Connect with Us

Dy kamberë në një derë/ Rama JO e Meta PO, qeveria në krizë

Aktualitet

Dy kamberë në një derë/ Rama JO e Meta PO, qeveria në krizë

Publikuar

-

Qeveria Rama-Meta ndodhet në një krizë për shkak të kërkesës që kreu i LSI-së i ka bërë shefit të qeverisë për të ndryshuar disa prej ministrave të kabinetit. Por edhe për debatet që plasën në lidhje me skandalin e CEZ, apo problematikat e reflektuara në zgjedhjet lokale. Kriza sot u faktua publikisht, pas qëndrimeve të Ramës dhe Metës. Një deklaronte JO e tjetri thoshte PO.

Pas mbledhjes së sotme të Kryesisë së Lëvizjes Socialiste për Integrim, kryetari i saj Ilir Meta deklaroi hapur se qeveria ka nevojë për impulse të reja, si dhe kërkoi standartet më të larta të qeverisjes. Edhe pse ai u pyet konkretisht nga gazetarët nëse do të ketë lëvizje të ministrave, Meta u përgjigj se kjo gjë i përket Ramës.

Kreu i qeverisë Edi Rama, po sot pas mbledhjes së kryesisë dhe takimit me grupin parlamentar u shpreh se nuk do të ketë ndryshime në qeveri. “Vetë e thoni, vetë e besoni” do të shprehej për gazetarët Kryeministri Rama, duke nënkuptuar se nuk do të ketë lëvizje të asnjë ministri. Rama ka qenë koherent në deklaratat e tij, pasi në dy vite qeverisje, ai gjithnjë është shprehur se qeveria do të përfundojë mandatin e saj me këtë kabinet. Nga ana tjetër presioni i Metës vazhdon dhe ritet, ai ka kërkuar ndryshime në cabinet menjëherë pas zgjedhjeve lokale të 21 Qershorit./citynews

LEXO EDHE:  Një ditë ndryshe/ Rama uron me foton e vitit 1997

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

SHBA, senatorët marrëveshje për projektligjin dypartiak për infrastrukturën

Publikuar

-

Nga

SHBA, senatorët marrëveshje për projektligjin dypartiak për infrastrukturën

Në Senatin e Shteteve të Bashkuara, negociatorët kanë arritur një marrëveshje për paketën ligjore prej 1.2 trilionë dollarësh për infrastrukturën. Senatori republikan Rob Portman u tha gazetarëve të mërkurën se është rënë dakort për komponentët kryesorë të projektligjit.

Pas muajsh të tërë bisedimesh, kjo mund të hapë tashmë rrugën që legjislacioni të vazhdojë procesin e shqyrtimit në Senat. Madje kreu i shumicës, Senatori Chuck Schumer, tha se një votim procedurial për këtë projektligj dypartiak mund të zhvillohet që të mërkurën.

“Senatorët vazhdojnë të arrijnë progres”, tha Senatori demokrat Schumer në një fjalim në sallën e Senatit.

Senatorja republikane Susan Collins, megjithatë, paralajmëroi se disa detaje ishin ende duke u finalizuar.

Një tjetër senatore republikane, Lisa Murkowski, u tha gazetarëve se, “Unë mendoj se ekziston një vullnet i konsiderueshëm nga të dy kahët politikë që duan të arrijnë tek një paketë për infrastrukturën”.

Ajo shtoi se senatorët do të informohen për propozimin që po negociohet “gjatë orëve të ardhshme”.

LEXO EDHE:  “Vetë votojnë, vetë numërojnë”/ Vasili: Këto janë ditë të zeza

LEXO EDHE:  Zëri i Amerikës përgënjeshtron Ramën/ Ballili u dorëzua tek Ardi Veliu

Votimi procedurial thjesht do të kufizonte debatin kur Senati të fillojë të marrë në konsideratë projekt-ligjin dypartiak për investime në infrastrukturë që mendohet të jetë në shumën e rreth 1.2 trilionë dollarëve.

Më 21 korrik, republikanët e bllokuan një veprim të tillë, duke u ankuar se projekt-ligji nuk ishte shkruar ende.

Demokratët shpresojnë të kalojnë këtë muaj, ose në fillim të muajit tjetër, projektligjin për të cilin do të jetë rënë dakord në negociatat dypartiake.

Kjo mund të ndihmojë në eliminimin e pengesave për demokratët, të cilët duan të fillojnë punën për një tjetër projektligj me një buxhet prej rreth 3.5 trilionë dollarësh, të cilin republikanët zotohen se do ta kundërshtojnë./voa

LEXO TE PLOTE

Bota

Britania heq karantinën për të vaksinuarit nga SHBA-ja dhe BE-ja

Publikuar

-

Nga

Britania heq karantinën për të vaksinuarit nga SHBA-ja dhe BE-ja

Udhëtarët e vaksinuar plotësisht nga Shtetet e Bashkuara dhe pjesa më e madhe e Evropës, do të mund të hyjnë në Britani të Madhe pa iu nënshtruar masës së karantinës nga java e ardhshme, kanë thënë zyrtarët britanikë të mërkurën.

Qeveria britanike ka thënë se personat që kanë pranuar dy doza të vaksinës së miratuar nga Administrata amerikane për Ushqim dhe Ilaçe, apo nga Agjencia Evropiane e Ilaçeve, do të mund të mund të bëjnë teste për koronavirus para dhe pas hyrjes në Britani, në vend të izolimit për 10 ditë.

LEXO EDHE:  Bëhet gati SPAK/ Qeveria me “dorë të hekurt” ndaj korrupsionit dhe pastrimit të parave

LEXO EDHE:  Një ditë ndryshe/ Rama uron me foton e vitit 1997

Qeveria e Skocisë, që vendos vetë për politikat shëndetësore, ka marrë vendimin e njëjtë.

Irlanda Veriore, që është pjesë e Mbretërisë së Bashkuar, nuk ka bërë të ditur ndonjë vendim të ngjashëm.

Aktualisht, vetëm personat që janë vaksinuar në Britani, mund të mos i nënshtrohen masës së karantinës.

Megjithatë, ekziston një përjashtim në vendim: Franca, të cilën Mbretëria e Bashkuar e konsideron me rrezik të lartë, për shkak të prezencës të variantit Beta.

Vizitorët nga Franca do të vazhdojnë të përballen me masë të karantinës./rel

LEXO TE PLOTE

Politikë

Foto/ Rama mbërrin në Shkup, shëtitje me Zaev e Vuçiç, qytetarët iu kërkojnë ‘selfie’

Publikuar

-

Nga

Foto/ Rama mbërrin në Shkup, shëtitje me Zaev e Vuçiç, qytetarët iu kërkojnë ‘selfie’

Kryeministri Edi Rama ka mbërritur sot në Shkup, në kuadër të ‘Forumit Ekonomik’ që do të mbahet nesër.

Kreu i qeverisë është filmuar duke ecur rrugëve të Shkupit i shoqëruar nga kryeministri i Maqedonisë së Veriut, Zoran Zaev, si dhe nga presidenti i Serbisë, Aleksandër Vuçiç.

Gjatë kësaj ecjeje ata janë ndalur disa herë nga qytetarët, të cilët i kanë takuar dhe kanë kërkuar madje të bëjnë dhe foto.

LEXO EDHE:  Basha, kërkesë Qeverinë/ Zbardhen pesë pikat për biznesit

LEXO EDHE:  Bëhet gati SPAK/ Qeveria me “dorë të hekurt” ndaj korrupsionit dhe pastrimit të parave

Nuk kanë munguar dhe përshëndetjet nga lokalet.

“Ta bëjmë një selfie?”– thonë ata dhe afrohen për të pozuar me politikanët./CNA.al

LEXO TE PLOTE