Connect with Us

Vazhdojnë votimet paraprake në Shtetet e Bashkuara

Bota

Vazhdojnë votimet paraprake në Shtetet e Bashkuara

Publikuar

-

Gjatë kësaj fundjave, votuesit në pesë shtete amerikane dhe në Porto Riko do të votojnë për kandidatët për president në votime paraprake brenda partive politike. Kandidatët kryesues, Donald Trump i Partisë Republikane dhe Hillary Clinton e Partisë Demokrate, do të mundohen të rrisin avantazhin e arritur gjatë votimeve të super të martës.

Ka qenë një javë përçarëse për Partinë Republikane, me të tre kandidatët kryesues që u përfshinë në sulme personale të ndërsjellta gjatë një debati të drejtpërdrejtë televiziv. Edhe pas debatit, Donald Trump vazhdon të jetë objektivi kryesor i sulmeve nga brenda Partisë Republikane dhe madje edhe nga ish-kandidatë presidencialë si Mitt Romney.

“U shfaq edhe Romney tani. Është e pabesueshme urrejtja dhe xhelozia që ai ka. Megjithatë, ju mund të mundoheni ta pëlqeni…”,  u tha mbështetësve të tij Donald Trump.

Zoti Trump anulloi dje pjesëmarrjen në një aktivitet të rëndësishëm politik të konservatorëve pranë Uashingtonit, duke preferuar që të mbante një tubim fushate në Kansas ku mbahen votimet paraprake. Por, rivali i tij Ted Cruz mori pjesë duke u munduar t’i marrë sa më shumë votues.

LEXO EDHE:  Hamza bin Ladeni dyshohet se është vrarë

“E kemi mundur Donald Trump në pesë shtete dhe do të vazhdojmë të konkurrojmë me energji duke i bashkuar sa më shumë republikanët,” tha zoti Cruz.

Por, do të jetë e vështirë për kandidatët e tjerë të rifitojnë terrenin e humbur në klimën e krijuar. Njëri prej tyre, neurokirurgu në pension, Ben Carson njoftoi në të njëjtën konference dje, se po dilte nga gara presidenciale.

“Republikanët filluan të ofendojnë së tepërmi njëri-tjetrin, por ofendimi më i madh ishte ndaj popullit amerikan. Ekonomia, e cila duhet të jetë tematika parësore e çdo kandidati për president, mbeti në fund të listës. Arsyeja është sepse të gjithë kandidatët republikanë mbështesin të njëjtat politika të dështuara,”  u shpreh Hillary Clinton.

Vetë zonja Clinton do të vazhdojë përballjen me Bernie Sanders gjatë këtyre ditëve.

Sot dhe nesër do të votohet në shtetet Kansas, Louisiana, Nebraska, Kentucky, Maine, si dhe në territorin amerikan Puerto Rico./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Certifikimi i listave në Kosovë/ Maliqi: KQZ është futur në krizë nga presionet

Publikuar

-

Nga

Certifikimi i listave në Kosovë/ Maliqi: KQZ është futur në krizë nga presionet

Zyra për Regjistrimin e Partive Politike dhe Certifikim brenda Komisionit Qendror të Zgjedhjeve ka njoftuar nga 47 kandidatët që janë të dënuar me vendim të plotfuqishëm të gjykatës, 26 janë tërhequr nga subjektet politike.

Drejtori i kësaj zyre, Yll Buleshkaj, ka njoftuar se Lëvizja Vetëvendosje, AAK dhe Nisma janë në mesin e subjekteve që nuk i kanë zëvendësuar kandidatët, kurse LDK, PDK, Lista Serbe dhe Partia Rome e Bashkuar i kanë zëvendësuar këta kandidatë.

Në Komisionin Qendror të Zgjedhjeve ka pasur sot diskutime të ashpra mes anëtarëve çka ka bërë që mbledhja të shtyhet për disa orë.

Ajo që mbetet e paqartë është fakti nëse kreu i VV-së, Albin Kurti do të lejohet ose jo të kandidojë për deputet. Analisti Agon Maliqi tha në Euronews Albania se situata e certifikimit të listave të kandidatëve për deputetë është e paqartë.

LEXO EDHE:  Anketat/ Donald Trump në rënie?

LEXO EDHE:  Alarm per pjesemarrjen e ulet ne votime, partite sms qytetareve

Sipas tij, Komisionin Qendror i Zgjedhjeve është futur në një krizë të thellë ligjore për shkak të presioneve politike.

“Situata është mjaft e paqartë edhe për ne këtu, që i ndjekim rrethanat. Akoma vazhdon seanca e KQZ, dhe diskutimi është mbi rregullore të brendshme. Mirëpo, ajo që është e qartë është se KQZ është futur në një krizë të thellë ligjore për shkak të presioneve të ndryshme politike”, tha ai.

LEXO TE PLOTE

Kosova & Rajoni

Bilanci në Maqedoninë e Veriut/ Qindra të infektuar dhe 14 viktima

Publikuar

-

Nga

Bilanci në Maqedoninë e Veriut/ 31 viktima në 24 orët e fundit

Maqedonia e Veriut ka kryer 1 854 testime për Covid-19 në 24 orët e fundit, nga të cilat 307 persona kanë rezultuar pozitivë.

Instituti i Shëndetit Publik në shtetin fqinj ka njoftuar se janë shëruar 658 pacientë, ndërsa numri i viktimave mbetet ende i lartë.

Vetëm sot në Maqedoninë e Veriut kanë humbur jetën 14 pacientë, duke e çuar numrin e fataliteteve në total në 2 768.

LEXO EDHE:  ShBA ndërton bombë elektromagnetike

LEXO EDHE:  Rritja e infektimeve me Covid/ SHBA rikthen masat kufizuese

Numri i të infektuarve që nga fillimi i pandemisë ka arritur në 90 124, ndërsa numri i rasteve aktive në vend është 11 311./ CNA.al

LEXO TE PLOTE

Bota

Situata nga Covid/ A do t’i mbyllin sërish kufijtë vendet e BE-së?

Publikuar

-

Nga

A do t’i mbyllin sërish kufijtë vendet e BE-së?

Në një video-samit krerët e vendeve të BE-së u konsultuan lidhur me krizën e koronavirusit dhe koordinimin e masave për menaxhimin e saj. Në takim merrte pjesë edhe kancelarja Merkel. Parimisht u pranua ideja për aplikimin e një certifikate vaksinimi. Presidenti i Këshillit Europian, Charles Michel, që drejtoi video- konferencën të enjten (21.01), tha se megjithatë BE mbetet e „rezervuar” sa u përket avantazheve që mund të mundësohen nga certifikata e vaksinimit lidhur me udhëtimin. Udhëheqësit e BE-së  e diskutuan idenë e përdorimit të certifikatave të vaksinës si një formë pasaporte udhëtimi, por propozimi është ende në fazat e tij të hershme. Gjatë muajve të ardhshëm mund të vendoset konkretisht nëse ky dokument do ta lehtësojë lëvizjen e lirë në kushtet e pandemisë.

Presidentja e Komisionit të BE-së, Ursula von der Leyen, tha pas samitit, se për shkak të mutacionit të virusit janë të nevojshme më shumë testime, edhe ndaj variantit të ri që me gjasë është edhe më ngjitës. Synimi i samitit ishte diskutimi për koordinimin e reagimit ndaj pandemisë, duke përfshirë rregullore më të ashpra udhëtimesh dhe shpërndarje masive të vaksinave.

Takimi i nivelit të lartë lidhej me “çështje shumë praktike”, si për shembull si mund të testohen dhjetëra mijëra udhëtarë dhe si të parandalohet transmetueshmëria e infeksionit nga një kufi në tjetrin.

Ursula von der Leyen dhe Charles Michel

Gjithësesi çështja e ndalimit të udhëtimeve, sikurse kishte propozuar Belgjika, mbetet në dorë të vendeve, tha von der Leyen. Megjithatë tërhiqet vëmendja që të shmangen udhëtimet jo domosdoshmërisht të nevojshme. Raundi i krerëve të vendeve anëtare të BE-së ishte dakord, që tregu i brendshëm e kësisoj qarkullimi i mallrave të mbahet sa më mirë të jetë e mundur në funksionim. Lidhur me furnizimin me vaksina von der Leyen u shpreh optimiste, që BE-ja do të sigurojë mjaftueshëm vaksina për popullsinë e BE-së. Eshtë në interesin e vet BE-së që vaksina sa më shpejt të jetë e mundur të ndahet edhe me rajonet e tjera të botës, u shpreh ajo.

Politikanët në Gjermani kundër mbylljes së kufijve

Shefi i stafit të kancelares Angela Merkel tha, se Gjermania mund t’i mbyllë kufijtë e saj nëse shtetet dështojnë të kontrollojnë menaxhimin e koronavirusit. Paralajmërimi erdhi pak përpara samitit të BE-së mbi pandeminë, i cili u përqendrua tek variantet e reja të COVID.

Helge Braun i tha televizionit publik ARD, se Gjermania duhet të marrë masa për të parandaluar shpërthimin e infeksionit, në mënyrë që vendet të mund të mbrojnë veten nga variantet e reja dhe më të transmetueshme të virusit. “Rreziku qëndron në faktin se kur infeksionet në një shtet rriten, atëherë ky mutacion shndërrohet thuajse në variantin e shumicës, e më pas nuk mund të mbahet nën kontroll,” tha ai. “Si pasojë, rregulla akoma më të rrepta janë të pashmangshme për kufijtë. Dhe duke qenë se asnjë s’do ta donte këtë, është e rëndësishme që të veprojmë sëbashku,”shtoi ai. Braun i tha të mërkurën (20.01) Deutsche Welle-s se mbyllja e kufijve në Europë do të ishte “zgjidhja më e keqe” por ndoshta më “e pashmangshmja”, pa një marrëveshje të përbashkët europiane.

Ai tha se kontrolli i zinxhirit të mutacionit të ri duhet të jetë prioriteti kryesor për Bashkimin Europian dhe u bëri thirrje anëtarëve të veprojnë në mënyrë të sinkronizuar për të ndaluar përhapjen e këtij mutacioni sa më shumë që të jetë e mundur.

LEXO EDHE:  Rritja e infektimeve me Covid/ SHBA rikthen masat kufizuese

LEXO EDHE:  Trump nuk “dorëzohet”: Biden nuk duhet të pretendojë presidencën!

Ministri i Jashtëm gjerman Heiko Mass u deklarua kundër kontrollit të kufijve.  “Mendoj se duhet të bëjmë gjithçka mundemi për të parandaluar që kjo të ndodhë sërish” – u shpreh për ARD ministri Mass. “Të parandalojmë kontrollin kufitar dhe radhë në kufij që shkojnë deri në 50 kilometër.”

Franziska Brantner, zëdhënësja e Partisë së Gjelbër, i tha agjencisë franceze të lajmeve AFP se vendet anëtare duhet të përqendrohen në vendosjen e rregullave të përbashkëta për udhëtimet. “Kontrolli i kufijve nuk është zgjidhje, por vetëm sa ndërlikon më shumë situatën në pikat kufitare,” tha ajo. Vendet e BE-së duhet të adresojnë bashkërisht prodhimin e vaksinës kundër COVID, në mënyrë që të arrijnë nivelin e synuar të vaksinimit prej 70%, deri në verë” shtoi ajo.

Braun tha se ndihej i sigurt se “me ardhjen e pranverës dhe vaksinat, ne do të kthehemi në normalitet dhe se nuk do të ketë më probleme – të paktën jo nga një mutacion viral ngjitës – i cili më pas do të jetë edhe më i vështirë për t’u kontrolluar”.

Qendra Europiane për Parandalimin dhe Kontrollin e Sëmundjeve raportoi të enjten (21.01) të dhënat 14-ditore të rasteve të reja të raportuara të COVID-19, për 100 mijë banorë.  Shifrat e fundit treguan se Gjermania raportoi një normë infeksioni prej 319.4.

Vendet e tjera të BE-së regjistruan normat si më poshtë: Austri 299.6; Belgjikë 248.3; Danimarkë 364.9; Francë 380.9; Greqi 79.3; Itali 374.1; Hollandë 555.4; Spanjë 804.5; dhe; Suedi 669. Ndërkohë, Britania e Madhe raportoi një normë prej 1112.1./DW

LEXO TE PLOTE