emra.

“4 lote që kanë tenderuar në shtator 3 prej këtyre loteve ia kanë dhënë firmës së drejtuar nga një kryebashkiak i PS”, tha Teliti./CNA.al

LEXO TE PLOTE

Politikë

“Jam njeri me rekorde publike”/ Basha në delir: Punoj 15 orë në ditë

Publikuar

-

Nga

“Jam njeri me rekorde publike”/ Basha në delir: Punoj 15 orë në ditë

Kreu i opozitës Lulzim Basha, është i ftuar mbrëmjen e sotmë në “Syri tv”, ku nuk i ka kursyer lavdet për veten e tij.

Teksa u bërball me faktet që njihet ndryshe si kryetari i opozitës që ka qëndruar më shumë në zyrë dhe pak në terren, Basha u hodh në vetëmbrojtje duke thënë se punon 15 orë në dië, dhe qëndron 4-5 ditë në javë larg familjes nga përkushtimi për punën.

Unë jam njeri që kam rekorde publike. Ato punë që kam bërë kanë lënë një gjurmë.

Rekordet e mia janë publike, nga dita e parë në politike dëri më sot.

Publike janë dhe rekordet e Ramës. 119 ditë nuk ka qenë në mbledhje qeverie. 1/3 e vitit kryeministri nuk ka qenë në punë. Puna e tij është instagram dhe facebook, propagandë e pastër. Është tuittet, fotografi, montazh.

Ata që e njohin qeverisjen e dijnë që të bësh të mundur një plan kombëtar transporti  dhe të bësh të mundrr ndërtimin e saj brenda dy viteve siç ishte rruga e Kombit, nuk bëhet pa punuar minimalisht 15-18 orë në ditë.

Në momentin që je futur në politikë me përkushtim, ti je i detyruar të sakrifikosh gjithçka. Kohën personale, jetën personale dhe familjen. Kaloj ndonjëherë 4-5 dit pa i parë fëmijët në shtëpi për shkak të orareve të mia.”/CNA.al

 

LEXO TE PLOTE