Connect with Us

Galdini: Pa zgjedhje të lira dhe të ndershme, Reforma në Drejtesi mbetet letër bakalli

Aktualitet

Galdini: Pa zgjedhje të lira dhe të ndershme, Reforma në Drejtesi mbetet letër bakalli

Publikuar

-

Ne mbledhjen e Kryesise se LDE – Partia per Liri, Demokraci dhe Etike, diten e sotme u raportua nga Kryetari i LDE Arian Galdini mbi rezultatet e vizites zyrtare qe ai zhvilloi ne Prishtine.

“Tirana Politike dhe Prishtina Politike duhet te jene njemendesisht dhe nje veprimesisht te kordinuara. Ka kaluar koha e paternalizmave. Por kordinimi eshte domosdoshmeri. LDE pati nje axhende zyrtare te nivelit te larte ne Prishtine dhe ne te gjitha takimet me Drejtuesit Kryesore politike te Partive ne Pushtet dhe atyre ne Opozite, u fol per nje fryme te re kordinimit dhe bashkerendimit te ngushte mes faktorit politik shqiptar ne Tirane, Prishtine, Tetove, Mal te Zi dhe ne Luginen e Presheves. Shqiperia ka bere shume mire qe ka mbeshtetur Anetaresimin ne NATO te Malit te Zi, por duhet qe me po te njejten logjike ti propozoje dhe kerkoje Aleances Euroatlantike edhe kosniderimin e fteses per Anetaresim ne NATO te Kosoves. Kosova eshte NATO dhe eshte BE.”

Gjithashtu Kryetari i LDE Arian Galdini i beri me dije Kryesise se kesaj Partie mbi negociatat qe ai dhe Sekretari i Pergjithshem i LDE Elidon Laze kane zhvilluar me Krere dhe Aktore e Faktore te rendesishem te Partive Kryesore politike ne Shqiperi por edhe me Ambasadore e perfaqesues te Trupit Diplomatik Perendimor, lidhur me bashkepunimit apo Koalicionin e mundshem te LDE me Parti te tjera.

Galdini tha se :”LDE eshte Parti Opozitare dhe thelbesisht Parti proeuratlantike. Ne jemi Parti e qytetareve te thjeshte, te rregullt dhe te paperlyer. Jemi Parti e udhes se gjate, e jo Parti e romances se nje stine politike. Do te bashkepunojme dhe bejme Koalicion,me ate force politike qe perputhet me Proeuroatlantizmin tone, me parimet tona, me identitetin tone si Parti e te thjeshteve e te mireve. Do te bashkepunojme dhe bejme Koalicion, jo per te mare ngjyren e Koalicionit, por per ti dhene driten tone cdo Partie a Koalicioni me te cilet do te perfshihemi ne Projekt te Perbashket politik. Si Parti Proeuroatlantike ne do te ndikojme fort qe Reforma ne Drejtesi te behet sa me pare ne shenje mbeshtetjeje dhe respektimi te kerkeses dhe thirrjes se vazhdueshme qe na kane bere parreshtur SHBA dhe BE.

Si parti e qytetareve te thjeshte dhe te merituar, ne do te ndikojme sa ma forte qe Reforma Zgjedhore te konsiderohet si prioritet mbi prioritetet per te miren e qytetareve shqiptare. Vetem vota e lire dhe e ndershme, e drejte dhe e barabarte mund tu jape fuqine qytetareve shqiptare qe te ndryshojne sistemin. Pa zgjedhje te lira e te ndershme, qytetaret shqiptare mbeten plotesisht jashte cdo procesi dhe Reforma ne Drejtesi, edhe nese votohet sot, mbetet leter bakalli. Ne dhe Opozita duhet te kerkojme vetem nje gje se bashku: Zgjedhje te Lira, te ndershme, te drejta dhe te barabarta. Perndryshe, ne nuk i meritojme qytetaret tane, e ata nuk kane pse te na besojne me neve.”

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: