LEXO PA REKLAMA!

SHKARKO APP

‘Home Sweet Home’ me premierë botërore në Karlovy Vary

31 Maj 2016, 15:45, Kulturë CNA

Festivali i njohur i filmit Karlovy Vary ka shpallur listën e filmave që do të shfaqen në edicionin e 51-të të këtij festivali, ku merr pjesë edhe filmi kosovar ?Home Sweet Home? me skenar nga Zymber Kelmendi dhe regji nga Faton Bajraktari. Filmi do të shfaqet premierë në Karlovy Vary në korrik të këtij viti.

?Home Sweet Home? flet për Kosovën e pasluftës dhe për historinë e Agronit i cili për disa vite ka qenë i zhdukur dhe pasi kthehet në shtëpi, ai përballet me rrethin, të cilët, emrin e tij e kanë përdorur për përfitime personale. Në rolet kryesore luajnë Donat Qosja, Arta Muçaj, Shkumbin Istrefi etj.

Ky film me regjisor debutant Faton Bajraktari dhe me skenarist Zymber Kelmendi dhe producent Trim Musliu do të jetë në konkurrencën zyrtare ku garojnë për çmimin e parë në kategorinë East of the West.

Filmat kosovarë këto vitet e fundit kanë qenë shumë të pranishëm në këtë festival prestigjoz duke cekur çmimet që filmi ?Babai? nga Visar Morina fitoi vitin e kaluar e gjithashtu edhe premierat e filmit ?Bota? nga Iris Elezi dhe Thomas Logoreci si dhe filmit ?Krom? nga Bujar Alimani.

?Home Sweet Home? është mbështetur nga Qendra Kinematografike e Kosovës dhe nga Agjencia e Filmit në Maqedoni dhe pas premierës pritet të shfaqet në festivale të shumta./ATA

Lajmet e fundit nga