Connect with Us

Kosove, thellohet kriza politike, ne dyshim seanca e te enjtes

Kosova & Rajoni

Kosove, thellohet kriza politike, ne dyshim seanca e te enjtes

Publikuar

-

Subjektet politike, që përbëjnë shumicën parlamentare në Kosovë, shpresojnë që të enjten do të mund të vazhdojnë punimet e seancës plenare, pavarësisht nga qëndrimi i opozitës. Nga ana tjetër, duket se kriza sa vjen e thellohet.

Kryesia e Kuvendit vijoi punën këtë të hënë pa praninë e anëtarëve opozitarë, të cilët qëndrimet e tyre i shprehën përmes një konference për mediat. Kryetari i Kuvendit, Kadri Veseli, duke mos komentuar fare bojkotin e opozitës, propozoi fillimisht shtyrjen e seancës për të premten, pasi shumë deputetë kanë shprehur interesim ta ndjekin nga afër ndeshjen Shqipëri-Serbi.

Për seancën parlamentare, e cila u caktua gjithsesi të mbahet të enjten, shefi i grupit parlamentar fton opozitën, që të pranojë ftesën për debat në Kuvend.

“Ne po i bëjmë thirrje opozitës të vijë në Parlament, e t’i dëgjojmë këtu qëndrimet e të gjitha grupeve parlamentare”, tha Adem Grabovci.

Tri subjektet opozitare, ndërkaq, vazhdojnë rrugën e tyre në kundërshtim të ideve që vijnë nga qeveria. Për AAK-në, Lëvizjen Vetëvendosje dhe Nismën për Kosovën nuk ka rrugë tjetër, përveç kthimit mbrapsht të marrëveshjeve – siç thotë deputetja e AAK-së, Donika Kadaj Bujupi, – apo tërheqja e nënshkrimit, siç është qëndrimi i prerë i Lëvizjes Vetëvendosje.

LEXO EDHE:  S’ka BE për Serbinë me çështje të hapura rreth Kosovës

“Ne mendojmë se ka vetëm një zgjidhje sa u përket marrëveshjeve. Dhe ajo është, që Isa Mustafa të tërheqë nënshkrimin dhe të rimendojë pozicionin e tij karshi faljes së 8200 hektarëve, që i ka bërë Malit të Zi me demarkacionin”, tha Glauk Konjufca, shef i grupit parlamentar të VV-së.

“Ne sot i bëjmë thirrje qeverisë dhe deputetëve të shumicës, që të zhbllokojnë Kuvendin përmes rishqyrtimit të këtyre marrëveshjeve, kthimit mbrapsht të tyre, diskutimit në Parlament dhe përfshirjes së Kuvendit. Nuk duhet përjashtimi i tij, apo sjellja e tij në një gjendje, që të informohet vetëm pas dhënies së vendimeve nga ekzekutivi”, tha Donika Kadaj Bujupi, shefe e grupit parlamentar të AAK-së.

Marrëveshjet e fundit mes Kosovës dhe Serbisë, si dhe marrëveshja ndërshtetërore për përcaktimin e kufirit me Malin e Zi janë çështje, që kanë përplasur rëndë pozitën dhe opozitën në Kosovë. Prej dy javësh, subjektet opozitare kanë pamundësuar punën e Kuvendit, me kërkesën që kryeministri Mustafa t’i anulojë këto marrëveshje.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

“80 miliardë euro që Greqia të dilte nga BE”/ Ish ministri tregon ndërhyrjen që prishi planin e Gjermanisë

Publikuar

-

Nga

Ish-ministri grek i Mbrojtjes Panos Kammenos ka zbuluar së fundmi një ofertë që Gjermania i ka bërë Greqisë për të dalë nga Bashkimi Europian.

Në një intervistë për televizionin ANT1, Kammenos tregoi se Gjermani kishte ofruar 80 miliardë lekë vetëm që Greqia të mos ishte më pjesë e BE.

“Varoufakis ra dakord me Schaueble që të merrte 80 miliardë euro dhe linte Eurozonën. Ai ndoqi linjën e Schaeuble”, tha ai.

Ish-ministri pretendon se u desh ndërhyrja e Amerikës dhe Francës që të shpërbëhej një plan i tillë, i lidhur nga ish-ministri i Financave Yanis Varoufakis dhe homologut i tij gjerman.

LEXO EDHE:  Rritja e pagave të zyrtarëve të lartë nxit protesta/ Sindikatat kërcënojnë me grevë

LEXO EDHE:  Shqipëri – Kosovë/ Mbërrin në Tiranë grupi i ministrave nga Kosova

Kammeno deklaron se kjo çoi Greqinë drejt zgjedhjeve të parakohshme, ndërsa Varoufakis e ka kundërshtuar dhe i ka quajtur të pavërteta këto pretendime. Ish-ministri i Financave e quajti Kammenon shpifës profesionist./ CNA.al

LEXO TE PLOTE

Kosova & Rajoni

Thirrja e ambasadorit Grenell për qeverinë Kurti/ Doni investime amerikane, hiqni taksën ndaj Serbisë

Publikuar

-

Nga

Ambasadori amerikan, Richard Grenell, i dërguar i posaçëm i presidentit Donald Trump për bisedimet Kosovë-Serbi, ritheksoi të martën kërkesën për heqjen e tarifave ndaj mallrave serbe. Në një postim në rrjetin social twitter, ambasadori Grenell tha se “është thelbësore që tarifat të hiqen, në mënyrë që investimet të funksionojnë”.

Ai i bëri këto komente në përgjigje të një postimi po në twitter të shefit ekzekutiv të programit për Kosovën të Korporatës “Sfidat e Mijëvjeçarit”, Petrit Selimi, lidhur me investimet e kësaj korporate në Kosovë.

Radiotelevizioni i Kosovës njoftoi se ambasadori Grenell ka komunikuar gjatë ditës me kryeministrin e Kosovës, Albin Kurtin, si dhe kryetaren e parlamentit Vjosa Osmani, të cilëve, sipas RTK-së “ua ka bërë të qartë se Shtetet e Bashkuara janë të gatshme të bëjnë investime miliona dollarëshe në Kosovë, nëse hiqen tarifat. “Megjithëkëtë’, sipas njoftimit të RTK-së, “SHBA-ja do t’i anulojë të gjitha këto projekte deri sa Qeveria nuk i heq taksat dhe nuk heq dorë nga planet për vendosje të reciprocitetit”, citon televizioni publik një burim të tij.

Korespondenti i radios “Zëri i Amerikës” ju drejtuar zyrës së ambasdorit Grenell me kërkesen për të sqaruar njoftimin lidhur me pezullimin e investimeve.

Zëdhënësi i ambasadorit Grenell, Dick Custin në përgjigjen e tij u shpreh se “Ambasadori Grenell gjithmonë e ka bërë të qartë se tarifat dëmtojnë ekonominë e Kosovës dhe i dërgojnë një mesazh të keq sektorit privat se Kosova nuk është një vend për të bërë biznes. Ai ka dëgjuar nga shumë afaristë brenda Kosovës, përfshirë disa ndërmarrje amerikane, se tarifat po i dëmtojnë ata. Ambasadori Grenell u ka bërë të qartë udhëheqësve politikë në Kosovë dhe Serbi se investimet amerikane në Kosovë nuk do të kenë rezultatin e dëshiruar për të ndihmuar ekonominë nëse tarifat vazhdojnë të jenë në fuqi. Dhe zëvendësimi i tarifave me më shumë barriera duke i quajtur ato “si masa të reciprocitetit ” gjithashtu do të jetë kundërproduktive për krijimin e vendeve të punës për të rinjtë”, thuhet në deklaratën e zëdhënësit të të dërguarit të posaçëm amerikan, Richard Grenell.

LEXO EDHE:  Kosovë, Qeveria planifikon dyfishim të tatimit mbi biznesin

LEXO EDHE:  Shqipëri – Kosovë/ Mbërrin në Tiranë grupi i ministrave nga Kosova

Qeveria e re e Kosovës e ka kushtëzuar heqjen e tarifave me vendosjen e masave të reciprocitetit të plotë më Serbinë. Por, ende është e paqartë se si do të realizohet një synim i tillë i qeverisë së re…

LEXO TE PLOTE

Kosova & Rajoni

Maqedonia e Veriut miraton Protokollin për anëtarësim në NATO

Publikuar

-

Nga

Kuvendi i Maqedonisë së Veriut miraton Protokollin për anëtarësim të vendit në NATO.

Mësohet se ky protokoll ka marrë 114 vota pro dhe asnjë kundër. Menjëherë pas votimit, jashtë Kuvendit u ngrit me ceremoni flamuri i NATO-s.

Kjo shënon një fillim të ri për Maqedoninë e Veriut lidhur me anëtarësimin në NATO.

Pritet që protokolli të ratifikohet edhe nga Spanja, në mënyrë që MV-së t’i hapet rruga për anëtarësim në NATO./ CNA.al

LEXO TE PLOTE