Aktualitet
Studio e Alban Eftimit përfitoi 1.87 miliardë lekë nga qeveria
Kur përmenden studiot e arkitekturës në Shqipëri të cilat kanë përfituar më së shumti nga qeveria, padyshim që Atelier 4 ,është një nga më të preferuarat e “Rilindjes”. Kjo studio, ka marrë përsipër të projektojë ndërtimin e këndit të lojërave në brendësi të Parkut të Liqenit Artificial në Tiranë, e bërë publike vetëm disa ditë më parë nga bashkia dhe kryetari i saj Erion Veliaj.
Kjo studio arkitekture e drejtuar nga Alban Eftimi ish-Drejtor ne Bashkine Tirane kur kjo drejtohej nga Edi Rama. Ai ka fituar pothuajse cdo konkurs të hapur për planet rregulluese të shpallura nga qeveria. Atelier 4 duket se është e preferuara e qeverisë dhe tashmë po kthehet edhe në të preferuarën e Bashkisë së Tiranës, duke mos i lënë asnjë shpresë studiove të tjera konkurente.
Pas një hulumtimi që citynews bëri lidhur me planet fituese të Atelier 4, rezultoi se në dy vite, 2014-2015, kjo kompani është shpallur të paktën 15 herë në hartimin e planeve rregulluesve të ndryshme. Vlera në total e këtyre planeve të realizuara nga kompania e Alban Eftimit ka shifrën e 1.2 miliardë lekë, pa llogaritur këtu planet e rregullimit për stadiumet “Elbasan Arena” dhe “Loro Boriçi” si dhe këndin e lojërave tek liqeni. Një ndër projektet e përfituara nga Atelier 4, e cila kap një shifër marramendëse prej 550 milionë lekësh është ndërtimin e “Spitalit te ri Rajonal Fier ”. Keto jane ato qe ne mundem te siguronim ne kerkimet tona, pra mund te kete me dhjetra te tjera projekte qe nuk jane pjese e ketij shkrimi. Më poshtë ndodhet dokumentacioni i planeve të hartuara nga studio Atelier 4/citynews
Kronika
I vuri zjarrin Drejtorisë Arsimore në Fier/ Arrestohet 33-vjeçari
Policia ka mundur të identifikojë dhe arrestojë autorin, i cili i vuri zjarrin zyrës së Drejtorisë Arsimore në Fier pasditen e sotme.
Bëhet fjalë për shtetasin Indrit Alushaj, 33 vjeç, banues në Fier, i cili për motive të dobëta i vuri zjarrin katit të dytë të DAR Fier duke e spërkatur fillimisht me lëndë djegëse (benzinë).
Burime zyrtare bënë me dijet se zjarri ka rënë rreth orës 15:10, në katin e dytë të ndërtesës.
Politikë
‘Duro Edi, duro…’/ Kryemadhi paralajmëron Ramën: Ato letrat do të hedhin përtokë
Kryetarja e LSI, Monika Kryemadhi i është kundërpërgjigjur kryeministrit Rama i cili më herët nxorri një video duke lexuar filxhanin.
Në një postim në rrjetet sociale Kryemadhi i drejtohet kryeministrit që të bëjë durim sepse shumë shpejt do të nxjerrë fakte që sipas saj do e “fundosin”.
“Duro Edi, duro…. se ato letrat në tokë do të hedhin përtokë. Ke miratuar një vendim qeverie me kosto 400 milionë euro për taksat e shqiptarëve, duke pasur edhe ministrat tuaj kundër. Sa për E(rionin) dhe L(efterin), kokën hëngshi se i more vetë në qafë…Prit se s’ke parë akoma serinë e radhës…”
Politikë
“Janë plotësuar kushtet”/ Raporti i PE për Shqipërinë, kërkon të korrigjohet deklarata
Raporteri për Shqipërinë në PE, David Lega kërkon korrigjimin e njoftimit zyrtar të Parlamentit Europian, i cili citonte se ky i fundit rekomandon nisjen e negociatave.
Përmes një postimi në Twitter, Lega shkruan se njoftimi nuk përmbante një pjesë thelbësore, “pasi të përmbushi të gjitha kushtet e vendosura nga Këshilli Europian”.
“Në njoftimin për shtyp të PE-së mbi raportin për Shqipërinë thuhet se ne mbështesim mbajtjen e konferëncës ndërqeveritare sa më parë dhe fillimin e negociatave të pranimit pa vonesa të mëtejshme. POR harron të përmendë “… duke ndjekur përmbushjen e plotë të kushteve të vendosura nga Këshilli i Europian. Ky është një gabim faktik, shumë i rëndësishëm pasi kushtëzimi është jetik në këtë kontekst. Njoftimi për shtyp do të plotësohet me kërkesën time.” shkruan Lega./CNA.al
