LEXO PA REKLAMA!

SHKARKO APP

Lirimi nga burgu i Domart Konjarit/ Manjani ndjesë publike Francës

18 Mars 2016, 20:04, Aktualitet CNA

Ministri i Drejtësisë, Ylli Manjani përmes një reagimi i ka kërkuar ndjesë shtetit francez lidhur me lirimin nga burgu të Domart Konjarit, i dënuar nga autoritetet franceze për pjesëmarrje në organizatë kriminale dhe trafik droge. Ky reagim vjen pas letrës së ambasadorit të Francës, i cili u shpreh i shqetësuar për këtë vendim të gjykatës.

Ja reagimi i Ministrit të Drejtësisë Ylli Manjani

?Kërkoj një ndjesë publike pavarësisht që nuk më takon mua në kuptimin ligjor, por sidoqoftë ndjesën duhet të tregojmë si shtet, si komb si shoqëri, të cilën kemi ende luksin të diskutojmë vlefshmërinë, juridiksionin apo legjitimitetin e gjykatave franceze, të cilat janë gjykata në kuptimin e besueshmërisë dhe funksionimit, gjykata me super standard. Do të bëjmë gjithçka që kemi në dorë. Kam biseduar me Ministrin e Brendshëm, me autoritetet e Policisë së Shtetit, me Prokurorin e Përgjithshëm, për të gjetur të gjithë zgjidhjen e nevojshme që të vendoset në vend ajo gafë që unë besoj se ka ndodhur në kuptimin substancial në Gjykatën e Krimeve të Rënda të Apelit. Patjetër që është detyra ime të inspektojë për çdo gjë. E kam thënë dhe kam vullnet të fort që të inspektoj çdo çështje e cila shfaqet si shqetësim në opinionin publik, ashtu siç shfaqet edhe si shqetësim i bashkëpunimit në qeveritë partnere. Ministri i Drejtësisë është autoritet ligjor ekskluziv që rregullon marrëdhëniet juridiksionale, merret me këtë marrëdhënie me qeveritë e vendeve të tjera?.

Lajmet e fundit nga